Biblia Todo Logo
Bib sou entènèt

- Piblisite -




IJAI 55:2 - Bibəl ta Sar̄

2 Yá̰a̰ kəsa kə́ ə́sa anī ul̄ rɔ̄í ní, úń nar ādə̄ gírí i tām̄ rí tə́? Yá̰á̰ kə́ ə́sa anī ndānī aĺ ní, ī-njə́ɓā rɔ̄í najə̄n tə́ i tām̄ rí tə́? Ōōī najə̄ yāḿ majə, anī ā ə́ngeī yá̰á̰ kə́ majə gə̄ yā kəsa, ā ī-nāāī yá̰á̰ kə́ nel̄ gə̄.

Gade chapit la Kopi

Bible sar

2 Yá̰a̰ kəsa kə́ ə́sa anī ul̄ rɔ̄í ní, úń nar ādə̄ gírí i tām̄ rí tə́? Yá̰á̰ kə́ ə́sa anī ndānī aĺ ní, ī-njə́ɓā rɔ̄í najə̄n tə́ i tām̄ rí tə́? Ōōī najə̄ yāḿ majə, anī ā ə́ngeī yá̰á̰ kə́ majə gə̄ yā kəsa, ā ī-nāāī yá̰á̰ kə́ nel̄ gə̄.

Gade chapit la Kopi




IJAI 55:2
42 Referans Kwoze  

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.


Nə́ɓā, kem majə yāí i yá̰á̰ kə́ majə ngá̰ý! De gə̄ sāān̄ loo ɓɔ̄ɔ̄ rɔ̄ yādə́ i gír bɔ̄gīí tə́.


Kɔ́ɔ̄ɓē, i ḭ̄ n ī-rāā adə̄ m̄-ɓókíī tɔ̄ȳ dan kósə́ ngé kán̄ naā kə́ ngá̰ý gə̄ tə́ ní. M-ā m̄-ra dɔ ndūḿ ń m-ə̄nī m-ādī tə́ ní ta kum ngé ɓōĺ ndílí gə̄ tə́.


Ī-lōōī kadə̄ yá̰á̰ ndóō kə́ mbā kə́ gíŕdə́ i dáńg dáńg gə̄, rāān̄sí ādī ndúmī ta róbə. Kadə̄ kem majə kə́ Nə́ɓā rāā sejí n adə̄jí tɔ́gə ní, i yá̰á̰ kə́ majə, tɔȳ kadə̄ i ndū najə̄ gə̄ dɔ yá̰a̰ kəsa tə́. Ngé gə̄ ń unən̄ gō ndū najə̄ kə́ dɔ yá̰a̰ kəsa gə̄ tə́ ní əngen̄ yá̰á̰ kógə̄ḿ gírí alé.


M-ā m̄-rāā kadə̄ ngé tun̄ yá̰a̰ gə̄ əsan̄ dā̰ kə́ yḛmbə gə̄ kadə̄ ndān̄ kemdə́ ō, kadə̄ gír deē yāḿ gə̄ əngen̄ yá̰a̰ yāḿ gə̄ kadə̄ asə jīdə́ ō.


I tām̄ najə̄ ń noō tə́ n kɔr rāā nápar de gə̄ tām̄ yā hor tə́ ō, de kə́ kem ɓēé gə̄ a̰a̰n̄ tápə̄ kanjə̄ kumən ō ní. Yá̰a̰ gə̄ ń noō malang ḭḭn̄ i rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ aĺ a?


Dan ń sḭḭ̄ ī-rāāī yá̰á̰ kə́ majaĺ ní, ā ī-ndíbī horən. Gémē kə́ ɔr̄ dɔn aĺ a teē ndujə̄ alé. Ba ré teē ndujə̄ anī, tə̄rā gə̄ a əsan̄ kɔ̄ɔ́.


Sḭḭ̄ ń ī-gerī yá̰á̰ kə́ gōtə́ ní, sḭḭ̄ ń ə̄tōī ndū najə̄ yāḿ dan wursí tə́ ní, ōōī najə̄ yāḿ. Ī-lōōī ɓōĺ tájə̄ ndū gə̄ yā deē ndul gə̄, ādī mbóó ń nin̄ mbóon̄ sesí ní nujə kemsí alé.


Tá Jeju ɓāŕ kósə de gə̄ kə̄ rɔ̄n tə́ to̰, ba ədadə́ na: Sḭḭ̄ malang, ōōī najə̄ yāḿ, ba ī-gerī kum:


Ni-əla ngé kəla yān kə́ rang gə̄ ɓáý to̰ kəda de gə̄ ní tə́ na, yá̰a̰ kəsa yān na i kə́ rāā kɔ̄ɔ́. Na tɔ̄lə̄n̄ man̄g kə́ bəra gə̄ ō, bə̄yā̰ gə̄ kə batə̄ gə̄ kə́ yembə gə̄ ō. Yá̰a̰ malang na i kə́ rāā oy kɔ̄ɔ́. Ní, kə reēn̄ loo kəsa yá̰a̰ kaw̄ kújú tə́ tā.


Kɔ́ɔ̄ɓē əda na: Sḭḭ̄ ń majə kadə̄ ajən̄sí ní, sḭḭ̄ ń ī-sāāī gerə̄m̄ ní, ōōī najə̄ yāḿ. Á̰a̰ī mbal̄ ń tə́gā ɔrə̄n̄sí tū tə́ ní, kɔkərɔ kə́ kán̄ dɔ naā tə́ ń unən̄sí danaá ní.


M-ā m̄-ɓōkíī tɔ̄ȳ bátə́ kadə̄ m-óyń ō, m-ā m-ɔ́y jīḿ kə̄ dɔɔ́ tām̄ yā rīí tə́ ō.


Banī ngán Israel gə̄ ń a sāān̄ ndū najə̄ kə́ yā rāā sedə́ kadə̄ kə n-télən̄ de kə́ gōtə́ gə̄ ta kum Nə́ɓā tə́ ní, mānə̄n̄ dɔ ndū najə̄ ní kɔ̄ɔ́.


Nin̄-rāān̄ kəla yāḿ i ndāńg karī, tɔdɔ̄ yá̰a̰ gə̄ ń nin̄ a ndóōn̄ de gə̄ ní i ndū najə̄ yā de gə̄ ngóy.


Kɔ́ɔ̄ɓē əda na: Sḭḭ̄ gír deē yāḿ gə̄, ōōī najə̄ yāḿ, sḭḭ̄ nápar deē yāḿ gə̄, ī-nēlī mbīsí! I mā n m-ā m-ə̄ndā ndū najə̄ ō, yá̰á̰ kə́ súmūú ń m-ə̄ndā ngəran ní, i loo kə́ unjə̄ kow kə́ kadə̄ gír de gə̄ a̰a̰nə̄ń loo ō.


Ré síī ī-ndigiī kadə̄ dɔsí oō loo anī, ā ásiī kəsa yá̰á̰ kə́ majə gə̄ kə́ kem ɓēé.


Ī-reēī ə́saī yá̰a̰ yāḿ ō, ā̰yī kasə nduú ń m̄-rāā ní ō.


Ndoō ō ɓō ō a rāā ngé kənge yá̰a̰ gə̄, banī ngé sāā Kɔ́ɔ̄ɓē gə̄ nalə̄n̄ yá̰á̰ kógə̄ḿ alé.


Adə̄ yá̰á̰ ń a reē kə taā kemeé ní i najə̄ kə́ kɔjə, ba najə̄ ń ɔjən̄ ní i najə̄ yā Kərist.


Ī-reēī kə duĺ man̄g kə́ bo majə, ī-tɔ̄lī ādə̄ j-əsaī, ba jə-rāāī rɔ̄nel̄ ō,


Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.


Ngé kə́rēý gə̄ teēn̄ kə lɔ́ŕ kə́ ngá̰ý kem ngong yādə́ tə́. Nin̄ mbɔ̄jə́n̄ kɔȳ gində̄ arjā̰a̰ kə yá̰a̰ mbɔ̄jə́ kɔȳ yá̰á̰. Nin̄ dəjen̄ kɔdə̄ nge nōō yá̰a̰ kadə̄ rāā nə́ɓā kógə̄ḿ kə adə̄də́. Gō tə́ anī, nin̄ ɔsən̄ nodə́ nang tə́ no nə́ɓā ní tə́ ō, rɔȳnən̄ ō.


Kɔ́ɔ̄ɓē kə́ bo kə́ tɔ́gən i ngá̰ý a tə́ngā dā̰ kə́ yḛmbə tām̄ yā gír de gə̄ tə́ malang ō, a adə̄də́ kasə nduú kə́ majə dɔ tə́ ō, a əsan̄ i dā̰ kə́ ngəra aĺ ō, yḛmbə ō, a a̰ȳn̄ i kasə nduú kə́ kumən unjə̄ yáŕ yáŕ ō.


Tītə̄ ń toō Nə́ɓā adə̄ deē kógə̄ḿ yá̰á̰ ngá̰ý ō, adə̄n yá̰a̰ kənge gə̄ ō, kɔsə gɔn ō, yá̰a̰ malang ń kemən gḛy ní ənge ō, banī Nə́ɓā əya̰n adə̄ əsa yá̰a̰ yān ní alé, ba i de kə́ rang n i nge kəsa ní. Nge ń noō i yá̰á̰ kə́ kanjə̄ kumən ō, i yá̰á̰ kə́ majaĺ kə́ tōr̄ ngá̰ý ō,


Ba ngɔlaā ní, ngánə́ḿ gə̄, ōōī najə̄ yāḿ. Ré úniī kɔjə̄ yāḿ ī-rāāīneé yá̰a̰ anī rɔ̄sí a nel̄sí!


Ré yá̰a̰ gə̄ ń ɓōólaā m-ə̄ndā dɔsí tə́ kadə̄ ī-rāāī ní ī-rāāīdə́ rɔ̄kum, adə̄ ī-táriī Kɔ́ɔ̄ɓē Nə́ɓā yāsí ō, ī-rāāī kəla ādə̄niī kə ngarā̰ kemsí gēé malang ō, kə rɔ̄sí malang ō anī,


Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.


A̰ á̰, yá̰á̰ ń i bū ngóý ní n de gə̄ ń toō əhɔn̄ gō ní. Ndíĺdə́ rāā yá̰a̰ gōtə́ aĺ ō, gír̄ najə̄ yādə́ i gōtə́ aĺ ō. Nə́ɓā yādə́ a ajədə́ alé. De kógə̄ḿ dandə́ tə́ kə́ yā kəda na: Yá̰á̰ ń m-āwń jīḿ tə́ toō i nə́ɓā kə́ rɔ̄kum alé adə̄ to i kə̄ ndágá ní gətóo.


Ni-aw̄ beé bátə́ kadə̄ kum gərā urən teē dām̄ kə́rēý tə́. Ni ger̄ kadə̄ yá̰á̰ kə́ to yo a ngḛyn nang tə́, tītə̄ yel̄ kə́ nāgə́ a aw̄ kə̄ kum réńg tə́ beé alé.


Banī deē ń oō najə̄ yāḿ ní a ndi kanjə̄ sōl̄ yá̰á̰ kógə̄ḿ, a ndi jəke kanjə̄ sōl̄ yá̰á̰ kə́ to kum kaȳ aĺ.


Rɔ̄nel̄ i kə ngé gə̄ ń ɓō yá̰á̰ kə́ gōtə́ rāādə́ ō, kəndā yá̰á̰ kə́ gōtə́ rāādə́ ō ní, tɔdɔ̄ Nə́ɓā a rāā kadə̄ a ndānə̄n̄.


Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.


Ndɔ̄ ngeé ń noō tə́ ní, yá̰a̰ kətō ń ndi mbajə dɔ bɔ̄gīí tə́ ní, yá̰a̰ kətō ń ɔȳ míndí tītə̄ njúkə beé ní, ni a un kɔ̄ɔ́. Madə̄ ba̰ā̰ gə̄ aw̄n̄ Samari,


Kɔ́ɔ̄ɓē ənī ndūn ń toō kə ngagá ngá̰ý, əda na: Tītə̄ ń tɔ́gə́ḿ i ngá̰ý noó, m-ā m-ə́ya̰ madə̄ ba̰ā̰í gə̄ kadə̄ ulə̄n̄ rɔ̄də́ kə kōō gémē yāí to̰ alé. Tə̄rā gə̄ a a̰ȳn̄ kasə nduú yāí ń ɔ́r tāmən tə́ ní to̰ alé.


Banī ngé gə̄ ń ɔyn̄ kōō gémē ní, nin̄ kɔ́ gə̄ a əsan̄ ō, a ənīnəń pā tɔ̄ȳ Kɔ́ɔ̄ɓē ō. Ngé gə̄ ń a əjan̄ kan̄ nduú ní, nin̄ kɔ́ gə̄ a a̰ȳn̄ kasən ndágə loo gə̄ kə́ gīr̄ gidə kújə yā Kɔ́ɔ̄ɓē kə́ gidə loo yāḿ kə́ táĺ tə́.


Nin̄ a ɔrən̄ ndāńg karī to̰ alé. Nin̄ a ojən̄ ngán gə̄ yā ka̰a̰də́ loo koy tə́ to̰ alé. Tɔdɔ̄ nin̄ rāān̄ rɔ̄də́ i kojə yā ngé gə̄ ń mā m̄-tɔ́r̄ taḿ dɔdə́ tə́ ní, nin̄ gə̄gē ngáńdə́ gə̄gē.


De gə̄ dubə̄n̄ gémē, ba əjan̄ i kōn̄ ngar̄. De gə̄ rāān̄ kəla ɔrən̄, ba yá̰á̰ kə́ teēdə́ yá̰á̰ tə́ gətóó bátə́. Ādə̄ rɔ̄sí sɔl̄sí tām̄ kɔr kə́ to kə̄ dɔsí tə́. I wōn̄g kə́ ngá̰ý yā Kɔ́ɔ̄ɓē n rāā yá̰á̰ ní.


Ré sḭḭ̄ ōōī najə̄ kɔrə̄ḿ kə́ rɔ̄kum tə́ ō, ī-rāāī ādə̄ de gə̄ ətōn̄ yá̰á̰ kə́ kɔȳ gə̄ mānə̄n̄neé ta róbə gə̄ ń toō tə́ ndɔ̄ sabat tə́ aĺ ō, ī-ɓōlíī gidə ndɔ̄ sabat ō, ī-rāāī kəla ndɔ̄ ngeé ń noō tə́ aĺ ō anī,


Swiv nou:

Piblisite


Piblisite