IJAI 55:11 - Bibəl ta Sar̄

¹¹ To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

Bible sar

¹¹ To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

IJAI 55:11 Referans Kwoze

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

IJAI 46:10

Yá̰á̰ ń sɔɔ̄ kadə̄ rāā yá̰á̰ ní, m-ə́dá kété kɔ̄ɔ́ i ta kəla gíŕ tə́ nú. Yá̰á̰ kə́ kadə̄ rāā yá̰a̰ ba rāā yá̰a̰ aĺ ɓáý ní, mā m-ə́da najə̄n kɔ̄ɔ́ i kété jóó ngá̰ý. M-ə́da na: Yá̰á̰ ń m̄-núm̄ ní a reē yā kudə gíŕ kə́ rɔ̄ tə́. Yá̰a̰ malang ń m̄-ndigə ní, m-ā m̄-rāā.

Makətūbə̄ ń Pol ndang adə̄ Rom gə̄ ní 10:17

Adə̄ yá̰á̰ ń a reē kə taā kemeé ní i najə̄ kə́ kɔjə, ba najə̄ ń ɔjən̄ ní i najə̄ yā Kərist.

JA̰A̰ 6:63

I Ndíl n i nge rāā kadə̄ deē ndi kə kumneé ní, ba dā̰ rɔ̄ rāā yá̰a̰ alé. Najə̄ gə̄ ń m-ə́dásí ní i Ndíl ō, i ndi kə kumuú ō.

IJAI 45:23

Tītə̄ ń mā i Nə́ɓā kə́ rɔ̄kum noó, m̄-túbə̄ njaḿ, m-ɔ́jəń kadə̄ i rɔ̄kum, yá̰á̰ ń teē taḿ tə́ ní, i yá̰á̰ kə́ rɔ̄kum. Najə̄ kógə̄ḿ kə́ m-ā m̄-tūr̄ kem kār̄ kə́ rang tə́ aĺ n toó: Deē ndul gə̄ malang a ɔsən̄ kejədə́ nang tə́ noḿ mā tə́ ō, nin̄ a túbə̄n̄ yā kɔjəń kadə̄ i rɔ̄kum ō, a ədan̄ na:

1 KORḚNTƏ 1:18

Tɔdɔ̄ najə̄ kə́ dɔ koy ń Jeju oy tū kāgə̄ kə́ dēsə́ tə́ ní, i najə̄ kə́ to mbóo tām̄ yā ngé gə̄ ń a udən̄ kɔ̄ɔ́ tə́ ní, banī i tɔ́gə yā Nə́ɓā tām̄ yājí jḭḭ̄ ń j-a j-ajiī tə́ ní.

1 TESALONIK 2:13

Najə̄ ń jə-ndadə̄ń Nə́ɓā tām̄ yāsí tə́ ngándáńg ní n toó: Dan ń j-ɔjəsí najə̄ yā Nə́ɓā ādə̄ ōōī ō, ī-taāī ō ní, ī-taāī i tītə̄ najə̄ yā de gə̄ alé, ba i kə́ najə̄ yā Nə́ɓā nəkɔ́ tə́.

1 PIYER 1:23

Tɔdɔ̄ tél ojən̄sí gogə́ rang i kə kum kōō kə́ a ndum alé, banī i kə kum kōō kə́ dum̄ ndum, adə̄ i kə ta kūl̄ najə̄ yā Nə́ɓā ń i najə̄ kə́ ndi kə kumneé ō, a to kum gotən ō ní.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

HEBƏRO 6:7

Ré dɔ nang a̰ȳ man̄ kə́ edə dɔn tə́ kə̄ nja naā tə́, ba kōō kə́ majə əɓan̄ tū tə́ tām̄ yā ngé gə̄ ń ndɔrə̄n̄ dɔ nang ní tām̄ yādə́ tə́ ní anī, Nə́ɓā tɔ́r̄ tan dɔ nang ní tə́.

IJAI 54:9

M-ā m̄-rāā yá̰a̰ tītə̄ kə́ ɓāl̄ yā Noe tə́. Kété ní m-ə̄nī ndūḿ m-ə́da na man̄ kaw̄ kə́ bo ngá̰ý na a taā loo dɔ nang tə́ to̰ alé. Ɓōólaā m-ə̄nī ndūḿ tītə̄ ń noō ō, m-ə́da na m-ā m̄-rāā wōn̄g seí to̰ alé, m-ā m-ə́la ɓōĺ kemií tə́ to̰ alé.

NDŪ NAJƏ̄ 32:2

Ādə̄ yá̰á̰ ndóō yāḿ gə̄ edən̄ tītə̄ man̄ ō, ādə̄ najə̄ kə́ taḿ tə́ teē tītə̄ tal kə́ a tə́sō ō, i tītə̄ man̄ kə́ edə dɔ mbī kámbə́ tə́ ō, dɔ mu tə́ ō.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

IJAI 40:8

Mu tutə ō, hútə̄ yá̰a̰ ur̄ ō, banī najə̄ yā Nə́ɓā yājí to gotoó ngándáńg.

IJAI 53:10

Banī nge kəla yā Kɔ́ɔ̄ɓē ń rējə̄nən̄ kɔ̄ɔ́ ní, Kɔ́ɔ̄ɓē əda na najə̄ i yān. Adə̄ Kɔ́ɔ̄ɓē tél əndā nge ń adə̄ rɔ̄n kum gotə madə̄n gə̄ ní gotən kə́ kété tə́. Nge kəla yān a ənge ngán gə̄ ō, a ndi kə kumneé ɓáý dan i ngá̰ý ō. Yá̰á̰ ń Kɔ́ɔ̄ɓē núm̄ ní, Kɔ́ɔ̄ɓē rāā kadə̄ udə gírí i kə ta kūl̄neé.

IJAI 59:21

Kɔ́ɔ̄ɓē əda najə̄ kə́ rang dɔ tə́ ɓáý: Ba mā ɓáa, ndūḿ ń m-ə̄nī m-ādə̄ ngé gə̄ ń noō ní n toó: Ndílə́ḿ i dɔsí tə́ ō, m-ə̄ndā najə̄ yāḿ tasí tə́ ō. Nin̄ i tām̄ yāsí tə́ ō, tām̄ yā ngáńsí gə̄ tə́ ō, i tām̄ yā ngán kaasí gə̄ tə́ ō, ngɔlaā ō njɔ́ḿ kə̄ no tə́ ō. M-ā m̄-tél yā taādə́ jīsí tə́ kɔ̄ɔ́ aĺ i kə́ bátə́ gə̄ tə́. I mā Kɔ́ɔ̄ɓē n m-ə́da na najə̄ ń noō i rɔ̄kum ní.

JEREMI 23:20

Wōn̄g yā Kɔ́ɔ̄ɓē a tetə alé, bátə́ kadə̄ rāań yá̰á̰ ń núm̄ ní adə̄ udə gírí majə. Ndɔ̄ń tə́ anī ā ī-gerī kum yá̰á̰ ní ɓáý.

EJEKIEL 24:14

I mā Kɔ́ɔ̄ɓē m-ɔ̄r̄ najə̄ ō, yá̰á̰ m-ə́dá ní m-ā m̄-rāā ō. M-ā m̄-tél kə gōḿ aĺ ō, kumḿ a o̰o̰m̄ aĺ ō. M-ā m̄-ndə̄ngā rɔ̄ḿ najə̄ yá̰á̰ kógə̄ḿ tə́ aĺ ō. Jerusalem, m-ā m̄-rāā sarya seí sɔɔ̄ń hálí ō, yá̰a̰ rāāí gə̄ ō. Yá̰á̰ ń Kɔ́ɔ̄ɓē Nə́ɓā əda ní n noó.

AMOS 6:11

Tɔdɔ̄ i yā Kɔ́ɔ̄ɓē kadə̄ adə̄ ndūn, anī nujən̄ kújə́ kə́ bo gə̄ kɔ̄ɔ́ ō, ngé kə́ dūú gə̄ tétə̄n̄ rárák kɔ̄ɔ́ ō!

1 SAMUEL 3:19

Samuel tɔgə. Kɔ́ɔ̄ɓē i naā tə́ seneé ō, əya̰ najə̄ yān kógə̄ḿ adə̄ əsō nang tə́ aĺ ō.

JEREMI 1:11

Kɔ́ɔ̄ɓē ɔr̄ najə̄ seḿ əda na: Jeremi, i rí n á̰a̰ā̰? M-ə́da na: Yá̰á̰ ń m-á̰a̰ā̰ ní, i ta jī kāgə̄ amand.

JEREMI 1:12

Kɔ́ɔ̄ɓē ədam̄ na: Ḭ̄ á̰a̰ kə gōó majə. M-ə̄ndā kumḿ gír najə̄ yāḿ tə́ kadə̄ reē udə gírí.

JEREMI 1:13

Kɔ́ɔ̄ɓē ɔr̄ najə̄ seḿ ɓáý to̰ nja kə́ nge ko̰ jōó əda na: I rí n á̰a̰ā̰? M-ə́da na: Yá̰á̰ ń m-á̰a̰ā̰ ní, i jóo gində̄ kə́ bo kə́ ndi dɔ hor tə́ a ndīr̄ dām̄ mbɔ́r ɓē kə́ ko̰ó̰ tə́.

JEREMI 25:13

M-ā m̄-rāā kadə̄ yá̰a̰ gə̄ malang ń m-ɔ̄r̄ najə̄də́ dɔ ɓē ń toō tə́ ní, a reēn̄ dɔn tə́. Yá̰a̰ malang ń ndangən̄ kem makətūbə̄ ń toō tə́ ní ō, najə̄ ń Jeremi oō taḿ tə́ á ɔr̄ sɔɔ̄ dɔ de gə̄ ní ō.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.