IJAI 55:10 - Bibəl ta Sar̄

¹⁰ Man̄ ō, néjə ō, ḭḭn̄ dɔ rā̰ tə́ tə́sōn̄. Nin̄ tél aw̄n̄ gogə́ dɔ rā̰ tə́ kanjə̄ rāā kadə̄ yá̰á̰ kógə̄ḿ to alé. Nin̄ rāān̄ adə̄ dɔ nang yḭ̄l̄ ō, teē yá̰a̰ ō, kum yá̰a̰ gə̄ əɓan̄ ō. I tītə̄ ń noō n nin̄ a adə̄nəń de gə̄ kum yá̰á̰ kə́ yā dubə̄ ō, yá̰á̰ kə́ yā kəsa ō ní.

Bible sar

¹⁰ Man̄ ō, néjə ō, ḭḭn̄ dɔ rā̰ tə́ tə́sōn̄. Nin̄ tél aw̄n̄ gogə́ dɔ rā̰ tə́ kanjə̄ rāā kadə̄ yá̰á̰ kógə̄ḿ to alé. Nin̄ rāān̄ adə̄ dɔ nang yḭ̄l̄ ō, teē yá̰a̰ ō, kum yá̰a̰ gə̄ əɓan̄ ō. I tītə̄ ń noō n nin̄ a adə̄nəń de gə̄ kum yá̰á̰ kə́ yā dubə̄ ō, yá̰á̰ kə́ yā kəsa ō ní.

IJAI 55:10 Referans Kwoze

NDŪ NAJƏ̄ 32:2

Ādə̄ yá̰á̰ ndóō yāḿ gə̄ edən̄ tītə̄ man̄ ō, ādə̄ najə̄ kə́ taḿ tə́ teē tītə̄ tal kə́ a tə́sō ō, i tītə̄ man̄ kə́ edə dɔ mbī kámbə́ tə́ ō, dɔ mu tə́ ō.

IJAI 30:23

Loo ń noō tə́ Kɔ́ɔ̄ɓē a rāā kadə̄ man̄ edə dɔ kum yá̰a̰ gə̄ ń ī-dubə̄ tə́ ní ō, yá̰a̰ kəsa ń dɔ nang a adī ní a i ngá̰ý ō, a nel̄ ngá̰ý ō. Ndɔ̄ ngeé ń noō tə́ ní, ɓūtə̄ yá̰a̰ kul̄ yāí gə̄ a aw̄n̄ ko̰ó̰ loo kə́ bo tə́.

EJEKIEL 34:26

M-ā m-ə́yá̰də́ yā kadə̄ nin̄ a ndin̄ kə kumdə́ kadə ngōn̄ mbal̄ bo yāḿ kə́ táĺ tə́. M-ā m̄-rāā man̄ kadə̄ a edə kə kum mbang kə́ majə ō, man̄ ní a rāā majə sedə́ ō.

OJEE 10:12

Ré yá̰á̰ ń ī-dubī ní i yá̰á̰ kə́ gōtə́ anī, yá̰á̰ ń ā ə́jaī ní, i kem majə. Ī-tə́gāī loo ndɔr̄ kə́ kijə tām̄ yāsí tə́. I kum mbang sāāḿ mā Kɔ́ɔ̄ɓē n toó, tá yā ngóoń kadə̄ m̄-reē m̄-rāā man̄ yá̰á̰ kə́ gōtə́ kadə̄ edə dɔsí tə́.

IJAI 61:11

Tītə̄ ń dɔ nang rāań adə̄ ngán kāgə̄ yān gə̄ əɓan̄ ní, tītə̄ ń ndɔr̄ rāań adə̄ kum yá̰a̰ yān gə̄ əɓan̄ ní, Kɔ́ɔ̄ɓē Nə́ɓā rāā adə̄ tetə rɔ̄ɔ̄ ō, tɔ̄ȳ ō, əɓan̄ ta kum nápar de gə̄ tə́ malang beé ō.

JEJU TEĒ KUM JA̰A̰ 11:6

Nin̄-aw̄n̄ kə tɔ́gə kutə̄ ta dɔ rā̰, kadə̄ man̄ edə alé kem ndɔ̄ gə̄ ń nin̄ a ədan̄neé najə̄ ń Nə́ɓā əndā tadə́ tə́ ní ō, aw̄n̄ kə tɔ́gə rāā kadə̄ man̄ téĺ mósə ō, aw̄n̄ kə tɔ́gə kənda dɔ nang kə yá̰á̰ kə́ tōr̄ kə́ tayā tayā gə̄ kadə̄ asə kumən yādə́ ō.

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

1 SAMUEL 23:4

Dabid tél dəje Kɔ́ɔ̄ɓē najə̄ ɓáý to̰, anī Kɔ́ɔ̄ɓē ədan na kə ɔr̄ dɔɔ́ kə aw̄ Keila na n-a n-əla Pilistin gə̄ jīn tə́.

OJEE 2:21

Israel, ā ī-tél nge nong yāḿ, ba i kə́ ngándáńg tə́. Ā ī-tél nge nong yāḿ, ba nar gírí ń m-ā m-ādə̄ ní i ra dɔ ndū tə́ ō, i yá̰a̰ rāā kə́ gōtə́ ō, i tár ō, rāā tɔdɔ̄ naā ō.

PĀ GƏ̄ 104:15

Kasə nduú rāā adə̄ rɔ̄ de gə̄ nel̄də́ ō, rāā adə̄ ta kumdə́ ndə́lē tɔȳ yibə̄ kə́ ndum ō, yá̰a̰ kəsa tél adə̄də́ tɔ́gə ō.