IJAI 55:1 - Bibəl ta Sar̄

¹ Sḭḭ̄ malang ń kə̄ndā man̄ rāāsí ní, man̄ n toó, ī-reēī! Ká ré nar gətóoń jīsí tə́ gə̄gē, ī-reēī! Ī-mangiī yá̰á̰ kə́ kadə̄ ə́saī, a adə̄n̄sí i karī. Ī-reēī, ī-mangiī kasə nduú ō, mba ō, kanjə̄ nar.

Bible sar

¹ Sḭḭ̄ malang ń kə̄ndā man̄ rāāsí ní, man̄ n toó, ī-reēī! Ká ré nar gətóoń jīsí tə́ gə̄gē, ī-reēī! Ī-mangiī yá̰á̰ kə́ kadə̄ ə́saī, a adə̄n̄sí i karī. Ī-reēī, ī-mangiī kasə *nduú ō, mba ō, kanjə̄ nar.

IJAI 55:1 Referans Kwoze

JEJU TEĒ KUM JA̰A̰ 21:6

Ba əda ɓáý to̰ na: I kə́ rāā kɔ̄ɔ́ ɓá. Mā i Alpa ō, Omega ō, ta kəla gír ō, ta tɔ̄l̄ ta ō. Deē ń kəndā man̄ rāān anī, m-ā m-ādə̄n man̄ kə́ teē ta kəɓan tə́ karī, kadə̄ ré a̰ȳ anī, ndi kə kumneé.

JEJU TEĒ KUM JA̰A̰ 22:17

Ndíl ō, dəyá̰ nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.

IJAI 44:3

Tām̄ mā m̄-rāā kadə̄ man̄ a nūgə́ dɔ nang kə́ kəndā man̄ a rāān tə́ ō, m-ā m̄-rāā kadə̄ ngán man̄ gə̄ a nūgə́n̄ dɔ nang kə́ tutə tə́ ō. M-ā m̄-ɓōkə́ ndílə́ḿ dɔ ngání gə̄ tə́ ō, m-ā m̄-tɔ́r̄ taḿ dɔ ngán kaaí gə̄ tə́ ō.

PĀ GƏ̄ 143:6

M-ə́la jīḿ kə̄ rɔ̄í tə́ m̄-rāāīneé ɓɔ̄ɔ̄. Mā m̄-rā noí tə́ tītə̄ dɔ nang kə́ tutə kákə́rá kákə́rá beē.

JEJU TEĒ KUM JA̰A̰ 22:1

Gō tə́ anī, de kə́ dɔ rā̰ tə́ ní ɔjəm̄ man̄ bā kógə̄ḿ kə́ deē a̰ȳ anī a ndi kə kumneé. Bā ní kumən unjə̄ yáŕ yáŕ tītə̄ bətēl̄ kəristal beé ō, teē i tū kōr̄ kāgə̄ mbang yā Nə́ɓā tə́ ō, yā Ngōn̄ Batə̄ tə́ ō.

MATIYE 13:44

Ɓē ko̰o̰ kə́ dɔ rā̰ tə́ to i tītə̄ yá̰a̰ kənge kə́ gātə̄n i ngá̰ý kə́ ɓɔ̄ɔ̄ kem ndɔrɔ́ beē. Deē ń teē dɔ tə́ ní un ɓɔ̄ɔ̄ kə̄ kété. Rɔ̄n nelə̄n ngá̰ý adə̄ aw̄ igə yá̰a̰ yān malang ba reē mang ndɔr̄ ní.

MATIYE 10:8

Ī-rāāī ngé mo̰y gə̄ ādə̄ rɔ̄də́ ngáā ō, ī-ndólī de kə́ koy gə̄ ō, ī-rāāī ādə̄ bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, ī-tə̄ɓāī ndíĺ kə́ majaĺ gə̄ kɔ̄ɔ́ ō. Sḭḭ̄ ə́ngeī i karī ní, ādī de gə̄ karī ō.

PĀ GƏ̄ 63:1

Pā yā Dabid. Kum pā ní ɔr̄ i najə yā Dabid, dan ń ni ndiń kem dəla loo kə́ Juda tə́ ní.

IJAI 52:3

Yá̰á̰ Kɔ́ɔ̄ɓē əda gír deē yān gə̄ ní n toó: Igən̄ sesí tītə̄ ɓəlo gə̄ i karī beé, a gāngə̄n̄ dɔsí i kanjə̄ nar.

JEJU TEĒ KUM JA̰A̰ 3:18

m-ɔ̄jī kadə̄ ī-mang lɔ́ŕ kə́ nō horoó jīḿ tə́ tá kadə̄ ī-téləń de kə́ nge kənge yá̰a̰ ō, ī-mang kūbə̄ kə́ ndaa jīḿ tə́ ə́la rɔ̄í tə́, tá kadə̄ rɔ̄í sɔlīneé najə̄ yā rɔ̄í kə́ karī tə́ aĺ ō, ī-mang dáwá kum jīḿ tə́ úr kumií tə́ tá kadə̄ á̰a̰ń loo ō.

1 PIYER 2:2

Majə kadə̄ ī-toī tītə̄ ngáń kásə̄ gə̄ beé, ādī ɓō mba kə́ unjə̄ njáý njáý ń i Najə̄ yā Nə́ɓā ní rāāsí. Yā kadə̄ ré ā̰yī anī ī-tɔgiī tām̄ yā kajə tə́.

Makətūbə̄ ń Pol ndang adə̄ Rom gə̄ ní 3:24

Ba Nə́ɓā rāādə́ adə̄ télən̄ de kə́ súmūú gə̄ i karī kə ta kūl̄ rajə yānneé, tām̄ Jeju Kərist gān̄g dɔdə́.

OJEE 14:4

Dɔ nang kə́ Asiri asə kajəjí alé. J-a j-ḭḭ gidə sə́nda rɔ̄ɔ̄ gə̄ tə́ to̰ alé. Yá̰á̰ kə́ tɔ́sə̄ kum gotə yá̰a̰ gə̄ ń jḭḭ kɔ́ gə̄ jə-tɔ́sə̄ kə jījí ní, j-a jə-ɓāŕdə́ na i Nə́ɓā yājí to̰ alé. Tɔdɔ̄ i ḭ̄ ngóy n á̰a̰ kum tō ndoō yā ngán hal gə̄ ní.

PĀ KƏ́ MAJƏ 5:1

Ngōkó̰ó̰ḿ kə́ dəyá̰, nge nong yāḿ, m̄-reē kem ndɔr̄ yāḿ tə́. M-ɔ̄r̄ nō kāgə̄ mír yāḿ naā tə́ kə nō kāgə̄ bomə yāḿ. M-ə́sa mbar̄ tejə yāḿ ō, m-ó̰o̰ yibə̄ tejə yāḿ ō. M-ā̰ȳ kasə nduú yāḿ ō, m-ā̰ȳ mba yāḿ ō! Madə̄ḿ gə̄, ə́saī yá̰a̰ ō, ā̰yī ō, ādī tár rāāsí kə́ kasə tə́!

Gōsə̄ najə̄ gə̄ 8:4

I sḭḭ̄ deē ndul gə̄ n m̄-ɓāŕsí ní. M-ɔ̄r̄ najə̄ i kə ngán deē ndul gēé.

MATIYE 26:29

Ādə̄ m-ə́dásí najə̄ kə́ bo ngá̰ý, ngɔlaā ní m-ā m-ā̰ȳ kasə nduú ń toō to̰ alé, bátə́ ndɔ̄ ń m-ā m-ā̰yń kə́ kijə naā tə́ sesí kem Ɓē ko̰o̰ yā Bɔbə́ḿ tə́ ní.

JAKARI 9:15

Kɔ́ɔ̄ɓē kə́ bo kə́ tɔ́gən i ngá̰ý a ngɔ̄m̄ de gə̄ kə́ dan gír deē yān gə̄ tə́. Kɔkərɔ gə̄ kə́ kem bējə̄ gə̄ tə́ ní, nin̄ a nujənə̄ń kɔ̄ɔ́ ō, a tɔ̄ɔ̄n̄ kɔ̄ɔ́ ō. A ɓōkə́n̄ mósə madə̄ ba̰ā̰də́ gə̄ nang tə́ tītə̄ kasə nduú beē. Nin̄ a ɓōkə́n̄ tītə̄ mósə dā̰ kə́ tɔ̄l̄ yā tun̄ beé, kem bay ndējə̄ yá̰á̰ tə́, aláa tītə̄ mósə́ kə́ ɓōkə́ tū gajə gə̄ kə́ kíl loo tun̄ yá̰á̰ tə́ beē.

PĀ KƏ́ MAJƏ 1:4

Əhɔ ta jīḿ, ī-ndɔ́rə̄m̄ gōí tə́ ō, ādə̄ j-a̰ȳ ngɔ̄də̄ ō. Ḭ̄ i mban̄g yāḿ, āw̄ seḿ kújə yāí tə́. Ī-rāā ādə̄ jḭḭ kɔ́ gə̄ jōó mbak ní rɔ̄jí nel̄jí ngá̰ý. Ādə̄ jə-tɔ̄ȳ tár yāí tɔȳ loo kɔr ta kasə nduú. Ngáń kə́ dəyá̰ gə̄ ń nel̄də́ seí ní najə̄ i yādə́!

1 KORḚNTƏ 3:2

M-ādə̄sí i mba ba i yá̰a̰ kəsa kə́ ngan̄g alé. Tɔdɔ̄ sḭḭ̄ ásiī kəsa yá̰á̰ kə́ ngan̄g aĺ ɓáý. Tá ɓōólaā gə̄gē ní sḭḭ̄ ásiī aĺ ɓáý.

JAKARI 10:7

De kə́ dəngam gə̄ kə́ Epəraim a əhɔn̄ rɔ̄də́ tɔgə, tītə̄ go̰ rɔ̄ɔ̄ gə̄ beé. Rɔ̄də́ a nel̄də́, tītə̄ kə́ a̰ȳn̄ i kasə nduú beé. Dan ń ngáńdə́ gə̄ a̰a̰n̄də́ anī, a rāān̄ rɔ̄nel̄ ō, a ndāmə̄n̄ ndām̄ rɔ̄nel̄ najə̄ yā Kɔ́ɔ̄ɓē tə́ ō.

JAKARI 2:6

m̄-dəjen najə̄ m-ə́da na ké a aw̄ i kə̄ rá wa. Anī ni-tél ədam̄ na: M-āw̄ i kə̄ mbɔ̄jə́ ɓē kə́ Jerusalem tə́, yā gerə̄ń laan ō ngālə̄n ō.

RUTƏ 4:1

Boj aw̄ ndi loo sarya tə́. Anī nge gān̄g dɔ ń ni-əda Rutə najə̄ yān ní a mān̄. Ni-ɓārə́n ba ədan na kə reē kə ndi laā. Anī deē ní reē ndi.

PĀ KƏ́ MAJƏ 1:2

Ə́hɔm̄ kə̄ rɔ̄í tə́ ī-ɓirə̄m̄ dagə, ə́hɔm̄ kə̄ rɔ̄í tə́ ī-ɓirə̄m̄ dagə! Tɔdɔ̄ tɔ́ý ń ī-tɔ́y rɔ̄ḿ ní majə tɔȳ kasə nduú ō,

NŌŌ RƆ̄ 5:4

J-adə̄ i nar tá j-ɔdəń man̄ yājí j-a̰ȳ ō, j-əgā i nar tá j-ɔyń kīr̄ yājí gə̄ kə̄ ɓēé ō.

MATIYE 5:6

Rɔ̄nel̄ i kə ngé gə̄ ń ɓō yá̰á̰ kə́ gōtə́ rāādə́ ō, kəndā yá̰á̰ kə́ gōtə́ rāādə́ ō ní, tɔdɔ̄ Nə́ɓā a rāā kadə̄ a ndānə̄n̄.

KƏLA RĀĀ 8:20

Anī Piyer tél ədan na: Nar yāí gə̄gē, īkɔ́ gə̄gē, ā údiī kɔ̄ɔ́ mbak. Tɔdɔ̄ yá̰á̰ ń Nə́ɓā a adə̄ deē i karī ní, ḭ̄ ī-gír̄ mang kə naraá.

Gōsə̄ najə̄ gə̄ 9:5

Ī-reēī ə́saī yá̰a̰ yāḿ ō, ā̰yī kasə nduú ń m̄-rāā ní ō.

EJEKIEL 47:1

Ni-tél reē seḿ kum kə̄ ta róbə́ kə́ yā kudəń kem kújə yā Kɔ́ɔ̄ɓē tə́. Anī m-á̰a̰ man̄ a əɓa nang tə́ ta kújə yā Kɔ́ɔ̄ɓē tə́ dām̄ kə́ gír ɓē tə́, tɔdɔ̄ ta kújə yā Kɔ́ɔ̄ɓē ní ra i dām̄ kə́ gír ɓē tə́. Man̄ ní əɓa nang tə́ dām̄ kújə yā Kɔ́ɔ̄ɓē kə́ dām̄ mbɔ́r ɓē kə́ ko̰ó̰ tə́ ba mān̄ aw̄ dām̄ loo tun̄ yá̰á̰ kə́ dām̄ mbɔ́r ɓē kə́ geleé tə́.

EJEKIEL 47:9

Loo malang ń man̄ ń noō a mān̄ tū tə́ ní yá̰á̰ kə́ kumuú gə̄ malang a rāān̄ rɔ̄də́. Kānjə̄ gə̄ a ojən̄ naā ngá̰ý, tɔdɔ̄ man̄ ní a ugə̄ noō ō, kum man̄ bā bo a majə ō, loo malang ń man̄ ń noō a teē tū tə́ ní yá̰a̰ gə̄ a ndin̄ kə kumdə́ ō.

Gōsə̄ najə̄ gə̄ 9:1

Kum kedə̄ tə́gā bir̄ nja kújə gə̄ sīrí ba rāā kújə yān.

IJAI 1:19

Ré síī ī-ndigiī kadə̄ dɔsí oō loo anī, ā ásiī kəsa yá̰á̰ kə́ majə gə̄ kə́ kem ɓēé.