IJAI 54:2 - Bibəl ta Sar̄

² Ī-teē kem kújə tandā yāí kə̄ gogə́ ādə̄ kemən bo, kūbə̄ kə́ laa tɔȳ madə̄ gə̄ ní, ī-ndɔ́r̄ gō kəlādə́ gə̄, yā kadə̄ ī-ndi gíŕdə́ tə́, ī-lōō tə́da kutə nar yāí ń udə ní. Ī-rɔ́tə̄ kəlā gə̄ ta madə̄ gə̄ tə́ ō, kāgə̄ kə́ tadə́ atə dām̄ kógə̄ḿ gə̄ ń ī-túdə̄də́ nang tə́ ní, ə́nda gōdə́ ādə̄ ran̄ ngan̄g ō.

Bible sar

² Ī-teē kem kújə tandā yāí kə̄ gogə́ ādə̄ kemən bo, kūbə̄ kə́ laa tɔȳ madə̄ gə̄ ní, ī-ndɔ́r̄ gō kəlādə́ gə̄, yā kadə̄ ī-ndi gíŕdə́ tə́, ī-lōō tə́da kutə nar yāí ń udə ní. Ī-rɔ́tə̄ kəlā gə̄ ta madə̄ gə̄ tə́ ō, kāgə̄ kə́ tadə́ atə dām̄ kógə̄ḿ gə̄ ń ī-túdə̄də́ nang tə́ ní, ə́nda gōdə́ ādə̄ ran̄ ngan̄g ō.

IJAI 54:2 Referans Kwoze

IJAI 33:20

Á̰a̰ ɓē kə́ Jerusalem, á̰a̰ ɓē kə́ Siyo̰, ɓē rāā pétə yājí gə̄. Ni a to ta kumií tə́ i tītə̄ loo kə́ deē ndi tū tə́ anī a sōl̄ yá̰á̰ kógə̄ḿ alé beé, i tītə̄ kújə tandā kə́ deē a ndɔ́təń to̰ alé beé. Deē a ró̰ȳ kāgə̄ njan gə̄ kə́ kənda nang tə́ aĺ i kə́ bátə́ gə̄ tə́, deē a tútə kəlān gə̄ aĺ bátə́.

Teē Ngán Israel gə̄ 39:40

- ndogə̄ kūbə̄ gə̄ kə́ yā gāngəń gíŕ ndágə loo kə́ gīr̄ gidə kújə yā Kɔ́ɔ̄ɓē ō, kāgə̄ ndogə̄ gə̄ ní ō, bir̄ njadə́ gə̄ ō, kūbə̄ kə́ ta róbə ndogə̄ tə́ ō, kəlān gə̄ ō, bēlə̄n gə̄ kə́ yā kənda nang tə́ ō, ngáń gájə́ yá̰a̰ rāā kəla gə̄ malang kə́ kem kújə ndi Kɔ́ɔ̄ɓē tə́ ń i kújə kənge naā ní ō,

JEREMI 10:20

Kújə tandā yājí gə̄ nujən̄ sák sák kɔ̄ɔ́, kəlādə́ gə̄ gángə̄n̄ malang kɔ̄ɔ́. Ngánjí gə̄ əya̰n̄jí kɔ̄ɔ́, nin̄ gətóon̄. De gə̄ kə́ kadə̄ rákə̄n̄ tandā yājí gə̄ gətón̄ bátə́ ō, de gə̄ kə́ kadə̄ rákə̄n̄ gérger yājí gə̄ gətón̄ bátə́ ō.

Teē Ngán Israel gə̄ 35:18

bēl̄ gə̄ kə́ yā tṵ́ṵ̄ kəlā kújə tandā yā Kɔ́ɔ̄ɓē tū tə́ gə̄ ō, kə́ yā tṵ́ṵ̄ kəlā ndogə̄ kūbə̄ tū tə́ gə̄ ō, naā tə́ kə kəlādə́ gēé,

TA KƏLA 26:22

Ni-ndɔ́tə̄ loo ń noō tə́ ba aw̄ ndēr̄ bəlo man̄ kə́ rang kə́ nge ko̰ mətá. Bəlo man̄ ní tā a kɔ̄l̄ gətóo dɔ tə́, adə̄ əndā rīn na i Rehobot, kumən na i loo kə́ kɔr̄ kemən kə̄ gogə́. Tɔdɔ̄ ni-əda na: Kɔ́ɔ̄ɓē aw̄ sejí loo kə́ ndágə́ tə́ kadə̄ j-əngeī yá̰a̰ dɔ nang ń toō tə́.

IJAI 26:15

Kɔ́ɔ̄ɓē, ī-rāā adə̄ kutə nápar deē yāí gə̄ i ngá̰ý, ḭ̄ ɔ́jə kɔsə gɔn yāí, ḭ̄ ī-rāā adə̄ nápar deē yāí gə̄ tɔgən̄, ḭ̄ ɔ́jə kɔsə gɔn yāí, ḭ̄ ī-tél kə dɔ nin̄ loo gə̄ yā ɓēé kə̄ gogə́ malang.

MISE 7:11

Ndɔ̄ a reē noó, kadə̄ a télən̄ yā kəndā ndogə̄ mbal̄ kə́ gidə ɓē bo yāsí tə́ gogə́. Ndɔ̄ ngeé ń noō tə́ ní, a teēn̄ kem dɔ nang yāsí kə̄ gogə́.