IJAI 53:8 - Bibəl ta Sar̄

⁸ Əhɔnən̄ ba gāngə̄n̄ sarya dɔn tə́, gō tə́ anī rāānən̄ adə̄ ni gətóo kɔ̄ɔ́. Ba i náā n əndā kumən gíŕ yá̰á̰ ń rāān tə́ ní? A̰á̰ā̰, rāānən̄ adə̄ ni gətóo kɔ̄ɔ́ dɔ nang ń de gə̄ ndin̄ kə kumdə́ tū tə́ ní tə́, əndanən̄ adə̄ oy, najə̄ yá̰a̰ rāā kə́ gōtə́ aĺ gə̄ yā gír deē yān gə̄ tə́.

Bible sar

⁸ Əhɔnən̄ ba gāngə̄n̄ sarya dɔn tə́, gō tə́ anī rāānən̄ adə̄ ni gətóo kɔ̄ɔ́. Ba i náā n əndā kumən gíŕ yá̰á̰ ń rāān tə́ ní? A̰á̰ā̰, rāānən̄ adə̄ ni gətóo kɔ̄ɔ́ dɔ nang ń de gə̄ ndin̄ kə kumdə́ tū tə́ ní tə́, əndanən̄ adə̄ oy, najə̄ yá̰a̰ rāā kə́ gōtə́ aĺ gə̄ yā gír deē yān gə̄ tə́.

IJAI 53:8 Referans Kwoze

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

KƏLA RĀĀ 8:33

Əlan̄ rɔ̄sɔl̄ dɔn tə́ ō, gāngə̄n̄ sarya yān kə gōó aĺ ō. I náā n a asə kɔr̄ najə̄ yā de kə́ gōn tə́ gə̄ ní? Tɔdɔ̄ rāān̄ adə̄ gír yān gān̄g kɔ̄ɔ́ dɔ nang tə́.

JA̰A̰ 19:7

Jipə gə̄ tél ədanən̄ na: Jḭḭ j-aw̄ kə ndū najə̄ kógə̄ḿ, ba kə gō ndū najə̄ yājí ngeé ń toō ní sɔɔ̄ kadə̄ ni-oy, tɔdɔ̄ ni-rāā rɔ̄n i Ngōn̄ Nə́ɓā tə́.

IJAI 53:12

I tām̄ najə̄ ń toō tə́ n m-ə̄ndān dan de gə̄ kə́ boon̄ tɔȳn̄ madə̄də́ gə̄ tə́ ní. Ni ō, ngé gə̄ ń tɔ́gə́də́ tɔȳ yā madə̄də́ gə̄ ní ō, a kēgə̄n̄ naā yá̰a̰ kənge gə̄ yā madə̄ ba̰ā̰. Tām̄ ni-ndigə koy kə gō kem ndigə yān nəkɔ́ ō, ndigə kadə̄ ni i dan ngé gān̄g róbə gə̄ tə́ ō. A̰á̰ā̰, ni un majaĺ yā de kə́ ngá̰ý gə̄ dɔn tə́ ō, udə dan najə̄ yā de gə̄ kə́ najə̄ i dɔdə́ tə́ yā rāā kadə̄ majə ō.

DANIEL 9:26

Ba gō ɓāl̄ kə́ sīrí nja kutə mehḛ́ gidə i jōó tə́ ɓáa a tɔ̄lə̄n̄ deē kógə̄ḿ kə́ urən̄ yibə̄ dɔn tə́, banī i tām̄ yān nəkɔ́ tə́ alé. Gō tə́ anī gír de gə̄ yā ngār kógə̄ḿ a nujən̄ ɓē sák sák kɔ̄ɔ́ ō, a nujən̄ loo kə́ táĺ kɔ̄ɔ́ ō. Banī ta tɔ̄l̄ ta ngār ní i dan yá̰á̰ kə́ un loo kə tɔ́gɔ́ tə́ ō, bátə́ kadə̄ gír rɔ̄ gāngəń ní, ngār ní a nujə loo tītə̄ ń ɔjən̄neé ní ō.

Makətūbə̄ ń Pol ndang adə̄ Rom gə̄ ní 1:4

Ta yā Nə́ɓā tə́ ɓáa, Nə́ɓā ɔjə kadə̄ ni i Ngōnən i dan ń ni-ndólən dan de kə́ koy gə̄ tə́ kə tɔ́gə yā Ndíĺ kə́ Tálá ní.

IJAI 53:5

Banī ni-ənge do i najə̄ yá̰a̰ rāājí gə̄ kə́ gōtə́ aĺ gə̄ tə́, rējə̄nən̄ i najə̄ majaĺ yājí gə̄ tə́. I ni n əndanən̄ ndéý ń reē kə kem sɔlɔ́ adə̄jí ní. Jḭḭ̄ j-əngeī rɔ̄ ngan̄g i kə ta kūl̄ do gə̄ ń ni-ənge ní.

PĀ GƏ̄ 69:12

M-ō̰ō̰ kūbə̄ sákə̄ ń i kūbə̄ kəhɔ ndoō ní, anī nin̄ ənīn̄ pā seḿ.

MATIYE 1:1

Makətūbə̄ gír kaa Jeju Kərist n toó: Ni i ngōn̄ kaa Dabid kə́ ngōn̄ kaa Abəraham.

PĀ GƏ̄ 88:5

De gə̄ malang rāāmə̄n̄ i de kə́ gír yān gān̄g kɔ̄ɔ́ tə́, rāāmə̄n̄ i de kə́ to i kə̄ ta yo tə́ tə́.

JEREMI 11:19

Mā, m̄-to tītə̄ ngōn̄ batə̄ kə́ dɔn sɔl̄ lɔ́ḿ lɔ́ḿ ń aw̄n̄ seneé kə̄ loo tɔ̄lən tə́ ní. m̄-ger̄ kadə̄ gír̄ yādə́ kə́ majaĺ gə̄ ní sɔɔ̄ i dɔḿ mā alé. Nin̄ ədan̄ na: Jə-nujiī kə kāgə̄ kə́ a̰ȳ bəto ngá̰ý, jə-tɔ̄l̄niī kɔ̄ɔ́ kem ɓē yā de kə́ ndin̄ kə kumdə́ gə̄ tə́.

NŌŌ RƆ̄ 3:54

Man̄ tíbə dɔḿ adə̄ m-ə́da na: Mā i kə́ taḿ tḭ̄ḭ̄ kɔ̄ɔ́.