IJAI 53:4 - Bibəl ta Sar̄

⁴ Tá, ni tə́gā tan i gír mo̰y yājí gə̄ tə́, i ka̰a̰ tápə̄ yājí n ni-əla dɔn gírí ní. Ba jḭḭ̄ jə-gírī j-ədaī na: I Nə́ɓā n əndan ndéý kə́ tītə̄ ń noō ní, i Nə́ɓā n əndan ō tél seneé kə̄ nang tə́ ō ní.

Bible sar

⁴ Tá, ni tə́gā tan i gír mo̰y yājí gə̄ tə́, i ka̰a̰ tápə̄ yājí n ni-əla dɔn gírí ní. Ba jḭḭ̄ jə-gírī j-ədaī na: I Nə́ɓā n əndan ndéý kə́ tītə̄ ń noō ní, i Nə́ɓā n əndan ō tél seneé kə̄ nang tə́ ō ní.

IJAI 53:4 Referans Kwoze

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

MATIYE 8:17

Ni-rāā yá̰á̰ ní i yā kadə̄ najə̄ ń Ijai nge koō ta əda ní reē udəń gírí, əda na: Ni un nujə yājí gə̄ ō, ɔy mo̰y yājí gə̄ ō dɔn tə́.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

1 JA̰A̰ 2:2

Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

JA̰A̰ 19:7

Jipə gə̄ tél ədanən̄ na: Jḭḭ j-aw̄ kə ndū najə̄ kógə̄ḿ, ba kə gō ndū najə̄ yājí ngeé ń toō ní sɔɔ̄ kadə̄ ni-oy, tɔdɔ̄ ni-rāā rɔ̄n i Ngōn̄ Nə́ɓā tə́.

PĀ GƏ̄ 69:26

Ādə̄ nujən̄ gérger yādə́ sák sák ō, ādə̄ deē gətóo kem kújə tandā yādə́ tə́ ō.

MATIYE 26:37

Ni un Piyer ō, ngán Jebede kə́ jōó gə̄ ō seneé. Loo ń noō tə́ rɔ̄n əla gír nelə̄n aĺ ō, kemən əla gír sōl̄ ō.

Makətūbə̄ ń Pol ndang adə̄ Rom gə̄ ní 4:25

Nə́ɓā əya̰n jī de gə̄ tə́ adə̄ tɔ̄l̄nən̄ i najə̄ yá̰á̰ kə́ gō tə́ aĺ yājí gə̄ tə́, ba ndólən i kadə̄ tə́danə̄ńjí dan de kə́ súmūú gə̄ tə́.

LEBI GƏ̄ 16:10

Ba bal bə̄yā̰ ń wə̄lā kə́ túgə̄ tām̄ yā Ajajel tə́ əhɔ ní, a udənən̄ kə kumuú no Kɔ́ɔ̄ɓē tə́ yā rāā yá̰a̰ kutə̄ dɔ majaĺ dɔn tə́ ō. A aw̄n̄ seneé kem loo kə mángá tə́ yā kadə̄n kə Ajajel ō.

IJAI 53:10

Banī nge kəla yā Kɔ́ɔ̄ɓē ń rējə̄nən̄ kɔ̄ɔ́ ní, Kɔ́ɔ̄ɓē əda na najə̄ i yān. Adə̄ Kɔ́ɔ̄ɓē tél əndā nge ń adə̄ rɔ̄n kum gotə madə̄n gə̄ ní gotən kə́ kété tə́. Nge kəla yān a ənge ngán gə̄ ō, a ndi kə kumneé ɓáý dan i ngá̰ý ō. Yá̰á̰ ń Kɔ́ɔ̄ɓē núm̄ ní, Kɔ́ɔ̄ɓē rāā kadə̄ udə gírí i kə ta kūl̄neé.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

PĀ GƏ̄ 69:8

Tɔdɔ̄ tájə̄mə̄n̄ ō, əlan̄ rɔ̄sɔl̄ kə́ ngá̰ý dɔḿ tə́ ō. m̄-tél tə̄rā ta kum ngákó̰ó̰ḿ gə̄ tə́ ō, de kə́ deē gerə̄n alé ta kum kem kó̰o̰ madə́ḿ gə̄ tə́ ō, i najə̄ yāí ḭ̄ tə́.

PĀ GƏ̄ 69:27

Tām̄ deē ń ḭ̄ ə́ndan ní nin̄ rāān̄ kumən ndoō tə́ ō, ngé gə̄ ń ḭ̄ ə́ndá ɔ́də́də́ kɔ̄ɔ́ ɓá ní, nin̄ rāān̄ adə̄ rɔ̄də́ tōr̄də́ kə̄ dɔ madə̄ tə́ ɓáý to̰ ō.