IJAI 53:3 - Bibəl ta Sar̄

³ De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

Bible sar

³ De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

IJAI 53:3 Referans Kwoze

MATIYE 26:67

Loo ń noō tə́ tībə̄n̄ hōr̄ kumən tə́ ō, tə̄ndānən̄ ō. Ngé kə́rēý gə̄ əndan̄ mbɔ́rən,

IJAI 53:10

Banī nge kəla yā Kɔ́ɔ̄ɓē ń rējə̄nən̄ kɔ̄ɔ́ ní, Kɔ́ɔ̄ɓē əda na najə̄ i yān. Adə̄ Kɔ́ɔ̄ɓē tél əndā nge ń adə̄ rɔ̄n kum gotə madə̄n gə̄ ní gotən kə́ kété tə́. Nge kəla yān a ənge ngán gə̄ ō, a ndi kə kumneé ɓáý dan i ngá̰ý ō. Yá̰á̰ ń Kɔ́ɔ̄ɓē núm̄ ní, Kɔ́ɔ̄ɓē rāā kadə̄ udə gírí i kə ta kūl̄neé.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

MARK 14:34

Anī ɓōĺ əla gír rāān ō, ni-sōl̄ ō, ba ni-ədadə́ na: Rɔ̄ḿ nelə̄m̄ aĺ tītə̄ kə́ yā kadə̄ m-óy kɔ̄ɔ́ beē, ī-ndiī laā kə kumsí njáý njáý.

IJAI 53:4

Tá, ni tə́gā tan i gír mo̰y yājí gə̄ tə́, i ka̰a̰ tápə̄ yājí n ni-əla dɔn gírí ní. Ba jḭḭ̄ jə-gírī j-ədaī na: I Nə́ɓā n əndan ndéý kə́ tītə̄ ń noō ní, i Nə́ɓā n əndan ō tél seneé kə̄ nang tə́ ō ní.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

IJAI 50:6

m̄-tūr̄ gidəḿ m-ādə̄ ngé kəndaḿ gə̄, m̄-tūr̄ mbɔ́rə́ḿ m-ādə̄ ngé ró̰ȳ mbāýḿ gə̄. M-ūtə̄ gidə kumḿ kɔ̄ɔ́ najə̄ yā ngé tájə̄ḿ gə̄ tə́ aĺ ō, najə̄ yā ngé tībə̄ hōr̄ rɔ̄ḿ tə́ gə̄ tə́ aĺ ō.

HEBƏRO 4:15

Jḭḭ̄ i kə ngol ngé tun̄ yá̰a̰ gə̄ kə́ asə ka̰a̰ tápə̄ sejí najə̄ yā rɔ̄ ngan̄g aĺ yājí tə́. Yá̰a̰ malang ń nāājí ní nāān ō, banī rāā majaĺ alé.

Najə̄ kə́ Majə yā Jeju ń Luk ndang ní 9:22

Ba ədadə́ to̰ na: I gáŕ kadə̄ Ngōn̄ Deē a̰a̰ tápə̄ ngá̰ý ō, kadə̄ kum kɔɔ̄ gə̄, kə ngol gə̄ kə́ dɔ ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄ mbātə́nən̄ ō, i gáŕ kadə̄ tɔ̄l̄nən̄ ō, ba kə ndɔ̄ kə́ nge ko̰ mətá anī i gáŕ kadə̄ ni a ndól̄.

Najə̄ kə́ Majə yā Jeju ń Luk ndang ní 16:14

Parijiyḛ gə̄ nel̄də́ nar ngá̰ý, adə̄ dan ń nin̄-oōn̄ najə̄ gə̄ ń toō anī, lurən̄ Jeju.

Najə̄ kə́ Majə yā Jeju ń Luk ndang ní 8:53

Banī nin̄-əgōnən̄, tɔdɔ̄ gerə̄n̄ kadə̄ ngōn̄ ní oy kɔ̄ɔ́.

MARK 15:19

Nin̄-əndan̄ dɔn kə tə̄ɓāá ō, tībə̄n̄ hōr̄ kumən tə́ ō, ɔsən̄ kejədə́ nang tə́ non tə́ ō, ba əlan̄ dɔdə́ nang tə́ non tə́.

MARK 9:12

Ni-tél ədadə́ na: Eli ń a reē ta kəga dɔ ní a tél yā tə́ndā yá̰a̰ gə̄ malang kə gō loodə́ gēé gogə́ rang. Ba i ba̰ý á ndangən̄ kem makətūbə̄ tə́ sɔɔ̄ń dɔ Ngōn̄ Deē na a a̰a̰ tápə̄ ngá̰ý ō, a kídə̄nən̄ ō ní?

JA̰A̰ 11:35

Jeju nōō.

JA̰A̰ 8:48

Jipə gə̄ tél ədanən̄ na: Dan ń j-əda na ḭ̄ i de kə́ Samari ō, ndíĺ kə́ majaĺ i kemií tə́ ō ní, i gōtə́ aĺ a?

MATIYE 27:63

Kɔ́ɔ̄ɓē gə̄, əga kemjí dɔ najə̄ kógə̄ḿ kə́ nge gól̄ de gə̄ ngeé ń toō əda tə́, dan ń ni-ndiń kə kumneé ɓáý tə́ ní. Ni-əda na: Ndɔ̄ mətá gō tə́ ɓáa n-a n-ndól̄.

MISE 5:1

Kɔ́ɔ̄ɓē əda na: Ba ḭ̄ Betlehem Epərata, dan ɓē gə̄ yā de gə̄ kə́ gír kojə yā Juda tə́ ní, ḭ̄ i ngōn̄ ɓē kə́ dūú ɓá tā, ba nge ń sɔɔ̄ kadə̄ a o̰o̰ ɓē Israel tə́ ní, m-ā m̄-rāā kadə̄ ni a teē i looí. Ni i de kə́ kem kojə kə́ jóó ngá̰ý tə́.

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

Najə̄ kə́ Majə yā Jeju ń Luk ndang ní 19:41

Dan ń ni-ugə̄ ngɔr ba a̰a̰ ɓē ní anī, ni-nōō tām̄ yān tə́, ba əda na:

PĀ GƏ̄ 69:29

Rīdə́ ń to kem makətūbə̄ ndi kə kumuú tə́ ní ī-tɔ̄l̄ kɔ̄ɔ́. Ī-lōō tə́dádə́ dan de kə́ súmūú gə̄ tə́.

MARK 10:33

Ōōī a, j-a j-awī i kə̄ Jerusalem, ba a əlan̄ Ngōn̄ Deē jī ngol gə̄ kə́ dɔ ngé tun̄ yá̰a̰ gə̄ tə́ tə́ ō, ngé ndóō de gə̄ ndū najə̄ gə̄ tə́ ō. Nin̄ a gāngə̄n̄ sarya dɔn tə́ kadə̄ a tɔ̄l̄nən̄, ba a əlanən̄ jī de gə̄ kə́ nin̄ i Jipə aĺ gə̄ tə́.

MARK 10:34

Nin̄ a lurnən̄ ō, a tībə̄n̄ hōr̄ rɔ̄n tə́ ō, a tə̄ndānən̄ kə mərawaá ō, a tɔ̄l̄nən̄ ō, ba ndɔ̄ mətá gō tə́ anī, a ndól̄.

IJAI 52:14

Ngá̰ý gə̄ ń a̰a̰nən̄ ní, ndíĺdə́ a̰ȳ tām̄ ta kumən nujə ngá̰ý kɔ̄ɔ́ adə̄ deē asə ka̰a̰ gerə̄n to̰ alé. Ni to tītə̄ deē ndul to̰ alé.

PĀ GƏ̄ 88:4

Tɔdɔ̄ yá̰á̰ kə́ to kum kaȳ aĺ əsō dɔḿ tə́ ní alə̄m̄ sa tə́ ō, na̰y i sḛ́ý kadə̄ m-óy ō.