IJAI 53:11 - Bibəl ta Sar̄

¹¹ Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

Bible sar

¹¹ Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

IJAI 53:11 Referans Kwoze

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

Makətūbə̄ ń Pol ndang adə̄ Rom gə̄ ní 4:24

banī i tām̄ yājí jḭḭ̄ tə́ ō. I tām̄ yājí jḭḭ̄ ń a tə́dan̄jí dan de kə́ súmūú gə̄ tə́ najə̄ taā kem yājí tə́ ní. Tɔdɔ̄ jḭḭ̄ jə-taāī kem nge ń ndól̄ Kɔ́ɔ̄ɓē yājí Jeju dan de kə́ koy gə̄ tə́ ní.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

IJAI 53:12

I tām̄ najə̄ ń toō tə́ n m-ə̄ndān dan de gə̄ kə́ boon̄ tɔȳn̄ madə̄də́ gə̄ tə́ ní. Ni ō, ngé gə̄ ń tɔ́gə́də́ tɔȳ yā madə̄də́ gə̄ ní ō, a kēgə̄n̄ naā yá̰a̰ kənge gə̄ yā madə̄ ba̰ā̰. Tām̄ ni-ndigə koy kə gō kem ndigə yān nəkɔ́ ō, ndigə kadə̄ ni i dan ngé gān̄g róbə gə̄ tə́ ō. A̰á̰ā̰, ni un majaĺ yā de kə́ ngá̰ý gə̄ dɔn tə́ ō, udə dan najə̄ yā de gə̄ kə́ najə̄ i dɔdə́ tə́ yā rāā kadə̄ majə ō.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

1 JA̰A̰ 2:1

Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju Kərist ń i de kə́ nge rāā yá̰á̰ kə́ gō tə́ ní.

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

1 KORḚNTƏ 6:11

Ba de kə́rēý gə̄ dɔ dáńsí tə́ nin̄ i de kə́ beé gə̄ kété. Banī tə́gon̄ majaĺ yāsí gə̄ kɔ̄ɔ́, ɔrə̄n̄ kam̄sí tayā kadə̄ ī-ndiī i tām̄ yā Nə́ɓā tə́ ō, rāān̄sí adə̄ ī-téliī de kə́ súmūú gə̄ ta kum Nə́ɓā tə́ i kə rī Kɔ́ɔ̄ɓē Jeju Kərist ō, i kə ta kūl̄ Ndíĺ Nə́ɓā yājí ō.

JA̰A̰ 16:21

Loo ń dəyá̰ rāā kem ní, ni i kə rɔ̄ katāá tām̄ ndɔ̄ yān ugə̄, banī loo ń ojə ngōn̄ oy anī, əga kemən dɔ wur kɔl yān tə́ alé. Rɔ̄n nelə̄n, tɔdɔ̄ ni-ojə deē ndul kógə̄ḿ dɔ nang tə́.

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

IJAI 53:8

Əhɔnən̄ ba gāngə̄n̄ sarya dɔn tə́, gō tə́ anī rāānən̄ adə̄ ni gətóo kɔ̄ɔ́. Ba i náā n əndā kumən gíŕ yá̰á̰ ń rāān tə́ ní? A̰á̰ā̰, rāānən̄ adə̄ ni gətóo kɔ̄ɔ́ dɔ nang ń de gə̄ ndin̄ kə kumdə́ tū tə́ ní tə́, əndanən̄ adə̄ oy, najə̄ yá̰a̰ rāā kə́ gōtə́ aĺ gə̄ yā gír deē yān gə̄ tə́.

IJAI 45:25

De gə̄ malang ń Israel ojədə́ ní a əngen̄ yá̰a̰ rāā kə́ gōtə́ i kə ta kūlə̄ḿ mā ō, nin̄ a əndan̄ kadədə́ najə̄n tə́ ō.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

2 JA̰A̰ 1:3

Ādə̄ Nə́ɓā Bɔbə̄ Ngōn̄ nin̄ kə Jeju Kərist ń i ngōnən ní rajən̄jí ō, mā̰ȳn̄ rɔ̄də́ dɔjí tə́ ō, sɔlə̄n̄ kemjí ō, yā kadə̄ j-əngeīneé yá̰á̰ kə́ kadə̄jí karī gə̄ ń noō kə́ rɔ̄kum tə́ ō, kə tárá ō.

2 JA̰A̰ 1:1

I mā kum kɔɔ̄ n m̄-ndang makətūbə̄ ń toō m-ə́lań m-ādə̄ Dəyá̰ ń Nə́ɓā gə̄rān ní, nin̄ kə ngánən gēé. Mā m̄-táŕdə́ rɔ̄kum. I mā ngóy n m̄-táŕdə́ alé, banī de gə̄ malang ń gerə̄n̄ najə̄ kə́ rɔ̄kum ní tárən̄də́ ō.

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

GALATƏ 4:19

Ngánə́ḿ kə́ dūú gə̄, tápə̄ ń m-ə́ngé ní, i tītə̄ yā dəyá̰ ń rāā loo kojə ngōn̄ ní, bátə́ kadə̄ Kərist əndāń rɔ̄n kemsí tə́.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

Makətūbə̄ ń Pol ndang adə̄ Rom gə̄ ní 5:9

Jə-téliī de kə́ súmūú gə̄ ta kum Nə́ɓā tə́ ngɔlaā i kə ta kūl̄ kadə̄ rɔ̄ yānneé. Adə̄ wōn̄g yā Nə́ɓā ń a reē ɓáý ní, ni-ajəjí kɔ̄ɔ́ ta tə́.

JA̰A̰ 12:24

Ādə̄ m-ə́dásí najə̄ kə́ bo ngá̰ý, ré kum kōō gémē əsō nang tə́ aĺ ō, oy aĺ ō anī, ni a to i kógə̄ḿ beē ngóy. Banī ré oy anī, a ojə madə̄ ngá̰ý.

Najə̄ kə́ Majə yā Jeju ń Luk ndang ní 22:44

Gō tə́ ɓá anī, kemən rɔ̄n kə ngangāá ngá̰ý, ba ni-ndɔ̄ȳ kə ngangāá ngá̰ý tɔȳ kə́ kété gə̄ ō, tətōn teē a tə́sō kə́ kūbə̄rū mósə́ tə́ kok kok ō.

IJAI 49:3

Ni ədam̄ na: Israel, ḭ̄ i nge kəla yāḿ. M-ā m-ɔ́jə kɔsə gɔn yāḿ i kə ta kūlīí.

IJAI 52:13

Kɔ́ɔ̄ɓē əda na: Nge kəla yāḿ a rāā kəla yān kadə̄ udə gírí majə. Ni a al̄ dɔɔ́, a əndānən̄ dɔɔ́ ō, a rɔȳnən̄ ngá̰ý ō.

DANIEL 12:3

De kə́ ngé ger̄ najə̄ gə̄ ní a unjə̄n̄ rá rááng tītə̄ no rā̰ beé ō, nin̄ ń rāān̄ adə̄ kósə de kə́ ngá̰ý gə̄ télən̄ de kə́ súmūú gə̄ ní a ndə́lə̄n̄ tītə̄ tə́yō̰ gə̄ beé kə́ njɔ́ḿ gə̄ tə́ ō.

DANIEL 9:24

Gāngə̄n̄ ɓāl̄ sīrí dɔ gír deē yāí gə̄ tə́ ō, dɔ ɓē yāí kə́ táĺ tə́ ō, yā rāań kadə̄ gír mbātə́ najə̄ gān̄g, kadə̄ gír rāā yá̰á̰ kə́ majaĺ gān̄g ō, kadə̄ Nə́ɓā mā̰yń rɔ̄n dɔ majaĺ gə̄ tə́ ō, kadə̄ yá̰á̰ kə́ gōtə́ kə́ ngándáńg ɔjəń rɔ̄n kə̄ ndágá ō, kadə̄ yá̰á̰ kə́ ka̰ā̰ ō najə̄ ń nge koō ta əda ní ō reē udən̄neé gíŕ kə́ rɔ̄ tə́ ō, kadə̄ urən̄neé yibə̄ dɔ loo kə́ táĺ ngá̰ý tə́ ō.