IJAI 53:10 - Bibəl ta Sar̄

¹⁰ Banī nge kəla yā Kɔ́ɔ̄ɓē ń rējə̄nən̄ kɔ̄ɔ́ ní, Kɔ́ɔ̄ɓē əda na najə̄ i yān. Adə̄ Kɔ́ɔ̄ɓē tél əndā nge ń adə̄ rɔ̄n kum gotə madə̄n gə̄ ní gotən kə́ kété tə́. Nge kəla yān a ənge ngán gə̄ ō, a ndi kə kumneé ɓáý dan i ngá̰ý ō. Yá̰á̰ ń Kɔ́ɔ̄ɓē núm̄ ní, Kɔ́ɔ̄ɓē rāā kadə̄ udə gírí i kə ta kūl̄neé.

Bible sar

¹⁰ Banī nge kəla yā Kɔ́ɔ̄ɓē ń rējə̄nən̄ kɔ̄ɔ́ ní, Kɔ́ɔ̄ɓē əda na najə̄ i yān. Adə̄ Kɔ́ɔ̄ɓē tél əndā nge ń adə̄ rɔ̄n kum gotə madə̄n gə̄ ní gotən kə́ kété tə́. Nge kəla yān a ənge ngán gə̄ ō, a ndi kə kumneé ɓáý dan i ngá̰ý ō. Yá̰á̰ ń Kɔ́ɔ̄ɓē núm̄ ní, Kɔ́ɔ̄ɓē rāā kadə̄ udə gírí i kə ta kūl̄neé.

IJAI 53:10 Referans Kwoze

Makətūbə̄ ń Pol ndang adə̄ Rom gə̄ ní 8:32

Nə́ɓā ń ɔgəjí Ngōnən alé, banī əlan jī de gə̄ tə́ tām̄ yājí tə́ ní, loo kadə̄ ni-adə̄jí yá̰a̰ malang kə Ngōnə̄neé aĺ i ba̰ý?

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

EPEJƏ 1:5

Sɔɔ̄ń táŕ kə́ kemən tə́ ní, nəkɔ́ əndā dɔjí danaá kété kadə̄ jə-téliī ngánən gə̄ kə ta kūl̄ Jeju Kərist. Ni-gḛy kadə̄ i tītə̄ ń noō, tɔdɔ̄ nelə̄n.

Makətūbə̄ ń Pol ndang adə̄ Rom gə̄ ní 6:9

Jə-gerī majə kadə̄ Kərist ń ndól̄ dan de kə́ koy gə̄ tə́ ní, a oy to̰ alé. Tɔ́gə yo kə́ yā tɔ̄l̄nəń to̰ gətóo.

IJAI 53:12

I tām̄ najə̄ ń toō tə́ n m-ə̄ndān dan de gə̄ kə́ boon̄ tɔȳn̄ madə̄də́ gə̄ tə́ ní. Ni ō, ngé gə̄ ń tɔ́gə́də́ tɔȳ yā madə̄də́ gə̄ ní ō, a kēgə̄n̄ naā yá̰a̰ kənge gə̄ yā madə̄ ba̰ā̰. Tām̄ ni-ndigə koy kə gō kem ndigə yān nəkɔ́ ō, ndigə kadə̄ ni i dan ngé gān̄g róbə gə̄ tə́ ō. A̰á̰ā̰, ni un majaĺ yā de kə́ ngá̰ý gə̄ dɔn tə́ ō, udə dan najə̄ yā de gə̄ kə́ najə̄ i dɔdə́ tə́ yā rāā kadə̄ majə ō.

JEJU TEĒ KUM JA̰A̰ 1:18

deē ń ndi kə kumneé ní ō. Kété ní m-óy, banī ngɔlaā m̄-ndi kə kumḿ kə dɔ ɓāl̄ gə̄ ɓāl̄ gə̄. Tá kélé gə̄ yā yo ō, yā loo kə́ ɓádá ō, i jīḿ tə́.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

Makətūbə̄ ń Pol ndang adə̄ Rom gə̄ ní 8:8

Ngé gə̄ ń i gíŕ tɔ́gə́ yā dā̰ rɔ̄ tə́ ní, asən̄ rāā yá̰á̰ kə́ nel̄ Nə́ɓā alé.

JA̰A̰ 12:24

Ādə̄ m-ə́dásí najə̄ kə́ bo ngá̰ý, ré kum kōō gémē əsō nang tə́ aĺ ō, oy aĺ ō anī, ni a to i kógə̄ḿ beē ngóy. Banī ré oy anī, a ojə madə̄ ngá̰ý.

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

IJAI 46:10

Yá̰á̰ ń sɔɔ̄ kadə̄ rāā yá̰á̰ ní, m-ə́dá kété kɔ̄ɔ́ i ta kəla gíŕ tə́ nú. Yá̰á̰ kə́ kadə̄ rāā yá̰a̰ ba rāā yá̰a̰ aĺ ɓáý ní, mā m-ə́da najə̄n kɔ̄ɔ́ i kété jóó ngá̰ý. M-ə́da na: Yá̰á̰ ń m̄-núm̄ ní a reē yā kudə gíŕ kə́ rɔ̄ tə́. Yá̰a̰ malang ń m̄-ndigə ní, m-ā m̄-rāā.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

HEBƏRO 7:27

Jeju to tītə̄ gotə ngol ngé tun̄ yá̰a̰ gə̄ kə́ rang gə̄ alé. Ni i nge tun̄ yá̰a̰ kə dɔ ndɔ̄ gə̄ ndɔ̄ gə̄ tām̄ majaĺ yān nəkɔ́ tə́ ō, tām̄ majaĺ yā ngán Israel gə̄ tə́ ō alé. Ni-rāā nge ń noō nja kógə̄ḿ beē ngóy dan ń nəkɔ́ adə̄ rɔ̄n yá̰a̰ tun̄ tə́ ní.

HEBƏRO 2:13

Əda ɓáý to̰ na: M-ā m-ə̄ndā kemḿ dɔn tə́. Tá əda ɓáý to̰ na: Mā n toó kə ngán gə̄ ń Nə́ɓā adə̄m̄ ní.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

EPEJƏ 1:9

I tītə̄ ń noō n ni-rāā adə̄ kumjí teē dɔ yá̰á̰ kə́ yáā ń kem majə yān sāā rāā tə́, adə̄ i yá̰á̰ ń ni núm̄ rāā kə ta kūl̄ Kərist,

Najə̄ kə́ Majə yā Jeju ń Luk ndang ní 1:33

Ni a o̰o̰ ɓē dɔ gír kojə yā Jakob tə́ ngándáńg ō, gír ko̰o̰ ɓē yān dan a gān̄g aĺ ō.

MATIYE 17:5

Dan ń a ɔr̄ najə̄ kə̄ tan tə́ ɓáý anī, kil̄ man̄ kógə̄ḿ kə́ ndə́lē reē utə̄ dɔdə́ kɔ̄ɔ́. Anī ndū deē kógə̄ḿ ɔr̄ najə̄ dan kil̄ man̄ ní tə́, əda na: Nge ń toō i Ngōn̄ kó tár yāḿ ń rɔ̄nel̄ yāḿ malang i dɔn tə́ ní. Ōōī najə̄ yān.

SOPONI 3:17

Kɔ́ɔ̄ɓē Nə́ɓā yāí i kemií tə́ danaá bang. I ni n i go̰ rɔ̄ɔ̄ kə́ nge tetə rɔ̄ɔ̄ ní. Rɔ̄n nelə̄n ngá̰ý najə̄ yāí tə́. Tár yān adī ndi kə kumuú kə́ kijə. Ni ndām̄ tām̄ yāí tə́ kə kɔŕ rɔ̄nelēé

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

DANIEL 9:24

Gāngə̄n̄ ɓāl̄ sīrí dɔ gír deē yāí gə̄ tə́ ō, dɔ ɓē yāí kə́ táĺ tə́ ō, yā rāań kadə̄ gír mbātə́ najə̄ gān̄g, kadə̄ gír rāā yá̰á̰ kə́ majaĺ gān̄g ō, kadə̄ Nə́ɓā mā̰yń rɔ̄n dɔ majaĺ gə̄ tə́ ō, kadə̄ yá̰á̰ kə́ gōtə́ kə́ ngándáńg ɔjəń rɔ̄n kə̄ ndágá ō, kadə̄ yá̰á̰ kə́ ka̰ā̰ ō najə̄ ń nge koō ta əda ní ō reē udən̄neé gíŕ kə́ rɔ̄ tə́ ō, kadə̄ urən̄neé yibə̄ dɔ loo kə́ táĺ ngá̰ý tə́ ō.

EJEKIEL 37:25

Ā ī-ndiī kem ɓē ń m-ādə̄ nge kəla yāḿ Jakob tə́ ní, loo ń kaasí gə̄ ndin̄ tū tə́ kété tə́ ní. Ā ī-ndiī noó i kə́ njɔ́ḿ gə̄ tə́, sḭḭ̄ gə̄gē, ngáńsí gə̄ gə̄gē, ngán kaasí gə̄ gə̄gē, kaa gugə̄sí gə̄ gə̄gē. Ā ə́ngeī ngār kə́ tītə̄ nge kəla yāḿ Dabid i kə́ njɔ́ḿ gə̄ tə́.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

JEREMI 32:41

Rɔ̄ḿ a nelə̄m̄ tām̄ majə kə́ m̄-rāā sedə́ tə́. Rɔ̄kum, m-ā m-ə̄ndādə́ kə́ rɔ̄ rɔ́ gə̄ tə́ kem ɓē ń toō tə́ kadə̄ tə́lan̄ ngəradə́ ngan̄g. M-a m̄-rāā yá̰á̰ ń noō i kə ngarā̰ kemḿ malang ō, i kə rɔ̄ḿ kə taá ō.

PĀ GƏ̄ 149:4

Tɔdɔ̄ Kɔ́ɔ̄ɓē rāā majə kə gír deē yān gēé, ni ajə ngé gə̄ ń télən̄ kə rɔ̄də́ kə̄ nang tə́ ní ɔsəń gɔndə́.

PĀ GƏ̄ 147:11

Ba o̰o̰n tɔdɔ̄ ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

PĀ GƏ̄ 89:29

Kem majə yāḿ a to ngándáńg tām̄ yān tə́ ō, ndūḿ ń m-ə̄nī m-ə́hɔń madə̄ naā seneé ní, m-ā m̄-rā dɔ tə́ ō.

PĀ GƏ̄ 72:17

ādə̄ ni-rāā adə̄ rīn to ngándáńg, ādə̄ rāā adə̄ rīn ní ɓār̄ ta kaw̄ kə̄ jóo, dɔ nang ń mbang a ɔsə tū tə́ ní tə́. Kadə̄ de gə̄ ədan̄ najə̄ yān tɔ́rə̄n̄neé tadə́ dɔ naā tə́ ō, kadə̄ nápar de gə̄ malang ədan̄ na mban̄g ndi kə rɔ̄nelēé ō.

PĀ GƏ̄ 22:30

De gə̄ malang ń ndin̄ dɔ nang tə́ kə rɔ̄nelēé ní n ɔsən̄ nodə́ nang tə́ toō. De gə̄ malang ń njadə́ i kə̄ ta bāá yo tə́ á əlan̄ dɔdə́ nang tə́ ta kumən tə́ ní, ni əya̰də́ adə̄ ndin̄ kə kumdə́ alé.

2 TESALONIK 1:11

I tām̄ ń toō tə́ n jə-ndɔ̄ȳ Nə́ɓā ngándáńg tām̄ yāsí tə́ ní, yā kadə̄ de gə̄ rāān̄sí de gə̄ kə́ ásiī tām̄ yā ɓāŕ ń Nə́ɓā ɓāŕsí tə́ ní. Yā kadə̄ Nə́ɓā adə̄sí tɔ́gə kadə̄ ī-rāāīneé yá̰a̰ malang kə́ majə ń kemsí gḛy ní ō, rāā adə̄ taā kem yāsí rāā kəla ō.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

PĀ GƏ̄ 89:36

m̄-túbə kə hálə́ḿ kə́ táĺ gidə kógə̄ḿ beē m-ə́da na: Tītə̄ ń mā i Nə́ɓā rɔ̄kum noō ní, m-ā m̄-gól̄ Dabid alé.

PĀ GƏ̄ 72:7

Ɓāl̄ ko̰o̰ ɓē yān tə́ ní ādə̄ de kə́ súmūú tḭ̄ḭ̄ rɔ̄n ndiń ō, yá̰a̰ kənge i ngá̰ý ō, bátə́ kadə̄ nāā teēń aĺ kə́ njɔ́ḿ gə̄ tə́.

PĀ GƏ̄ 69:26

Ādə̄ nujən̄ gérger yādə́ sák sák ō, ādə̄ deē gətóo kem kújə tandā yādə́ tə́ ō.

PĀ GƏ̄ 21:4

Ḭ̄ ɔ́ý yá̰á̰ kə́ majə gə̄ ngá̰ý dɔí tə́, ī-tə́nań tan yā rāań majə seneé. Ḭ̄ ə́la jākā mbang kə́ rāā kə lɔ́rɔ́ dɔn tə́.

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

IJAI 54:3

Tɔdɔ̄ ā ī-taā loo geleé gē ko̰ó̰ gē, ɓē gə̄ ń kadií tə́ ní, ngání gə̄ a taān̄. Ɓē gə̄ ń nin̄ əya̰n̄ kɔ̄ɔ́ ní, nin̄ a télən̄ yā ndi tū tə́ gogə́.

IJAI 61:9

De gə̄ a gerə̄n̄ ngáńsí gə̄ dan nápar de gə̄ tə́ malang ō, a gerə̄n̄ ngán kaasí gə̄ kə̄ loo gə̄ tə́ malang ō. De gə̄ malang ń a a̰a̰n̄də́ ní, a gerə̄n̄də́ i kə ta kūl̄ yá̰á̰ ń toō: Nin̄ i gír de gə̄ kə́ Kɔ́ɔ̄ɓē tɔ́r̄ tan dɔdə́ tə́.

IJAI 66:22

Najə̄ ń Kɔ́ɔ̄ɓē əda ní n toó: Dɔ rā̰ kə́ kijə ō, dɔ nang kə́ kijə ō ń m̄-rāā ní ran̄ ngan̄g ta kumḿ tə́. I beé ní, rīsí ō, ngán kaasí gə̄ ō ní, a gətóon̄ kɔ̄ɔ́ ta kumḿ tə́ aĺ i kə́ bátə́ gə̄ tə́.

PĀ GƏ̄ 22:31

Ngán kaadə́ gə̄ a rāān̄ kəla yā Kɔ́ɔ̄ɓē, a ənīn̄də́ gotə najə̄ yān.

IJAI 49:4

Mā m̄-gír̄ m-ə́da na: M-á̰á̰ tápə̄ i ndāńg karī, m-ɔ́r i kanjə̄ kumən, teēm̄ yá̰á̰ tə́ alé. Ɓá tā ba Kɔ́ɔ̄ɓē a gān̄g sarya yāḿ kə gōó, ni ngɔ̄m̄ yá̰a̰ kəndā nja yāḿ.

JA̰A̰ 13:32

Nə́ɓā a ɔsə gɔn Ngōn̄ Deē kemən nəkɔ́ Nə́ɓā tə́, ba na̰y i ngɔr kadə̄ a ɔsə gɔnən.