IJAI 53:1 - Bibəl ta Sar̄

¹ Najə̄ kə́ kijə ń j-oō ní, i náā n taā kem ní? I náā n a̰a̰ tɔ́gə yā Kɔ́ɔ̄ɓē ger̄ ní?

Bible sar

¹ Najə̄ kə́ kijə ń j-oō ní, i náā n taā kem ní? I náā n a̰a̰ tɔ́gə yā Kɔ́ɔ̄ɓē ger̄ ní?

IJAI 53:1 Referans Kwoze

JA̰A̰ 12:38

I yā kadə̄ najə̄ ń Ijai nge koō ta əda toó reē udəń gírí, əda na: Kɔ́ɔ̄ɓē, i náā n taā kem najə̄ kɔr̄jí ní? I náā n Kɔ́ɔ̄ɓē ɔjən yá̰á̰ ń ni-rāā kə jīneé ní?

1 KORḚNTƏ 1:18

Tɔdɔ̄ najə̄ kə́ dɔ koy ń Jeju oy tū kāgə̄ kə́ dēsə́ tə́ ní, i najə̄ kə́ to mbóo tām̄ yā ngé gə̄ ń a udən̄ kɔ̄ɔ́ tə́ ní, banī i tɔ́gə yā Nə́ɓā tām̄ yājí jḭḭ̄ ń j-a j-ajiī tə́ ní.

JA̰A̰ 1:12

Ba ngé gə̄ ń əhɔnən̄ kə̄ rɔ̄də́ tə́, adə̄ i ngé gə̄ ń taān̄ kemən ní, ni-adə̄də́ tɔ́gə kadə̄ télən̄ ngáń Nə́ɓā.

MATIYE 16:17

Loo ń noō tə́ Jeju tél ədan na: Ḭ̄ i kə rɔ̄nelēé Simo̰ ngōn̄ Jonas, tɔdɔ̄ i Bɔbə́ḿ kə́ ndi dɔ rā̰ tə́ n teē kumií dɔ yá̰á̰ ń toō tə́ ní, ba i deē ndul alé.

MATIYE 11:25

Dan ngeé ń noō tə́ ní Jeju ɔr̄ najə̄, əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō dɔ nang tə́ ō ní, m̄-ɓōkíī tɔ̄ȳ tām̄ ɓɔ̄ɔ̄ ń ī-ɓɔ̄ɔ̄ dɔ yá̰a̰ gə̄ ń toō kɔ̄ɔ́ tām̄ yā ngé kum kedə̄ gə̄ tə́ ō, ngé ger̄ yá̰a̰ gə̄ tə́ ō, ba ī-teē kum de kə́ dūú gə̄ dɔ tə́ ní.

1 KORḚNTƏ 1:24

Banī tām̄ yā ngé gə̄ ń Nə́ɓā ɓāŕdə́ tə́ ní, Jipə gə̄ aké Gərek gə̄ ní, ni i Kərist, adə̄ i tɔ́gə yā Nə́ɓā ō kum kedə̄ yā Nə́ɓā ō.

IJAI 40:5

Loo ń noō tə́ kɔsə gɔn yā Kɔ́ɔ̄ɓē a teē kə̄ ndágá ō, de kə́ dɔ nang tə́ gə̄ malang a a̰a̰n̄ ō. Yá̰á̰ ń Kɔ́ɔ̄ɓē əda kadə̄ yā rāā ní n noó.

IJAI 52:10

Ni ɔjə tɔ́gən kə́ táĺ ta kum nápar de gə̄ tə́ malang ō, de gə̄ a̰a̰n̄ loo kajə ń Nə́ɓā yājí a ajəjí ní bátə́ ta ngóy dɔ nang tə́ ō.

IJAI 51:9

Ī-ndól̄, Kɔ́ɔ̄ɓē, ī-ndól̄! Ɔ́jə́ tɔ́gí! Ī-ndól̄ tītə̄ kə́ kété, tītə̄ kə́ kété jóo! Rahab ń i dā̰ man̄ kə́ majaĺ ngá̰ý kə́ kum bā bo tə́ ní, i īkɔ́ bang n ɔ́sən ba ī-gángən naā tə́ bét bét ní.

JA̰A̰ 1:7

Ni-reē tām̄ ni i kə́ de kə́ kum tə́, yā kɔr̄ najə̄ dɔ loo kə́ unjə̄ kow ní tə́, kadə̄ de gə̄ malang taān̄ kem kə kūl̄neé.

IJAI 62:8

Kɔ́ɔ̄ɓē ənī ndūn ń toō kə ngagá ngá̰ý, əda na: Tītə̄ ń tɔ́gə́ḿ i ngá̰ý noó, m-ā m-ə́ya̰ madə̄ ba̰ā̰í gə̄ kadə̄ ulə̄n̄ rɔ̄də́ kə kōō gémē yāí to̰ alé. Tə̄rā gə̄ a a̰ȳn̄ kasə nduú yāí ń ɔ́r tāmən tə́ ní to̰ alé.

Najə̄ kə́ Majə yā Jeju ń Luk ndang ní 18:31

Gō tə́ anī, Jeju ɔy ngé kə́ kutə gidə i jōó gə̄ ní seneé ba ədadə́ na: Á̰a̰ī, j-āwī i ta kə́ Jerusalem. Yá̰a̰ gə̄ malang ń ngé koō ta gə̄ ndangən̄ sɔɔ̄ dɔ Ngōn̄ Deē ní a reēn̄ yā kudə gírí.

IJAI 59:16

Yá̰á̰ ń rāā yá̰á̰ ní ni-a̰a̰ kadə̄ deē kógə̄ḿ kə́ mbātə́ gətóo, kadə̄ de kə́ ḭḭ rāā yá̰á̰ kógə̄ḿ gətóó bátə́ ní ɔr kumən. Loo ń noō tə́ nəkɔ́ kə dɔneé gḛy rāā yá̰á̰ kógə̄ḿ ō, yá̰á̰ ń adə̄n tɔ́gə́ ní i yá̰a̰ rāā kə́ gōtə́ yān ō.