IJAI 52:3 - Bibəl ta Sar̄

³ Yá̰á̰ Kɔ́ɔ̄ɓē əda gír deē yān gə̄ ní n toó: Igən̄ sesí tītə̄ ɓəlo gə̄ i karī beé, a gāngə̄n̄ dɔsí i kanjə̄ nar.

Bible sar

³ Yá̰á̰ Kɔ́ɔ̄ɓē əda gír deē yān gə̄ ní n toó: Igən̄ sesí tītə̄ ɓəlo gə̄ i karī beé, a gāngə̄n̄ dɔsí i kanjə̄ nar.

IJAI 52:3 Referans Kwoze

IJAI 45:13

I mā n m̄-rāā kadə̄ dəngam ń noō ɔr̄ dɔɔ́ yā reē ní, i kə ta kūl̄ kun ndū kə́ gōtə́ ō, yá̰a̰ gə̄ ń dēsə́n̄ rɔ̄də́ non tə́ ɔgə̄nən̄ mān̄ ní, m-ā m̄-ró̰ȳdə́ kɔ̄ɔ́ ō. Jerusalem ń i ɓē yāḿ ní, i ni n i nge tél rāān gogə́ ní. De gə̄ yāḿ gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni a rāā kadə̄ nin̄ tél reēn̄ gogə́. Nin̄ a əgān̄ yá̰á̰ kógə̄ḿ aĺ ō, a adə̄n̄ yá̰á̰ kógə̄ḿ aĺ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

1 PIYER 1:18

Tɔdɔ̄ sḭḭ̄ kɔ́ gə̄ ī-gerī yá̰á̰ ń rāā yá̰á̰ á gāngə̄n̄neé dɔsí kɔ̄ɔ́ tū yá̰a̰ rāā kə́ kanjə̄ kumən gə̄ tə́ ń kaasí gə̄ ndóōn̄sí kə̄ kété ní. I yá̰a̰ gə̄ kə́ a nujən̄ kɔ̄ɔ́ tītə̄ gində̄ arjā̰a̰ aláa lɔ́r n gāngə̄n̄neé dɔsí ní alé.

PĀ GƏ̄ 44:12

Ḭ̄ ə́lájí kem jīdə́ tə́ tītə̄ batə̄ gə̄ kə́ aw̄n̄ sedə́ kə̄ loo tɔ̄l̄də́ tə́ beē. Ḭ̄ ī-tə̄ndā ī-tḭ̄jí kə̄ dan nápar de gə̄ tə́.

JEREMI 15:13

M-ādə̄ de gə̄ a ɔyn̄ yá̰a̰ kənge yāí gə̄ ō, yá̰a̰ yāí gə̄ kə́ gātə̄də́ i ngá̰ý ń ə̄ndā dɔ jīí ní ō dɔ gúú tə́. Yá̰á̰ ń m-ə̄gań kə̄rā majaĺ yāí gə̄ malang ń ī-rāā gō nang yāí tə́ kə taá malang ní n noó.

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

IJAI 1:27

Siyo̰ a ajə i kə ta kūl̄ ɓōĺ gidə yá̰á̰ kə́ súmūú. De kə́ kemeé gə̄ ń a télən̄ yā reē rɔ̄ Nə́ɓā tə́ ní, a ajən̄də́ i kə ta kūl̄ yá̰a̰ rāā kə́ gōtə́.

IJAI 62:12

A ɓārə́n̄də́ na i gír de kə́ táĺ gə̄, na i ngé gə̄ ń Kɔ́ɔ̄ɓē gān̄g dɔdə́ ní. Ba ḭ̄ Jerusalem, a ɓāríīn̄ na i ɓē kə́ əya̰n̄ kɔ̄ɔ́ to̰ alé, banī a ɓāríīn̄ na i ɓē kə́ de gə̄ gḛyn̄.

IJAI 63:4

Kemḿ tə́ ní m̄-ndigə i dal ba̰ā̰ḿ. Kum mbang gān̄g dɔ gír deē yāḿ gə̄ asə.

EJEKIEL 16:31

Ḭ̄ ī-rāā loo kə́ kḭḭ kə̄ dɔɔ́ ta gajə róbə gə̄ tə́ malang tām̄ yāí tə́ ō, ḭ̄ ī-rāā loo kə́ kadə̄ kum de gə̄ malang i dɔ tə́ ndágə loo gə̄ tə́ tām̄ yāí tə́ ō. Banī ḭ̄ n ī-ndējə̄ nar gírí tītə̄ ń gotə ájə́ba kə́ rang gə̄ a rāānəń ní alé.

EJEKIEL 34:27

Kāgə̄ gə̄ a anə̄n̄ ō, dɔ nang a teē kōō ō, de gə̄ kógə̄ḿ kógə̄ḿ a ndin̄ kem ɓēé kanjə̄ sōl̄ yá̰á̰ kógə̄ḿ ō. Yá̰a̰ malang ń a rējə̄ de gə̄ kə́ dan gír deē yāḿ gə̄ tə́ ní, m-ā m̄-tētən naā tə́ kɔ̄ɔ́. M-ā m̄-taādə́ jī ngé rāādə́ ɓəlo tə́ gə̄ tə́ yā kəya̰də́ dɔɔ́. Kum mbang ngeé ń noō tə́ ní, nin̄ a gerə̄n̄ kadə̄ Kɔ́ɔ̄ɓē i mā.

LEBI GƏ̄ 25:54

Ré gāngə̄n̄ dɔn aĺ ō, nəkɔ́ asə gān̄g dɔ rɔ̄n aĺ ō, ba ɓāl̄ Jubile ugə̄ anī, deē ń mangən ní, a ə́ya̰n dɔɔ́ kadə̄ a teē kə ngánən gēé.

PĀ GƏ̄ 44:13

Ḭ̄ ə́ya̰ ādə̄ mangən̄ gír deē yāí gə̄ kə gātə̄ kə́ ngáā aĺ, manə̄n kə́ sḛ́ý beē gə̄gē ā ə́nge dɔ tə́ alé.