IJAI 51:9 - Bibəl ta Sar̄

⁹ Ī-ndól̄, Kɔ́ɔ̄ɓē, ī-ndól̄! Ɔ́jə́ tɔ́gí! Ī-ndól̄ tītə̄ kə́ kété, tītə̄ kə́ kété jóo! Rahab ń i dā̰ man̄ kə́ majaĺ ngá̰ý kə́ kum bā bo tə́ ní, i īkɔ́ bang n ɔ́sən ba ī-gángən naā tə́ bét bét ní.

Bible sar

⁹ Ī-ndól̄, Kɔ́ɔ̄ɓē, ī-ndól̄! Ɔ́jə́ tɔ́gí! Ī-ndól̄ tītə̄ kə́ kété, tītə̄ kə́ kété jóo! Rahab ń i dā̰ man̄ kə́ majaĺ ngá̰ý kə́ kum bā bo tə́ ní, i īkɔ́ bang n ɔ́sən ba ī-gángən naā tə́ bét bét ní.

IJAI 51:9 Referans Kwoze

IJAI 52:1

Siyo̰, ī-ndól̄, ī-ndól̄! Ɔ́jə́ tɔ́gí! Jerusalem, ɓē kə́ táĺ, ī-tə́la kūbə̄ yāí kə́ majə ngá̰ý gə̄ rɔ̄í tə́! Tām̄ kəja mɔtədə́ aĺ gə̄, de kə́ yḛr gə̄, a reēn̄ looí to̰ aĺ i kə́ bátə́ gə̄ tə́.

IJAI 27:1

Ndɔ̄ ngeé ń noō tə́ ní, Kɔ́ɔ̄ɓē a un kaskar yān kə́ bo ō, to ɓōĺ ō, ngan̄g ō, yā rāań yá̰á̰ kə́ tōr̄ kə Lebiatan ń i lī kə́ nge ka̰ȳ ní, Lebiatan ń i lī kə́ kumən edə̄ ngá̰ý ní. Ba dā̰ kə́ majaĺ ngá̰ý kə́ kum bā bo tə́ ngeé ń toō ní a tɔ̄lən.

PĀ GƏ̄ 89:10

I ḭ̄ n i nge kɔgə̄ bā bo kɔjə rɔ̄n ní, dan ń ḭḭ bububu anī, i ḭ̄ n i nge rāā kadə̄ tél to jəke ní.

IJAI 30:7

A̰á̰ā̰, rāā kə deé yā ɓē kə́ Ejiptə i nél karī, teē yá̰á̰ kógə̄ḿ aĺ bátə́. I tām̄ najə̄ ń toō tə́ n m-ə́da najə̄ kə́ dɔ ɓē ngeé ń toō tə́ na: Ni-a̰a̰ gajə gajə ngá̰ý, banī rāā yá̰á̰ kógə̄ḿ aĺ ní.

EJEKIEL 29:3

Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

IJAI 51:17

Jerusalem, ī-ndól̄, ī-ndól̄! Ḭ́ḭ ī-ra dɔɔ́! Kɔ́ɔ̄ɓē rāā adə̄ ā̰ȳ kasə kə́ kem kópə wōn̄g yān tə́. Ḭ̄ ā̰ȳ i malang, adə̄ ḭḭ̄ noí.

PĀ GƏ̄ 44:1

Pā kə́ kem makətūbə̄ yā ngār yā gōsə̄ pá gə̄ tə́. I pā yā ngán Kore gə̄.

Makətūbə̄ yā Job 26:12

Nə́ɓā njar bā bo kə ta kūl̄ tɔ́gəneé ō, Ni-tetə tɔ́gə́ nél balway kə ta kūl̄ kur̄ dɔneé ō.

PĀ GƏ̄ 7:6

anī ādə̄ madə̄ ba̰ā̰ḿ ngɔ̄də̄ əhɔm̄ ō, ənīm̄ nang tə́ kum bumbə́ru tə́ ba tə́ɓām̄ kə njaneé ō, əlań rɔ̄sɔl̄ dɔḿ tə́.

HABAKUK 3:13

Ī-teē i yā kajə gír deē yāí gə̄, i yā kajə mban̄g ń ḭ̄ ɔ̄r̄ kamə̄n tām̄ yā Nə́ɓā tə́ ní. Ḭ̄ ī-mbəre ngār yā gír de kə́ majaĺ gə̄ ə̄nīn ō, de gə̄ ń ɓoon̄ rɔ̄də́ tū yān tə́ ní, ḭ̄ ī-nujədə́ sák sák kɔ̄ɔ́ ō.

IJAI 62:8

Kɔ́ɔ̄ɓē ənī ndūn ń toō kə ngagá ngá̰ý, əda na: Tītə̄ ń tɔ́gə́ḿ i ngá̰ý noó, m-ā m-ə́ya̰ madə̄ ba̰ā̰í gə̄ kadə̄ ulə̄n̄ rɔ̄də́ kə kōō gémē yāí to̰ alé. Tə̄rā gə̄ a a̰ȳn̄ kasə nduú yāí ń ɔ́r tāmən tə́ ní to̰ alé.

PĀ GƏ̄ 93:1

Kɔ́ɔ̄ɓē i mban̄g. Kɔsə gɔn utə̄ gidə rɔ̄n malang. Tɔ́gə gīr̄ gidən tītə̄ ndāŕ kəhɔ ɓōdə̄ beé. Rɔ̄kum, dɔ nang ra ngan̄g, yá̰a̰ a yéȳn alé.

PĀ GƏ̄ 87:4

M-ə́da najə̄ yā de kə́ Ejiptə gə̄ ō de kə́ Babilon gə̄ ō Pilistin gə̄ ō Tir gə̄ ō de kə́ Etiopi gə̄ ō ta kum ngé gə̄ ń ger̄mə̄n̄ tə́ ní. Rɔ̄kum, ojən̄də́ i kem ɓē gə̄ ń noō tə́.

PĀ GƏ̄ 44:23

Banī i najə̄ yāí tə́ n tɔ̄lə̄n̄neéjí kə dɔ ndɔ̄ gə̄ ō, rāān̄neéjí batə̄ kə́ yā tɔ̄l̄ gə̄ tə́ ō ní.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

JEJU TEĒ KUM JA̰A̰ 11:17

Nin̄-ədan̄ na: Kɔ́ɔ̄ɓē Nə́ɓā kə́ bo kə́ tɔ́gí i ngá̰ý, ḭ̄ ń ī-ndi ngɔlaā ō, ī-ndi kété ō ní, jə-ndadə̄ j-adī tɔdɔ̄ ó̰o̰ ɓē kə ta kūl̄ tɔ́gí kə́ ngá̰ý.

Najə̄ kə́ Majə yā Jeju ń Luk ndang ní 1:51

Ni ɔjə tɔ́gən kə́ ngá̰ý kə̄ ndágá. Tə̄ndā de gə̄ ń kɔjə rɔ̄ i kemdə́ tə́ ní, tə̄ndā tḭ̄ḭ̄də́ kɔ̄ɔ́.

HABAKUK 2:19

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ə́daī dugə̄jū kāgə̄ na: Ī-ndól̄ dɔ ɓīī tə́! Mbal̄ kə́ tɔ́sə̄ rāā yá̰á̰ tə́ ń ɔr̄ najə̄ aĺ ní, sḭḭ̄ ə́dain̄ na: Ī-lōō ɓīī! Tá nin̄ asən̄ ndóōsí yá̰á̰ kógə̄ḿ alé. Rāān̄ lɔ́r ō, gində̄ arjā̰a̰ ō, gidə yá̰á̰ kə́ tɔ́sə̄ gə̄ ní tə́ rɔ̄kum. Banī koō kə́ yā rāādə́ kadə̄ ndin̄ kə kumdə́ gətóo kemdə́ tə́!

IJAI 53:1

Najə̄ kə́ kijə ń j-oō ní, i náā n taā kem ní? I náā n a̰a̰ tɔ́gə yā Kɔ́ɔ̄ɓē ger̄ ní?

IJAI 51:5

Kajə ń m̄-reēń ní, dɔ i ngɔr, teē ɓəloó a reē noó. M-ā m̄-gān̄g sarya kə ngangá ngá̰ý dɔ gír de gə̄ tə́. Gír de gə̄ ń ndin̄ sa̰y ní, a əndān̄ kemdə́ dɔḿ tə́. Nin̄ a əndān̄ kemdə́ dɔ kasə kə́ m-ásə rāā yá̰á̰ tə́.

PĀ GƏ̄ 78:65

Kɔ́ɔ̄ɓē ndól̄ tītə̄ de kə́ ndól̄ dɔ ɓīī tə́ beē, tītə̄ go̰ rɔ̄ɔ̄ kə́ kasə gán̄g kumən tə́ beē.

PĀ GƏ̄ 21:13

Ā ī-túr̄də́ kə ga̰ gərā yāí gēé. Ā ī-rāādə́ kadə̄ a a̰ȳn̄ naā.

NGÉ SARYA 6:13

Jedeo̰ tél ədan na: Kɔ́ɔ̄ḿ, ré Kɔ́ɔ̄ɓē i naā tə́ sejí anī yá̰a̰ malang kə́ tōr̄ gə̄ ń toō rāān̄jí i tām̄ rí tə́? Yá̰á̰ kə́ yáā gə̄ ń kaají gə̄ ədan̄jí dan ń a ənīnəńjí gotə teē kə́ Kɔ́ɔ̄ɓē teē sedə́ kɔ̄ɔ́ kem ɓē kə́ Ejiptə tə́ ní i rá? Kə́ rɔ̄kum tə́ tā anī Kɔ́ɔ̄ɓē əya̰jí kɔ̄ɔ́ tām̄ ni əlají kem jī Madian gə̄ tə́.

NDŪ NAJƏ̄ 4:34

Aké nə́ɓā kógə̄ḿ nāā kɔr̄ deē yān gə̄ kɔ̄ɔ́ ɓá jī madə̄ ba̰ā̰də́ gə̄ tə́ kə ta kūl̄ yá̰a̰ nāā gə̄ ō, yá̰a̰ kɔjə gə̄ ō, yá̰á̰ kə́ yáā gə̄ ō, rɔ̄ɔ̄ kə́ rɔ̄ɔ̄ de gə̄ ō, kə jīn kə́ ngan̄g ngá̰ý ń əla kə̄ dɔɔ́ ní ō, kə yá̰á̰ kə́ to ɓōĺ ngá̰ý gə̄ ō, kɔ̄ɔ́ ɓá tītə̄ ń Kɔ́ɔ̄ɓē Nə́ɓā yāsí rāań adə̄ á̰a̰ī Ejiptə tə́ ní a?

JA̰A̰ 12:38

I yā kadə̄ najə̄ ń Ijai nge koō ta əda toó reē udəń gírí, əda na: Kɔ́ɔ̄ɓē, i náā n taā kem najə̄ kɔr̄jí ní? I náā n Kɔ́ɔ̄ɓē ɔjən yá̰á̰ ń ni-rāā kə jīneé ní?

PĀ GƏ̄ 59:4

Tɔdɔ̄ á̰a̰ā̰, i nin̄ n ɓɔ̄ɔ̄n̄ rɔ̄də́ yā gān̄gə̄m̄ róbó toō. Kɔ́ɔ̄ɓē, de kə́ tɔ́gə́də́ i ngá̰ý gə̄ ənīmə̄n̄ rɔ̄ɔ̄, kanjə̄ kadə̄ m̄-rāā yá̰á̰ kə́ gōtə́ aĺ, aláa kə́ majaĺ.

Teē Ngán Israel gə̄ 6:6

Adə̄ m̄-mērī kədadə́ najə̄ ń toō: Mā i Kɔ́ɔ̄ɓē. M-ā m-ɔ̄r̄sí ta kəla ngámbá tə́ ō, ta kəla ɓəlo tə́ jī de kə́ Ejiptə gə̄ tə́ ō kɔ̄ɔ́. M-ā m-ə́ndádə́ kə tɔ́gə́ḿ ń yá̰á̰ kə́ dum̄ tan gətóó ní kadə̄ a ɓōlə́n̄ ō, m-ā m̄-taāsí jīdə́ tə́ yā kəya̰sí dɔɔ́ ō.

Makətūbə̄ yā Job 9:13

Nə́ɓā əhɔ gír wōn̄g yān alé. Dā̰ man̄ kə́ kum bā bo tə́ gə̄, adə̄ i Rahab nin̄ kə ngé rāā seneé gēé ní, tɔ́gə́də́ gətóó gír njan tə́.

PĀ GƏ̄ 77:5

Kɔ́ɔ̄ɓē, ḭ̄ ɔ̄gə̄m̄ kótə̄ kumḿ, kemḿ ndi gōtə́ alé, m̄-ger̄ najə̄ kə́ yā kəda alé.

IJAI 52:10

Ni ɔjə tɔ́gən kə́ táĺ ta kum nápar de gə̄ tə́ malang ō, de gə̄ a̰a̰n̄ loo kajə ń Nə́ɓā yājí a ajəjí ní bátə́ ta ngóy dɔ nang tə́ ō.

JAKARI 2:13

A̰á̰ā̰, m-ā m̄-rāā yá̰á̰ kógə̄ḿ kə gotə gír de kə́ rang gēé. Loo ń noō tə́ ngé gə̄ ń kété nin̄ i ɓəlo yādə́ gə̄ ní, ta i dɔdə́ tə́ kadə̄ ɔyn̄ yá̰a̰ yādə́ gə̄ dɔ gúú tə́. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ ní.

JAKARI 10:11

Nin̄ a teēn̄ bā yá̰á̰ kə́ to kum kaȳ aĺ kə̄ gidə kə́rēý tə́. Mā Kɔ́ɔ̄ɓē, m-ā m-ə́nda bəngál man̄ gə̄ kə́ dɔ bā bo tə́. Man̄ bā Nil gə̄gē a iī kɔ̄ɔ́ kem kārə̄n tə́. Ɓē kə́ Asiri ń ɔjə rɔ̄n ngá̰ý ní, a mbərenən̄ yā kənīn ō, ɓē kə́ Ejiptə a o̰o̰ ɓē to̰ aĺ ō.

PĀ GƏ̄ 44:2

Nə́ɓā, yá̰á̰ kə́ to rī ɓār̄ gə̄ ń ī-rāā kété jóo ɓāl̄ yā kaají gə̄ tə́ ní, bɔbə̄jí gə̄ ənīn̄jí gotə, adə̄ j-oō kə mbījí.

PĀ GƏ̄ 44:24

Kɔ́ɔ̄ɓē, ī-ndól̄! Ā ī-ɓīī i najə̄ rí tə́? Ī-ndól̄, ba ī-lōō mbātə́jí kə́ njɔ́ḿ gə̄ tə́!

PĀ GƏ̄ 89:11

I ḭ̄ n ī-rējə̄ nīń Rahab ní, i ḭ̄ n ī-tə̄ndā madə̄ ba̰ā̰í gə̄ ī-tḭ̄ḭ̄də́ naā tə́ kə tɔ́gə jīí ní.

MISE 7:15

Ɔ́jə́jí yá̰a̰ rāāí gə̄ kə́ ton̄ dáńg, tītə̄ ń ī-rāań kété, dan ń ī-teēń sejí kɔ̄ɔ́ kem ɓē kə́ Ejiptə tə́ ní!

KƏLA RĀĀ 7:7

Banī mə̄kɔ́ m-ā m̄-gān̄g sarya dɔ nápar de gə̄ ń nin̄ a rāān̄ ɓəlo yādə́ ní tə́. Gō tə́ anī a ḭḭn̄ loo ń noō tə́ yā reē rāā kəla kadə̄m̄ loo ń toō tə́ laā.