IJAI 51:4 - Bibəl ta Sar̄

⁴ Kɔ́ɔ̄ɓē əda na: Sḭḭ̄ gír deē yāḿ gə̄, ōōī najə̄ yāḿ, sḭḭ̄ nápar deē yāḿ gə̄, ī-nēlī mbīsí! I mā n m-ā m-ə̄ndā ndū najə̄ ō, yá̰á̰ kə́ súmūú ń m-ə̄ndā ngəran ní, i loo kə́ unjə̄ kow kə́ kadə̄ gír de gə̄ a̰a̰nə̄ń loo ō.

Bible sar

⁴ Kɔ́ɔ̄ɓē əda na: Sḭḭ̄ gír deē yāḿ gə̄, ōōī najə̄ yāḿ, sḭḭ̄ nápar deē yāḿ gə̄, ī-nēlī mbīsí! I mā n m-ā m-ə̄ndā ndū najə̄ ō, yá̰á̰ kə́ súmūú ń m-ə̄ndā ngəran ní, i loo kə́ unjə̄ kow kə́ kadə̄ gír de gə̄ a̰a̰nə̄ń loo ō.

IJAI 51:4 Referans Kwoze

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

1 KORḚNTƏ 9:21

Ré mā i dan de kə́ kanjə̄ ndū najə̄ gə̄ tə́ anī, mā ń i de kə́ kanjə̄ ndū najə̄ yā Nə́ɓā alé, tɔdɔ̄ ndū najə̄ yāḿ i Kərist ní, m̄-ndi tītə̄ kə́ mā i kanjə̄ ndū najə̄ dɔḿ tə́, kadə̄ m-ə́ngeń ngé gə̄ ń ndin̄ kanjə̄ ndū najə̄ ní.

IJAI 2:3

Gír de gə̄ ngá̰ý a əsōn̄ róbó. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń ni a sāā rɔ̄jí tə́ ní ō, róbə́ ń ni ɔjəjí ní, j-a j-uniī ō. Tām̄ yá̰á̰ ndóō yā Kɔ́ɔ̄ɓē ḭḭ i Siyo̰ n reē ní. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

IJAI 42:6

Mā Kɔ́ɔ̄ɓē, m̄-ɓāríī i tām̄ yá̰á̰ ń m̄-rā dɔ tə́ yā rāā ní i yá̰á̰ kə́ gōtə́. M-ə́hɔ ta jīí, deē ń rāāī ní i mā. Madə̄ naā yāḿ ń m-ə́hɔ kə gír de gēé ní, m̄-rāā ādə̄ reē udə gíŕ kə́ rɔ̄ tə́ i kemií ḭ̄ tə́, ḭ̄ i loo kə́ unjə̄ kow yā nápar de gə̄ kə́ dɔ nang tə́.

MISE 4:2

Nápar de kə́ ngá̰ý gə̄ kə́ dɔ nang kə́ rang tə́ a əsōn̄ róbó yā reē. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń a sāā rɔ̄jí tə́ ní ō, j-a j-uniī róbə́ ń ni ɔjəjí ní ō. Tɔdɔ̄ yá̰á̰ ndóō yā Kɔ́ɔ̄ɓē teē i Siyo̰. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

PĀ GƏ̄ 78:1

Pā kə́ kəda, i pā yā Asap. Sḭḭ̄ deē yāḿ gə̄, ōōī ndū najə̄ yāḿ, ī-nēlī mbīsí ōōīneé najə̄ kə́ taḿ tə́.

Najə̄ kə́ Majə yā Jeju ń Luk ndang ní 2:32

Ni i loo kə́ unjə̄ kow tām̄ yā nápar de kə́ rang gə̄ tə́ ō, a ɔsə gɔn Israel ń i gír deē yāí gə̄ ní ō.

IJAI 26:2

Ī-teēī ta róbə gə̄, ə́ya̰ī nápar de gə̄ ń oōn̄ ta Nə́ɓā ní, nápar de gə̄ ń ran̄ dɔ ndūdə́ tə́ seneé ní, ādə̄ udən̄.

Gōsə̄ najə̄ gə̄ 6:23

Tɔdɔ̄ yá̰á̰ kə́ kəda kadə̄ yā rāā ní, rāā rɔ̄n i hor lámbá kə́ unjə̄ loo tə́ ō, kɔjə̄ rāā rɔ̄n i loo kə́ unjə̄ kow tə́ ō, ndán̄g loo i yá̰á̰ kə́ a əhɔ əndājí gotoó dɔ róbə ndi kə kumuú tə́ ō.

PĀ GƏ̄ 147:20

Ni-rāā yá̰á̰ kə́ tītə̄ ń noō kə nápar de kə́ rang gēé aĺ ō, nápar de kə́ rang gə̄ gerə̄n̄ gō míndən gə̄ aĺ ō. Aleluya!

PĀ GƏ̄ 106:5

Ādə̄ m-á̰a̰ rɔ̄nel̄ yā ngé gə̄ ń ī-gə̄rādə́ ní ō, m̄-rāā walya rɔ̄nel̄ yā gír deē yāí gə̄ ō, ādə̄ m-ɔ́r ta rɔ̄ḿ naā tə́ kə ngé gə̄ ń əngen̄ yá̰a̰ yāí ní ō.

PĀ GƏ̄ 50:7

Sḭḭ̄ gír deē yāḿ gə̄ ōōī, m-ā m-ɔ̄r̄ najə̄ sesí. Israel, i mā Nə́ɓā ń i Nə́ɓā yāí ní n m-ā m̄-gɔŕyɔ̄ī najə̄ ní.

PĀ GƏ̄ 33:12

Rɔ̄nel̄ i kə nápar de gə̄ ń Kɔ́ɔ̄ɓē i Nə́ɓā yādə́ ní. Rɔ̄nel̄ i kə gír de gə̄ ń Kɔ́ɔ̄ɓē gə̄rādə́ kadə̄ nin̄ i yá̰a̰ kəngen gə̄ ní.

Teē Ngán Israel gə̄ 33:13

Adə̄ dan ń kemən na i kə́ majə seneé ɓá ní, kə ɔjən yá̰a̰ gə̄ ń na núm̄ yā rāā ní kadə̄ n-ger̄. Na i tītə̄ ń noō n n-a n-gerə̄nneé kə́ rɔ̄kum tə́ ō, na n-gerə̄ń kadə̄ na a rāā kem majə seneé mámák ō ní. Gír de gə̄ ń noō na i gír deē yān gə̄ ní kadə̄ dɔn kə ndígə̄nal alé.

Teē Ngán Israel gə̄ 19:6

adə̄ sḭḭ̄ ā ī-téliī ɓē ko̰o̰ yā ngé tun̄ yá̰a̰ gə̄ ō, gír de gə̄ kə́ táĺ gə̄ ō. Yá̰á̰ ń kadə̄ ə́dá ngán Israel gə̄ ní n noó.

NDŪ NAJƏ̄ 18:18

M-ā m-ə́la kə nge koō ta kə́ tītīí yā kadə̄də́. Deē ń m-ā m-ə́la seneé ní i de kə́ gír yādə́ tə́. M-ā m-ə̄ndā najə̄ yāḿ tan tə́, ba yá̰a̰ malang ń m-ā m̄-mērən kədadə́ ní, ni a ədadə́.

IJAI 1:27

Siyo̰ a ajə i kə ta kūl̄ ɓōĺ gidə yá̰á̰ kə́ súmūú. De kə́ kemeé gə̄ ń a télən̄ yā reē rɔ̄ Nə́ɓā tə́ ní, a ajən̄də́ i kə ta kūl̄ yá̰a̰ rāā kə́ gōtə́.

IJAI 26:8

A̰á̰ā̰, Kɔ́ɔ̄ɓē, j-əndā tɔ́gə́jí i dɔí ḭ̄ tə́, dɔ róbə́ ń ī-mēr̄jí kun tə́ ní. Yá̰á̰ ń jə-gḛy ní i kógə̄ḿ beē, i ɓāríī kadə̄ ī-rāā sejí, i gír̄ dɔí tə́.

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

IJAI 42:21

Yá̰á̰ ń Kɔ́ɔ̄ɓē ra dɔ tə́ yā rāā ní i yá̰á̰ kə́ gōtə́, ni sāā kɔjə kadə̄ ndū najə̄ yān i ndū najə̄ kə́ bo ngá̰ý ō, majə ngá̰ý ō.

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

IJAI 63:8

Ni-ɔr̄ najə̄ yā de gə̄ yā Israel, əda na: Nin̄ i gír deē yāḿ gə̄, i ngánə́ḿ gə̄, nin̄ a gól̄mə̄n̄ aĺ ō, kété ni i nge kajədə́.