IJAI 51:22 - Bibəl ta Sar̄

²² Najə̄ ń Kɔ́ɔ̄ɓē, ngolií, Nə́ɓā yāí, nge rɔ̄ɔ̄ dɔ gír deē yān gə̄ tə́, əda ní n toó: Kopə wōn̄g yāḿ ń i kópə kə́ a ḭḭ̄ no deē ní, m-ā m̄-tél yā taā jīí tə́ kɔ̄ɔ́. Ā ā̰ȳ yá̰á̰ kə́ kemeé to̰ aĺ i kə́ bátə́ gə̄ tə́.

Bible sar

²² Najə̄ ń Kɔ́ɔ̄ɓē, ngolií, Nə́ɓā yāí, nge rɔ̄ɔ̄ dɔ gír deē yān gə̄ tə́, əda ní n toó: Kopə wōn̄g yāḿ ń i kópə kə́ a ḭḭ̄ no deē ní, m-ā m̄-tél yā taā jīí tə́ kɔ̄ɔ́. Ā ā̰ȳ yá̰á̰ kə́ kemeé to̰ aĺ i kə́ bátə́ gə̄ tə́.

IJAI 51:22 Referans Kwoze

IJAI 49:25

Najə̄ ń Kɔ́ɔ̄ɓē əda ní n toó: A̰á̰ā̰, m-ā m̄-taā dəngáy yā nge rɔ̄ɔ̄ jīn tə́, m-ā m̄-taā yá̰a̰ kənge gə̄ kə́ kəhɔ ta rɔ̄ɔ̄ tə́ yā nge rāā de gə̄ yá̰á̰ kə́ tōr̄ dɔ gúú tə́. Jerusalem, mə̄kɔ́ m-ā m̄-rɔ̄ɔ̄ ngé kənīí rɔ̄ɔ̄ gə̄ ō, mə̄kɔ́ m-ā m-ájə́ ngání gə̄ ō.

Gōsə̄ najə̄ gə̄ 22:23

Tɔdɔ̄ Kɔ́ɔ̄ɓē a rɔ̄ɔ̄ dɔdə́ tə́ loo sarya tə́ ō, a rāā kadə̄ yo taā ngé taā yá̰a̰ yādə́ gə̄ ō.

JEREMI 50:34

Ba nge rɔ̄ɔ̄ dɔdə́ tə́ tɔ́gən ngan̄g ngá̰ý, rīn na i Kɔ́ɔ̄ɓē kə́ bo kə́ tɔ́gən i ngá̰ý. Ni-ɔr̄ najə̄ kə́ tām̄ yādə́ tə́ kə ngangá ngá̰ý yā rāań kadə̄ ɓē tél ndi lɔm gogə́ ō, yā kəlań ɓōĺ kem Babilon gə̄ tə́ ō.

IJAI 62:8

Kɔ́ɔ̄ɓē ənī ndūn ń toō kə ngagá ngá̰ý, əda na: Tītə̄ ń tɔ́gə́ḿ i ngá̰ý noó, m-ā m-ə́ya̰ madə̄ ba̰ā̰í gə̄ kadə̄ ulə̄n̄ rɔ̄də́ kə kōō gémē yāí to̰ alé. Tə̄rā gə̄ a a̰ȳn̄ kasə nduú yāí ń ɔ́r tāmən tə́ ní to̰ alé.

IJAI 51:17

Jerusalem, ī-ndól̄, ī-ndól̄! Ḭ́ḭ ī-ra dɔɔ́! Kɔ́ɔ̄ɓē rāā adə̄ ā̰ȳ kasə kə́ kem kópə wōn̄g yān tə́. Ḭ̄ ā̰ȳ i malang, adə̄ ḭḭ̄ noí.

PĀ GƏ̄ 35:1

Pā yā Dabid. Kɔ́ɔ̄ɓē, m̄-rāāī ɓɔ́, ə̄ndā najə̄ dɔ ngé sekə́m̄ gə̄ tə́ ō, ī-rɔ̄ɔ̄ ngé rɔ̄ɔ̄ḿ gə̄ ō!

MISE 7:9

Majə kadə̄ jə-tə́gā tají, dan ń Kɔ́ɔ̄ɓē a rāāń wōn̄g tə́ ní. Tɔdɔ̄ jə-mān̄ dɔ ndūn. Banī ndɔ̄ a reē noó, kadə̄ ni a rɔ̄ɔ̄ dɔjí tə́ ō, ni a gān̄g sarya kə́ gōtə́ yā kadə̄jí ō. Ni a ɔrjí ta róbə yā kaw̄ sejí kum loo kə́ unjə̄ kow tə́ ō, a rāā majə sejí yā kutə̄ń gidəjí ō.

JOEL 3:2

Kem ndɔ̄ gə̄ ngeé ń noō tə́ ní, m-ā m̄-rāā kadə̄ Ndílə́ḿ risə dɔ ngé kəla kə́ dəngam gə̄ tə́ ō, dɔ ngé kəla kə́ dəyá̰ gə̄ tə́ ō.

1 SAMUEL 25:39

Dan ń Dabid oō kadə̄ Nabal oy anī əda na: m̄-ndadə̄ m-ādə̄ Kɔ́ɔ̄ɓē ń rɔ̄ dɔḿ tə́ dan ń Nabal tájə̄m̄neé tə́ ní. m̄-ndadə̄ m-ādə̄n tām̄ kɔgə̄ ń ni ɔgə̄m̄ rāā majaĺ tə́ ní ō tām̄ rāā ń ni-rāā adə̄ kem ndul yā Nabal tél əsō i dɔn nəkɔ́ tə́ ní ō. Gō tə́ anī Dabid əla de gə̄ kəda Abigail tə́ na n-ndigə taān.

EJEKIEL 39:29

Israel gə̄ ń i gír deē yāḿ gə̄ ní, m-ā m-ādə̄də́ ndílə́ḿ ō, m-ā m̄-tūr̄ gidəḿ kɔ̄ɔ́ tadə́ tə́ to̰ aĺ ō. Najə̄ ń Kɔ́ɔ̄ɓē Nə́ɓā əda ní n noó.

JEREMI 51:36

I tāmə̄n̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: M-ā m-ə̄ndā rɔ̄ḿ ta najə̄ yāí tə́ ō, m-ā m̄-dal ba̰ā̰í ō. M-ā m̄-rāā kadə̄ bā bo kə́ Babilon tə́ tél loo kə́ tutə kɔ̄ɔ́ ō, kadə̄ kəɓa man̄ yān iī kɔ̄ɔ́ ō.

MATIYE 20:22

Jeju tél ədadə́ na gerə̄n̄ kum yá̰á̰ ń dəjenən̄ toó alé, ké asən̄ ka̰ȳ yá̰á̰ kə́ kem kopoó ń n-a n-rāā yā ka̰ȳ toó wa. Anī nin̄-tél ədanən̄ na n-asən̄.

PĀ GƏ̄ 60:3

Nə́ɓā ḭ̄ ī-mbātə́jí, ī-tə̄ndā ī-tḭ̄jí kə̄ loo gə̄ tə́. I wōn̄g n rāāī ní ba úńjí dɔɔ́ gogə́ rang.

IJAI 3:12

Kɔ́ɔ̄ɓē əda na: Gír deē yāḿ gə̄, ngé rējə̄sí gə̄ i ngáń kə́ dūú gə̄ ō, i dəyá̰ gə̄ n i ngé ko̰o̰ ɓē dɔsí tə́ gə̄ ō ní. Gír deē yāḿ gə̄, ngé kɔr nosí gə̄ gólə̄n̄sí, nin̄ tɔ̄ɔ̄ aw̄n̄ sesí i kum kə̄ loo kə́ majaĺ tə́.

IJAI 3:13

Kɔ́ɔ̄ɓē əndā dɔ rɔ̄n danaá kɔ̄ɔ́ yā rāā sarya, ni-ḭḭ ra kə njan kə́ dɔɔ́ yā gān̄g sarya dɔ gír deē yān gə̄ tə́.

JEREMI 25:15

Yá̰á̰ ń Kɔ́ɔ̄ɓē, Nə́ɓā yā Israel ədam̄ ní n toó: Ī-taā kópə kasə nduú ń toō jīḿ tə́, ādə̄ nápar de gə̄ malang ń m-ā m-ə́laī kə̄ rɔ̄də́ tə́ ní ādə̄ a̰ȳn̄, i kasə wōn̄g yāḿ.

ABƏDIAS 1:16

Israel gə̄, sḭḭ̄ ā̰yī yá̰á̰ kə́ kem kópə wōn̄g yāḿ tə́ kɔ̄ɔ́ ɓá, dɔ mbal̄ yāḿ kə́ táĺ tə́. I beé ní, nápar de gə̄ a a̰ȳn̄ tītə̄ yāsí ō, kanjə̄ dəba. A a̰ȳn̄ bátə́ kadə̄ rāādə́ kə́ kasə tə́. Gō tə́ anī, nin̄ a gətóon̄ kɔ̄ɔ́ malang.

JAKARI 12:2

M-ā m̄-rāā Jerusalem i kópə kógə̄ḿ kə́ kasə nduú wōn̄g yāḿ rosə kem tə́. Kasə wōn̄g yāḿ ní, a tūr̄ dɔ gír de gə̄ malang ń ndin̄ kadən tə́ ní. Dan ń a ənīn̄ ɓē kə́ Jerusalem rɔ̄ɔ̄ anī, dɔ de kə́ Juda gə̄ malang a ndi gōtə́ alé.

IJAI 29:9

Ādə̄ ɔr kumsí ō, ī-ndiī kanjə̄ kəda yá̰a̰ ō. Ī-téliī ngé kum tɔ̄ɔ̄ gə̄ ō, ī-ndiī kanjə̄ ka̰a̰ loo ō. Ādī kasə rāāsí, ba i kanjə̄ ka̰ȳ kasə nduú. ī-bḭ́ḭ̄ḭ̄ sitə sitə, ba i kanjə̄ ka̰ȳ kasə.

NŌŌ RƆ̄ 3:15

Ni rāām̄ adə̄ wurəḿ atə̄m̄ ngá̰ý ō, adə̄m̄ man̄ mu kə́ atə̄ kárárá adə̄ m-ā̰ȳ ō.

NŌŌ RƆ̄ 3:58

Kɔ́ɔ̄ɓē, ɔ̄r̄ najə̄ dɔḿ tə́ ndɔ̄ sarya ń sāān̄ kəndā dɔḿ tə́ ní ō, ájəm̄ ō.