Biblia Todo Logo
Bib sou entènèt

- Piblisite -




IJAI 51:2 - Bibəl ta Sar̄

2 Á̰a̰ī bɔbə̄sí Abəraham ō, kó̰ó̰sí Sara ń ojəsí ní ō. Dan ń m̄-ɓāŕ Abəraham ní, Abəraham ojə ngōn̄ alé. Banī m̄-tɔ́r̄ taḿ dɔn tə́ ō, m̄-rāā adə̄ ni-tél bɔbə̄ gír de gə̄ kə́ nin̄ i ngá̰ý ō.

Gade chapit la Kopi

Bible sar

2 Á̰a̰ī bɔbə̄sí Abəraham ō, kó̰ó̰sí Sara ń ojəsí ní ō. Dan ń m̄-ɓāŕ Abəraham ní, Abəraham ojə ngōn̄ alé. Banī m̄-tɔ́r̄ taḿ dɔn tə́ ō, m̄-rāā adə̄ ni-tél bɔbə̄ gír de gə̄ kə́ nin̄ i ngá̰ý ō.

Gade chapit la Kopi




IJAI 51:2
23 Referans Kwoze  

Ḭ̄ ngōn̄ deē, ōō! Gotə de gə̄ ń na̰yn̄ á ndin̄ Israel tə́ kə̄ kem ɓē bo gə̄ kə́ nujə kɔ̄ɔ́ gə̄ tə́ ní, ə́dan na: Kété ní Abəraham i kə kérneé banī ɓē malang i yān. Ba jḭḭ̄ ń i ngá̰ý ní, majə kadə̄ i jḭḭ̄ n ɓē i yājí ngɔlaā ní.


I tām̄ najə̄ ń toō tə́ ń, Kɔ́ɔ̄ɓē ń ajə Abəraham ní ɔr̄ najə̄ kə kojə yā Jakob gēé i beé ní: Ngɔlaā ní gír deē yā Jakob gə̄ a nalə̄n̄ yá̰á̰ ń nin̄ əndan̄ kemdə́ dɔ tə́ ní to̰ alé, rɔ̄də́ a sɔl̄də́ ngá̰ý to̰ alé.


Kɔ́ɔ̄ɓē rāā majə kə kɔ́ɔ̄ḿ adə̄ ni-ənge yá̰á̰ ngá̰ý. Ənge batə̄ gə̄ kə bə̄yā̰ gə̄ kə man̄g gə̄. Ni-ənge gində̄ arjā̰a̰ ō, lɔ́r ō, ngé kəla kə́ dəngam gə̄ ō, kə́ dəyá̰ gə̄ ō, jámbal gə̄ ō, kərō gə̄ ō.


Abəraham tɔgə ɓə́gá ngá̰ý kɔ̄ɔ́. Kɔ́ɔ̄ɓē rāā majə seneé tū yá̰a̰ gə̄ tə́ malang.


m̄-teē kə kaasí Abəraham kɔ̄ɔ́ dɔ nang kə́ gidə bā Opəratə tə́, ba m-āw̄ seneé dɔ nang kə́ Kanaan tə́. m̄-rāā m-adə̄ ngán kaan gə̄ bəlan̄ ngá̰ý. M-ādə̄n Isaak.


Kɔ́ɔ̄ɓē Nə́ɓā yāsí rāā adə̄ ójiī naā ngá̰ý, adə̄ ɓōólaā kutəsí i ngá̰ý tītə̄ yā tə́yō̰ gə̄ kə́ dɔ rā̰ tə́.


Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.


Kaaí kə́ ta kəga dɔ n rāā majaĺ kɔ̄ɔ́ ɓá toō, ō tá ngé gə̄ ń ə̄ndā najə̄ tadə́ tə́ ní, əsōn̄ wōn̄g taḿ tə́ ō


De kə́ dūú tɔȳ madə̄n gə̄ kə́ dandə́ tə́ a ojə de gə̄ dūbú, de kə́ tɔ́gən gətóo tɔȳ madə̄n gə̄ kə́ dandə́ tə́ a téĺ gír de gə̄ kə́ tɔ́gə́də́ i ngá̰ý. Mā Kɔ́ɔ̄ɓē, dan ń kum mbang a asə anī, m-ā m̄-rāā yá̰á̰ ń noō i láẃ ngá̰ý.


Tá ḭ̄ i bɔbə̄jí. Kaají Abəraham ger̄ najə̄ yājí kógə̄ḿ alé, Jakob ger̄jí alé. Ba ḭ̄ Kɔ́ɔ̄ɓē ḭ̄ i bɔbə̄jí, nge gān̄g dɔjí, nəkɔ́ ń jóo toó rīí n noó ngándáńg.


Loo ń noō tə́ ā ə́da ta kum Kɔ́ɔ̄ɓē Nə́ɓā yāí tə́ na: Kaaḿ i Aram kə́ nge njə̄rā dɔɔ́. Ni-aw̄ dɔ nang kə́ Ejiptə tə́ aw̄ ndi i kə́ tə̄rā kə́ nge nam̄ tə́ kə de kə́ sḛ́ý beē gə̄ ń aw̄n̄ seneé ní. Loo ń noō tə́ ni téĺ nápar de kə́ tɔ́gə́də́ i ngá̰ý ō, kutədə́ i ngá̰ý ō.


Kojə yā Jakob gə̄, sḭḭ̄ ń rī Israel ɓār̄ dɔsí tə́ ō, i Juda n ojəsí ō ní, ōōī. Sḭḭ̄ ī-túbiī kə rī Kɔ́ɔ̄ɓēé ō, ɔ̄rī najə̄ yā yá̰a̰ gə̄ ń Nə́ɓā yā Israel rāā ní ō, banī sḭḭ̄ i de kə́ rɔ̄kum gə̄ aĺ ō, de kə́ súmūú gə̄ aĺ ō.


Swiv nou:

Piblisite


Piblisite