Biblia Todo Logo
Bib sou entènèt

- Piblisite -




IJAI 51:12 - Bibəl ta Sar̄

12 Kɔ́ɔ̄ɓē əda na: I mā n i ngé tél kadə̄sí kəndā kem dɔ tə́ gogə́ ní. A̰á̰ā̰, i mā. Ḭ̄ gír deē yāḿ, ī-ɓōĺ deē ndul gə̄ i tām̄ rí tə́? Nin̄ malang i ngé koy gə̄, ta tɔ̄l̄ tadə́ i tītə̄ ta tɔ̄l̄ ta mu beé.

Gade chapit la Kopi

Bible sar

12 Kɔ́ɔ̄ɓē əda na: I mā n i ngé tél kadə̄sí kəndā kem dɔ tə́ gogə́ ní. A̰á̰ā̰, i mā. Ḭ̄ gír deē yāḿ, ī-ɓōĺ deē ndul gə̄ i tām̄ rí tə́? Nin̄ malang i ngé koy gə̄, ta tɔ̄l̄ tadə́ i tītə̄ ta tɔ̄l̄ ta mu beé.

Gade chapit la Kopi




IJAI 51:12
37 Referans Kwoze  

Kɔ́ɔ̄ɓē i dām̄ yāḿ tə́, adə̄ m̄-ɓōĺ yá̰á̰ kógə̄ḿ alé, de gə̄ a rāān̄ i rí seḿ?


Tītə̄ ń makətūbə̄ yā Nə́ɓā ədań ní: Deē ndul to i tītə̄ mu beé ō, Kɔsə gɔn yān malang to i tītə̄ hútə̄ mu kə́ bembeé beé ō. Mu tutə anī hútə̄n ur̄ kɔ̄ɔ́.


I beé ní, ə́ya̰ī deē ndul gə̄! Ndidə́ kə kumdə́ i koō ngóy. Ní, nin̄ i rí kógə̄ḿ?


M-ā m-ə́yá̰sí hal alé, m-ā m̄-tél yā reē rɔ̄sí tə́.


A̰á̰ā̰, tītə̄ ń kó̰o̰ ngōn̄ sɔlə̄ń kem ngōnən ní, mā m-ā m̄-sɔl̄ kemsí ō. A sɔlə̄n̄ kemsí kem ɓē kə́ Jerusalem tə́.


Ī-lōōī ɓōĺ ngé gə̄ ń asən̄ tɔ̄l̄ dā̰ rɔ̄ deē ba asən̄ tɔ̄l̄ ndíl deē aĺ ní. Deē ń kadə̄ ī-ɓōĺniī ní i Nə́ɓā ń asə rāā kadə̄ dā̰ rɔ̄ deē ō, ndíl deē ō, udə kum hor Gehen tə́ ní.


Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.


Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.


De gə̄ ngá̰ý sāān̄ kadə̄ ngār a̰a̰də́ já̰já̰, ba i Kɔ́ɔ̄ɓē ngóy n i nge gān̄g sarya yā deē kógə̄ḿ kógə̄ḿ kə gōó ní.


Koōdə́ a teē kɔ̄ɔ́, a télən̄ bumbə́rú gogə́. Ndɔ̄ ń noō tə́ ní, yá̰a̰ gə̄ ń nin̄ nómə̄n̄ rāā ní a tɔ̄ɔ̄ kɔ̄ɔ́ malang.


De kə́ mbóo asə ger̄ yá̰á̰ kógə̄ḿ tū tə́ alé. De kə́ kumən gān̄g aĺ asə ger̄ yá̰á̰ kógə̄ḿ tū tə́ alé.


Adə̄ Egəlijə ndi lɔm gō nang malang kə́ Jude tə́ ō, Galile tə́ ō, Samari tə́ ō. Nin̄-əngen̄ tɔ́gə ō, ɓōlə́n̄ Ndíĺ Kɔ́ɔ̄ɓē ō, kutədə́ reē kə̄ dɔ madə̄ tə́ kə ta kūl̄ Ndíĺ kə́ Táĺ ń i nge rāā sedə́ ní ō.


Saul əda Samuel na: m̄-rāā majaĺ, tām̄ m̄-rāā yá̰á̰ ń Kɔ́ɔ̄ɓē ədam̄ ní aĺ ō, m̄-mbātə́ najə̄ gə̄ ń ḭ̄ ɔ̄r̄ seḿ ní ō. Tɔdɔ̄ m̄-ɓōĺ i de gə̄, adə̄ m̄-rāā i yá̰á̰ ń kemdə́ ndigə ní.


Loo ń noō tə́ de kə́ dɔ rā̰ tə́ yā Kɔ́ɔ̄ɓē əda Eli na kə risə kə aw̄ seneé ba kə ɓōlə́n alé. Anī Eli ḭḭ dɔɔ́ b a risə aw̄ kə ngol áskar gə̄ ní rɔ̄ mban̄g tə́.


Ī-téliī kə kəndā kem dɔ tə́ ādī gír deē yāḿ gə̄ gogə́. A̰á̰ā̰, ī-tél ādīin̄ kəndā kem dɔ tə́ gogə́. Nə́ɓā yāsí əda i beé.


Dɔ rā̰, ə́nda jīí! Ba ḭ̄ dɔ nang, ī-rāā rɔ̄nel̄! Mbal̄ bo gə̄, ə́gaī kɔŕ rɔ̄nel̄! Kɔ́ɔ̄ɓē tél adə̄ gír deē yān gə̄ kəndā kem dɔ tə́ gogə́, kumən o̰o̰n kə de gə̄ ń yá̰á̰ kə́ tōr̄ teē dɔdə́ tə́ ní.


I náā n ī-ɓōlə́n ngá̰ý á ī-sorə̄ń ní? á dɔí ndígə̄naləḿ ní? m̄-ndi taḿ mbóo dan i jóó ngá̰ý. I tām̄ najə̄ ń toō tə́ n ī-ɓōĺ ndílə́ḿ to̰ aĺ ní.


Mban̄g Sedekias tél əda Jeremi na: Yá̰á̰ ń m̄-sōl̄ ní i de kə́ Juda tə́ gə̄ ń əsōn̄ gír Kalde gə̄ tə́ ní. Majanī a əlamə̄n̄ jīdə́ tə́ yā kadə̄ əlan̄ rɔ̄sɔl̄ dɔḿ tə́.


Nin̄ a̰ȳn̄ i Kalde gə̄ ń nin̄ ɓōlə́n̄də́ ngá̰ý ní, tɔdɔ̄ Ismael kə́ Netania, tɔ̄l̄ Gedalia kə́ ngōn̄ Ahikam ń mban̄g kə́ Babilon əndān dɔ ɓē tə́ ní.


Ní, ḭ̄ ngōn̄ deē ndul, ī-lōō ɓōĺdə́ ō, ī-lōō ɓōĺ najə̄ kɔr̄də́ ō. Nin̄ a ədan̄ najə̄ kə́ mbātə́ yāí ḭ̄. Adə̄ ā ɔ́jəń na ī-ndi i dan kōn̄ gə̄ tə́, aláa na i dan kókə́rang gə̄ tə́. Banī ī-lōō ɓōĺ najə̄ kɔr̄də́ ō, ī-lōō ɓōĺ ta kumdə́ ō. Tɔdɔ̄ nin̄ i gír de kə́ ngé mbātə́ najə̄ gə̄.


Dan ń Saul nin̄ kə ngán Israel gə̄ malang oōn̄ najə̄ kɔr̄ Pilistin ngeé ń toō ní ndíĺdə́ a̰ȳ ō, ɓōĺ rāādə́ ngá̰ý ō.


Najə̄ ní əla ɓōĺ kem Dabid tə́, adə̄ ni ɓōĺ Akis ń i mban̄g kə́ Gat ní ngá̰ý.


Ī-lōōī kɔr̄ najə̄ kə́ dɔ koō naā loo mundə̄ tə́, kə dɔ kɔr̄ ń de gə̄ ń noō a ɔr̄nəń najə̄ kə́ dɔ koō naā loo mundə̄ tə́ ní. Ī-lōōī ɓōĺ yá̰á̰ ń rāādə́ nin̄ adə̄ ɓōĺ rāādə́ ní. Ī-lōōī ɓōĺdə́.


Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.


Ndəbā ɓē gə̄ kə́ Jerusalem, ī-túrī kɔĺ rɔ̄nel̄. Kɔ́ɔ̄ɓē tél kə kəndā kem dɔ tə́ adə̄ gír deē yān gə̄ gogə́, ni-ɔr̄ Jerusalem ɓəloó.


Ni əlam̄ kadə̄ m-ə́da najə̄ ń toō: I ɓāl̄ ń kadə̄ ā á̰a̰īń kem majə yā Kɔ́ɔ̄ɓē ní, i ndɔ̄ ń Nə́ɓā yājí a daləń ba̰ā̰ dɔ madə̄ ba̰ā̰n gə̄ tə́ ní! Ngé gə̄ ń əhɔn̄ ndoō ní, ni əlam̄ kadə̄ m̄-tél m-ādə̄də́ kəndā kem dɔ tə́ gogə́.


Swiv nou:

Piblisite


Piblisite