IJAI 51:10 - Bibəl ta Sar̄

¹⁰ I ḭ̄ n ī-rāā adə̄ bā bo iī kɔ̄ɔ́ ní ō, ni ń i man̄ kə́ bo ngá̰ý ní. Ta tɔ̄l̄ ta anī, i ḭ̄ n ī-njar róbə kum bā bo tə́ loo kə́ ɗúú ngá̰ý tə́ ní. Ngé gə̄ ń ī-teē sedə́ ɓəloó ní, ḭ̄ ī-rāā adə̄ nin̄ mānə̄n̄ i loo ń noō tə́.

Bible sar

¹⁰ I ḭ̄ n ī-rāā adə̄ bā bo iī kɔ̄ɔ́ ní ō, ni ń i man̄ kə́ bo ngá̰ý ní. Ta tɔ̄l̄ ta anī, i ḭ̄ n ī-njar róbə kum bā bo tə́ loo kə́ ɗúú ngá̰ý tə́ ní. Ngé gə̄ ń ī-teē sedə́ ɓəloó ní, ḭ̄ ī-rāā adə̄ nin̄ mānə̄n̄ i loo ń noō tə́.

IJAI 51:10 Referans Kwoze

IJAI 43:16

Kété ní, Kɔ́ɔ̄ɓē njar róbə́ kógə̄ḿ kum bā bo tə́, njar róbə́ kógə̄ḿ kum man̄ kə́ tɔ́gən i ngá̰ý tə́.

IJAI 50:2

Dan ń m̄-reē ní, m-ə́nge deē kógə̄ḿ alé. Ní i tām̄ rí tə́? Dan ń m̄-ɓāŕ yá̰á̰ ní, deē daləm̄ alé. Ní, i tām̄ rí tə́? Mā m-ásə kɔr̄sí ɓəloó aĺ a? Tɔ́gə́ḿ kə́ kadə̄ m-ájəńsí gətóo a? Tá kə ta kūl̄ najə̄ kə́ m̄-ndángəń loo ngóy, m̄-rāā adə̄ bā bo tutə kɔ̄ɔ́ ō, m̄-rāā adə̄ bā gə̄ télən̄ dəla loo ō. Adə̄ dan ń man̄ gətóó ní, kəndā man̄ tɔ̄l̄ kānjə̄ gə̄ ō, nin̄ ndumən̄ ō.

Teē Ngán Israel gə̄ 15:13

Ḭ̄ ī-gān̄g dɔ gír deē yāí gə̄. Ḭ̄ ɔ́r nodə́ kə tárá ō, kə tɔ́gɔ́ ō, āwń sedə́ kum kə̄ dɔ nang kə́ táĺ ń ə̄ndā tām̄ yādə́ tə́ ní.

IJAI 42:15

M-ā m̄-nujə mbal̄ bo gə̄ kə ngán mbal̄ gə̄ kɔ̄ɔ́ ō, yá̰a̰ malang ń a əɓa tū tə́ ní, m-ā m̄-rāā kadə̄ a tutə kɔ̄ɔ́ ō. M-ā m̄-rāā kadə̄ bā gə̄ a télən̄ dɔ nang kə́ ngan̄g ō, m-ā m̄-rāā kadə̄ dang man̄ kə́ bo gə̄ iīn̄ kɔ̄ɔ́ ō.

PĀ GƏ̄ 74:13

Adə̄ ī-gān̄g bā naā tə́ kə ta kūl̄ tɔ́gí. Dā̰ man̄ kə́ bo ngá̰ý kə́ kum bā bo tə́ ń dɔn gə̄ i ngá̰ý ní, ḭ̄ ī-rējə̄ dɔn gə̄ ní.

PĀ GƏ̄ 77:19

Dan ń man̄ yāí ndang á kōōn ɓār̄ ní anī, man̄ gə̄ ń telə̄n̄ ní, rāān̄ adə̄ loo unjə̄ dɔ nang tə́. Dɔ nang ndebə ō, ndām̄ ngin ngin ō.

PĀ GƏ̄ 106:9

Ndán̄g bā tə̄ɓā gə̄, anī bā iī kə̄ ta jī gə̄ tə́ noō. Gō tə́ anī rāā adə̄ njə̄rān̄ kem kār̄ bā tə́ tītə̄ loo njə̄rā kem dəla loo tə́ beē.

PĀ GƏ̄ 106:10

Ni ajədə́ jī ngé kim̄də́ gə̄ tə́, ni-taādə́ jī madə̄ ba̰ā̰də́ gə̄ tə́.

IJAI 11:15

Bā bo kə́ Ejiptə ní, Kɔ́ɔ̄ɓē a rāā kadə̄ man̄ kə́ tū tə́ gətóo kɔ̄ɔ́. Ni a wél̄ jīn yā kəlań ɓōĺ kem bā Opəratə tə́. Ni a gān̄g bā ngeé ń toō kə koō kə́ tan tə́ kə́ tɔ́gən i ngá̰ý kadə̄ a téĺ ngán man̄ gə̄ gír loo sīrí. Deē a asə teē man̄ gə̄ ní kə sākə̄rāá njan tə́.

IJAI 11:16

De gə̄ yān gə̄ ń a teēn̄ ta yo tə́ dɔ nang kə́ Asiri tə́ ní, róbə́ kógə̄ḿ a to tām̄ yādə́ tə́. A to i tītə̄ ń kaadə́ gə̄ teēnəń kɔ̄ɔ́ kem ɓē kə́ Ejiptə tə́ kété jóó ní.

IJAI 35:8

Róbə́ kógə̄ḿ kə́ a ɓārə́n̄ na i róbə kə́ yā ɓōĺ gidə a to loo ń noō tə́. De kə́ yḛr a mān̄ tū tə́ alé, róbə́ ní a to i tām̄ yā gír de gə̄ yā Kɔ́ɔ̄ɓē tə́ ngóy. Mbóo de gə̄ a reēn̄ yā tḭ̄ḭ̄ ta rɔ̄də́ tū tə́ alé.

IJAI 35:9

Deē a ənge ɓɔl tū tə́ alé, dā̰ kə́ do̰ gə̄ gətóon̄ tū tə́, kógə̄ḿ kə́ yā reē loo ń noō tə́ a gətóo. I ngé gə̄ ń Kɔ́ɔ̄ɓē a ɔr̄də́ ɓəloó ní ngóy n a unən̄ róbə ngeé ń noō ní.

IJAI 62:12

A ɓārə́n̄də́ na i gír de kə́ táĺ gə̄, na i ngé gə̄ ń Kɔ́ɔ̄ɓē gān̄g dɔdə́ ní. Ba ḭ̄ Jerusalem, a ɓāríīn̄ na i ɓē kə́ əya̰n̄ kɔ̄ɔ́ to̰ alé, banī a ɓāríīn̄ na i ɓē kə́ de gə̄ gḛyn̄.

IJAI 63:9

Tū tápə̄ yādə́ gə̄ tə́ malang ní, i nge kəla kógə̄ḿ, aláa i de kə́ dɔ rā̰ tə́ kógə̄ḿ n ajədə́ ní alé, banī i Kɔ́ɔ̄ɓē nəkɔ́. Ni-gān̄g dɔdə́ sɔɔ̄ń tár yān ō, ka̰a̰ kum tō ndoō yān ō. Ni ətōdə́ ō, ɔsə kíĺdə́ ō, dan najə̄ yādə́ kə́ jóo gə̄ tə́.

JAKARI 10:11

Nin̄ a teēn̄ bā yá̰á̰ kə́ to kum kaȳ aĺ kə̄ gidə kə́rēý tə́. Mā Kɔ́ɔ̄ɓē, m-ā m-ə́nda bəngál man̄ gə̄ kə́ dɔ bā bo tə́. Man̄ bā Nil gə̄gē a iī kɔ̄ɔ́ kem kārə̄n tə́. Ɓē kə́ Asiri ń ɔjə rɔ̄n ngá̰ý ní, a mbərenən̄ yā kənīn ō, ɓē kə́ Ejiptə a o̰o̰ ɓē to̰ aĺ ō.

Teē Ngán Israel gə̄ 14:29

Banī ngán Israel gə̄ teēn̄ bā bo kə̄ gidə kə́rēý tə́ kanjə̄ kadə̄ man̄ ɔdə njadə́. Tɔdɔ̄ man̄ ḭḭ ra tītə̄ ndogə̄ mbal̄ beé dɔ jīdə́ kə́ ko̰ó̰ tə́ ō, kə́ geleé tə́ ō.

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

MISE 7:15

Ɔ́jə́jí yá̰a̰ rāāí gə̄ kə́ ton̄ dáńg, tītə̄ ń ī-rāań kété, dan ń ī-teēń sejí kɔ̄ɔ́ kem ɓē kə́ Ejiptə tə́ ní!