IJAI 51:1 - Bibəl ta Sar̄

¹ Kɔ́ɔ̄ɓē əda na: Sḭḭ̄ ń majə kadə̄ ajən̄sí ní, sḭḭ̄ ń ī-sāāī gerə̄m̄ ní, ōōī najə̄ yāḿ. Á̰a̰ī mbal̄ ń tə́gā ɔrə̄n̄sí tū tə́ ní, kɔkərɔ kə́ kán̄ dɔ naā tə́ ń unən̄sí danaá ní.

Bible sar

¹ Kɔ́ɔ̄ɓē əda na: Sḭḭ̄ ń majə kadə̄ ajən̄sí ní, sḭḭ̄ ń ī-sāāī gerə̄m̄ ní, ōōī najə̄ yāḿ. Á̰a̰ī mbal̄ ń tə́gā ɔrə̄n̄sí tū tə́ ní, kɔkərɔ kə́ kán̄ dɔ naā tə́ ń unən̄sí danaá ní.

IJAI 51:1 Referans Kwoze

IJAI 51:7

Sḭḭ̄ ń ī-gerī yá̰á̰ kə́ gōtə́ ní, sḭḭ̄ ń ə̄tōī ndū najə̄ yāḿ dan wursí tə́ ní, ōōī najə̄ yāḿ. Ī-lōōī ɓōĺ tájə̄ ndū gə̄ yā deē ndul gə̄, ādī mbóó ń nin̄ mbóon̄ sesí ní nujə kemsí alé.

PĀ GƏ̄ 94:15

De gə̄ a télən̄ yā gān̄g sarya kə gōó majə, yā kadə̄ de gə̄ malang ń kemdə́ i súmūú ni a tetən̄ rɔ̄də́ gō tə́.

HEBƏRO 12:14

Ī-sāāī loo ndi lɔm kə de gēé malang ō, ī-sāāī loo tél de kə́ táĺ gə̄ ādə̄ i de kə́ kɔr̄ kam̄ tayā gə̄. Kanjə̄ nge ń noō anī, de kə́ yā ka̰a̰ Kɔ́ɔ̄ɓē a gətóo.

Makətūbə̄ ń Pol ndang adə̄ Rom gə̄ ní 14:19

Ní, adə̄ jə-sāāī yá̰á̰ kə́ tām̄ yā kem sɔl̄ lɔm tə́ ō, yá̰á̰ kə́ kadə̄ jə-mbūsīiń naā ō.

IJAI 48:12

Kɔ́ɔ̄ɓē əda na: Gír de gə̄ yā Jakob, Israel, ḭ̄ ń m̄-ɓāríī ní, ōō najə̄ yāḿ. m̄-to i kum gotəḿ ngándáńg. Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō.

2 TIMOTE 2:22

Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní.

AMOS 5:6

Ré ī-gḛyiī ndi kə kumsí anī, i Kɔ́ɔ̄ɓē n majə kadə̄ ī-sāāin̄ ní. Ré i beé aĺ anī, ni a reē dɔ kojə yā Jəjep tə́ i tītə̄ hor beé. Ni a o̰o̰ yá̰a̰ malang kə́ Betel ō, de kə́ kadə̄ asə tɔ̄l̄ hor ní a gətóo ō.

Gōsə̄ najə̄ gə̄ 21:21

Deē ń sāā tél de kə́ súmūú ō de kə́ nge kem majə ō ní a ndi kə kumneé ta kaw̄ jóo ō, a rāān̄ háĺ kə́ gōtə́ seneé ō, a rɔȳnən̄ ō.

Gōsə̄ najə̄ gə̄ 15:9

Háĺ ngé kem ndul gə̄ i yá̰á̰ kə́ yḛr ta kum Kɔ́ɔ̄ɓē tə́, banī ni táŕ ngé ngɔ̄də̄ gō yá̰á̰ kə́ gōtə́ gə̄ tə́.

1 TIMOTE 6:11

Ba ḭ̄ ń i deē yā Nə́ɓā ní, ā̰ȳ kɔ̄ɔ́ ta yá̰a̰ gə̄ ń noō tə́. Ba ī-sāā yá̰a̰ rāā kə́ gōtə́ ō, yá̰a̰ rāā kə́ kə gō ń Nə́ɓā ndigə ní ō, taā kem ō, tár ō, kəhɔ rɔ̄ tɔ́gə ō, háĺ kə́ sɔl̄ lɔm ō.

PILIPƏ 3:13

Ngákó̰ó̰ḿ gə̄, m̄-gír̄ kadə̄ mā na m-ə́ngé yá̰a̰ kəndā nja ní kɔ̄ɔ́ ɓá alé. Yá̰á̰ ń m̄-rāā ní i kógə̄ḿ beē: Dɔḿ ndígə̄nal yá̰á̰ kə́ gōḿ tə́ kɔ̄ɔ́, ba m-ə́hɔ rɔ̄ḿ tɔgə kadə̄ m-ūgə̄ rɔ̄ yá̰á̰ kə́ kété noḿ tə́ tə́.

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

MATIYE 5:6

Rɔ̄nel̄ i kə ngé gə̄ ń ɓō yá̰á̰ kə́ gōtə́ rāādə́ ō, kəndā yá̰á̰ kə́ gōtə́ rāādə́ ō ní, tɔdɔ̄ Nə́ɓā a rāā kadə̄ a ndānə̄n̄.

IJAI 45:19

M-ɔ̄r̄ najə̄ i loo mundə̄ tə́ alé, i kem kɔgɔ̄ loo kógə̄ḿ kə́ dɔ nang tə́ kə́ risə til tə́ alé. M-ə́dá ngán kaa Jakob gə̄ najə̄ ń toō alé: Ī-sāāmī ɓōdə̄ loo tə́, loo kə́ yá̰a̰ gətóo tū tə́ tə́. Mā Kɔ́ɔ̄ɓē, m-ə́da i yá̰á̰ kə́ gōtə́, yá̰á̰ ń mā m-ə́da najə̄n ní i yá̰á̰ kə́ rɔ̄kum.

PĀ GƏ̄ 24:6

Ngé sāā Kɔ́ɔ̄ɓē gə̄ ń tūrə̄n̄ rɔ̄də́ kə̄ rɔ̄ Nə́ɓā yā Jakob tə́ ní, ton̄ i tītə̄ ń noō kə gír kaadə́.

SOPONI 2:3

Ī-tūrī rɔ̄sí kə̄ rɔ̄ Kɔ́ɔ̄ɓē tə́, sḭḭ̄ de kə́ kem ɓēé gə̄ ń sḭḭ̄ i de kə́ najə̄sí gətóo gə̄ ní, sḭḭ̄ ń oōī tan, adə̄ ī-rāāī yá̰a̰ gə̄ ń ni ədasí ní. Ī-rāāī yá̰á̰ kə́ gōtə́ ō, ī-rāāī rɔ̄sí de kə́ dūú gə̄ tə́ ta kum Nə́ɓā tə́ ō. Na majanī ā ī-ndiī loo kə́ yá̰a̰ a ɔdə́ rɔ̄sí tū tə́ aĺ tə́, ndɔ̄ ń Kɔ́ɔ̄ɓē a ɔjəń wōn̄g yān kə̄ ndágá tə́ ní.

IJAI 55:6

Ī-sāāī Kɔ́ɔ̄ɓē dan ń ni a əya̰ń rɔ̄n adə̄ de gə̄ əngenən̄ tə́ ní. Ī-ɓāríīin̄ dan ń ni i ngɔr rɔ̄sí tə́ ní.

IJAI 51:4

Kɔ́ɔ̄ɓē əda na: Sḭḭ̄ gír deē yāḿ gə̄, ōōī najə̄ yāḿ, sḭḭ̄ nápar deē yāḿ gə̄, ī-nēlī mbīsí! I mā n m-ā m-ə̄ndā ndū najə̄ ō, yá̰á̰ kə́ súmūú ń m-ə̄ndā ngəran ní, i loo kə́ unjə̄ kow kə́ kadə̄ gír de gə̄ a̰a̰nə̄ń loo ō.

Makətūbə̄ ń Pol ndang adə̄ Rom gə̄ ní 10:3

Tɔdɔ̄ nin̄-gerə̄n̄ loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé, adə̄ ḭḭ sāān̄ i loon yādə́ nin̄ kɔ́ gə̄ kə́ sɔɔ̄ dɔdə́. A loo ń noō tə́ ní nin̄-aw̄n̄ gír loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé.

IJAI 65:10

Tām̄ yā gír deē yāḿ gə̄ tə́ ní, tām̄ yā ngé gə̄ ń tūrə̄n̄ rɔ̄də́ kə̄ rɔ̄ḿ tə́ ní, ndágə mbō kə́ Saro̰ a tél i loo kə́ kadə̄ batə̄ gə̄ əsan̄ yá̰a̰ tū tə́ ō, wól loo kə́ Akor a tél i gong man̄g gə̄ ō.

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.

2 YÁ̰A̰ GƏ̄ 15:4

Ba dan ń wur kɔl əsō dɔdə́ tə́ anī, tél reēn̄ gogə́ rɔ̄ Kɔ́ɔ̄ɓē tə́, rɔ̄ Nə́ɓā yā Israel tə́. Nin̄ sāān̄ Kɔ́ɔ̄ɓē ō, Kɔ́ɔ̄ɓē əya̰ rɔ̄n adə̄ əngenən̄ ō.

IJAI 48:1

Kojə yā Jakob gə̄, sḭḭ̄ ń rī Israel ɓār̄ dɔsí tə́ ō, i Juda n ojəsí ō ní, ōōī. Sḭḭ̄ ī-túbiī kə rī Kɔ́ɔ̄ɓēé ō, ɔ̄rī najə̄ yā yá̰a̰ gə̄ ń Nə́ɓā yā Israel rāā ní ō, banī sḭḭ̄ i de kə́ rɔ̄kum gə̄ aĺ ō, de kə́ súmūú gə̄ aĺ ō.