IJAI 50:9 - Bibəl ta Sar̄

⁹ A̰á̰ā̰ Kɔ́ɔ̄ɓē Nə́ɓā reē dḭḭ̄m̄. Ní, i náā n asə gān̄g sarya dɔḿ tə́? Madə̄ ba̰ā̰ḿ gə̄ a əsōn̄ ngísə malang tītə̄ kūbə̄ kə́ yō̰ gə̄ əsan̄ beé.

Bible sar

⁹ A̰á̰ā̰ Kɔ́ɔ̄ɓē Nə́ɓā reē dḭḭ̄m̄. Ní, i náā n asə gān̄g sarya dɔḿ tə́? Madə̄ ba̰ā̰ḿ gə̄ a əsōn̄ ngísə malang tītə̄ kūbə̄ kə́ yō̰ gə̄ əsan̄ beé.

IJAI 50:9 Referans Kwoze

Makətūbə̄ yā Job 13:28

Tá mā i yá̰á̰ kə́ a ur ndujə̄ pul pul tītə̄ kāgə̄ kə́ ur ruú beé ō, tītə̄ kūbə̄ kə́ kíndīŕ gə̄ əsan̄ beé ō.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

PĀ GƏ̄ 102:26

Ḭ̄ ə̄ndā dɔ nang i kété jóo ō, i jīí n rāā dɔ rā̰ ō ní.

PĀ GƏ̄ 39:11

Ādə̄ asiī kəndam̄, na ndéy jīí a tɔ̄lə̄m̄.

JAKƏ 5:2

Yá̰a̰ kənge yāsí ndum kɔ̄ɔ́. Kur̄ gə̄ əsan̄ kūbə̄ yāsí gə̄.

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.

Makətūbə̄ yā Job 13:19

I beé ní, i náā n ndigə kɔjə kadə̄ najə̄ i gōtə́ aĺ ní? M-ə̄ndā dɔ rɔ̄ḿ danaá kɔ̄ɔ́ ɓá kadə̄ ré najə̄ əhɔm̄ anī, m-ūtə̄ taḿ ō, m-óy ō.

PĀ GƏ̄ 54:6

Á̰a̰ā̰, Nə́ɓā i nge dḭḭ̄m̄, i Kɔ́ɔ̄ɓē ngóy n i nge kəhɔm̄ kə̄ dɔɔ́ ní.