IJAI 50:8 - Bibəl ta Sar̄

⁸ Kɔ́ɔ̄ɓē i rɔ̄ḿ tə́ ngɔr, ni a adə̄m̄ najə̄. De kógə̄ḿ ndigə rāā sarya seḿ a? J-awī naā tə́ malang loo sarya tə́! De kógə̄ḿ ndigə sekə́ḿ a? Ādə̄ ni-njə̄rā kə̄ rɔ̄ḿ tə́!

Bible sar

⁸ Kɔ́ɔ̄ɓē i rɔ̄ḿ tə́ ngɔr, ni a adə̄m̄ najə̄. De kógə̄ḿ ndigə rāā sarya seḿ a? J-awī naā tə́ malang loo sarya tə́! De kógə̄ḿ ndigə sekə́ḿ a? Ādə̄ ni-njə̄rā kə̄ rɔ̄ḿ tə́!

IJAI 50:8 Referans Kwoze

JEJU TEĒ KUM JA̰A̰ 12:10

Anī deē kógə̄ḿ ɔr̄ najə̄ kə tɔ́gɔ́ dɔ rā̰ tə́ adə̄ m-ōō ndūn: Ń toō ní kum mbang kajə deē asə kɔ̄ɔ́! Ngɔlaā ń toō ní Nə́ɓā yājí ɔjə tɔ́gən kə̄ ndágá ō, ɔjə ko̰o̰ ɓē yān kə̄ ndágá ō! Ngɔlaā ń toō ní ko̰o̰ ɓē i jī Kərist yān tə́. Tɔdɔ̄ nge sekə́ ngákó̰ó̰jí gə̄ ní mbərenən̄ dɔ rā̰ tə́ ənīnən̄ ndágá kɔ̄ɔ́. I ni n i nge sekə́də́ rɔ̄ Nə́ɓā yājí tə́ ndɔ̄ɔ́ gē kadaá gē ní.

IJAI 41:1

Kɔ́ɔ̄ɓē əda na: Sḭḭ̄ gír de gə̄ ń ī-ndiī sa̰y ní, ī-ndiī tasí mbóo ōōiń najə̄ yāḿ. Sḭḭ̄ de kə́ kem ɓēé gə̄ malang, ī-téĺ ə́hɔī rɔ̄sí tɔgə gogə́ rang. Ī-ndɔ́tī kə̄ kété ba ɔ̄rī najə̄! A̰á̰ā̰, j-awī naā tə́ malang loo sarya tə́.

IJAI 43:26

Ī-tél ī-ter̄ kemḿ dɔ yá̰á̰ ń ī-gɔŕyɔ̄m̄ najə̄n tə́ ní, ba j-aw̄ mbak loo sarya tə́. Īkɔ́ ə̄nī gotə yá̰a̰ gə̄ ń rāān̄ yá̰á̰ ní ō, ɔ́jə kadə̄ najə̄ i yāí ō.

IJAI 41:21

Kɔ́ɔ̄ɓē, mban̄g yā gír de gə̄ yā Jakob gə̄, əda na: Sḭḭ̄, nə́ɓā gə̄ yā gotə gír de kə́ rang gə̄, ī-reē ɔ́jiī yāsí, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

MATIYE 5:25

Ə̄ndāī najə̄ naā tə́ kə madə̄ kɔ̄līí láẃ dan ń sḭḭ̄ seneé i dɔ róbə́ tə́ ɓáý ta kaw̄ kə̄ loo sarya tə́ ní, na sōgə́ ni-əlaī jī nge rāā sarya tə́, kadə̄ nge rāā sarya əlaī jī nge ngɔ̄m̄ dəngáy tə́, kadə̄ ənīnī dəngáyá.

NDŪ NAJƏ̄ 19:17

deē ní ō, nge kəndā najə̄ dɔn tə́ ní ō, a aw̄n̄ kem loo kə́ táĺ yā Kɔ́ɔ̄ɓē tə́ yā kaw̄ kɔjə ngé tun̄ yá̰a̰ gə̄ ō, ngé gān̄g sarya gə̄ ō ń a rāān̄ kəla kem ndɔ̄ gə̄ ń noō tə́ ní.

Teē Ngán Israel gə̄ 22:9

Ré de kə́rēý ɓɔ̄ɔ̄ madə̄n kərō aláa batə̄ aláa bə̄yā̰ aláa dā̰ kə́ rang, tá dā̰ ní oy, aláa ənge do, aláa ngé ɓogə gə̄ reē əhɔ aw̄n̄neé kanjə̄ kadə̄ deē a̰a̰ anī,

Makətūbə̄ yā Job 13:19

I beé ní, i náā n ndigə kɔjə kadə̄ najə̄ i gōtə́ aĺ ní? M-ə̄ndā dɔ rɔ̄ḿ danaá kɔ̄ɔ́ ɓá kadə̄ ré najə̄ əhɔm̄ anī, m-ūtə̄ taḿ ō, m-óy ō.

PĀ GƏ̄ 119:151

Kɔ́ɔ̄ɓē, ḭ̄ i ngɔr rɔ̄ḿ tə́ ō, gō míndí gə̄ malang i najə̄ kə́ rɔ̄kum gə̄ ō.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

IJAI 45:25

De gə̄ malang ń Israel ojədə́ ní a əngen̄ yá̰a̰ rāā kə́ gōtə́ i kə ta kūlə̄ḿ mā ō, nin̄ a əndan̄ kadədə́ najə̄n tə́ ō.

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.