IJAI 50:4 - Bibəl ta Sar̄

⁴ Kɔ́ɔ̄ɓē Nə́ɓā ndóōm̄ yá̰á̰ ń sɔɔ̄ kadə̄ m-ə́da yā kəlań go̰ kem deē ń tɔ́gən gətóo kɔ̄ɔ́ tə́ ní. Ni ndólə̄m̄ dɔ ɓīī tə́ dəloí kə dɔ ndɔ̄ gə̄, yā kadə̄ m-ōō loo tītə̄ ngōn̄ nge ndoō kə́ majə beé.

Bible sar

⁴ Kɔ́ɔ̄ɓē Nə́ɓā ndóōm̄ yá̰á̰ ń sɔɔ̄ kadə̄ m-ə́da yā kəlań go̰ kem deē ń tɔ́gən gətóo kɔ̄ɔ́ tə́ ní. Ni ndólə̄m̄ dɔ ɓīī tə́ dəloí kə dɔ ndɔ̄ gə̄, yā kadə̄ m-ōō loo tītə̄ ngōn̄ nge ndoō kə́ majə beé.

IJAI 50:4 Referans Kwoze

Najə̄ kə́ Majə yā Jeju ń Luk ndang ní 21:15

Tɔdɔ̄ mə̄kɔ́ m-ā m-ɔ́jə́sí loo kɔr̄ najə̄ kadə̄ ā ɔ̄rī ō, m-ā m-ādə̄sí kum kedə̄ ō, adə̄ deē kógə̄ḿ dan madə̄ ba̰ā̰sí gə̄ tə́ kə́ yā kadə̄ a dum̄sí kə najá gətóo ō, kə́ yā kɔsə najə̄ tasí tə́ kə̄ gogə́ a gətóo ō.

JEREMI 1:9

Kɔ́ɔ̄ɓē əla jīn ɔdəń taḿ. Ni ədam̄ na: Ń toō m-ə̄ndā najə̄ yāḿ taí tə́.

Gōsə̄ najə̄ gə̄ 25:11

Najə̄ kə́ kəda kə kum mbangneé to i tītə̄ kan̄ kāgə̄ póḿ kə́ rāā kə lɔ́rɔ́ ba rāān̄ yá̰a̰ súūn kə gində̄ arjā̰a̰á̰.

Gōsə̄ najə̄ gə̄ 15:23

Rɔ̄nel̄ i kə deē ń tūr̄ najə̄ əda kə taneé ní! Najə̄ kə́ kəda kə kum mbangneé i yá̰á̰ kə́ majə ngá̰ý!

PĀ GƏ̄ 119:147

Kété pá tá kadə̄ loo tīī ní, m̄-dəjeī kadə̄ ī-rāā seḿ. M-ə̄ndā kemḿ dɔ najə̄ yāí gə̄ tə́.

PĀ GƏ̄ 143:8

Ədam̄ najə̄ kə́ dɔ kem majə yāí tə́ dəloí ɓatə, tɔdɔ̄ m-ə̄ndā kemḿ dɔí tə́. Ɔ́jəm̄ róbə́ ń kadə̄ m-úń ní, tɔdɔ̄ m̄-tūr̄ rɔ̄ḿ kə̄ rɔ̄í tə́.

PĀ GƏ̄ 5:3

Mban̄g yāḿ, Nə́ɓā yāḿ, ī-nēl̄ mbīí ōoń nōō yāḿ. I ḭ̄ n m̄-ndɔ̄yī ní.

Najə̄ kə́ Majə yā Jeju ń Luk ndang ní 4:22

De gə̄ malang a ədan̄ i najə̄ kə́ majə yā Jeju. Najə̄ kɔrə̄n kə́ majə ngá̰ý gə̄ ní ɔr kumdə́ ngá̰ý adə̄ ədan̄ na: I ngōn̄ Jəjep ní n noó aĺ a?

MATIYE 13:54

Ni-aw̄ ugə̄ gō nang yān tə́ ba ndóō de gə̄ yá̰a̰ kem kújə kán̄ naā gə̄ tə́. Ni ɔjədə́ i kɔjə kə́ ɔr kumdə́ ngá̰ý, adə̄ nin̄-ədan̄ na ké kum kedə̄ ń toō ḭḭń i rá wa, ké ni-rāā yá̰á̰ kə́ yáā gə̄ ń toō i ba̰ý wa.

MATIYE 11:28

Sḭḭ̄ gə̄ ń kɔr rāāsí tām̄ yá̰á̰ kə́ ɔȳ gə̄ ń ə̄tōī tə́ ní, ī-reēī kə̄ rɔ̄ḿ tə́ malang, anī m-ā m-ādə̄ ā ɔ̄rī koō.

MATIYE 22:46

Deē kógə̄ḿ kə́ asə tél kə najá yā kədan dɔ tə́ gətóo. Adə̄ əla gír ndɔ̄ ń noō tə́ ní de kə́ nāā dəje Jeju najə̄ to̰ ní gətóo.

JA̰A̰ 7:46

Pajā gə̄ tél ədan̄də́ na: De kə́ ɔr̄ najə̄ tītə̄ deē ń noō gətóó bátə́.

PĀ GƏ̄ 45:2

Najə̄ kə́ majə ngá̰ý i kemḿ tə́, m-ə́hɔ taḿ dɔ tə́ sétə́. m̄-tə́da pā yā rɔȳń mban̄g kógə̄ḿ. Ādə̄ ta ndo̰ḿ i yá̰a̰ ndang makətūbə̄ kə́ jī de kə́ ger̄ ndang makətūbə̄ ngá̰ý tə́.

PĀ GƏ̄ 88:13

Yá̰á̰ kə́ yáā gə̄ ń ī-rāā ní, de kə́ kum til tə́ gə̄ a gerə̄n̄ yá̰á̰ kə́rēý tū tə́ a? Ɓē ń dɔ deē a ndígə̄nal yá̰a̰ malang tū tə́ ní, yá̰á̰ kə́ gōtə́ ń ī-rāā ní deē a ger̄ tū tə́ a?

Gōsə̄ najə̄ gə̄ 12:25

Sōl̄ i yá̰á̰ kə́ a ɔr̄ tɔ́gə deē, banī najə̄ kə́ majə i yá̰á̰ kə́ a adə̄ deē rɔ̄nel̄.

IJAI 8:16

m̄-ngɔ̄m̄ najə̄ ní gíŕ yá̰á̰ kógə̄ḿ tə́, m-ə̄nī yá̰á̰ ndóō ní loo kógə̄ḿ kə́ yá̰a̰ a ɔdə rɔ̄ tū tə́ aĺ tə́. I ngé kun gō yá̰á̰ ndóō gə̄ ngóy n m-ɔ́jə́də́ ní.

IJAI 28:9

Ngé ka̰ȳ yá̰a̰ gə̄ ń noō dəjen̄ najə̄ ədan̄ na: Ijai ndigə i ndóō i náā yá̰a̰? I náā n ni ɔjən kum najə̄ kɔrə̄n gə̄ ní? I ngáń kə́ kɔr̄də́ ta mba tə́ ngɔr ɓáý gə̄ a? I ngáń kásə̄ gə̄ kə́ ə́ya̰n̄ mba kó̰ó̰də́ i ngɔr ɓáý gə̄ a?

IJAI 28:19

Ni a mān̄ dəloí kə ndɔ̄ gə̄ malang, a mān̄ kadaá ō ndɔ̄ɔ́ ō. Kə dɔ mānən gə̄ malang ń noō ní, ni a ɔysí yā kaw̄ sesí. Dan ń de gə̄ a gerə̄n̄ kum najə̄ yān anī, ɓōĺ a tɔ̄l̄də́ kɔ̄ɔ́.

IJAI 35:5

Loo ń noō tə́ kum məndō gə̄ a a̰a̰ loo unjə̄ wáńg wáńg ō, mbī mbíkī gə̄ a oō loo ō.

IJAI 40:29

Deē ń tɔ́gən gətóó ní, ni-adə̄n tɔ́gə gogə́, deē ń tɔ́gən təgā kɔ̄ɔ́ ní, ni-adə̄n kəhɔ rɔ̄ tɔgə.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

IJAI 54:13

Ngání gə̄ malang ní, m-ā m̄-ndóōdə́ yá̰a̰ ō, nin̄ a ndin̄ dan majə tə́ ō.

JEREMI 31:25

Ngé gə̄ ń kəndā man̄ taā tɔ́gə́də́ ní, m-ā m̄-tɔ̄l̄ kəndā dɔdə́ tə́ ō. Ngé gə̄ ń tél sɔlə̄n̄ yélélé ní m-ā m-ādə̄də́ tɔ́gə ō.

EJEKIEL 46:13

Ā ī-ndējə̄ Kɔ́ɔ̄ɓē ngōn̄ batə̄ kógə̄ḿ kə́ loon kógə̄ḿ nujə aĺ kə dɔ ndɔ̄ gə̄. Nge ń noō i dā̰ kə́ róō horoó kadə̄n. Ā ī-ndə̄jən ngōn̄ batə̄ ní kə dɔ ndɔ̄ gə̄ kə ndɔ̄ý malang.

NDŪ NAJƏ̄ 18:17

Adə̄ Kɔ́ɔ̄ɓē ədam̄ na: Najə̄ ń noō ń ədan̄ ní rāān̄ i yá̰á̰ kə́ majə.

NDŪ NAJƏ̄ 18:18

M-ā m-ə́la kə nge koō ta kə́ tītīí yā kadə̄də́. Deē ń m-ā m-ə́la seneé ní i de kə́ gír yādə́ tə́. M-ā m-ə̄ndā najə̄ yāḿ tan tə́, ba yá̰a̰ malang ń m-ā m̄-mērən kədadə́ ní, ni a ədadə́.

Makətūbə̄ yā Job 4:4

De gə̄ ń asən̄ ra dɔɔ́ to̰ aĺ ní, najə̄ kɔrīí undə́ dɔɔ́. De gə̄ ń kejədə́ oy yélélé ní, ḭ̄ ī-rāā ādə̄ kejədə́ tél ngan̄g gogə́ rang.

PĀ GƏ̄ 40:7

Ī-ndigə yá̰a̰ tun̄ aĺ ō, yá̰a̰ ndējə̄ aĺ ō. Ī-mbutə bəlo mbīḿ kadə̄ m-ōoń loo. Ī-dəje yá̰a̰ tun̄ kə́ róō horoó aĺ ō yá̰a̰ tun̄ kə́ tām̄ yā majaĺ tə́ aĺ ō.