IJAI 50:11 - Bibəl ta Sar̄

¹¹ Banī sḭḭ̄ malang ń ī-rāāī hor adə̄ o̰o̰ ní, sḭḭ̄ ń ī-túdī gərā kə́ hor i ta tə́ gə̄ ī-gīrīneé gidəsí ní, údiī kum ta ndo̰ hor yāsí tə́, dan gərā gə̄ ń ī-tə́ndāī hor tadə́ tə́ ní. I Kɔ́ɔ̄ɓē n i nge rāā kadə̄ ā óyiī dan yá̰á̰ kə́ tōr̄ ngá̰ý tə́ ní.

Bible sar

¹¹ Banī sḭḭ̄ malang ń ī-rāāī hor adə̄ o̰o̰ ní, sḭḭ̄ ń ī-túdī gərā kə́ hor i ta tə́ gə̄ ī-gīrīneé gidəsí ní, údiī kum ta ndo̰ hor yāsí tə́, dan gərā gə̄ ń ī-tə́ndāī hor tadə́ tə́ ní. I Kɔ́ɔ̄ɓē n i nge rāā kadə̄ ā óyiī dan yá̰á̰ kə́ tōr̄ ngá̰ý tə́ ní.

IJAI 50:11 Referans Kwoze

Makətūbə̄ ń Pol ndang adə̄ Rom gə̄ ní 10:3

Tɔdɔ̄ nin̄-gerə̄n̄ loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé, adə̄ ḭḭ sāān̄ i loon yādə́ nin̄ kɔ́ gə̄ kə́ sɔɔ̄ dɔdə́. A loo ń noō tə́ ní nin̄-aw̄n̄ gír loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé.

JA̰A̰ 8:24

I tām̄ najə̄ ń noō tə́ n m-ə́dásí na ā óyiī kum majaĺ yāsí gə̄ tə́ ní. Ré ī-taāī kem kadə̄ Mā i Mā ń m̄-ndi noó ní aĺ anī, ā óyiī kum majaĺ yāsí gə̄ tə́.

JONAS 2:8

Kɔ́ɔ̄ɓē Nə́ɓā yāḿ, m-ā m-óy ngɔr. Loo ń noō tə́ əga kemḿ dɔí ḭ̄ Kɔ́ɔ̄ɓē tə́ ō, ndɔ̄ȳ yāḿ ḭḭ kum kə̄ dɔɔ́ aw̄ ugə̄ rɔ̄í tə́ kem kújə́ kə́ táĺ yāí tə́ ō.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

JA̰A̰ 9:39

Anī Jeju əda na: m̄-reē dɔ nang tə́ i tām̄ yā sarya tə́, kadə̄ ngé gə̄ ń a̰ā̰n̄ loo aĺ ní a̰ā̰n̄ loo, ba kadə̄ ngé gə̄ ń a̰ā̰n̄ loo ní télən̄ ngé ka̰a̰ loo aĺ gə̄.

EJEKIEL 20:39

Yá̰á̰ ń mā Kɔ́ɔ̄ɓē Nə́ɓā m-ə́dásí sḭḭ̄ ngán Israel gə̄ ní n toó: Sḭḭ̄ kógə̄ḿ kógə̄ḿ āw̄ ī-rɔyī nə́ɓā kə́ rɔ̄kum aĺ yāsí gə̄! Ba gō tə́ anī, ā ōōī taḿ dɔ gúú tə́. Ā ī-ndējī nə́ɓā yāsí kə́ rɔ̄kum aĺ gə̄ yá̰a̰ yā kídəń rīḿ kə́ kɔr̄ kam̄ to̰ alé.

IJAI 8:22

ba gō tə́ anī a a̰a̰n̄ loo nang tə́. Yá̰á̰ ń nin̄ a əngen̄ ní i wur kɔl ō, i loo kə́ risə til ō, i sōl̄ kə́ to ɓōĺ ngá̰ý ō, i loo kə́ ndul ndí ndḭ́ ō ō, ngóy.

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

JAKƏ 3:6

Ba ta ndo̰jí i hor ō, i loo kə́ yá̰á̰ kə́ majaĺ gə̄ malang i tū tə́ ō. Ni i ngōn̄ rɔ̄jí kógə̄ḿ kə́ dan madə̄ gə̄ tə́ kə́ nge tákə̄ gotə rɔ̄jí malang kə yá̰á̰ kə́ yḛreé. Ni i nge kunjə̄ hor Gehen kəla dɔjí tə́ ndɔ̄ kojəjí tə́ bátə́ ndɔ̄ koyjí tə́.

MATIYE 22:13

Anī mban̄g əda ngé kəla yān gə̄ na: Ī-tó̰ō̰ī jīn gə̄ kə njan gə̄ ba ə̄nīniī ndágá kum til tə́. De gə̄ a nōōn̄ ō, a máyā̰n̄ gɔgədə́ ō, i loo ń noō tə́.

MATIYE 8:12

Banī ngé gə̄ ń Nə́ɓā rāā Ɓē ko̰o̰ tām̄ yādə́ tə́ ní, a tə̄ɓān̄də́ ndágá kɔ̄ɔ́ kadə̄ nin̄ i kum til tə́. Loo ń noō tə́ nin̄ a nōōn̄ ō, a máyā̰n̄ ngān̄gdə́ ō.

IJAI 55:2

Yá̰a̰ kəsa kə́ ə́sa anī ul̄ rɔ̄í ní, úń nar ādə̄ gírí i tām̄ rí tə́? Yá̰á̰ kə́ ə́sa anī ndānī aĺ ní, ī-njə́ɓā rɔ̄í najə̄n tə́ i tām̄ rí tə́? Ōōī najə̄ yāḿ majə, anī ā ə́ngeī yá̰á̰ kə́ majə gə̄ yā kəsa, ā ī-nāāī yá̰á̰ kə́ nel̄ gə̄.

Gōsə̄ najə̄ gə̄ 26:18

Deē ń gól̄ deē madə̄n ba gō tə́ anī ədan na n-ɔsə na i kum seneé ní, to i tītə̄ nge kɔ̄r̄ kə́ túr̄ kum gərā gə̄ kə́ hor i tadə́ tə́ gə̄ ō, kum gərā kə́ karī gə̄ ō kə gō gidəneé beē. Yá̰a̰ gə̄ ń noō i yá̰a̰ gə̄ kə́ a tɔ̄lə̄n̄ deē.

PĀ GƏ̄ 32:10

Yá̰á̰ kə́ tōr̄ ngá̰ý gə̄ a rāān̄ deē ń ɓōĺ ndíĺ Nə́ɓā aĺ ní. Ba Kɔ́ɔ̄ɓē a rāā kem majə kə deē ń əndā kemən dɔn tə́ ní ngándáńg.

PĀ GƏ̄ 16:4

nujən̄ loo ngɔlaā tɔȳ kə́ kété ɓáý. De gə̄ bə̄gān̄ naā aw̄n̄ gōdə́ tə́. Banī mā m-ā m̄-tə́té mósə nang tə́ yā ndējə̄də́ to̰ aĺ ō taḿ a əda rīdə́ to̰ aĺ ō.

IJAI 9:18

Hor o̰o̰ ɓē sɔɔ̄ ń wōn̄g yā Kɔ́ɔ̄ɓē kə́ bo kə́ tɔ́gən i ngá̰ý. To tītə̄ kə́ hor a o̰o̰ i gír de gə̄ beé. De kə́ kumən o̰o̰n tām̄ yā ngōkó̰o̰n tə́ gətóo.

AMOS 4:9

Mā m̄-rāā ādə̄ kōō yāsí gə̄ tutən̄ ta bēl̄ tə́ aláa ndumən̄ kem ndɔrɔ́. Mā m̄-nujə ndɔr̄ tá̰a̰ yāsí gə̄ ō, ndɔr̄ kāgə̄ nduú yāsí gə̄ ō, gaẃ gə̄ əsan̄ kāgə̄ kótə̄ yāsí gə̄ ō, kāgə̄ olibə yāsí gə̄ ō. Ɓá tā banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

AMOS 4:10

m̄-rāā adə̄ mo̰y ngāl̄bɔ̄gīí kógə̄ḿ kə́ tītə̄ nge ń əsō dɔ dā̰ gə̄ kə́ Ejiptə tə́ ní, əsō dɔsí tə́. M-ə́ya̰ madə̄ ba̰ā̰ gə̄ adə̄ tɔ̄lə̄n̄ balsáa yāsí gə̄, dan ń de gə̄ a ɔyn̄neé sə́nda yāsí gə̄ ní. Sēē nīń kə́ otə majaĺ ngá̰ý aw̄ bátə́ ugə̄ kó̰ńsí tə́. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

HABAKUK 2:13

I tām̄ najə̄ ń noō tə́ n kɔr rāā nápar de gə̄ tām̄ yā hor tə́ ō, de kə́ kem ɓēé gə̄ a̰a̰n̄ tápə̄ kanjə̄ kumən ō ní. Yá̰a̰ gə̄ ń noō malang ḭḭn̄ i rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ aĺ a?

JEREMI 17:4

A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.