IJAI 50:10 - Bibəl ta Sar̄

¹⁰ I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

Bible sar

¹⁰ I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

IJAI 50:10 Referans Kwoze

JA̰A̰ 12:46

m̄-reē dɔ nang tə́ i kə́ loo kə́ unjə̄ kow tə́, yā kadə̄ náā nəkɔ́ ń taā kemḿ anī, ndi kum til tə́ alé.

JA̰A̰ 8:12

Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

PĀ GƏ̄ 23:4

Kɔ́ɔ̄ɓē, ká ré m̄-njə̄rā i wól loo kə́ loo ndul tū tə́, aké yo i tū tə́ gə̄gē anī, m̄-sōl̄ yá̰á̰ kógə̄ḿ alé, tɔdɔ̄ ḭ̄ i seḿ. M-ə̄nā kemḿ tɔdɔ̄ kāgə̄ kə́ jīí tə́ ō, tɔ́gə yāí ō a rāān̄ seḿ.

HEBƏRO 5:9

Dan ń Nə́ɓā rāān adə̄ tél de kə́ majə ɔtə̄ kə taá oy anī, ngé gə̄ malang ń oōn̄ tan ní əngen̄ kajə kə́ ngándáńg kə ta kūl̄neé.

IJAI 9:2

Kɔ́ɔ̄ɓē, ḭ̄ ī-rāā ādə̄ nin̄ ndin̄ majə ngá̰ý, ḭ̄ ī-rāā adə̄ rɔ̄nel̄ yādə́ i ngá̰ý kum kə̄ kété kété. Nin̄ rāān̄ rɔ̄nel̄ ta kumií tə́ tītə̄ rɔ̄nel̄ kə́ ndɔ̄ sāā kōō tə́ beē, tītə̄ kɔŕ rɔ̄nel̄ kə́ loo kēgə̄ naā yá̰a̰ kənge yā madə̄ ba̰ā̰ gə̄ kə́ rɔ̄ɔ̄ tetədə́ tə́ beē.

PĀ GƏ̄ 25:14

Kɔ́ɔ̄ɓē ənī kemən adə̄ ngé gə̄ ń ɓōlə́n̄ ndílən ní. Ni-rāā adə̄ gerə̄n̄ madə̄ naā yān.

1 PIYER 5:7

Yá̰a̰ gə̄ malang ń rāān̄sí adə̄ ī-ndiī kə sōlōó kekəre ní, ɔ̄rī dɔsí gíŕdə́ tə́ ba ī-ɓōkíīdə́ dɔn tə́, tɔdɔ̄ i ni n i nge ka̰a̰ gōsí ní.

PĀ GƏ̄ 42:11

Ndū ń madə̄ ba̰ā̰ḿ gə̄ tájə̄mə̄n̄ ní tétə̄ kə̄ngāḿ rárák. Nin̄ ədamə̄n̄ kə dɔ ndɔ̄ gə̄ na ké Nə́ɓā yāḿ ngaá i rá wa.

PĀ GƏ̄ 28:7

Kɔ́ɔ̄ɓē i loo ɓɔ̄ɔ̄ rɔ̄ yāḿ kə́ ngan̄g ngá̰ý ō, i der yāḿ ō. M-ə̄ndā kemḿ dɔn tə́, anī ni dḭḭ̄m̄. Adə̄ m̄-rāā walya ō m-ə̄nī pā m-ɔ́səń gɔnən ō!

MALASI 3:16

Loo ń noō tə́ ngé ɓōĺ ndíĺ Kɔ́ɔ̄ɓē gə̄ ɔrə̄n̄ najə̄ kə naá. Kɔ́ɔ̄ɓē nēl̄ mbīn ooń najə̄ kɔr̄də́ ní. Ndangən̄ rī ngé ɓōĺ ndílən gə̄ ō, rɔȳn gə̄ ō ta kumən tə́.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

IJAI 50:4

Kɔ́ɔ̄ɓē Nə́ɓā ndóōm̄ yá̰á̰ ń sɔɔ̄ kadə̄ m-ə́da yā kəlań go̰ kem deē ń tɔ́gən gətóo kɔ̄ɔ́ tə́ ní. Ni ndólə̄m̄ dɔ ɓīī tə́ dəloí kə dɔ ndɔ̄ gə̄, yā kadə̄ m-ōō loo tītə̄ ngōn̄ nge ndoō kə́ majə beé.

PĀ GƏ̄ 25:12

Deē ń ɓōĺ ndíĺ Kɔ́ɔ̄ɓē ní, ni a ɔjən róbə́ ń kadə̄ a un ní.

Makətūbə̄ yā Job 29:3

Hor lámba yān unjə̄ dɔḿ tə́ ō, m-á̰a̰ loo ndɔ̄ɔ́ i kə ta kūl̄ loo yān kə́ unjə̄ kow n m-ā m̄-njə̄rań ní ō.

PĀ GƏ̄ 128:1

Pā kə́ yā kaw̄ń kə̄ loo kə́ táĺ tə́. De gə̄ malang ń ɓōlə́n̄ ndíĺ Kɔ́ɔ̄ɓē ō, unən̄ gō róbə yān gə̄ ō ní rɔ̄də́ nel̄də́!

PĀ GƏ̄ 111:10

Ɓōĺ ndíl Kɔ́ɔ̄ɓē i ta kəla gír kum kedə̄. Ngé ɓōĺ ndíĺ Kɔ́ɔ̄ɓē gə̄ malang ɔjən̄ kə̄ ndágá kadə̄ nin̄ i de kə́ ngé ger̄ najə̄ gə̄. Tɔ̄ȳ yā Kɔ́ɔ̄ɓē to ngándáńg.

PĀ GƏ̄ 62:8

Kajə yāḿ ō, kɔsə gɔn yāḿ ō, i rɔ̄ Nə́ɓā tə́. Mbal̄ kə́ ngan̄g yāḿ ō, loo ɓɔ̄ɔ̄ rɔ̄ yāḿ ō, i Nə́ɓā.

PĀ GƏ̄ 145:21

M-ā m-ə̄nī pā kə́ yā tɔ̄yń Kɔ́ɔ̄ɓē ō, yá̰a̰ malang ń ndi kə kumuú ní a tɔ̄ȳ rī Nə́ɓā kə́ táĺ ō, ngándáńg!

2 YÁ̰A̰ GƏ̄ 20:20

Nin̄ ḭḭn̄ dɔɔ́ kə gír looí ɓatə əsōn̄ róbó ta kaw̄ kə̄ dəla loo kə́ Tekoa tə́. Dan ń a rāān̄ yā kɔr̄ dɔɔ́ anī Josapat ədadə́ na: De kə́ Jerusalem gə̄ ō, Juda gə̄ ō, ōōī najə̄ ń m-ā m-ɔ̄r̄ ní! Ī-taāī kem Kɔ́ɔ̄ɓē Nə́ɓā yāsí anī ā ə́ngeī tɔ́gə adə̄ ā ī-raī ngan̄g. Ī-taāī kem ngé koō ta yān gə̄ anī ā ī-tetiī rɔ̄ɔ̄.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

KOHELET 12:13

Ta tɔ̄l̄ ta najə̄ malang n toó, ī-ɓōĺ ndíĺ Nə́ɓā ba ī-rāā gō míndə gə̄ ń ni ə́ndā dɔ deē tə́ kadə̄ rāā ní. Yá̰á̰ ń majə kadə̄ de gə̄ malang rāān̄ ní n noó.

Makətūbə̄ yā Job 13:15

Rɔ̄kum, Nə́ɓā a tɔ̄lə̄m̄. Yá̰á̰ kə́ kadə̄ m-ə̄ndā kemḿ dɔ tə́ gətóo. Ɓá tā ba, m-ā m̄-rā non tə́ yā nējəń najə̄ dɔ hálə́ḿ tə́.

2 YÁ̰A̰ GƏ̄ 20:12

Kɔ́ɔ̄ɓē Nə́ɓā yājí, ā ī-gān̄g sarya dɔdə́ tə́ aĺ a? Jə-tūr̄ kumjí kə̄ rɔ̄í tə́ ba jə-rāāī ɓɔ́ tām̄ tɔ́gə́jí gətóo no kósə de kə́ ngá̰ý gə̄ ń a reēn̄ kə̄ rɔ̄jí tə́ toō ō, jə-ger̄ yá̰á̰ kə́ yā rāā aĺ ō.

1 YÁ̰A̰ GƏ̄ 5:20

Nə́ɓā rāā sedə́ loo rɔ̄ɔ̄ ní tə́. Ni-əla Hagəri gə̄ ō, de kə́ sedə́ gə̄ malang ō, kem jīdə́ tə́. Tɔdɔ̄ dan ń udən̄ rɔ̄ɔ̄ naā tə́ a rɔ̄ɔ̄n̄ naā ní, nin̄ əgan̄ kɔŕ kə̄ dɔ Nə́ɓā tə́ adə̄ Nə́ɓā oō ndūdə́ ba dḭḭ̄də́, tām̄ nin̄ ənīn̄ kemdə́ adə̄n̄ Nə́ɓā.

1 SAMUEL 30:6

Loo təngā Dabid ngá̰ý tɔdɔ̄ de gə̄ ɔrə̄n̄ najə̄ tə́nīn kə mbalá yā tɔ̄lən: de gə̄ malang ní wurdə́ atə̄də́ ngá̰ý tām̄ yā ngáńdə́ kə́ dəngam gə̄ ō kə́ dəyá̰ gə̄ ō tə́. Banī Dabid tél əhɔ rɔ̄n tɔgə kə ta kūl̄ Kɔ́ɔ̄ɓē Nə́ɓā yānneé.

IJAI 59:9

I tām̄ najə̄ ń toō tə́ n Nə́ɓā rāā yá̰a̰ tām̄ yājí tə́ aĺ ō, gān̄g sarya kə́ gōtə́ adə̄jí aĺ ō ní. J-əndāī kemjí dɔ loo kə́ unjə̄ kow tə́, banī jḭḭ̄ i kum loo kə́ ndul tə́. J-a jə-ngóōī i kə́ kadə̄ loo tīī dɔjí tə́, banī jə-njə̄rāī i ndɔ̄ɔ́.

NŌŌ RƆ̄ 3:2

Ni-aw̄ seḿ adə̄ m̄-njə̄rā kum loo kə́ risə til nding tə́ banī i kum loo kə́ unjə̄ kow tə́ alé.

EPEJƏ 5:8

Jóó ní sḭḭ̄ i kum til tə́, ba ngɔlaā sḭḭ̄ i kum loo kə́ unjə̄ kow tə́, sɔɔ̄ń ɓoo kə́ ī-ɓooī naā kə Kɔ́ɔ̄ɓēé. I beé ní, ī-rāāī yá̰a̰ tītə̄ ngáń kə́ kum loo kə́ unjə̄ kow tə́ gə̄.

IJAI 10:20

Kem ndɔ̄ɔ́ ń noō tə́ ní, gotə Israel gə̄, ngé teē ta yo tə́ gə̄ kə́ gír kojə yā Jakob tə́ a lōōn̄ gír kəndā tɔ́gə́də́ dɔ nge ń i nge kəndadə́ tə́ ní: Nin̄ a əndān̄ tɔ́gə́də́ rɔ̄kum i dɔ Kɔ́ɔ̄ɓē ń i kə́ táĺ yā Israel ní tə́.

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

IJAI 26:9

Ndɔ̄ɔ́ anī, mā m̄-sāāī kə ngarā̰ kemḿ ō. Dan ń ún sarya gāngīí gə̄ ī-rāań kəla dɔ nang tə́ anī, de kə́ dɔ nang tə́ gə̄ malang ndóōn̄ rāā yá̰á̰ kə́ nelī ō.

DANIEL 3:28

Nabukodonosor un najə̄ ɔr̄, əda na: Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄.

SOPONI 3:12

I de kə́ dansí tə́ gə̄ ń najə̄də́ gətóo ō, i ngé ndoō gə̄ ō ní ngóy n m-ā m-ə́yá̰də́ ní. Nin̄ a əngen̄ loo kə́ yā ɓɔ̄ɔń rɔ̄də́ kemḿ tə́.

Makətūbə̄ yā Aje 1:12

Jorobabel kə́ ngōn̄ Saltiel ō, Yesua kə́ ngōn̄ Yosadak ń i ngol ngé tun̄ yá̰a̰ gə̄ ní ō, de gə̄ malang ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ á tél reēn̄ gogə́ ɓēé ní ō, oōn̄ najə̄ gə̄ ń Kɔ́ɔ̄ɓē Nə́ɓā yādə́ əndā ta Aje nge koō ta tə́ adə̄ əda ní. Aje rāā kəla ń Kɔ́ɔ̄ɓē mērə̄n rāā ní tɔ̄l̄ ta i tītə̄ ń noō. Adə̄ ngán Israel gə̄ a̰a̰n̄ tɔ́gə ko̰o̰ ɓē yā Kɔ́ɔ̄ɓē gerə̄n̄.

2 SAMUEL 22:29

Kɔ́ɔ̄ɓē, i ḭ̄ n i lámba yāḿ ní, adə̄ loo kə́ ndɔ̄ɔ́ ń m̄-ndi kum tə́ ní, ḭ̄ ūnjə̄ tū tə́.

IJAI 8:17

m̄-ndi m̄-ngóō Kɔ́ɔ̄ɓē. Kə́ ngɔr ń toō tə́ ɓáa ni-əndā kumən gír kojə yā Jakob tə́ to̰ alé, banī m-ə̄ndā kemḿ dɔn tə́.

NAHUM 1:7

Kɔ́ɔ̄ɓē i de kə́ majə. Ni i dabə kə́ yā ndi gírí dan wur kɔl tə́. Ngé gə̄ ń əndān̄ kemdə́ dɔn tə́ ní, ni-a̰a̰ gōdə́