IJAI 50:1 - Bibəl ta Sar̄

¹ Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

Bible sar

¹ Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

IJAI 50:1 Referans Kwoze

NDŪ NAJƏ̄ 32:30

Loo kadə̄ de kə́ kógə̄ḿ beē tə̄ɓā Israel gə̄ dūbú ō, kadə̄ de kə́ jōó beē gə̄ tə̄ɓān̄ Israel gə̄ dūbú kutə ō, kanjə̄ kadə̄ i mā Kɔ́ɔ̄ɓē ń i mbal̄ yādə́ ní n m-ə́ládə́ kem jī madə̄ ba̰ā̰də́ gə̄ tə́ ní i ba̰ý?

JEREMI 3:8

mā m-á̰a̰ā̰ ō. Kə́ rɔ̄kum tə́ m̄-mbātə́ Israel kə́ nge túy taā kem yān ō, m-ādə̄n makətūbə̄ mbātə́ naā ō i najə̄ rāā rāȳ yān tə́. Banī yá̰á̰ ń toō əla ɓōĺ kem ngōkó̰o̰n kə́ dəyá̰ ń i Juda kə́ sew aĺ tə́ ní sḛ́ý aĺ bátə́. Adə̄ ni yḛr loo kə́ dɔ nang tə́ tɔdɔ̄ ni-əndā kum kedə̄ dɔ rɔ̄n tə́ alé, ba əla gír rāā ájə́ba ō. Ni-rāā rāȳ tɔdɔ̄ ndɔ̄ȳ mbal̄ ō ndɔ̄ȳ kāgə̄ ō.

MATIYE 18:25

Dəngam ní ənge yá̰á̰ kə́ yā kəgāń kə̄rā ní alé, anī kɔ́ɔ̄n əda kadə̄ igən̄ seneé ō, kə nə̄yá̰n ō, ngánən gə̄ ō, kə yá̰a̰ yān gə̄ malang ō, kadə̄ asə kum gotə kə̄rā ní.

NEHEMI 5:5

Tá dā̰jí to tītə̄ dā̰ ngákó̰ó̰jí gə̄ ō, ngánjí gə̄ ton̄ i tītə̄ yādə́ gə̄ ō. Banī i gáŕ kadə̄ j-əya̰ ngáń jí kə́ dəngam gə̄ ō kə́ dəyá̰ gə̄ ō kadə̄ rāān̄ kəla ɓəlo. Tá ngáńjí kə́ dəyá̰ kə́rēý gə̄ a rāān̄ i kəla ɓəlo kɔ̄ɔ́ ɓá. J-asə rāā yá̰á̰ kógə̄ḿ tū tə́ alé. Ndɔr̄ yājí gə̄ kə ndɔr̄ kāgə̄ nduú yājí gə̄ i tām̄ yā de kə́ rang gə̄ tə́.

2 MBAN̄G 4:1

Nə̄yá̰ deē kógə̄ḿ kə́ dan ɓūtə̄ yā ngé koō ta gə̄ tə́ rāā Elije ɓɔ́ kadə̄ kə rāā seneé. Ni-əda Elije na: Ngaaḿ ń i nge kəla yāí ní oy kɔ̄ɔ́ ō, ī-ger̄ majə kadə̄ ni i de kə́ nge ɓōĺ ndíĺ Kɔ́ɔ̄ɓē ō. Ba dəngam ń kə̄rā yān i dɔjí tə́ ní reē kəhɔ ngánə́ḿ kə́ dəngam kə́ jōó gə̄ tə́ yā kaw̄ rāādə́ ɓəlo tə́ kum kə̄rā ní.

IJAI 52:3

Yá̰á̰ Kɔ́ɔ̄ɓē əda gír deē yān gə̄ ní n toó: Igən̄ sesí tītə̄ ɓəlo gə̄ i karī beé, a gāngə̄n̄ dɔsí i kanjə̄ nar.

JEREMI 4:18

I hálí ō, kəla rāāí gə̄ ō n reēn̄ kə yá̰a̰ gə̄ ń noō kə̄ dɔí tə́ ní I yá̰á̰ ń kem ndul yāí ojə adī ní n noó. I yá̰á̰ kə́ atə̄ rɔ̄kum ba aw̄ bátə́ ɔtə̄ ngarā̰ kemií tə́.

JEREMI 3:1

Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

PĀ GƏ̄ 44:12

Ḭ̄ ə́lájí kem jīdə́ tə́ tītə̄ batə̄ gə̄ kə́ aw̄n̄ sedə́ kə̄ loo tɔ̄l̄də́ tə́ beē. Ḭ̄ ī-tə̄ndā ī-tḭ̄jí kə̄ dan nápar de gə̄ tə́.

2 MBAN̄G 17:17

Ngáńdə́ kə́ dəngam gə̄ ō, kə́ dəyá̰ gə̄ ō ní, nin̄ róōn̄də́ horoó. Ndḛḛ̄n̄ sāā ō, ōōn̄ ta kɔdə̄ sāā gə̄ ō, rāān̄ yá̰á̰ kə́ majaĺ ta kum Kɔ́ɔ̄ɓē tə́ bátə́ adə̄ wōn̄g rāān ō.

ESTER 7:4

Tɔdɔ̄ igən̄ seḿ mā ō gír deē yāḿ gə̄ ō kadə̄ nujən̄ sejí kɔ̄ɔ́! Kadə̄ tɔ̄lə̄n̄jí kadə̄ jə-gətóo kɔ̄ɔ́! Ré igən̄ sejí i kadə̄ jḭḭ i ɓəlo gə̄ anī m-ā m̄-ndi taḿ mbóo. Tɔdɔ̄ rāā kum naā ndoō tə́ kə́ tītə̄ ń noō asə kadə̄ deē njə́ɓań mban̄g alé.

1 MBAN̄G GƏ̄ 21:25

Jóo toó deē a̰a̰ de kə́ nelə̄n rāā yá̰á̰ kə́ majaĺ ta kum Kɔ́ɔ̄ɓē tə́ tītə̄ yā mban̄g Akab beé aĺ ɓáý, tɔdɔ̄ nə̄yá̰n Jesabel sə̄lān.

Teē Ngán Israel gə̄ 21:7

Ré de kə́rēý igə kə ngōnən kə́ dəyá̰ kə́ ɓəlo tə́ anī, ngōn̄ ní a teē ɓəloó i tītə̄ ń dəngam gə̄ a teēn̄neé ɓəloó ní alé.

LEBI GƏ̄ 25:39

Ré ndoō rāā ngōkó̰ó̰í adə̄ ni igə kə rɔ̄neé jīí tə́ anī, ā ī-rāān ɓəlo tə́ alé,

IJAI 1:28

Banī yā ngé kəsō wōn̄g gə̄ ō, ngé rāā majaĺ gə̄ ō ní, yādə́ i nujə sák sák kə́ a teē dɔdə́ tə́ i gidə kógə̄ḿ. Ngé gə̄ ń əya̰n̄ Kɔ́ɔ̄ɓē kɔ̄ɔ́ ní, gír yādə́ a gān̄g.

IJAI 27:8

I beé alé, banī ni əndadə́ i mbée tām̄ majaĺ yādə́ tə́ kə ta kūl̄ tə̄ɓādə́ kɔ̄ɔ́, kə ta kūl̄ kəla sedə́ dɔ ɓē kə́ rang tə́ dɔ gúú tə́. Ni ɔydə́ kɔ̄ɔ́ kə ta kūl̄ koōn kə́ teē kə tɔ́gɔ́, tītə̄ kə́ i kə néĺ kə́ ngan̄g kə́ dūn̄ tə́ beē.

IJAI 43:27

Kaaí kə́ ta kəga dɔ n rāā majaĺ kɔ̄ɔ́ ɓá toō, ō tá ngé gə̄ ń ə̄ndā najə̄ tadə́ tə́ ní, əsōn̄ wōn̄g taḿ tə́ ō

IJAI 46:8

Ādə̄ əga kemsí dɔ nge ń noō tə́ ba ī-téĺ ə́hɔī rɔ̄sí tɔgə gogə́! Sḭḭ̄ de kə́ ngé ra dɔ ndūsí tə́ aĺ gə̄, ī-gírī dɔ tə́!

IJAI 54:6

Tɔ́gí ur̄ wak tītə̄ dəyá̰ kə́ əya̰nən̄ kɔ̄ɔ́ beē. Banī Kɔ́ɔ̄ɓē tél ɓāríī gogə́. A̰á̰ā̰, Nə́ɓā yāí əda na: Dəyá̰ ń deē gə̄rā dan balsáan tə́ ní, deē asə mbātə́n rɔ̄kum a?

IJAI 54:7

M-ə́ya̰ī kɔ̄ɔ́ i kum mbang kə́ sḛ́ý beē tə́. Banī m̄-ndigə tél taāī gogə́ i kə kemḿ kə́ gḛy táriī ngá̰ý.

IJAI 58:1

Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

OJEE 4:5

Ā ī-bḭ́ḭ̄ dɔ róbə́ tə́ dan kadə ndaá ō, ndɔ̄ɔ́ anī, ngé koō ta gə̄ a bḭ́ḭ̄n̄ dɔ róbə́ tə́ tītə̄ yāsí ō. M-ā m̄-rāā kadə̄ kó̰ó̰sí Israel a ndi kə tan kə́ mbóó ō.