IJAI 5:8 - Bibəl ta Sar̄

⁸ I yá̰á̰ kə́ to kum kaȳ aĺ kə́ ba̰ý beē tām̄ yā ngé rāā kújə gə̄ kə̄ dɔ naā tə́ tə́, tām̄ yā ngé kɔy ndɔr̄ gə̄ kə̄ dɔ naā tə́ tə́! Ta tɔ̄l̄ ta anī, nin̄ taān̄ loo malang ō, kem ɓē ɓáa i nīń ngóy ō.

Bible sar

⁸ I yá̰á̰ kə́ to kum kaȳ aĺ kə́ ba̰ý beē tām̄ yā ngé rāā kújə gə̄ kə̄ dɔ naā tə́ tə́, tām̄ yā ngé kɔy ndɔr̄ gə̄ kə̄ dɔ naā tə́ tə́! Ta tɔ̄l̄ ta anī, nin̄ taān̄ loo malang ō, kem ɓē ɓáa i nīń ngóy ō.

IJAI 5:8 Referans Kwoze

MISE 2:2

Ré ndɔr̄ yā madə̄də́ gə̄ sə̄ngā kumdə́ anī, nin̄ taān̄ ndɔr̄ ní ō, ré gḛyn̄ i kújə yādə́ gə̄ anī, nin̄ táān̄ kújə gə̄ ní ō. Nin̄ ḭḭn̄ gúu dɔ de kə́ dəngam gə̄ tə́ ō, dɔ kojə yādə́ gə̄ tə́ ō, dɔ kɔ́ɔ̄ yá̰a̰ gə̄ tə́ ō, táān̄ yá̰a̰ kənge yādə́ gə̄ dɔ gúú tə́ ō.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

EJEKIEL 33:24

Ḭ̄ ngōn̄ deē, ōō! Gotə de gə̄ ń na̰yn̄ á ndin̄ Israel tə́ kə̄ kem ɓē bo gə̄ kə́ nujə kɔ̄ɔ́ gə̄ tə́ ní, ə́dan na: Kété ní Abəraham i kə kérneé banī ɓē malang i yān. Ba jḭḭ̄ ń i ngá̰ý ní, majə kadə̄ i jḭḭ̄ n ɓē i yājí ngɔlaā ní.

EJEKIEL 11:15

Ḭ̄ ngōn̄ deē, kɔjə̄ ń de kə́ Jerusalem gə̄ adə̄n̄ ngákó̰ó̰í gə̄, adə̄n̄ de kə́ kem kojə yāí tə́ gə̄, adə̄n̄ Israel gə̄ malang ń ɔyn̄də́ dɔ gúú tə́ aw̄n̄ sedə́ dɔ ɓē kə́ rang tə́ ní n toó: I beé ní, ī-ndi sa̰y kə loo ń Kɔ́ɔ̄ɓē i tū tə́ ní tə́. Tām̄ dɔ nang ń toō ní i jḭḭ̄ n ni-adə̄jí kadə̄ i yājí tə́ ní.

Makətūbə̄ yā Job 15:28

Kété ní ni-ndi i kem ɓē gə̄ kə́ nujən̄neé sák sák kɔ̄ɔ́ tə́ ō, i kem kújə gə̄ kə́ deē ndi kemeé to̰ aĺ tə́ ō, tɔdɔ̄ i kújə gə̄ kə́ a rāān̄ i loo tə́sō kɔ̄ɔ́ gə̄.

AMOS 1:13

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Amon gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ gḛyn̄ teē kem ɓē yādə́ kə̄ gogə́, adə̄ njárə̄n̄ kem dəyá̰ kə́ ndān̄ ngán gə̄ kə́ dɔ nang kə́ Galaad tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

Makətūbə̄ yā Job 20:21

Kəsa wa yān rāā adə̄ yá̰a̰ mān̄ tan alé, adə̄ ni a ndi majə dan i ngá̰ý alé.

Gōsə̄ najə̄ gə̄ 15:27

De kə́ nge kə́ra de gə̄ i nge nujə kem de kə́ kem kújə yān tə́ gə̄, banī deē ń kəla jī nang tə́ yā nujəń sarya i yá̰á̰ kə́ dɔ kumən tə́ aĺ ní a ndi kə kumneé ta kaw̄ jóo.

MISE 2:1

Ngé gə̄ ń ndɔ̄ɔ́ anī a əndān̄ i dɔ yá̰á̰ kə́ gōtə́ aĺ danaá yā rāā ō, a nómə̄n̄ i rāā yá̰á̰ kə́ majaĺ ō ní, yá̰á̰ kə́ to kum kaȳ aĺ i tām̄ yādə́ tə́! Dan nəkɔ́ ń mbang əɓa anī, nin̄ rāān̄ yá̰a̰ gə̄ ní, loo ń nin̄ aw̄n̄ kə tɔ́gə rāān ní.

HABAKUK 2:6

Banī de gə̄ malang ń nin̄ tetən̄də́ rɔ̄ɔ̄ ní, a tāmə̄n̄ sedə́ ō, a lurən̄də́ ō, najə̄ kə́ tadə́ tə́ a adə̄də́ do ō. Najə̄ ń nin̄ a ədan̄ ní n toó: I yá̰á̰ kə́ to kum kaȳ aĺ kə́ ba̰ý beē n rāāsí ní. Yá̰a̰ kənge gə̄ ń i yāsí aĺ ní, sḭḭ̄ ā ɔ́siī dɔ kə̄ naā tə́ i bátə́ ndɔ̄ kə́ rá tə́? Kə̄rā gə̄ kə́ dɔsí tə́ i ngá̰ý kum kə̄ kété kété!