IJAI 5:7 - Bibəl ta Sar̄

⁷ Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

Bible sar

⁷ Ndɔr̄ *kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán *Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ *Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

IJAI 5:7 Referans Kwoze

JAKƏ 5:4

Á̰a̰ī, ngé kəla gə̄ əjan̄ kōō kə́ kem ndɔr̄ yāsí gə̄ tə́, banī sḭḭ̄ ɔ̄gīdə́ nar tətōdə́, adə̄ nar ní əga kɔŕ! Ba nōō rɔ̄ yā ngé kəja kōō gə̄ ní əsō mbī Kɔ́ɔ̄ɓē kə́ bo kə́ tɔ́gən i ngá̰ý tə́.

JA̰A̰ 15:2

Ta jīḿ gə̄ ń anə̄n̄ aĺ ní, ni a jén̄gdə́ kɔ̄ɔ́. Ba ta jīḿ gə̄ malang ń anə̄n̄ ní, ni a tɔ́r̄də́ kadə̄ anə̄n̄ ngá̰ý mān̄ kə́ kété.

Najə̄ kə́ Majə yā Jeju ń Luk ndang ní 18:7

I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?

MATIYE 23:23

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ kámbə kotə yāsí gə̄ ń i kámbə kotə ō, penuwil ō kumḛ̄ḛ ō ní, sḭḭ̄ ɔ̄rī dɔ kə́ nge ko̰ kutə ādī Nə́ɓā. Ba ré i yá̰á̰ kə́ bo bo gə̄ kə́ tū ndū najə̄ tə́, kə́ tītə̄ yá̰á̰ kə́ gōtə́ ō, rāā kem majə ō, ra dɔ ndū kə́ kənī tə́ ō, ɓáa sḭḭ̄ ī-mānī dɔ tə́ kɔ̄ɔ́. Tá i yá̰a̰ gə̄ ń noō n majə kadə̄ ī-rāāīdə́ kanjə̄ kəya̰ gotə gə̄ kɔ̄ɔ́ ní.

SOPONI 3:17

Kɔ́ɔ̄ɓē Nə́ɓā yāí i kemií tə́ danaá bang. I ni n i go̰ rɔ̄ɔ̄ kə́ nge tetə rɔ̄ɔ̄ ní. Rɔ̄n nelə̄n ngá̰ý najə̄ yāí tə́. Tár yān adī ndi kə kumuú kə́ kijə. Ni ndām̄ tām̄ yāí tə́ kə kɔŕ rɔ̄nelēé

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

JEREMI 12:10

Kósə ngé kul̄ yá̰a̰ gə̄ nujən̄ kə ndɔr̄ kāgə̄ nduú yāḿ sák sák kɔ̄ɔ́ ō, tə́ɓān̄ ndɔr̄ yāḿ njadə́ tə́ ō, rāān̄ ndɔr̄ ngeé ń toō ń majə ngá̰ý ní adə̄ tél dəla loo kə́ to kum ko̰ ō.

IJAI 62:5

Tītə̄ ń balsáa taāń ngōmandə ní, nge tél rāāī gogə́ rang a tél ngaaí i tītə̄ ń noō ō. Tītə̄ ń dəyá̰ kijə i yá̰a̰ rɔ̄nel̄ yā ngaan ní, ā ī-téĺ yá̰a̰ rɔ̄nel̄ yā Nə́ɓā yāí.

IJAI 5:2

Ni ndɔr̄ dɔ nang ní ō, ró̰ȳ kɔkərɔ gə̄ kə́ tū tə́ kɔ̄ɔ́ ō, ba əhɔ kāgə̄ nduú kə́ majə gə̄ kem ndɔr̄ yān ní tə́. Ni-rāā kújə ngɔm̄ kə́ ngāl̄ kə̄ dɔɔ́ yā ngɔ̄məń ndɔr̄ ní ō, ndēr̄ loo kə́ yā mbə́rē kan̄ nduú tū tə́ ō. Ni-əndā kemən dɔ kənge kan̄ nduú kə́ majə tə́ kem ndɔr̄ kāgə̄ nduú yān ní tə́, banī kanə̄n ń ni-ənge ní, i kə́ masə̄.

IJAI 3:17

I beé ní, Kɔ́ɔ̄ɓē a rāā kadə̄ kur əsa dɔdə́ malang, adə̄ nənga a gətóo notə nodə́ tə́.

IJAI 3:14

Ni-aw̄ kə kum kɔɔ̄ gə̄ yā gír deē yān gə̄ ō, ngār gə̄ yā gír deē yān gə̄ ō, loo sarya tə́. Ni ədadə́ na: I sḭḭ̄ n ī-nujiī ndɔr̄ kāgə̄ nduū yāḿ kɔ̄ɔ́ ní. Yá̰a̰ kənge yā ngé ndoō gə̄ ń ī-ɓogiī ní, rosə kem kújə yāsí gə̄.

IJAI 1:6

Ḭḭ njasí tə́ bátə́ dɔsí tə́ ní, loosí kógə̄ḿ kə́ yá̰a̰ rāā aĺ gətóo. Rɔ̄sí malang i do ō, gotə ndéy ō, do kə́ ta ra kə wōyōó ō. Deē tə́go ta aĺ ō, deē ndem̄ ta aĺ ō, deē rāā yibə̄ ta tə́ aĺ ō.

PĀ KƏ́ MAJƏ 7:6

Dɔí ndi ta míndí tə́ tītə̄ mbal̄ Karmel, nənga kə́ tū tə́ kərē ning. Nənga dɔí kə́ kuú əhɔ mban̄g kógə̄ḿ do̰ō̰n.

Gōsə̄ najə̄ gə̄ 21:13

Deē ń utə̄ mbīn kɔ̄ɔ́ ta nōō yā de kə́ tɔ́gən gətóó tə́ ní, a ɓār̄ yá̰a̰ kanjə̄ kadə̄ deē ndigən ō.

PĀ GƏ̄ 149:4

Tɔdɔ̄ Kɔ́ɔ̄ɓē rāā majə kə gír deē yān gēé, ni ajə ngé gə̄ ń télən̄ kə rɔ̄də́ kə̄ nang tə́ ní ɔsəń gɔndə́.

PĀ GƏ̄ 147:11

Ba o̰o̰n tɔdɔ̄ ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

PĀ GƏ̄ 80:15

Nə́ɓā kə́ bo kə́ tɔ́gən i ngá̰ý, ī-tél ī-reē. Ī-ndi dɔɔ́ dɔ rā̰ tə́ á̰a̰ń yá̰á̰ ń a rāā yá̰á̰ ní, ba ī-reē ī-dḭḭ̄ kāgə̄ nduú ń toō.

Makətūbə̄ yā Job 34:28

Nin̄ aw̄n̄ bátə́ rāān̄ adə̄ nge ndoō əga kɔŕ adə̄ kɔŕ yān aw̄ ugə̄ rɔ̄n tə́. Tá ni i nge koō kɔŕ yā ngé gə̄ ń rāān kumdə́ ndoō tə́ ní.

NDŪ NAJƏ̄ 15:9

Ī-lōōī gír̄ kemsí tə́ kəda na dɔ ɓāl̄ kə́ nge ko̰ sīrí ń i ɓāl̄ kəya̰ gō kə̄rā gə̄ kɔ̄ɔ́ ní i ngɔr ba rāań kem ngan̄g kə ngōkó̰ó̰sí kə́ nge ndoó ō, kɔgə̄nneé yá̰a̰ ō. Nge ń noō i gír̄ kə̄ majə alé. Ré ni sekə́sí rɔ̄ Kɔ́ɔ̄ɓē tə́ anī sarya a əhɔsí.

Teē Ngán Israel gə̄ 3:7

Kɔ́ɔ̄ɓē tél əda na: M-á̰a̰ loo rāā ń rāān̄ kum gír deē yāḿ gə̄ ndoō tə́ dɔ nang kə́ Ejiptə tə́ ní. M-ōō nōō yādə́ dan ń ngé rāā kumdə́ ndoō tə́ gə̄ a tə̄ndān̄də́ ní. m̄-ger̄ tápə̄ yādə́.

TA KƏLA 4:10

Kɔ́ɔ̄ɓē tél ədan na: Ī-rāā i rí? Ndū mósə ngōkó̰ó̰í ɓār̄ dɔ nang tə́ bátə́ teē rɔ̄ḿ tə́.

2 SAMUEL 7:10

M-ā m̄-gō̰ loo yā kadə̄ gír deē yāḿ gə̄ ń i Israel gə̄ ní. M-ā m-ə̄ndādə́ tū tə́ kadə̄ ndin̄ gotə kógə̄ḿ loo yādə́ tə́. Yá̰a̰ a yéȳdə́ to̰ aĺ ō, ngé rāā majaĺ gə̄ a rāān̄də́ ndoō tə́ tītə̄ kə́ kété ń

KOHELET 4:1

M-á̰á̰ yá̰á̰ kə́ gōtə́ aĺ gə̄ malang ń de gə̄ a rāān̄ kə madə̄də́ gēé dɔ nang tə́ ní ō. Ngé gə̄ ń de gə̄ rāān̄ kumdə́ ndoō tə́ ní nōōn̄, banī de kə́ nge sɔl̄ kemdə́ gətóo. Tɔ́gə i dām̄ yā ngé rāā kumdə́ ndoō tə́ gə̄ tə́, adə̄ de kə́ nge sɔl̄ kemdə́ gətóo.

IJAI 3:15

Sḭḭ̄ ī-rējī gír deē yāḿ gə̄. I tām̄ rí tə́? Sḭḭ̄ ḭ́ḭḭ̄ gúu dɔ ngé ndoō gə̄ tə́. Ní, i tām̄ rí tə́? Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

IJAI 27:2

Ndɔ̄ ngeé ń noō tə́ ní, ənī pā tām̄ yā kāgə̄ nduú kə́ kasən nel̄ ngá̰ý tə́.

IJAI 30:12

I tām̄ najə̄ ń toō tə́ n Nə́ɓā kə́ táĺ yā Israel əda najə̄ ń toō ní, əda na: Sḭḭ̄ ī-mbātíī najə̄ yāḿ gə̄. Sḭḭ̄ ə̄nī kemsí ādī ngé ngóĺsí gə̄ ō, ngé sor̄ gə̄ ō, sḭḭ̄ ī-ndə̄nāī rɔ̄sí rɔ̄də́ tə́ ō.

IJAI 59:4

Loo sekə́ ń ā ī-sekíī deē loo sarya tə́ ní i gōtə́ alé. Sḭḭ̄ ī-rɔ̄ɔ̄ī dɔ deē tə́ i kə gō najə̄ kə́ rɔ̄kum alé. Sḭḭ̄ ə̄ndāī tɔ́gə́sí i dɔ yá̰á̰ kə́ kemən ra wōȳ tə́. Sḭḭ̄ ə́daī yá̰á̰ kə́ rɔ̄kum aĺ gə̄. Sḭḭ̄ ə̄tōī yá̰á̰ kə́ majaĺ kemsí tə́ ō, ójiī i yá̰á̰ kə́ to kum kaȳ aĺ ō.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

IJAI 59:14

I tām̄ najə̄ ń toō tə́ n ɓōĺ gidə yá̰á̰ kə́ súmūú tél kə̄ gogə́ ní, yá̰a̰ rāā kə́ gōtə́ i sa̰y rɔ̄jí tə́. Na̰y i ngɔr kadə̄ kɔr̄ najə̄ kə́ rɔ̄kum teē əsō ndágə loo kə́ súkūú tə́, ɓōĺ gidə yá̰a̰ rāā kə́ gōtə́ aw̄ ndágə loo kə́ súkūú tə́ to̰ alé.

JEREMI 24:2

Kan̄ kótə̄ kə́ majə ngá̰ý gə̄ ton̄ kem jáng kə́ kógə̄ḿ tə́, tītə̄ kan̄ kótə̄ kə́ kíjə gə̄ beé. Kan̄ kótə̄ kə́ majaĺ adə̄ i kə́ dum̄ kəsa gə̄ ton̄ kem jáńg kə́ noō tə́ ō.

JEREMI 50:46

Dan ń taān̄ ɓē kə́ Babilon kɔ̄ɔ́ ní anī, dɔ nang ndebə ō, kɔŕ ɓār̄ ɓororo dáń nápar de gə̄ tə́ ō.

EJEKIEL 22:29

De gə̄ a rāān̄ yá̰a̰ i kə tɔ́gə́də́ ō, i kə dɔ́nɔ́ ō, kə̄ loo gə̄ tə́ malang kem ɓēé. Nin̄ ɓogən̄ ō, əsan̄ tətō ngé ndoō gə̄ ō, ngé rɔ̄ tō ndoō gə̄ ō, rāān̄ kum ngé nam̄ ɓē gə̄ ndoō tə́ kanjə̄ ɓōĺ gidə yá̰a̰ rāā kə́ gōtə́ ō.

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

IJAI 1:21

Ɓē kə́ ra dɔ ndūn tə́ ń toō rāā i ba̰ý n télń dəyá̰ kə́ nge rāā ájə́ba ní? Kété ní, de gə̄ ɓōlə́n̄ gidə yá̰á̰ kə́ súmūú kem ɓē kə́ Jerusalem tə́ ō, i de kə́ gōtə́ gə̄ n ndin̄ kem ɓēé ní ō. Ba ngɔlaā ń toō i ngé tɔ̄l̄ de gə̄ n taān̄ loo kem ɓēé ní.

IJAI 46:12

Sḭḭ̄ ngé dɔ ngan̄g gə̄, sḭḭ̄ ń i sa̰y ngá̰ý, ī-ndetiī kadə yá̰á̰ kə́ gōtə́ ngɔr aĺ ní, ōōī najə̄ yāḿ!

OJEE 10:1

Kété ní Israel i kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.

HABAKUK 1:3

Ḭ̄ ī-rāā ādə̄ m-á̰á̰ yá̰á̰ kə́ majaĺ i najə̄ rí tə́? Ḭ̄ á̰á̰ yá̰á̰ kə́ tōr̄ rɔ̄jí kanjə̄ rāā yá̰á̰ kógə̄ḿ i najə̄ rí tə́? Loo malang ń gīr̄ gidəḿ ní, de gə̄ a ɔyn̄ i yá̰a̰ yā de gə̄ dɔ gúú tə́ tū tə́ ō, a rāān̄ yá̰a̰ i kə dɔ́nɔ́ tū tə́ ō. De gə̄ a rāān̄ i sarya kə naá ō, a kɔ̄lə̄n̄ i naā ō ngóy.