IJAI 5:6 - Bibəl ta Sar̄

⁶ M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

Bible sar

⁶ M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ *kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

IJAI 5:6 Referans Kwoze

JEREMI 25:11

Ɓē ń noō kə taá malang a tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, nápar de gə̄ ń noō a rāān̄ kəla adə̄n̄ mban̄g kə́ Babilon kem ɓāl̄ kutə sīrí.

JEJU TEĒ KUM JA̰A̰ 11:6

Nin̄-aw̄n̄ kə tɔ́gə kutə̄ ta dɔ rā̰, kadə̄ man̄ edə alé kem ndɔ̄ gə̄ ń nin̄ a ədan̄neé najə̄ ń Nə́ɓā əndā tadə́ tə́ ní ō, aw̄n̄ kə tɔ́gə rāā kadə̄ man̄ téĺ mósə ō, aw̄n̄ kə tɔ́gə kənda dɔ nang kə yá̰á̰ kə́ tōr̄ kə́ tayā tayā gə̄ kadə̄ asə kumən yādə́ ō.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

AMOS 4:7

M-ɔ̄gə̄sí man̄, adə̄ man̄ edə dɔsí tə́ alé nāā mətá kété no sāā kōō gə̄ tə́. m̄-rāā adə̄ man̄ edə dɔ ɓē kógə̄ḿ tə́ banī edə dɔ ɓē kə́ rang tə́ alé. M-ādə̄ man̄ edə dɔ ndɔr̄ kógə̄ḿ tə́ banī edə dɔ ndɔr̄ kə́rēý tə́ alé, adə̄ ndɔr̄ ní tutə kɔ̄ɔ́.

OJEE 3:4

Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

JEREMI 45:4

Kɔ́ɔ̄ɓē ɔr̄ najə̄ seí i tītə̄ ń toō beē: Yá̰á̰ ń m̄-rāā ní, mə̄kɔ́ m̄-nujəń ō, yá̰á̰ ń m-ə̄ndā ní, mə̄kɔ́ m-ɔ̄r̄ kɔ̄ɔ́ kə gír ngəraá ō, m̄-rāā tītə̄ ń noō kə gō loo gə̄ malang.

JEREMI 14:22

Dɔ dáń yá̰á̰ kə́ kanjə̄ kumən gə̄ ń i ɓesə̄ yā nápar de gə̄ ní, i ngé kə́ rá gə̄ n rāān̄ man̄ adə̄ edə ní? Aké i dɔ rā̰ n rāā man̄ adə̄ edə ní a? I ḭ̄ Kɔ́ɔ̄ɓē Nə́ɓā yājí aĺ a? J-a jə-ngóō ta jīí tɔdɔ̄ i ḭ̄ n i nge rāā yá̰a̰ gə̄ ń noō malang ní.

JEREMI 14:1

Najə̄ kə́ Kɔ́ɔ̄ɓē ɔr̄ kə Jeremi dɔ loo kə́ əhɔ laa tə́.

IJAI 30:23

Loo ń noō tə́ Kɔ́ɔ̄ɓē a rāā kadə̄ man̄ edə dɔ kum yá̰a̰ gə̄ ń ī-dubə̄ tə́ ní ō, yá̰a̰ kəsa ń dɔ nang a adī ní a i ngá̰ý ō, a nel̄ ngá̰ý ō. Ndɔ̄ ngeé ń noō tə́ ní, ɓūtə̄ yá̰a̰ kul̄ yāí gə̄ a aw̄n̄ ko̰ó̰ loo kə́ bo tə́.

IJAI 24:12

I kɔkərɔ kə́ kán̄ dɔ naā tə́ gə̄ ngóy n ton̄ kem ɓēé ní. Tetən̄ ta róbə́ kə́ yā kudəń kə̄ kem ɓēé kɔ̄ɔ́, ta róbə́ ní nujə sák sák kɔ̄ɔ́.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

NDŪ NAJƏ̄ 29:23

Nápar de gə̄ malang a dəjen̄ najə̄, a ədan̄ na: Kɔ́ɔ̄ɓē rāā kə ɓē ń toō yá̰á̰ kə́ beé i tām̄ rí tə́? I tām̄ rí tə́ á wōn̄g rāān ngá̰ý dɔ tə́ beé?

1 MBAN̄G GƏ̄ 8:35

Aláa ré dɔ rā̰ utə̄ tan adə̄ man̄ edə aĺ tɔdɔ̄ ngán Israel gə̄ rāān̄ majaĺ seí, ba ré nin̄ tūrə̄n̄ kumdə́ kə̄ loo ń toō tə́ ndɔ̄ȳīn̄neé ō, tɔ̄ȳn̄neé rīí ō, tūrə̄n̄ háĺdə́ ō, tɔdɔ̄ ī-rāādə́ yá̰á̰ kə́ tōr̄ anī,

Makətūbə̄ yā Job 31:40

ādə̄ kōn̄ tɔgə dɔ nang yāḿ tə́ kum gotə gémē ō, bar̄ tɔgə tū tə́ kum gotə kōō ɔ́rjə ō. Gír najə̄ yā Job gān̄g loo ń toō tə́.

IJAI 7:19

Nin̄ malang a reēn̄ yā ndi wól man̄ gə̄ kə́ mbal̄ gə̄ i tū tə́ tə́ ō, mbo̰ō̰ mbal̄ kə́ njár̄ gə̄ tə́ ō, kem túpə́ kámbə gə̄ tə́ malang ō, loo malang ń man̄ i tū tə́ ní tə́ ō.

IJAI 32:10

Na̰y i ɓāl̄ kógə̄ḿ kə ndɔ̄ gə̄ kóndóńg wań dɔ tə́, yā kadə̄ sḭḭ̄ ń ī-taāī kem rɔ̄sí mámák ní, ā ī-ndiī kə sōlōó. Kan̄ nduú kə́ yā kəja a gətóo, kōō kə́ yā sāā a gətóo.

IJAI 49:19

Ī-ndi dan gájə bɔr gə̄ tə́, ɓē yāí gə̄ i kə́ nujənə̄ń sák sák kɔ̄ɔ́, dɔ nang yāí i dəla loo. Banī sḛ́ý laā anī, ni a dūú ngá̰ý tām̄ yā de kə́ kemeé gə̄ tə́ ō, ngé gə̄ ń kété nujiīn̄ sák sák ní, a aw̄n̄ sa̰y kɔɔ̄ rɔ̄í tə́ ō.

IJAI 55:13

Kāgə̄ sipəres a əɓa kum gotə túpə kōn̄ ō, kāgə̄ kə́ otə majə a to kum gotə mu kə́ kōn̄də́ tōr̄ ngá̰ý gə̄ ō. Yá̰a̰ gə̄ ń noō malang a rāān̄ yá̰a̰ i yā kadə̄ Kɔ́ɔ̄ɓē əngeń kɔr ta. Nge ń noō i yá̰á̰ kə́ yā kɔjəń yá̰á̰ kə́ a to nga̰ńdáńg ō, deē a nujəń kɔ̄ɔ́ aĺ bátə́ ō.

OJEE 9:6

Dan ń ā ī-teēī kɔ̄ɔ́ kem ɓē yāsí kə́ nujə tə́ anī, ɓē kə́ Ejiptə a əhɔsí kə̄ rɔ̄n tə́, banī ɓē kə́ Mempis a tél i bəlo yosí. Mu kə́ majaĺ gə̄ a ɔrən̄ rɔ̄ɔ̄ dɔ yá̰a̰ yāsí gə̄ kə́ gātə̄də́ i ngá̰ý tə́, túpə kōn̄ gə̄ a taān̄ loo kem kújə yāsí gə̄ tə́.

JOEL 1:7

Nin̄ nujən̄ kə kāgə̄ nduú yāḿ gə̄ sák sák kɔ̄ɔ́ ō. Jéngə̄n̄ kāgə̄ kótə̄ yāḿ gə̄ náḿ náḿ kɔ̄ɔ́ ō. Nin̄ əsan̄də́ ɔrə̄n̄ ngɔ̄ɔ̄də́ gə̄ kɔ̄ɔ́ ba yá̰á̰ gə̄ ń əya̰n̄ ní i ta jīdə́ kə́ tetə ndaa gə̄ ngóy.

Gōsə̄ najə̄ gə̄ 24:31

Anī loo i túpə kōn̄ ngar̄ gə̄ malang ō, kōn̄ gə̄ ɔrən rɔ̄ dɔ yá̰a̰ gə̄ tə́ malang ō, ngōn̄ ndogə̄ kə́ rāā kə kūbə̄rū mbal̄ gēé əsō nang tə́ kɔ̄ɔ́ ō.

NŌŌ RƆ̄ 2:6

Ni bótə̄yō̰ gong kə́ kɔr gidə ndɔr̄ yān tə́ ō, nujə kə loo kán̄ naā yānneé kɔ̄ɔ́ ō. Kɔ́ɔ̄ɓē rāā adə̄ dɔ de kə́ Siyo̰ gə̄ ndígə̄nal rāā nāā gə̄ ō, ngɔ̄m̄ ndɔ̄ sabat ō. Ni-əla rɔ̄sɔl̄ dɔ mban̄g tə́ ō, dɔ nge tun̄ yá̰á̰ tə́ ō, kə wōngōó ngá̰ý.