IJAI 5:5 - Bibəl ta Sar̄

⁵ I beé ní, m̄-ndigə kədasí yá̰á̰ ń m̄-sāā rāā kə ndɔr̄ kāgə̄ nduú yāḿ ní: M-ā m-ɔ̄r̄ ndogə̄ kə́ gidə tə́ kɔ̄ɔ́, kadə̄ dā̰ gə̄ əsan̄ mbī kāgə̄ nduú gə̄ kə́ kemeé ō, m-ā m̄-ɓéngə̄lē ndogə̄ mbal̄ kə́ gidə tə́ kɔ̄ɔ́, kadə̄ ngé mān̄ róbə gə̄ njə̄rān̄ dɔ nán̄g kə́ tū tə́ tə́ kadə̄ tɔ̄ɔ̄ kɔ̄ɔ́ ō.

Bible sar

⁵ I beé ní, m̄-ndigə kədasí yá̰á̰ ń m̄-sāā rāā kə ndɔr̄ *kāgə̄ nduú yāḿ ní: M-ā m-ɔ̄r̄ ndogə̄ kə́ gidə tə́ kɔ̄ɔ́, kadə̄ dā̰ gə̄ əsan̄ mbī *kāgə̄ nduú gə̄ kə́ kemeé ō, m-ā m̄-ɓéngə̄lē ndogə̄ mbal̄ kə́ gidə tə́ kɔ̄ɔ́, kadə̄ ngé mān̄ róbə gə̄ njə̄rān̄ dɔ nán̄g kə́ tū tə́ tə́ kadə̄ tɔ̄ɔ̄ kɔ̄ɔ́ ō.

IJAI 5:5 Referans Kwoze

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

NŌŌ RƆ̄ 1:15

Kɔ́ɔ̄ɓē tə̄ɓā go̰ rɔ̄ɔ̄ gə̄ malang ń i seḿ ní kɔ̄ɔ́. Ni-ɔsə dɔ de kə́ ngá̰ý gə̄ naā tə́ kə rīḿ, kadə̄ reē rējə̄n̄ balsáa yāḿ gə̄. Kɔ́ɔ̄ɓē mbə́rē ngōmandə kə́ Juda tə́ tītə̄ kan̄ kāgə̄ nduú beē.

IJAI 28:18

A gāngə̄n̄ madə̄ naā yāsí ń ə́hɔī kə yoó ní kɔ̄ɔ́, ndūsí ń ə̄nī ādī naā kə de kə́ ɓádá gēé ní a to gotoó alé. Dan ń yá̰á̰ kə́ tɔ̄r̄ a rāā yā rāā yá̰a̰ anī, a rējə̄n̄sí kɔ̄ɔ́.

JEJU TEĒ KUM JA̰A̰ 11:2

Kə m-ə́yá̰ ndágə loo kə́ gīr̄ gidə kújə yā Kɔ́ɔ̄ɓē, ba kə m̄-lōō mbɔ̄jə́. Tām̄ na adə̄n̄ de gə̄ kə́ nin̄ i Jipə aĺ gə̄ ta róbə́ tə́ɓā ɓē kə́ táĺ njadə́ tə́ nāā kutə sɔ́ gidə i jōó.

IJAI 28:3

Ɓē kə́ to tītə̄ jākā mbang beé, adə̄ i yá̰a̰ kənda gúu yā ngé kasə rāā gə̄ kə́ Epəraim ní, a rējə̄nən̄ kɔ̄ɔ́.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

TA KƏLA 11:7

Jə-risə j-aw̄ jə-tə́laī ta yādə́ naā tə́, ādə̄ oōn̄ ta yā naā to̰ alé.

TA KƏLA 11:4

Gō tə́ anī ədan̄ naā ɓáý to̰ na kə n-rāān̄ ɓē bo kógə̄ḿ ō, kújə́ kə́ ngāl̄ ɓururu kə́ dɔn ɔdə no rā̰ ō, kadə̄ rīdə́ kə ɓārəń ō, kə n-tə̄ndānəń naā kə n-tḭ̄ḭ̄n̄ kə̄ loo gə̄ tə́ dɔ nang tə́ aĺ ō.

DANIEL 8:13

Loo ń noō tə́ m-ōō ndū de kə́ dɔ rā̰ tə́ kógə̄ḿ ɔr̄ najə̄. anī de kə́ dɔ rā̰ tə́ kə́ rang dəje nge ń a ɔr̄ najə̄ ní na: Yá̰a̰ gə̄ ń a rāān̄ yā rāā yá̰á̰ á nī əda najə̄n kété toō a rāān̄ yá̰á̰ i bátə́ rəngá̰ý tə́? Yá̰á̰ tun̄ kə́ kə dɔ ndɔ̄ gə̄ ní a ɔgə̄n̄ tun̄ i bátə́ rə́ngáý tə́? Yá̰a̰ rāā kə́ gōtə́ aĺ ń najə̄ yá̰a̰ malang sák sák ní a o̰o̰ ɓē i bátə́ rə́ngáý tə́? A tə́ɓān̄ loo kə́ táĺ ō, de kə́ dɔ rā̰ tə́ gə̄ ō kə njadə́ i bátə́ rə́ngáý tə́?

NŌŌ RƆ̄ 4:12

Dan mban̄g gə̄ ō, de gə̄ malang ń ndin̄ dɔ nang tə́ ō ní, deē kógə̄ḿ kə́ gír̄ kəda na nge rɔ̄ɔ̄, aláa madə̄ ba̰ā̰, na a ənda kem ɓē kə́ Jerusalem yā gān̄g ní gətóo.

IJAI 25:10

Jī Kɔ́ɔ̄ɓē ngɔ̄m̄ mbal̄ Siyo̰. Banī rējə̄n̄ Moab gotə loo kə́ kógə̄ḿ beē tə́ tītə̄ mu kə́ rējə̄n̄ kem bəlo ɓōkə́ yedə̄ dā̰ gə̄ tə́ beē.

NEHEMI 2:3

banī m-ə́da na: Kɔ́ɔ̄ ɓē gə̄, yá̰á̰ ń m̄-ndə̄ngā tām̄ yāí tə́ ní i kadə̄ ī-ndi kə kumií ngándáńg! Dan ń ɓē ń dubə̄n̄ kaaḿ gə̄ kemeé ní i kə́ nujə sák sák kɔ̄ɔ́ ō, bápə́ kə́ ta tə́ gə̄ i kə́ hor o̰o̰ kɔ̄ɔ́ ō ní, loo kadə̄ dɔ kumḿ a nelə̄m̄ i ba̰ý?

PĀ GƏ̄ 89:40

Ḭ̄ ī-tūr̄ ndūí ń ə̄nī ādə̄ nge kəla yāí ní kɔ̄ɔ́, ə̄nī jākā mbang yān nang tə́, ī-rāā ādə̄ téĺ yá̰á̰ kə́ yḛr.

Gōsə̄ najə̄ gə̄ 24:31

Anī loo i túpə kōn̄ ngar̄ gə̄ malang ō, kōn̄ gə̄ ɔrən rɔ̄ dɔ yá̰a̰ gə̄ tə́ malang ō, ngōn̄ ndogə̄ kə́ rāā kə kūbə̄rū mbal̄ gēé əsō nang tə́ kɔ̄ɔ́ ō.

IJAI 32:10

Na̰y i ɓāl̄ kógə̄ḿ kə ndɔ̄ gə̄ kóndóńg wań dɔ tə́, yā kadə̄ sḭḭ̄ ń ī-taāī kem rɔ̄sí mámák ní, ā ī-ndiī kə sōlōó. Kan̄ nduú kə́ yā kəja a gətóo, kōō kə́ yā sāā a gətóo.

JEREMI 18:11

Ngɔlaā ní ɔ̄r̄ najə̄ kə de kə́ Juda tə́ gə̄ ō, kə de gə̄ ń ndin̄ Jerusalem tə́ ní ō, ə́dádə́ na: Najə̄ ń Kɔ́ɔ̄ɓē əda ní n toó: Á̰a̰ī, m̄-nóm̄ yá̰á̰ kə́ to kum kaȳ aĺ yā rāā sesí. m̄-gír̄ rāā yá̰á̰ kógə̄ḿ sesí. Ī-tūrī hálsí kógə̄ḿ kógə̄ḿ ba ə́ya̰ī yá̰a̰ kə́ majaĺ gə̄ kɔ̄ɔ́. Rɔ̄kum, ī-rāāī ādə̄ pā njə̄rāsí majə ō, kəla rāāsí majə ō.

JEREMI 21:4

Najə̄ ń Kɔ́ɔ̄ɓē, Nə́ɓā yā Israel əda ní n toó: Yá̰á̰ rɔ̄ɔ̄ kə́ jīsí tə́ gə̄ ń ī-rɔ̄ɔ̄īneé mban̄g kə́ Babilon ō, de kə́ Kalde tə́ gə̄ ń gīrə̄n̄ gidə ndogə̄ mbal̄ gə̄ ō ní, m-ā m̄-tūr̄ ta kum kə̄ kem ɓēé.

JEREMI 28:8

Jóo nəkɔ́ ń toō ní, ngé koō ta gə̄ ń ɔrə̄n̄ najə̄ noḿ mā tə́ ō, noí ḭ̄ tə́ ō ní, ədan̄ i najə̄ kə́ sɔɔ̄ dɔ ɓē kə́ ngá̰ý gə̄ ō, ɓē ko̰o̰ kə́ bo gə̄ ō, adə̄ tāān̄ de gə̄ i najə̄ rɔ̄ɔ̄ ō, yá̰á̰ kə́ to kum kaȳ aĺ ō, mo̰y ngāl̄bɔ̄gīí ō.

JEREMI 45:4

Kɔ́ɔ̄ɓē ɔr̄ najə̄ seí i tītə̄ ń toō beē: Yá̰á̰ ń m̄-rāā ní, mə̄kɔ́ m̄-nujəń ō, yá̰á̰ ń m-ə̄ndā ní, mə̄kɔ́ m-ɔ̄r̄ kɔ̄ɔ́ kə gír ngəraá ō, m̄-rāā tītə̄ ń noō kə gō loo gə̄ malang.

OJEE 2:12

Ngɔlaā ní m-ā m̄-ɔ̄r̄ yá̰a̰ rɔ̄n tə́ ta kum ngé sāān gə̄ tə́, ba de kə́ yā kɔgə̄m̄ a gətóo.

PĀ GƏ̄ 89:41

Ī-ró̰ȳ ndogə̄ yān gə̄ kɔ̄ɔ́ ō, ī-nujə loo kə́ ngan̄g ngá̰ý yān gə̄ kɔ̄ɔ́ ō.

KOHELET 3:3

Kum mbang tɔ̄l̄ deē i noó ō, kum mbang kajə deē i noó ō. Kum mbang tɔ̄ɔ̄ kújə i noó ō, kum mbang kəndā kújə i noó ō.

NŌŌ RƆ̄ 2:6

Ni bótə̄yō̰ gong kə́ kɔr gidə ndɔr̄ yān tə́ ō, nujə kə loo kán̄ naā yānneé kɔ̄ɔ́ ō. Kɔ́ɔ̄ɓē rāā adə̄ dɔ de kə́ Siyo̰ gə̄ ndígə̄nal rāā nāā gə̄ ō, ngɔ̄m̄ ndɔ̄ sabat ō. Ni-əla rɔ̄sɔl̄ dɔ mban̄g tə́ ō, dɔ nge tun̄ yá̰á̰ tə́ ō, kə wōngōó ngá̰ý.

OJEE 2:14

M-ā m̄-nujə kāgə̄ nduú yān gə̄ ō, kāgə̄ kótə̄ yān gə̄ ō ń ni-əda na: I yá̰a̰ kəndā nja ń ngé sāāḿ gə̄ adə̄mə̄n̄ ní n noó ní. M-ā m̄-rāā kadə̄ nin̄ a télən̄ túpə́ kámbə gə̄ ō, dā̰ kə́ bembeé gə̄ a əsan̄də́ ō.