IJAI 5:29 - Bibəl ta Sar̄

²⁹ Ndū áskar gə̄ ɓār̄ tītə̄ ndū ɓɔl kə́ a nōō beé. Nin̄ do̰o̰n̄ rɔ̄ɔ̄ tītə̄ ngán ɓɔl gə̄ beé. Nin̄ əgan̄ kɔŕ tītə̄ dā̰ kə́ bembeé gə̄ kə́ əhɔn̄ dā̰ oy anī, un aw̄nəń beé. De kə́ asə taā dā̰ ní ta hēl̄ jīdə́ tə́ gətóo.

Bible sar

²⁹ Ndū áskar gə̄ ɓār̄ tītə̄ ndū ɓɔl kə́ a nōō beé. Nin̄ do̰o̰n̄ rɔ̄ɔ̄ tītə̄ ngán ɓɔl gə̄ beé. Nin̄ əgan̄ kɔŕ tītə̄ dā̰ kə́ bembeé gə̄ kə́ əhɔn̄ dā̰ oy anī, un aw̄nəń beé. De kə́ asə taā dā̰ ní ta hēl̄ jīdə́ tə́ gətóo.

IJAI 5:29 Referans Kwoze

JAKARI 11:3

Ōōī ndū ngé kul̄ gír de gə̄ loo nōō tə́, tɔdɔ̄ tɔ́gə́də́ gətóo kɔ̄ɔ́. Ōōī ndū balsáa ɓɔl gə̄ loo nōō tə́, tɔdɔ̄ túpə́ kámbə yādə́ kə́ majə ngá̰ý gə̄ ń ran̄ kə gō kadə ba Jurdḛ ní, nujənə̄ń kɔ̄ɔ́.

MISE 5:8

Gír de gə̄ yā Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!

IJAI 42:22

Ba ń toō ɓáa sḭḭ̄ i gír de gə̄ kə́ ɔyn̄ yá̰á̰ kənge yāsí kɔ̄ɔ́ dɔ gúú tə́. Ɓōkə́n̄sí malang kem bəlo kə́ bo gə̄ tə́ ba utə̄n̄ tasí, ī-ndiī i kem kújə dəngáy gə̄ tə́. Madə̄ ba̰ā̰ gə̄ əhɔn̄sí tītə̄ yá̰a̰ kənge kə́ kəhɔ ta rɔ̄ɔ̄ tə́ beē ō, de kə́ reē dḭḭ̄sí gətóo ō. Nin̄ aw̄n̄ sesí ō, de kə́ yā kəda na ādə̄mī sedə́ gətóo ō.

SOPONI 3:3

De kə́ bo yān gə̄ ton̄ i tītə̄ ɓɔl gə̄ kə́ a nōōn̄ beé ō, ngé sarya yān gə̄ ton̄ i tītə̄ soó gə̄ kə́ aw̄n̄ ndo̰ó̰ ta loo tíbə́ tə́, ba dəloí anī, yá̰a̰ kəsa yādə́ gətóo kɔ̄ɔ́ beē ō.

AMOS 3:8

Dan ń ɓɔl nōō ní, i náā n ɓōĺ aĺ ní? Dan ń Kɔ́ɔ̄ɓē Nə́ɓā ɔr̄ najə̄ ní, i náā n ɔjə najə̄ najə̄ yān aĺ ní?

OJEE 11:10

De gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, njə̄rān̄ kumdə́ kə̄ kété, nin̄ unən̄ gō Kɔ́ɔ̄ɓē, kə́ nge nōō tītə̄ ɓɔl beé. Dan ń ngánən kə́ no ɓē tə́ gə̄ oōn̄ nōōn anī, reēn̄ kə rɔ̄ ndebeé.

JEREMI 51:38

Dan ń nin̄ ra a nōōn̄ naā tə́ tītə̄ balsáa ɓɔl gə̄ ō, a tṵ́ṵ̄n̄ rɔ̄ɔ̄ tītə̄ ngán ɓɔl gə̄ ō,

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

JEREMI 49:19

Tītə̄ ń ɓɔl teēń kem ku kāgə̄ gə̄ kə́ dɔ gɔ́sə bā Jurdḛ tə́, ba aw̄ kumən sɔɔ̄ gong gə̄ kə́ yá̰a̰ kul̄ gə̄ i ngá̰ý kemeé tə́ ní, i tītə̄ ń noō n m-ā m̄-tə̄ɓāńdə́ kɔ̄ɔ́ gidə kógə̄ḿ tītə̄ kum kə́ kənda sapə beé, kadə̄ aw̄n̄ sa̰y kɔ̄ɔ́ rɔ̄n tə́ ní. M-ā m-ə́lá ngé rɔ̄ɔ̄ kə́ balsáa gə̄ kadə̄ aw̄n̄ láẃ rɔ̄n tə́. Tɔdɔ̄ i náā n to tītə̄ḿ mā ní? I náā n asə ɓārə́m̄ loo sarya tə́ ní? I nge kul̄ yá̰á̰ kə́ rá n a asə dum̄ taḿ mā ní?

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

IJAI 31:4

Najə̄ ń Kɔ́ɔ̄ɓē ədam̄ ní n toó: A ɓārə́n̄ i nge ngɔ̄m̄ yá̰a̰ kul̄ gə̄ kə́ nin̄ i ngá̰ý yā kadə̄ reē rɔ̄ɔ̄nən̄. Banī ni ɓōĺ kɔĺ yādə́ gə̄ ń a urən̄ ní alé. Kōōdə́ ń a ɓār̄ ní usən alé. Mā Kɔ́ɔ̄ɓē kə́ bo kə́ tɔ́gən i ngá̰ý ní, yāḿ mā a to i tītə̄ ń noō ō, m-ā m̄-risə dɔ mbal̄ Siyo̰ tə́, dɔ ngōn̄ yān tə́ yā rɔ̄ɔ̄.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

PĀ GƏ̄ 50:22

Sḭḭ̄ gə̄ ń dɔsí ndígə̄nal Nə́ɓā ní, ə̄ndāī kemsí dɔ najə̄ ń noō tə́ majə. Aĺ anī m-ā m̄-rə́yā̰sí naā tə́ háráńg háráńg kɔ̄ɔ́ ō, de kə́ yā taāsí jīḿ tə́ a gətóo ō.

TƏ́DA 24:9

Nin̄ tɔ́sə̄n̄ yár̄ pá tá ton̄ nang tə́ tītə̄ ɓɔl gə̄. I náā n asə kɔsə sedə́ ta kḭḭ dɔɔ́? Israel, deē ń a tɔ́r̄ tan dɔí tə́ ní, tɔ́r̄ ta i dɔ kɔ́ɔ̄ tə́, ba deē ń a ndɔ̄líī ní, a ndɔ̄lə́n̄ kɔ́ɔ̄.

TA KƏLA 49:9

Ngōnə̄ḿ Juda, ḭ̄ i ɓɔl kə́ əhɔ dā̰ əsan, ba tél a aw̄ kə̄ gogə́ loo ton tə́. Ɓɔl tétə̄ kejən ba to nang tə́ anī, i náā-n asə rāān kadə̄ ḭḭ dɔɔ́?

IJAI 35:9

Deē a ənge ɓɔl tū tə́ alé, dā̰ kə́ do̰ gə̄ gətóon̄ tū tə́, kógə̄ḿ kə́ yā reē loo ń noō tə́ a gətóo. I ngé gə̄ ń Kɔ́ɔ̄ɓē a ɔr̄də́ ɓəloó ní ngóy n a unən̄ róbə ngeé ń noō ní.

IJAI 47:15

De gə̄ ń noō malang ní, ə́lá gír kɔr gōdə́ tə́ loo kaw̄ koō yādə́ tə́ i dan ń ḭ̄ i balsáá ɓáý ní. I beé ní, nin̄ i tām̄ yāí tə́ i najə̄ yá̰á̰ ń noō tə́! Ngɔlaā ní, nin̄ aw̄n̄ kə̄ loo gə̄ tə́ ō, deē kógə̄ḿ kə́ asə kajiī gətóo ō.

NAHUM 2:11

Ɓogən̄ yá̰a̰ malang kɔ̄ɔ́ ō, tɔ̄ɔ̄n̄ yá̰a̰ malang kɔ̄ɔ́ ō, rējə̄n̄ yá̰a̰ malang kɔ̄ɔ́ ō. Jī de gə̄ ur̄ wak kɔ̄ɔ́ ō, njadə́ udə̄ lagəja ō, ndewn̄ kə̄ rɔ̄də́ gə̄ tə́ malang ō, ta kumdə́ tūr̄ kɔ̄ɔ́ ō.

JEREMI 2:15

Ngán ɓɔl gə̄ do̰o̰nən̄ rɔ̄ɔ̄, nin̄ nōōn̄ kə kɔrɔ́. De gə̄ rāān̄ adə̄ ɓē yān nujə sák sák kɔ̄ɔ́. Əlan̄ hor dɔ ɓē bo yān gə̄ tə́, De gə̄ təgān̄ kɔ̄ɔ́ kem ɓē bo gə̄ ní tə́.