IJAI 5:26 - Bibəl ta Sar̄

²⁶ Kɔ́ɔ̄ɓē udə dərapóo rɔ̄ɔ̄ kógə̄ḿ dɔɔ́, yā kɔrə̄ń najə̄ kə nápar de gə̄ ń ndin̄ sa̰y ní. Nin̄ ń ndin̄ i ta ngóy dɔ nang tə́ ní, ni-ɓāŕdə́ kə ngélé. Anī gír de gə̄ ní nin̄ n toó, nin̄ reēn̄ láẃ ngá̰ý, njadə́ hɔɔ́lɔ̄.

Bible sar

²⁶ Kɔ́ɔ̄ɓē udə dərapóo rɔ̄ɔ̄ kógə̄ḿ dɔɔ́, yā kɔrə̄ń najə̄ kə nápar de gə̄ ń ndin̄ sa̰y ní. Nin̄ ń ndin̄ i ta ngóy dɔ nang tə́ ní, ni-ɓāŕdə́ kə ngélé. Anī gír de gə̄ ní nin̄ n toó, nin̄ reēn̄ láẃ ngá̰ý, njadə́ hɔɔ́lɔ̄.

IJAI 5:26 Referans Kwoze

JAKARI 10:8

M-ā m̄-ɓāŕ de gə̄ kə́ dan gír deē yāḿ gə̄ tə́, yā kɔsə dɔdə́ naā tə́. A̰á̰ā̰, m-ā m-ɔ̄r̄də́ ɓəloó ō, kutədə́ a reē ngá̰ý tītə̄ kə́ kété ō.

IJAI 7:18

Ndɔ̄ kógə̄ḿ tə́ anī, Kɔ́ɔ̄ɓē a kɔ̄ŕ yá̰a̰ ta kógə̄ḿ, yā ɓārə́nń kón̄g gə̄ kə́ gō loo ń bā Nil a əsō kum bā bo tə́ tū tə́ ní tə́ ō, tejə gə̄ kə́ dɔ nang kə́ Asiri tə́ ō, kadə̄ reēn̄.

IJAI 18:3

Sḭḭ̄ de gə̄ malang ń ī-ndiī dɔ nang tə́ ní, sḭḭ̄ ń ī-taāī loo malang dɔ nang tə́ ní, dan ń a udən̄ yá̰á̰ kə́ ɔjə kadə̄ yá̰á̰ kógə̄ḿ a rāā yā rāā yá̰a̰ dɔ mbal̄ bo gə̄ tə́ anī, á̰a̰ī ō, dan ń a kɔ̄rə́n̄ tōw̄ gajə batə̄ anī, ōōī ō.

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

IJAI 11:12

Ni a udə dərapóo rɔ̄ɔ̄ yā tāań nápar de gə̄ ngeé ń toō najə̄ yá̰á̰ ń ni sāā rāā tə́ ní. Israel gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni a ɔsə dɔdə́ naā tə́ ō, Juda gə̄ ń aw̄n̄ kə̄ kíl dɔ nang kə́ sɔ́ gə̄ tə́ ní, ni a kán̄də́ kə̄ naā tə́ ō.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

HABAKUK 1:8

Sə́nda yādə́ gə̄ a̰ȳn̄ ngɔ̄də̄ tɔȳn̄ malya gə̄ ō, ɔlən̄ tɔȳn̄ soó gə̄ kə́ ngé kaw̄ ndo̰ó̰ loo tíbí gə̄. Ngé kal̄ sə́nda yādə́ gə̄ ḭḭn̄ i sa̰y n reēn̄ ō, nin̄-tḭ́ḭ̄n̄ bal ō. Nin̄ əlan̄ ngɔ̄də̄ tītə̄ kə̄rō kə́ a risə kə̄ dɔ dā̰ tə́ yā kəsan beé.

JOEL 2:7

Nin̄ ngɔ̄də̄n̄ tītə̄ go̰ rɔ̄ɔ̄ gə̄ ō, alə̄n̄ ndogə̄ mbal̄ tītə̄ ngé rɔ̄ɔ̄ gə̄ beé ō. Náā nəkɔ́ ɓáā kumən i súmūú dɔ róbə yān tə́. Nin̄ tɔ̄ɔ̄n̄ kɔ̄ɔ́ dɔ róbə yādə́ tə́ alé.

NŌŌ RƆ̄ 4:19

Ngé rāājí ndoō tə́ gə̄ ɔlən̄ tɔȳ kə̄rō kə́ dɔ rā̰ tə́ gə̄. Njadə́ ra gōjí tə́ dɔ mbal̄ gə̄ tə́, déwn̄ kem dəla loo tə́ yā kəsō sejí.

JEREMI 51:27

Údiī dərapóo rɔ̄ɔ̄ ādī ra dɔɔ́, ī-kɔ̄ríī tōw̄ dan nápar de gə̄ tə́. Ɔ́siī dɔ nápar de gə̄ naā tə́ ādə̄ ənīnən̄ rɔ̄ɔ̄. Ī-ɓāríī ɓē ko̰o̰ gə̄ kə́ Ararat ō, Mini ō, Asəkenas ō, ādə̄ rɔ̄ɔ̄nən̄. Ī-tə́ndāī ngé kɔy de gə̄ áskaraá gə̄ ādə̄ ɔyn̄ de gə̄ rɔ̄ɔ̄nəń ɓē kə́ Babilon. Ɔ́siī dɔ sə́nda gə̄ naā tə́, ādə̄ ran̄ kadə naā tə́ meje meje tītə̄ yim̄ gə̄ beé.

JEREMI 5:15

Sḭḭ̄ de kə́ Israel tə́ gə̄ m-ā m-ɔ́ý gíŕ nápar deē kógə̄ḿ kə́ sa̰y ngá̰ý gə̄ yā reē ɓōkə́ dɔsí tə́ i gír de kə́ ngangə̄n̄ ngá̰ý gə̄ kə́ ndin̄ i jóó ngá̰ý ō, i gír de kə́ ḭ̄ ī-ger̄ ta kɔr̄də́ aĺ ō. Najə̄ ń Kɔ́ɔ̄ɓē əda ní n noó.

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

IJAI 39:3

Gō tə́ anī, Ijai nge koō ta reē ənge mban̄g Ejekias ba dəjen najə̄ ədan na: De gə̄ ní ədaīn̄ na i rí? Nin̄ ḭḭn̄ i rá? Anī Ejekias tél ədan na: Ḭḭn̄ i sa̰y ngá̰ý n reēn̄ ka̰a̰ḿ tə́ ní, ḭḭn̄ i Babilon.

IJAI 30:16

Sḭḭ̄ ə́daī na: I beé alé, j-a j-un sə́nda yā ka̰ȳń. I beé ɓá ní, a̰á̰ā̰, sḭḭ̄ ā ā̰yī naā. Sḭḭ̄ ə́daī to̰ na: Sə́nda yājí gə̄ a ngɔ̄də̄n̄ ngá̰ý. I beé ní, ngé ngɔ̄də̄sí gə̄ a a̰ȳn̄ ngɔ̄də̄ ngá̰ý ō.

IJAI 13:5

Kɔ́ɔ̄ɓē ō, ngé gə̄ ń a bə̄gān̄ wōn̄g yān ō ní, ḭḭn̄ i sa̰y ngá̰ý n a reēn̄ ní, ḭḭn̄ i ta ngóy dɔ rā̰ kə́ dām̄ kə́rēý tə́. Nin̄ a nujən̄ ɓē malang kɔ̄ɔ́.

IJAI 13:2

Kɔ́ɔ̄ɓē əda na: Údiī dərapóo rɔ̄ɔ̄ dɔ mbal̄ kə́ ndágə doy karī tə́. Úriī kɔĺ ī-tāāīneé ngé rɔ̄ɔ̄ gə̄. Ī-wélī jīsí ādə̄ nin̄ udən̄neé kə ta róbə yā de kə́ bo kə́ kem ɓēé gēé.

PĀ GƏ̄ 72:8

Ādə̄ loo ń ni-o̰o̰ ɓē dɔ tə́ ní ḭḭ bā bo kə́rēý tə́ bátə́ bā bo kə́ rang tə́ ō, ḭḭ bā Opəratə tə́ bátə́ ta ngóy dɔ nang tə́ ō!

PĀ GƏ̄ 60:4

Ī-rāā ādə̄ dɔ nang ndebə ō njar ō ní, ī-tél ə̄ndā ta naā tə́ gogə́ tām̄ a yéȳ i mbée!

IJAI 10:3

Dan ń Kɔ́ɔ̄ɓē a rāā yá̰a̰, dan ń yá̰á̰ kə́ to kum kaȳ aĺ a ḭḭ sa̰y yā reē ní, ā ī-rāāī i ba̰ý? I náā n ā ā̰yī yā kaw̄ looneé kadə̄ rāā sesí ní? Ā ə́ya̰ī yá̰a̰ kənge yāsí gə̄ i loo kə́ rá tə́?

IJAI 13:3

Ngé gə̄ ń əndān̄də́ kə rī rāā kəla yāḿ ní, i mā n m-ə́dádə́ yá̰a̰ gə̄ ń kadə̄ rāān̄ ní. m̄-ɓāŕ áskar yāḿ kə́ ger̄ rɔ̄ɔ̄ majə gə̄, ngé gə̄ ń rāān̄ rɔ̄nel̄ tetə rɔ̄ɔ̄ yāḿ ní, yā bə̄gań wōn̄g yāḿ.

IJAI 13:4

Ōōī kōō yá̰á̰ ń a ɓār̄ dɔ mbal̄ gə̄ tə́ noō: I kōō de kə́ ngá̰ý gə̄. Ōōī kōō ɓē ko̰o̰ gə̄ ń a ɓār̄ noó, kōō nápar de gə̄ kə́ ɔsən̄ dɔdə́ naā tə́. I Kɔ́ɔ̄ɓē kə́ bo kə́ tɔ́gən i ngá̰ý n a əndā ma̰ȳ ɓūtə̄ áskar yān gə̄ tām̄ yā rɔ̄ɔ̄ tə́ ní.

IJAI 31:9

Ɓōĺ a rāādə́ adə̄ nin̄ a ndewn̄. Ngé gə̄ ń ngangə̄n̄ tɔȳ madə̄də́ gə̄ ní a a̰ȳn̄ naā ō, ngār gə̄ ń jīdə́ ur̄ wak ní, a əya̰n̄ dərapóo yādə́ kɔ̄ɔ́ ō. I Kɔ́ɔ̄ɓē ń ta ndo̰ hor yān i Siyo̰ ní, ni ń hor yān o̰o̰ kem ɓē kə́ Jerusalem tə́ ní. Najə̄ ń ni əda ní n noó.

EJEKIEL 38:17

Najə̄ ń mā Kɔ́ɔ̄ɓē Nə́ɓā m-ə́dá ní n toó: Kété ní m-ɔ̄r̄ najə̄ yāí i kə ta kūl̄ ngé kəla yāḿ gə̄ ń i ngé koō ta gə̄ kə́ Israel tə́ ní. Asə ɓāl̄ ngá̰ý kɔ̄ɔ́ ta n nin̄ a ədanə̄ń na m-ā m-ə́laī kənī gír deē yāḿ gə̄ rɔ̄ɔ̄ tə́ ní.