IJAI 5:25 - Bibəl ta Sar̄

²⁵ I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

Bible sar

²⁵ I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā , banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

IJAI 5:25 Referans Kwoze

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 9:17

A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

2 MBAN̄G 9:37

nīnə́n a to i tītə̄ yedə̄ dā̰ kə́ deē seĺ kem ndɔrɔ́ ō, adə̄ deē a asə kəda na yá̰á̰ ń toō i Jesabel alé.

DANIEL 9:16

Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

JEREMI 4:24

M-á̰a̰ mbal̄ gə̄ anī, m-á̰a̰ kadə̄ a ndewn̄ ō, kadə̄ ngán mbal̄ gə̄ malang a yéȳn̄ ō.

1 TESALONIK 2:16

Nin̄-ɔgə̄n̄jí kɔjə nápar de kə́ rang gə̄ Najə̄ kə́ Majə kadə̄ ajən̄neé ō, a tɔ̄lə̄n̄ ta yá̰a̰ rāādə́ kə́ majaĺ i tītə̄ ń noō dejə ō. Banī Nə́ɓā gān̄g sarya dɔdə́ tə́ ta tɔ̄l̄ ta tə́.

NAHUM 1:5

Mbal̄ bo gə̄ ndewn̄ najə̄ yān tə́ ō, ngán mbal̄ gə̄ yéȳn̄ ō. Dɔ nang ndebə ta kumən tə́, dɔ nang kə taá malang kə de kə́ tū tə́ gēé, ndebə ta kumən tə́.

JEREMI 16:4

Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

PĀ GƏ̄ 18:7

Dan ń wur kɔl əsō dɔḿ tə́ ní m̄-ɓāŕ Kɔ́ɔ̄ɓē, m̄-nōō kə̄ dɔ Nə́ɓā yāḿ tə́ kadə̄ dḭḭ̄m̄. Ni-ndi kem kújə yān tə́ oō ndūḿ. Nōō yāḿ əsō mbīn tə́.

2 YÁ̰A̰ GƏ̄ 36:16

Banī nin̄ mbóon̄ kə ngámbang kəla yā Nə́ɓā gēé ō, kídə̄n̄ najə̄ gə̄ ń Nə́ɓā ɔr̄ sedə́ ní ō, ɓōlə́n̄ ngé koō ta yān gə̄ aĺ ō, adə̄ wōn̄g ń rāā Kɔ́ɔ̄ɓē kə gír deē yān gēé ní dáwán gətóo.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

SOPONI 1:17

Kɔ́ɔ̄ɓē əda na: De gə̄ mānə̄n̄ dɔ ndūḿ. Ní, m-ā m-ə́la tadə́ kum wur kɔl tə́, adə̄ nin̄ a hə́yān̄ loo njə̄rā tə́ tītə̄ ngé kum tɔ̄ɔ̄ gə̄ beé. A ɓōkə́n̄ mósə́də́ tītə̄ loo ɓōkə́ bumbə́ru beé ō, nīńdə́ a ndum tītə̄ loo kə́ yḛr beé ō.

HABAKUK 3:10

Mbal̄ bo gə̄ a̰a̰īn̄ anī, ɓōĺ rāādə́ adə̄ ndewn̄. Man̄ edə kə tɔ́gɔ́ ō, bā bo nōō tītə̄ ɓɔl beé ō. Ni-rāā adə̄ bəngálən gə̄ ḭḭn̄ bátə́ aw̄ ugə̄n̄ dɔ rā̰ tə́.

MISE 1:4

Mbal̄ bo gə̄ yḛḛ̄n̄ gír njan tə́ ō, wól loo gə̄ njarən̄ ō, tītə̄ tībə̄ tejə kə́ deē əndā kadə hor tə́ anī, yḛḛ̄ kɔ̄ɔ́ beē ō, tītə̄ man̄ kə́ ḭḭ loo kə́ kḭḭ kə̄ dɔɔ́ tə́ a nūgə̄ kum kə̄ nang tə́ beē ō.

OJEE 14:4

Dɔ nang kə́ Asiri asə kajəjí alé. J-a j-ḭḭ gidə sə́nda rɔ̄ɔ̄ gə̄ tə́ to̰ alé. Yá̰á̰ kə́ tɔ́sə̄ kum gotə yá̰a̰ gə̄ ń jḭḭ kɔ́ gə̄ jə-tɔ́sə̄ kə jījí ní, j-a jə-ɓāŕdə́ na i Nə́ɓā yājí to̰ alé. Tɔdɔ̄ i ḭ̄ ngóy n á̰a̰ kum tō ndoō yā ngán hal gə̄ ní.

NŌŌ RƆ̄ 5:22

Ā ī-mbātə́jí kɔ̄ɔ́ i kə́ njɔ́ḿ gə̄ tə́ a? Wōn̄g rāāī sejí adə̄ al̄ naā!

JEREMI 15:3

M-ā m-ə́la kə yá̰á̰ kə́ majaĺ gə̄ gíŕ sɔ́ dɔdə́ tə́: M-ā m-ə́la kə kaskaraá yā tɔ̄ləńdə́ ō, kə bísə gēé yā ndɔ́rəńdə́ nang tə́ ō, kə yel̄ kə́ no rā̰ tə́ gə̄ ō, kə dā̰ kə́ dɔ nang tə́ gə̄ ō yā rə́yańdə́ naā tə́ ō, yā gāngəń gír yādə́ kɔ̄ɔ́ ō. Najə̄ ń Kɔ́ɔ̄ɓē əda ní n toó.

JEREMI 9:22

Najə̄ ń Kɔ́ɔ̄ɓē əda ní n toó: Ādə̄ nge kum kedə̄ tɔ̄ȳ rɔ̄n tām̄ kum kedə̄ yān tə́ aĺ ō, ādə̄ de kə́ tɔ́gən i ngá̰ý tɔ̄ȳ rɔ̄n dɔ tɔ́gən kə́ ngá̰ý tə́ aĺ ō. ādə̄ nge kənge yá̰a̰ tɔ̄ȳ rɔ̄n tām̄ yá̰a̰ kənge yān tə́ aĺ ō.

JEREMI 8:2

A ɓōkə́n̄də́ kum mbang tə́ ō, nāā ndaá ō, ta kum kɔýyo̰ gə̄ tə́ ō. I yá̰a̰ gə̄ ń nin̄ tárən̄də́ ō, rāān̄ kəla adə̄n̄də́ ō, unən̄ gōdə́ ō, aw̄n̄ koō tadə́ tə́ ō, əsōn̄ kə̄ nang tə́ nodə́ tə́ rɔȳn̄də́ ō ní. De gə̄ a kánə̄n̄ kə̄ngā gə̄ ń toō yā dubə̄ alé, a télən̄ i yedə̄ yá̰a̰ dɔ nang tə́.

JEREMI 4:8

Tām̄ najə̄ ń toō tə́ ní, ō̰ō̰ī sákə̄ kūbə̄ tə́ rɔ̄sí tə́. Ī-nōōī rɔ̄sí ō, ə́gaī kɔŕ ō, tɔdɔ̄ wōn̄g yā Kɔ́ɔ̄ɓē kə́ al̄ naā ngá̰ý əya̰ gōjí alé.

PĀ GƏ̄ 114:7

Dɔ nang, ī-ndebə ta kum Kɔ́ɔ̄ɓē tə́, ta kum Nə́ɓā yā Jakob tə́.

PĀ GƏ̄ 106:40

Wōn̄g rāā Kɔ́ɔ̄ɓē ngá̰ý dɔ gír deē yān gə̄ tə́. Ngé gə̄ ń i yá̰a̰ halan gə̄ ní ni kidə̄də́ kɔ̄ɔ́,

PĀ GƏ̄ 83:10

Nə́ɓā, ī-rāādə́ yá̰á̰ ń ī-rāā kə Sisəra ō Yabin ō ta man̄ Kison tə́ ní, aláa ī-rāādə́ yá̰á̰ ń ī-rāā kə Madian gə̄ ní.

PĀ GƏ̄ 78:38

Ɓá tā ba ni ń kumən o̰o̰n kə de gēé ní, lōō gír tɔ̄l̄də́ malang kɔ̄ɔ́ tə́ ba ɔr̄ majaĺ yādə́ kɔ̄ɔ́ ō, lōō gír rāā wōn̄g sedə́ tə́ nja i ngá̰ý ō, adə̄ wōn̄g rāān dɔdə́ tə́ aĺ ō,

PĀ GƏ̄ 77:18

Kil̄ man̄ gə̄ adə̄n̄ man̄ edə ngá̰ý ō, man̄ ndang kə̄ dan kil̄ man̄ gə̄ tə́ ō, kum gərā yāí gə̄ kə́rān̄ kə̄ loo gə̄ tə́ ō.

PĀ GƏ̄ 68:8

Nə́ɓā, Nə́ɓā kə́ Sinai, Nə́ɓā yā Israel, dan ń ī-teē ī-njə̄rā kété no gír deē yāí gə̄ tə́ ní, dan ń ī-njə̄rā kem dəla loo tə́ ní, dɔ nang ndebə ō, dɔ rā̰ tetə man̄ adə̄ də̄yā̰ kété noí tə́ ō.

2 MBAN̄G 13:3

Loo ń noō tə́ wōn̄g rāā Kɔ́ɔ̄ɓē kə Israel gēé adə̄ ni əladə́ kem jī Hajael mban̄g kə́ Aram tə́ ō, Ben Hadad ngōn̄ Hajael tə́ ō, dan oy tām̄.

1 MBAN̄G GƏ̄ 21:24

De kə́ gír kojə yā Akab tə́ ń a oy kem ɓēé ní bísə gə̄ a əsanən̄ ō, nge ń a oy bembeé ní yel̄ kə́ dɔɔ́ gə̄ a əsanən̄ ō.

1 MBAN̄G GƏ̄ 16:4

De kə́ gír kojə yāí tə́ ń a oy kem ɓēé ní, bísə gə̄ a əsanən̄ ō, de kə́ gír kojə yāí tə́ ń a oy kem bembeé ní, yel̄ kə́ dɔɔ́ gə̄ a əsanən̄ ō.

1 MBAN̄G GƏ̄ 14:11

De kə́ gír kojə yāí tə́ ń a oy kem ɓēé ní, bísə gə̄ a əsanən̄ ō, aké a oy bembeé ní yel̄ kə́ dɔɔ́ gə̄ a əsanən̄ ō. Najə̄ ń Kɔ́ɔ̄ɓē əda ní n noó.

NDŪ NAJƏ̄ 31:17

Ndɔ̄ ń noō tə́ wōn̄g a rāām̄ sedə́ ngá̰ý, adə̄ m-ā m-ə́yá̰də́ kɔ̄ɔ́ ō, m-ā m̄-tūr̄ gidəḿ tadə́ tə́ kɔ̄ɔ́ kadə̄ nin̄ a a̰a̰n̄ ta kumḿ aĺ ō. Loo ń noō tə́ ngé ba̰ā̰də́ gə̄ a əsan̄də́ ō, yá̰á̰ kə́ to kum kaȳ aĺ ngá̰ý gə̄, kə wur kɔl kə́ ngá̰ý gə̄ a rāān̄də́ ō. Adə̄ ndɔ̄ ń noō tə́ nin̄ a ədan̄ na: Yá̰á̰ kə́ to kum kaȳ aĺ gə̄ ń toō rāān̄jí i tām̄ Nə́ɓā yājí ń gətóo dɔ dáńjí tə́ ní aĺ a?

Teē Ngán Israel gə̄ 7:19

Kɔ́ɔ̄ɓē ɔr̄ najə̄ kə Moijə ɓáý əda na: Əda Aaro̰ ādə̄ un kāgə̄ yān əla kə̄ dɔ man̄ gə̄ kə́ Ejiptə tə́, adə̄ i dɔ mbō gə̄ tə́ ō, dɔ kə̄lá man̄ gə̄ tə́ ō, dɔ dang gə̄ tə́ ō, dɔ loo gə̄ ń man̄ i tū tə́ tə́ ní ō malang, kadə̄ man̄ gə̄ télən̄ mósə. Kadə̄ kem ɓē kə́ Ejiptə i mósə malang. Kadə̄ mósə i kem gájə́ yá̰á̰ kə́ rāā kə kāgāá gə̄ tə́ ō, kə́ rāā kə mbalá gə̄ tə́ ō.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

IJAI 14:19

Ba ḭ̄, ənīn̄ ndágá kɔ̄ɔ́, sa̰y kə bəlo ɓádə yāí. Ī-to i tītə̄ ngōn̄ kə́ teē nīń, kə́ nel̄ de gə̄ seneé aĺ ngá̰ý. Ī-to tītə̄ nīń kə́ rējə̄n̄ kɔ̄ɔ́, de kə́ tɔ̄lə̄n̄də́ gə̄ taān̄ loo gidií tə́ malang, tɔ́sə̄n̄də́ i kə kaskar ō, tə́nīn̄də́ i dɔ mbal̄ gə̄ tə́ ō, ngɔ́n bəlo kə́ bo tə́.

IJAI 23:11

Kɔ́ɔ̄ɓē əla əla ɓōĺ kem bā bo tə́, ni-rāā adə̄ ɓē ko̰o̰ gə̄ ndewn̄. Loo kə́ ngan̄g ngá̰ý yā Kanaan gə̄ ń ngɔ̄mə̄n̄ majə ngá̰ý ní, ni-adə̄ ndūn kadə̄ nujənə̄ń kɔ̄ɔ́.

IJAI 25:11

Loo ń noō tə́ ni sə́ra jīn kə̄ kété ō, téləń kə̄ rɔ̄n tə́ ō, tītə̄ nge kal man̄ beé. Ni-əhɔ rɔ̄n tɔgə ngá̰ý ɓá tā, banī Kɔ́ɔ̄ɓē tél kə kɔjə rɔ̄ yānneé kə̄ nang tə́.

IJAI 42:25

I tām̄ najə̄ ń toō tə́ n Kɔ́ɔ̄ɓē bə̄gā wōn̄g yān kə́ ngá̰ý dɔdə́ tə́ ō, rāā adə̄ yá̰á̰ kə́ to ka̰ā̰ aĺ ngá̰ý gə̄ ń rɔ̄ɔ̄ a reēń ní, teē dɔdə́ tə́ ō ní. Wōn̄g yān ní əla hor kə̄ loo gə̄ tə́, banī Israel gə̄ gerə̄n̄ kum alé. Hor o̰o̰ Israel gə̄, banī nin̄ rāān̄ i yá̰a̰ ngōn̄ ndām̄ tə́.

IJAI 51:20

Ngání gə̄ ton̄ nang tə́ bəlim bəlim kíĺ róbə kɔsə gə̄ tə́ malang. Nin̄ ton̄ loo ń noō tə́, tɔ́gə́də́ gətóo, tītə̄ jal̄ gə̄ kə́ gūmbə̄ əhɔdə́. Nə́ɓā yāí əndadə́ kə ndéy ɓōĺ kə́ ni-əla kemdə́ tə́.

IJAI 64:3

Nə́ɓā kə́ rang kə́ rāā yá̰a̰ tītə̄ ń toō tām̄ yā ngé gə̄ ń ənīn̄ kemdə́ adə̄nən̄ tə́ ní gətóo, i ḭ̄ ngó̰y. Á̰a̰, de kə́ oō najə̄n nja kógə̄ḿ gətóo, de kə́ oō nja kógə̄ḿ gətóo.

IJAI 66:15

Tām̄ á̰a̰ī Kɔ́ɔ̄ɓē n toó: Ni a reē i kum hor tə́, púsə rɔ̄ɔ̄ yān gə̄ ton̄ tītə̄ nél man̄ kə́ əla kə ngangá ngá̰ý beē. Ni-reē i kɔjə wōn̄g yān kə́ to ɓōĺ ngá̰ý tə́ ō, i kəla ɓōló kem de gə̄ tə́ tə́ kə ta ndo̰ hor gēé ō.

IJAI 66:24

Dan ń de gə̄ a teēn̄ kem ɓēé kə̄ ndágá anī, a a̰a̰n̄ nīń de gə̄ ń mbātə́n̄ najə̄ gōḿ tə́ ba əsōn̄ wōn̄g ní. Kəde gə̄ ń əsan̄də́ ní a oyn̄ aĺ bátə́ ō, hor ń o̰o̰də́ ní a oy aĺ bátə́ ō. I yá̰á̰ kógə̄ḿ kə́ majə ka̰ā̰ aĺ ngá̰ý kə́ a to tām̄ yā de gə̄ malang kə́ dɔ nang tə́ tə́.

JEREMI 17:4

A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.

EJEKIEL 6:14

M-ā m-ɔ́jə́ tɔ́gə́ḿ kə̄ ndágá dɔdə́ tə́. M-ā m̄-nujə ɓē yādə́ kɔ̄ɔ́. M-ā m-ə́lá gír i kem dəla loo kə́ dām̄ mbɔ́r ɓē kə́ geleé tə́ bátə́ kem ɓē kə́ Ribəla tə́ dām̄ mbɔ́r ɓē kə́ ko̰ó̰ tə́. Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē.

EJEKIEL 30:25

A̰á̰ā̰, m-ā m̄-rāā mban̄g kə́ Babilon kadə̄ tɔ́gə jīn tɔȳ kə́ kété ɓáý ō, tɔ́gə jī mban̄g kə́ Ejiptə a gətóo adə̄ jīn gə̄ a urə̄n̄ wak kɔ̄ɔ́ ō. M-ā m-ə́la kaskar yāḿ jī mban̄g kə́ Babilon tə́, adə̄ ni a rɔ̄ɔń ɓē kə́ Ejiptə. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

AMOS 8:8

I tām̄ najə̄ ń toō tə́ n dɔ nang a ndew ní. De kə́ kem ɓēé gə̄ malang a əhɔn̄ ndoō. Tītə̄ bā Nil kə́ Ejiptə kə́ rosə kem kārə̄n ba rə̄ɓā kə̄ ndágá ní, nin̄ malang a ḭḭn̄, ba gō tə́ anī, a əsōn̄.

NDŪ NAJƏ̄ 31:18

Banī ndɔ̄ ń noō tə́ m-ā m̄-na̰y kə̄ loo tūr̄ gidəḿ tadə́ tə́ kɔ̄ɔ́ ɓáý najə̄ yá̰á̰ kə́ majaĺ ń nin̄ rāān á i rāā ɓesə̄ gə̄ ní tə́.

Makətūbə̄ yā Job 9:13

Nə́ɓā əhɔ gír wōn̄g yān alé. Dā̰ man̄ kə́ kum bā bo tə́ gə̄, adə̄ i Rahab nin̄ kə ngé rāā seneé gēé ní, tɔ́gə́də́ gətóó gír njan tə́.

IJAI 9:11

Aram gə̄ i dām̄ kə́ gír ɓē tə́ ō, Pilistin gə̄ i dām̄ kə́ no ɓē tə́ ō. Nin̄ əsan̄ ɓē ko̰o̰ kə́ Israel tə́ nel̄ tadə́. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 9:16

I tām̄ najə̄ ń toō tə́ ń Kɔ́ɔ̄ɓē rāā gan̄g ngá̰ý kə balsáa yādə́ gēé ní, kumən o̰o̰n kə ngán hal yādə́ gēé aĺ ō, kə dəyá̰ kə́ ngaa koy yādə́ gēé aĺ ō. Tām̄ nin̄ malang i de kə́ majaĺ gə̄ kə́ ngé rāā yá̰á̰ kə́ majaĺ ō, yá̰a̰ malang ń nin̄ ədan̄ ní i yá̰á̰ kə́ majaĺ ngá̰ý gə̄ ō. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 9:20

Gír ɓē yā Manase ənī gír ɓē yā Epəraim rɔ̄ɔ̄ ō, gír ɓē yā Epəraim ənī gír ɓē yā Manase rɔ̄ɔ̄ ō, nin̄ jōó mbak rɔ̄ɔ̄n̄ gír ɓē yā yā Juda ō. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 29:2

Banī m-ā m̄-rējī, Ariel. Ā ī-nōō ngá̰ý ō, man̄ kumií a reē ngá̰ý ō, tām̄ yāḿ tə́ ɓáa ā ī-to tītə̄ Ariel yā loo tun̄ yá̰á̰ ń a róōn̄ yá̰á̰ kə́ tun̄ gə̄ tū tə́ ní.

JEREMI 6:12

I de kə́ rang gə̄ n a ndin̄ kem kújə yādə́ gə̄ tə́ ní. Ndɔr̄ yādə́ gə̄ a télən̄ i ndɔr̄ yā de kə́ rang gə̄ ō, I de kə́ rang gə̄ n a ɓīīn̄ kə nə̄yá̰də́ gēé ō ní. M-ə́la jīḿ kə̄ dɔ de kə́ kem ɓēé gə̄ tə́. Najə̄ ń Kɔ́ɔ̄ɓē əda ní n noó.

EJEKIEL 15:6

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: I kāgə̄ nduú n gḛyn̄ kənī horoó ní banī i kāgə̄ kə́ rang alé. Adə̄ de kə́ Jerusalem gə̄ ní, m-ā m-ə́la hor dɔdə́ tə́.