IJAI 5:24 - Bibəl ta Sar̄

²⁴ I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ táĺ yā Israel.

Bible sar

²⁴ I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ *táĺ yā *Israel.

IJAI 5:24 Referans Kwoze

IJAI 30:12

I tām̄ najə̄ ń toō tə́ n Nə́ɓā kə́ táĺ yā Israel əda najə̄ ń toō ní, əda na: Sḭḭ̄ ī-mbātíī najə̄ yāḿ gə̄. Sḭḭ̄ ə̄nī kemsí ādī ngé ngóĺsí gə̄ ō, ngé sor̄ gə̄ ō, sḭḭ̄ ī-ndə̄nāī rɔ̄sí rɔ̄də́ tə́ ō.

Makətūbə̄ yā Job 18:16

Ngəran gə̄ a tutən̄ nang tə́ ō, a tə́gān̄ ta jīn gə̄ dɔɔ́ kɔ̄ɔ́ ō.

Najə̄ kə́ Majə yā Jeju ń Luk ndang ní 3:17

Ni-əhɔ yá̰á̰ tóó yá̰a̰ jīn tə́. Ni a ɔy njár̄ kōō kə́ kem ngárāá kə̄ kem mō̰ȳ yān tə́, ba təsán tá a róō kum hor kə́ a oy aĺ bátə́ tə́.

JOEL 2:5

Nin̄ a tḭ́ḭ̄n̄ bal dɔ mbal̄ gə̄ tə́, kōōdə́ ɓār̄ tītə̄ kōō púsə rɔ̄ɔ̄ gə̄ beē, tītə̄ kōō ta ndo̰ hor kə́ o̰o̰ a kújə beé, tītə̄ gír de kə́ ngan̄g ngá̰ý gə̄ kə́ ran̄ kə ta naā yā rɔ̄ɔ̄ beé ō.

IJAI 47:14

Nin̄ a ton̄ i tītə̄ mu beé, hor kógə̄ḿ a o̰o̰də́. Nin̄ a asən̄ kajə rɔ̄də́ ta ndo̰ hor gə̄ tə́ alé. Tá hor ní i hor kúĺ kə́ yā ndīrəń yá̰á̰ kújə garaá aĺ ō, i hor kógə̄ḿ kə́ dūú kə́ rāān̄ i kə kāgāá yā ndíbə̄ aĺ ō!

IJAI 30:9

I gír de kə́ ngé dum̄ naā gə̄, nin̄ i ngé sor̄ gə̄, i de gə̄ kə́ ngé mbātə́ koō yá̰á̰ ndóō yā Kɔ́ɔ̄ɓē.

Teē Ngán Israel gə̄ 15:7

Ḭ̄ i de kə́ bo ngá̰ý. Ī-tə́ndā madə̄ ba̰ā̰í gə̄ ī-tə́nādə́. Ré wōn̄g rāāī anī, kemií təngāī dɔdə́ tə́, adə̄ ī-róōdə́ tītə̄ hor kə́ a o̰o̰ mu beé.

1 TESALONIK 4:8

Adə̄ deē ń mbātə́ yá̰a̰ ń j-ɔjəsí toō ní, mbātə́ i deē ndul alé, banī mbātə́ i Nə́ɓā kə́ nge kadə̄sí Ndíĺ kə́ Táĺ yān.

KƏLA RĀĀ 13:41

Sḭḭ̄ ngé kídə̄ loo gə̄, á̰a̰ī ō, ādī ɔr kumsí ō, ba ī-gətóoī kɔ̄ɔ́! Tɔdɔ̄ m-ā m̄-rāā yá̰á̰ kógə̄ḿ dan ń sḭḭ̄ ā ī-ndiīneé kə kumsí ɓáý ní tə́, tām̄ ré deē ənīsí i gotə anī ā ī-taāī kem alé.

JA̰A̰ 12:48

Deē ń mbātə́m̄ ō, ndigə najə̄ yāḿ aĺ ō ní, ni-ənge nge gān̄g sarya dɔn tə́ kɔ̄ɔ́ ɓá: Najə̄ ń m-ə́dá ní a gān̄g sarya dɔn tə́ ta ngóy ndɔ̄ gə̄ tə́.

Najə̄ kə́ Majə yā Jeju ń Luk ndang ní 10:16

Jeju əda ngé ndóō yá̰a̰ yān gə̄ ɓáý to̰ na: Deē ń oō najə̄ tasí tə́ ní kɔ́ɔ̄ oō najə̄ i taḿ mā tə́ ō, deē ń mbātə́sí ní kɔ́ɔ̄ mbātə́m̄ i mā ō. Ba deē ń mbātə́m̄ mā ní kɔ́ɔ̄ mbātə́ i deē ń əlam̄ mā ní.

Najə̄ kə́ Majə yā Jeju ń Luk ndang ní 7:30

Banī Parijiyḛ gə̄ ō, ngé ndóō de gə̄ ndū najə̄ ō, mbātə́n̄ yá̰á̰ ń Nə́ɓā gḛy tām̄ yādə́ tə́ ní, adə̄ mbātə́n̄ kadə̄ Ja̰a̰ rāādə́ batém.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

NAHUM 1:10

Nin̄ ń a̰ȳn̄ yá̰a̰ tītə̄ ngé kasə rāā gə̄ ní, ton̄ tītə̄ túpə kōn̄ gə̄ kə́ tə́lan̄ jīdə́ kem naā tə́ beē. Hor a o̰o̰də́ malang tītə̄ mu kə́ tutə beé.

AMOS 2:9

Tá mā m̄-nujə Amor gə̄ tām̄ yāsí tə́. De gə̄ ngeé ń noō ní, ngālə̄n̄ tītə̄ kāgə̄ sedər gə̄ beé ō, ngangə̄n̄ tītə̄ kāgə̄ sén gə̄ beé ō. Ba m̄-nujədə́ kɔ̄ɔ́ malang.

OJEE 9:16

Əndan̄ Epəraim ndéy jī ngá̰ý. Ngəran gə̄ tutən̄ kɔ̄ɔ́, ni a an̄ to̰ alé. Ká ré dəyá̰ gə̄ aw̄n̄ kə ngán gə̄ ɓáý gə̄gē anī, ngán kemdə́ gə̄ ń gātə̄də́ i ngá̰ý ní, m-ā m̄-rāā kadə̄ oyn̄ kɔ̄ɔ́.

OJEE 5:12

I beé ɓá ní, mā m-ā m̄-to i tītə̄ do kə́ kumən rúu beé tām̄ yā Epəraim tə́, tītə̄ do kə́ edə̄ aĺ beē tām̄ yā Juda gə̄ tə́.

JEREMI 8:9

Rɔ̄ ngé kum kedə̄ gə̄ sɔl̄də́, gerə̄n̄ yá̰á̰ kə́ yā rāā alé, əsōn̄ kum gūmbə̄ tə́. Dan ń nin̄ kídə̄n̄ najə̄ yā Kɔ́ɔ̄ɓē ní, yá̰a̰ ger̄ yādə́ kə́ ngá̰ý i rí?

JEREMI 6:19

Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ ndū najə̄ yāḿ gə̄.

IJAI 8:6

Juda gə̄ kídə̄n̄ man̄ bəlo kə́ ndēr̄ kə ngālāá kə́ Siloe ń a nūgə́ jəke ní ō, tɔ́gə́də́ ur̄ wak kɔ̄ɔ́ no Resin tə́ ō, no ngán Remalia tə́ ō.

PĀ GƏ̄ 50:17

Ḭ̄ ń ī-gḛy ndéy kɔjə̄ aĺ ō, ī-mbātə́ najə̄ yāḿ ō ní.

NEHEMI 9:26

Banī nin̄ rāān̄ dɔ ngan̄g, mbātə́n̄ kadə̄ ó̰o̰ ɓē dɔdə́ tə́. Taān̄ ndū najə̄ yāí ənīn̄ gidədə́ tə́ ta kaw̄ kə̄ nú. Nin̄ tɔ̄lə̄n̄ ngé koō ta yāí gə̄ ń i ngé ra sedə́ gagar ta tél reē gogə̄ rɔ̄í tə́ ní. Háĺdə́ ń rāān̄ ní majaĺ ngá̰ý,

1 SAMUEL 15:26

Banī Samuel ədan na: M-ā m̄-tél yā kaw̄ seí alé, tɔdɔ̄ ḭ̄ ī-mbātə́ rāā yá̰á̰ ń Kɔ́ɔ̄ɓē ɔjiī ní, Kɔ́ɔ̄ɓē mbātíī kɔ̄ɔ́, adə̄ ḭ̄ i mban̄g yā ngán Israel gə̄ to̰ alé.

1 SAMUEL 15:23

Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

2 MBAN̄G 19:22

I Náā n ī-tájə̄n ō, ī-tə́da najə̄ kə́ to ngonjə̄ gə̄ dɔn tə́ ní ō? I náā n ún ndūí kə̄ dɔɔ́ ɔ̄rəń najə̄ dɔn tə́ ní? I náā n á̰a̰n kə ngēl̄ kumií ní? Ī-rāā yá̰a̰ gə̄ ń noō i kə kə́ táĺ yā Israel.

IJAI 1:4

I yá̰á̰ kə́ to kum kaȳ aĺ kə́ ba̰ý beē! Sḭḭ̄ nápar de gə̄ kə́ najə̄ i dɔdə́ tə́ gə̄, gír de gə̄ kə́ najə̄ tɔ̄l̄ deē i ngá̰ý dɔdə́ tə́ gə̄! Sḭḭ̄ i gír de kə́ ngé ngān̄g róbə gə̄, ngáń kə́ nujə kɔ̄ɔ́ gə̄! Sḭḭ̄ ə́ya̰ī Kɔ́ɔ̄ɓē kɔ̄ɔ́, usəsí dɔ Nə́ɓā kə́ táĺ yā Israel tə́ alé. Sḭḭ̄ ī-tūrī gidəsí tan tə́ kɔ̄ɔ́.

IJAI 1:31

De kə́ tɔ́gən to a tél yā kəto tītə̄ mu beé ō, yá̰a̰ rāān gə̄ a ton̄ tītə̄ hor kə́ kə́rā beé ō. Hor a o̰o̰də́ jōó mbak ō, de kə́ yā tɔ̄l̄ hor ní a gətóo ō.

IJAI 9:18

Hor o̰o̰ ɓē sɔɔ̄ ń wōn̄g yā Kɔ́ɔ̄ɓē kə́ bo kə́ tɔ́gən i ngá̰ý. To tītə̄ kə́ hor a o̰o̰ i gír de gə̄ beé. De kə́ kumən o̰o̰n tām̄ yā ngōkó̰o̰n tə́ gətóo.

IJAI 9:19

De gə̄ rə́yā̰n̄ dāmə̄n kə́ ko̰ó̰, banī ɓō rāādə́ ɓáý. Nin̄ do̰ō̰n̄ dāmə̄n kə́ geleé, banī ndānə̄n̄ alé. Náā nəkɔ́ ɓáa ənī madə̄ ɓēn i rɔ̄ɔ̄.

IJAI 24:6

I tām̄ najə̄ ń toō n ndɔ̄ĺ yā Nə́ɓā əsa dɔ nang kɔ̄ɔ́ ō, de kə́ tū tə́ gə̄ əngen̄ ndéy ō ní. Nin̄ oyn̄ ō, gotədə́ na̰y i sḛ́ý beē ō.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

OJEE 11:9

M-ā m̄-bə̄gā wōn̄g yāḿ kə́ ngá̰ý alé, m-ā m̄-tél yā reē nujə ɓē kə́ Epəraim kɔ̄ɔ́ alé. Tɔdɔ̄ mā i Nə́ɓā, ba i deē ndul alé. Epəraim, ɓēé looí ní, mā i Nə́ɓā kə́ táĺ ō, m-ā m̄-reē kə wōngōó aĺ ō.

Teē Ngán Israel gə̄ 5:12

Ngán Israel gə̄ tḭ̄ḭ̄n̄ naā kə̄ loo gə̄ tə́ dɔ nang kə́ Ejiptə tə́ aw̄n̄ sāā muú.

NDŪ NAJƏ̄ 28:24

I man̄ n Kɔ́ɔ̄ɓē a rāā kadə̄ edə dɔ nang yāí tə́ ní alé, ba i bū ō, bumbə́ru ō. A dəsen̄ dɔí tə́ tun tun bátə́ kadə̄ ī-gətóoń kɔ̄ɔ́.

Makətūbə̄ yā Job 8:17

Ni tə́la ngəran gə̄ mbo̰ō̰ mbal̄ gə̄ tə́ ō, ngəran gə̄ túdə̄n̄ kə̄ kem bəlo mbal̄ gə̄ tə́ ō.

EJEKIEL 15:6

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: I kāgə̄ nduú n gḛyn̄ kənī horoó ní banī i kāgə̄ kə́ rang alé. Adə̄ de kə́ Jerusalem gə̄ ní, m-ā m-ə́la hor dɔdə́ tə́.

AMOS 2:4

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Juda gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Yá̰a̰ gə̄ ń m̄-ndóōdə́ ní, nin̄ mbātə́n̄ kɔ̄ɔ́. Yá̰a̰ gə̄ ń m̄-ndang kadə̄ yā rāā ní, rāān̄ aĺ ō, gólə̄n̄ rɔ̄də́ tītə̄ yā kaadə́ gə̄ ń unən̄ gō nə́ɓā kə́ rɔ̄kum aĺ gə̄ ní ō. Nə́ɓā gə̄ ní ran̄ dɔ tə́ noō gólə̄n̄də́ ō. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.