IJAI 5:16 - Bibəl ta Sar̄

¹⁶ Kɔ́ɔ̄ɓē kə́ bo kə́ tɔ́gən i ngá̰ý a ɔjə kadə̄ ni i de kə́ bo i kə ta kūl̄ kəndā ngəra yá̰á̰ kə́ súmūú. Nə́ɓā kə́ táĺ a ɔjə háĺ kə́ táĺ yān i kə ta kūl̄ rāā tá kadə̄ de gə̄ ɓōlə́n̄ gidə yá̰a̰ rāā kə́ gōtə́.

Bible sar

¹⁶ Kɔ́ɔ̄ɓē kə́ bo kə́ tɔ́gən i ngá̰ý a ɔjə kadə̄ ni i de kə́ bo i kə ta kūl̄ kəndā ngəra yá̰á̰ kə́ súmūú. Nə́ɓā kə́ *táĺ a ɔjə háĺ kə́ táĺ yān i kə ta kūl̄ rāā tá kadə̄ de gə̄ ɓōlə́n̄ gidə yá̰a̰ rāā kə́ gōtə́.

IJAI 5:16 Referans Kwoze

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

IJAI 12:4

Ndɔ̄ ngeé ń noō tə́ ní ā ə́daī na: Ī-tɔ̄yī Kɔ́ɔ̄ɓē kə pāá, i náā n i Nə́ɓā yāsí anī, ə́daī ngá̰ý kə̄ dɔɔ́. Yá̰á̰ ń ni-rāā ní, ɔ́jiī gír de gə̄ malang ādə̄ gerə̄n̄.

1 YÁ̰A̰ GƏ̄ 29:11

Kɔ́ɔ̄ɓē, ḭ̄ i de kə́ bo ō, tɔ́gí i ngá̰ý ō, ī-ndə́lē pipir ō, ī-to ɓōĺ ō, ī-to kadə̄ ɔsən̄ gɔnií ō, tɔdɔ̄ yá̰a̰ malang kə́ dɔ rā̰ tə́ ō, kə́ dɔ nang tə́ ō i yāí. Ko̰o̰ ɓē i yāí ō, i ḭ̄ n i dɔ de gə̄ tə́ malang ō ní.

1 PIYER 2:15

Tɔdɔ̄ yá̰á̰ ń Nə́ɓā ndigə ní, i kadə̄ ī-rāāī yá̰á̰ kə́ majə kadə̄ ūtīneé ta de kə́ ger̄ yá̰a̰ aĺ gə̄ ō, kə́ mbóo gə̄ ō kɔ̄ɔ́.

EJEKIEL 36:23

Nápar de gə̄ kídə̄n̄ rīḿ i najə̄ yāsí sḭḭ̄ tə́. I beé ní, m-ā m-ɔ́jə́də́ kadə̄ mā i Nə́ɓā kə́ bo ō, kə́ táĺ ō. Ba i sḭḭ̄ n m-ā m-úńsí yā rāań yá̰á̰ ń noō ní. Loo ń noō tə́ nápar de gə̄ ngeé ń noō a gerə̄n̄ kadə̄ i mā Kɔ́ɔ̄ɓē Nə́ɓā n m-ə́da najə̄ ń noō ní.

IJAI 29:23

Tām̄ nin̄ ō ngáńdə́ gə̄ ō a a̰a̰n̄ yá̰á̰ m-ā m̄-rāā dɔ dáńdə́ tə́ ní. Loo ń noō tə́ nin̄ a ger̄mə̄n̄, mā Nə́ɓā kə́ táĺ yā Jakob. Nin̄ a ɓōlə́n̄ rāā yá̰á̰ kə́ kadə̄ nelə̄m̄ alé, mā ń i Nə́ɓā yā Israel ní.

JEJU TEĒ KUM JA̰A̰ 3:7

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Piladelpi: Najə̄ ń de kə́ táĺ, kə́ rɔ̄kum ń lakélé yā Dabid i jīn tə́ adə̄ teē ta róbə anī de kə́ yā kutə̄ a gətóo ō, utə̄ anī de kə́ yā teē a gətóo ō əda ní n toó:

IJAI 33:5

Kɔ́ɔ̄ɓē bo tɔȳ yá̰a̰ malang, tɔdɔ̄ ni-ndi i loo kógə̄ḿ kə́ ḭḭ kə̄ dɔɔ́ tə́. Ɓōĺ gidə yá̰á̰ kə́ súmūú ō, yá̰a̰ rāā kə́ gōtə́ ō ní, ni-əndā ngəran i Jerusalem.

IJAI 8:13

Á̰a̰ ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n i de kə́ táĺ ní. I ni n majə kadə̄ ī-ɓōlíī gidən ní. I ni n majə kadə̄ ī-ɓōlíin̄ ní.

EJEKIEL 38:23

M-ā m-ɔ́jə́ nápar de gə̄ malang kadə̄ mā i Nə́ɓā kə́ bo ō, kə́ táĺ ō, i tītə̄ ń noō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

IJAI 2:17

I gáŕ kadə̄ ngé kɔjə rɔ̄də́ gə̄ malang rugən̄ nang tə́ ō, ngé kənda kadədə́ gə̄ télən̄ kə rɔ̄də́ kə̄ nang tə́ ō. Ndɔ̄ ngeé ń noō tə́ ní, i Kɔ́ɔ̄ɓē kal kógə̄ḿ beē ngóy n i de kə́ bo ní.

JEJU TEĒ KUM JA̰A̰ 4:8

Yá̰á̰ kə́ kə kumuú kə́ sɔ́ gə̄ ní, bɔ̄gə̄də́ gə̄ i mehḛ́ mehḛ́ kə dɔdə́ gēé. Kumdə́ i ngá̰ý gidə bɔ̄gə̄də́ gə̄ ní tə́ ō, kemeé ō. Kadaá gē ndɔ̄ɔ́ gē ní, nin̄-ədan̄ kanjə̄ taā koō na: Kɔ́ɔ̄ɓē Nə́ɓā ń i de kə́ bo kə́ tɔ́gən i ngá̰ý ní, ni i kə́ táĺ táĺ táĺ. Ni i Nge ń ndi kété ō, ndi ngɔlaā ō, a reē ō ní.

IJAI 61:8

Yá̰á̰ kə́ nelə̄m̄ mā Kɔ́ɔ̄ɓē i kadə̄ de gə̄ ɓōlə́n̄ gidə yá̰a̰ rāā kə́ súmūú. Banī yá̰á̰ ń nelə̄m̄ aĺ ngá̰ý ní, i taā yá̰a̰ yā deē dɔ gúú tə́. Adə̄ m-ā m̄-tél kə yá̰á̰ ń sɔɔ̄sí ní yā kadə̄sí gogə́, m-ā m-ə́hɔ madə̄ naā sesí, i madə̄ naā kə́ a to ngándáńg.

IJAI 28:17

Yá̰á̰ kə́ súmūú i yá̰a̰ mbɔ̄jə́ yá̰a̰ yāḿ, yá̰á̰ kə́ gōtə́ i kəlā yāḿ kə́ gində̄ pəlɔm i ta tə́. Man̄ kə́ edə kə kɔ̄sɔ̄ɔ́ a un yá̰á̰ gól̄ loo ń ā ī-ndiī gírí ní yā kaw̄ń kɔ̄ɔ́, loo ń ā ī-ɓɔ̄ɔ̄ rɔ̄sí tū tə́ ní man̄ a taā kɔ̄ɔ́.

IJAI 6:3

Nin̄ unən̄ ndūdə́ kə̄ dɔɔ́ ngá̰ý ədanə̄ń naā na: Kɔ́ɔ̄ɓē kə́ bo kə́ tɔ́gən i ngá̰ý i kə́ táĺ, táĺ, táĺ! Kɔsə gɔn yān taā loo malang dɔ nang tə́!

PĀ GƏ̄ 21:13

Ā ī-túr̄də́ kə ga̰ gərā yāí gēé. Ā ī-rāādə́ kadə̄ a a̰ȳn̄ naā.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

1 PIYER 1:16

Tɔdɔ̄ makətūbə̄ yā Nə́ɓā əda na: Ādə̄ ɔ̄rī kamsí tām̄ yā Nə́ɓā tə́, tɔdɔ̄ mā i de kə́ táĺ.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

EJEKIEL 28:22

Ā ə́dan na: Najə̄ ń Kɔ́ɔ̄ɓē Nə́ɓā ɔr̄ ní n toó: Ḭ̄ ɓē kə́ Sidon, m-ā m̄-rāā yá̰á̰ kə́ tōr̄ seí! I tītə̄ ń noō n m-ā m̄-rāań kadə̄ de gə̄ a̰a̰n̄ kɔsə gɔn yāḿ kem ɓēé ní. M-ā m̄-rāāī yá̰á̰ ń m̄-sāā rāā seí ní. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā. I tītə̄ ń noō n m-ā m-ɔ́jəń kadə̄ Nə́ɓā kə́ táĺ i mā ní.

1 PIYER 3:15

Banī Kərist ń i Kɔ́ɔ̄ɓē ní, ɔ̄rī kamə̄n tayā ngarān̄g kemsí tə́. Ī-ndiī dɔ rɔ̄sí tə́ kə dɔ ndɔ̄ gə̄, yā kadə̄ ɔ́jiī gíŕ yá̰á̰ ń ə̄ndāī kemsí dɔ tə́ ní kə̄ no ngé gə̄ ń a dəjen̄sí gíŕ tə́ ní.

IJAI 33:10

Kɔ́ɔ̄ɓē əda na: Ngɔlaā ní, m ā m̄-rāā yá̰a̰, ngɔlaā ní, m ā m-ḭ́ḭ dɔɔ́, m ā m-ɔ́jə bo yāḿ kadə̄ a̰a̰n̄.

EJEKIEL 20:41

M-ā m̄-teē sesí kɔ̄ɔ́ dan gír de gə̄ tə́ ō, kem ɓē gə̄ ń ī-tə̄ndāī naā ī-tḭ̄ḭ̄ tū tə́ ní ō, ba m-ā m-ɔ́sə dɔsí naā tə́. Gō tə́ anī, m-ā m̄-rāā kem majə sesí adə̄ m-ā m̄-taā yá̰a̰ tun̄ yāsí kə́ sēēdə́ otə majə gə̄. Ré m̄-rāā yá̰á̰ kə́ tītə̄ ń noō sesí anī, m-ɔ́jə i gotə nápar de gə̄ kadə̄ mā i Nə́ɓā kə́ táĺ.

EJEKIEL 38:16

Israel gə̄ ń i gír deē yāḿ gə̄ ní, ā ī-reē yā kənīdə́ rɔ̄ɔ̄ ō, ā ī-taā loo ɓē yādə́ tə́ tītə̄ kil̄ man̄ kə́ taā loo dɔ nang tə́ beé ō. Dan i ngá̰ý pá tá yá̰a̰ gə̄ ń noō a rāān̄ yá̰á̰ ɓáý. M-ā m-ə́laī kadə̄ āw̄ ə̄nī ɓē yāḿ rɔ̄ɔ̄. Loo ń noō tə́ nápar de gə̄ a gerə̄n̄ kadə̄ Nə́ɓā kə́ táĺ i mā. Ba i Gog n m-ā m-úniī yā kɔjəńdə́ nge ń noō ní.

TƏ́DA 20:13

Kāgə̄ najə̄ kə́ dɔ yá̰á̰ ń noō tə́ əda na: Man̄ kə́ Meriba i man̄ kɔ̄l̄. Tɔdɔ̄ ngán Israel gə̄ kɔ̄lə̄n̄ kə Kɔ́ɔ̄ɓēé loo ń noō tə́. Banī Kɔ́ɔ̄ɓē ɔjədə́ kadə̄ ni i de kə́ táĺ.

IJAI 2:9

I tām̄ najə̄ ń toō tə́ n a rāān̄ deē ndul gə̄ malang kadə̄ a rugən̄ nang tə́ ō, a télən̄ sedə́ kə̄ nang tə́ ō ní. Kɔ́ɔ̄ɓē, ī-lōō tél kundə́ dɔɔ́ gogə́!

EJEKIEL 28:25

Najə̄ ń Kɔ́ɔ̄ɓē Nə́ɓā ɔr̄ ní n toó: Ngán Israel gə̄ ń m̄-tə̄ndā m̄-tḭ̄ḭ̄də́ dan gír de gə̄ tə́ ní, m-ā m-ɔ́sə njadə́ kə̄ naā tə́. I tītə̄ ń noō n m-ā m-ɔ́jəń gotə nápar de gə̄ kadə̄ mā i Nə́ɓā kə́ táĺ ní. Ngán Israel gə̄ a ndin̄ dɔ nang yādə́ tə́, dɔ nang ń m-ādə̄ nge kəla yāḿ Jakob ní.