IJAI 5:11 - Bibəl ta Sar̄

¹¹ I yá̰á̰ kə́ to kum kaȳ aĺ kə́ ba̰ý beē, tām̄ yā ngé kḭḭ dɔɔ́ ta gír loo tə́ ɓatə ka̰ȳ ngɔ̄də̄ gō kasə kə́ ngan̄g gə̄ tə́ ō, kasə nduú rāādə́ adə̄ dan ndɔ̄ tɔyɔ́ gə̄gē anī, nin̄ a dáȳn̄ i mbéé ɓáý ō ní!

Bible sar

¹¹ I yá̰á̰ kə́ to kum kaȳ aĺ kə́ ba̰ý beē, tām̄ yā ngé kḭḭ dɔɔ́ ta gír loo tə́ ɓatə ka̰ȳ ngɔ̄də̄ gō kasə kə́ ngan̄g gə̄ tə́ ō, kasə *nduú rāādə́ adə̄ dan ndɔ̄ tɔyɔ́ gə̄gē anī, nin̄ a dáȳn̄ i mbéé ɓáý ō ní!

IJAI 5:11 Referans Kwoze

Makətūbə̄ ń Pol ndang adə̄ Rom gə̄ ní 13:13

Ādə̄ háĺjí i háĺ kə́ unjə̄ yā ngé njə̄rā dan kadaá gə̄: Jə-lōōī kəsa wa ō, ka̰ȳ kasə ngá̰ý ō, sāā naā loo kaya tə́ ō, jə-lōōī kɔ̄l̄ naā ō, kəndā naā nii ō.

IJAI 5:22

I yá̰á̰ kə́ to kum kaȳ aĺ kə́ ba̰ý beē, tām̄ yā ngé gə̄ ń nin̄ i go̰ kasə gə̄ ō, gerə̄n̄ tə́la kasə kə́ ngan̄g gə̄ naā tə́ ngá̰ý ō ní!

Gōsə̄ najə̄ gə̄ 20:1

Kasə nduú i yá̰á̰ kə́ a mbóo kə deé, kutə̄ mbī ō, yá̰á̰ kə́ a̰a̰ gō naā aĺ ō i tū kasə kə́ ngan̄g tə́. Deē ń a̰ȳ adə̄ mān̄ dɔ loon ní i de kə́ nge kum kedə̄ alé.

GALATƏ 5:21

ndə̄ngā yá̰a̰ tə́ ō, ka̰ȳ kasə ngá̰ý tə́ ō, kəsa wa tə́ ō, yá̰á̰ kə́ rang kə́ tītə̄ ń noō gə̄ tə́ ō. Sḭḭ̄ ngé rāā yá̰á̰ gə̄ ń noō ní, ādə̄ m̄-tāāsí tītə̄ ń m-ə́dańsí kɔ̄ɔ́ ɓá ní, a údiī kem Ɓē ko̰o̰ yā Nə́ɓā tə́ alé.

1 KORḚNTƏ 6:10

ngé ɓogə gə̄ ō, ngé rāā kum ndaa yá̰a̰ gə̄ ō, ngé rāā ɓəlo kasə gə̄ ō, ngé tétə̄ najə̄ gə̄ ō, ngé kə́rá yá̰a̰ gə̄ ō, a əngen̄ loo kem Ɓē ko̰o̰ yā Nə́ɓā tə́ alé.

Najə̄ kə́ Majə yā Jeju ń Luk ndang ní 21:34

Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

IJAI 28:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē kə́ Samari tə́! Ɓē ń toō ń to tītə̄ jākā mbang beé ní, ngé kasə rāā gə̄ kə́ dɔ nang yā Epəraim tə́ əndan̄ gúúdə́ tāmən tə́ Ɓē ní ndi i dɔ ngōn̄ mbal̄ ń deē ra dɔ tə́ anī a̰a̰ wól loo kə́ teē kōō ngá̰ý ní. Súūn̄ ɓē ní adə̄ majə ngá̰ý. Banī ɓē ní to i tītə̄ hútə̄ yá̰á̰ kə́ tutə kə́ to dɔ de gə̄ kə́ kasə nduú rāādə́ kɔ̄ɔ́ tə́ beē.

HABAKUK 2:15

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ādī de kə́ rang gə̄ yá̰a̰ ka̰ȳ, i yá̰a̰ ka̰ȳ kə́ majaĺ ngá̰ý tītə̄ yá̰a̰ yḛl deē beé. Ī-sāāī kadə̄ yá̰a̰ ka̰ȳ ní rāādə́, kadə̄ á̰a̰īń rɔ̄də́ kə́ karī.

Gōsə̄ najə̄ gə̄ 23:32

Ta tɔ̄l̄ ta anī a do̰o̰ī tītə̄ lī beé, a tə́gāī tītə̄ lī kakə́m beé.

1 SAMUEL 25:36

Dan ń Abigail tél aw̄ ugə̄ ɓēé anī, ənge Nabal i ta yá̰a̰ kəsa kə́ ngá̰ý tə́. I yá̰á̰ kə́ ngá̰ý kə́ tītə̄ yá̰a̰ kəsa mban̄g beé. Rɔ̄ Nabal nelə̄n ngá̰ý. Kasə rāān kɔ̄ɔ́, adə̄ Abigail ədan yá̰á̰ kógə̄ḿ alé bátə́ ta gír loo tə́.

2 SAMUEL 19:35

Anī ni-tél əda mban̄g na: Ɓālə̄ḿ kə́ yā kadə̄ m̄-ndiń dɔ nang tə́ nay i ngá̰ý alé. Asə kadə̄ m-āw̄ m̄-ndiń seí Jerusalem alé.

IJAI 22:13

Tá loo i rɔ̄nel̄ ō, i yá̰á̰ kə́ to rɔ̄nel̄ gə̄ ō: De gə̄ tɔ̄lə̄n̄ man̄g gə̄ ō, batə̄ gə̄ ō, əsan̄ dā̰ ō, a̰ȳn̄ kasə nduú ō. Sḭḭ̄ ə́daī na: Ādə̄ j-əsaī ō, j-a̰yī ō, tām̄ j-a j-oyiī bírí!

IJAI 24:9

De gə̄ ənīn̄ pā a̰ȳn̄neé kasə nduú to̰ alé, to tītə̄ kə́ kasə kə́ gan̄g gə̄ atə̄n̄ kɔ̄ɔ́ beé tām̄ yā ngé ka̰ȳn gə̄ tə́.

IJAI 28:3

Ɓē kə́ to tītə̄ jākā mbang beé, adə̄ i yá̰a̰ kənda gúu yā ngé kasə rāā gə̄ kə́ Epəraim ní, a rējə̄nən̄ kɔ̄ɔ́.

IJAI 56:12

Nin̄ ədan̄ na: Ī-reēī, j-aw̄ jə-sāāī kasə nduú. J-a j-a̰yī kasə kə́ ngan̄g gə̄. Bírí anī, a to i tītə̄ kə́ ɓōólaā ɓáý: Gotə kasə nduú na̰y i ngá̰ý.

HABAKUK 2:5

A̰á̰ā̰, yá̰a̰ kənge a rāā deē majaĺ: Ngé kɔjə rɔ̄də́ gə̄ ndin̄ gotə kógə̄ḿ alé. Nin̄ teēn̄ tadə́ adə̄ laa ngá̰ý tītə̄ loo kə́ ɓádá beē. Yá̰a̰ asədə́ tadə́ aĺ tītə̄ ń yá̰a̰ asəń ta yo aĺ ní beē. Nin̄ ɔsən̄ nja ɓē gə̄ malang kə̄ naā tə́ adə̄ gīr̄ gidədə́ ō, nápar de gə̄ malang ndin̄ i gíŕ tɔ́gə yādə́ tə́ ō.