IJAI 49:9 - Bibəl ta Sar̄

⁹ M-ə́da dəngáy gə̄, m-ə́dá ngé gə̄ ń ndin̄ kum til tə́ ní na: Ī-teēī, ī-reēī kum loo kə́ unjə̄ kow tə́! Nin̄ a əngen̄ yá̰a̰ kəsa kə gō kadə róbó, a asən̄ kəsa yá̰a̰ dɔ ngán mbal̄ gə̄ tə́ malang.

Bible sar

⁹ M-ə́da dəngáy gə̄, m-ə́dá ngé gə̄ ń ndin̄ kum til tə́ ní na: Ī-teēī, ī-reēī kum loo kə́ unjə̄ kow tə́! Nin̄ a əngen̄ yá̰a̰ kəsa kə gō kadə róbó, a asən̄ kəsa yá̰a̰ dɔ ngán mbal̄ gə̄ tə́ malang.

IJAI 49:9 Referans Kwoze

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

IJAI 42:7

De gə̄ ń kumdə́ a̰a̰ loo aĺ ní ā ī-teē kumdə́, ā ī-teē kə dəngáy gēé kɔ̄ɔ́ kem kújə dəngáy yādə́ tə́, ngé gə̄ ń ndin̄ kum til tə́ a ngóōn̄ ní, ā ī-teē sedə́ kɔ̄ɔ́ kem kújə yādə́ tə́.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

Najə̄ kə́ Majə yā Jeju ń Luk ndang ní 4:18

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

IJAI 41:18

M-ā m̄-rāā kadə̄ bā gə̄ nūgə́n̄ loo kə́ kḭḭ kə̄ dɔɔ́ gə̄ kə́ kāgə̄ gə̄ gətóon̄ tū tə́ tə́ ō, m-ā m̄-rāā kadə̄ man̄ kə́ əɓa nang tə́ gə̄ nūgə́n̄ kum wól gə̄ tə́ ō. M-ā m̄-tūr̄ dəla loo kadə̄ tél dang man̄ kə́ bo ō, m-ā m̄-tūr̄ loo kə́ mángá kadə̄ tél loo kə́ man̄ i tū tə́ ō.

IJAI 9:2

Kɔ́ɔ̄ɓē, ḭ̄ ī-rāā ādə̄ nin̄ ndin̄ majə ngá̰ý, ḭ̄ ī-rāā adə̄ rɔ̄nel̄ yādə́ i ngá̰ý kum kə̄ kété kété. Nin̄ rāān̄ rɔ̄nel̄ ta kumií tə́ tītə̄ rɔ̄nel̄ kə́ ndɔ̄ sāā kōō tə́ beē, tītə̄ kɔŕ rɔ̄nel̄ kə́ loo kēgə̄ naā yá̰a̰ kənge yā madə̄ ba̰ā̰ gə̄ kə́ rɔ̄ɔ̄ tetədə́ tə́ beē.

PĀ GƏ̄ 102:20

Kɔ́ɔ̄ɓē ndi dɔɔ́ kem kújə́ kə́ táĺ yān tə́ ba əga kumən kə̄ nang tə́ a̰a̰ń loo. Kɔ́ɔ̄ɓē ndi dɔ rā̰ tə́ a̰a̰ń loo kə̄ dɔ nang tə́,

PĀ GƏ̄ 69:33

Ngé dɔ sōl̄ gə̄ a̰a̰n̄ anī a rāān̄ rɔ̄nel̄ najə̄n tə́. Sḭḭ̄ gə̄ ń ā ī-sāāī Nə́ɓā ní, ā ī-ndiī kə kumsí ɓāl̄ ngá̰ý!

KOLOSƏ 1:13

Nə́ɓā ɔr̄jí kɔ̄ɔ́ gíŕ tɔ́gə yā til tə́, ba əndājí kem Ɓē ko̰o̰ yā Ngōn̄ kó tár yān tə́.

EPEJƏ 5:14

tɔdɔ̄ yá̰a̰ malang ń deē teē kə gírneé ndágá ní a tél i loo kə́ unjə̄ kow. I tām̄ ń toō tə́ n ədan̄ na: Ḭ̄ ń ī-ɓīī ní, ī-ndól̄, ḭ́ḭ dɔɔ́ dan de kə́ koy gə̄ tə́, anī Kərist a unjə̄ kow dɔí tə́.

EPEJƏ 5:8

Jóó ní sḭḭ̄ i kum til tə́, ba ngɔlaā sḭḭ̄ i kum loo kə́ unjə̄ kow tə́, sɔɔ̄ń ɓoo kə́ ī-ɓooī naā kə Kɔ́ɔ̄ɓēé. I beé ní, ī-rāāī yá̰a̰ tītə̄ ngáń kə́ kum loo kə́ unjə̄ kow tə́ gə̄.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

JA̰A̰ 10:9

Mā i ta gɔng. Ré deē udə kem gɔngɔɔ́ kə ta kūlə̄ḿ anī, a ajə. Ni a udə ō, a teē ō, a ənge yá̰a̰ kəsa ō.

JA̰A̰ 8:12

Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

Najə̄ kə́ Majə yā Jeju ń Luk ndang ní 1:79

Yā kadə̄ ngé gə̄ ń ndin̄ tilií ō, ndíl yo tə́ ō ní a̰a̰n̄neé loo ō, yā kɔjəń njají loo njə̄rā dɔ róbə kem sɔl̄ tə́ ō.

EJEKIEL 34:29

M-ā m-ādə̄də́ ndɔr̄ kə́ teē kōō majə adə̄ de gə̄ gerə̄n̄. Ɓō a rāādə́ kem ɓēé to̰ alé. Nápar de gə̄ a əlan̄ rɔ̄sɔl̄ dɔdə́ tə́ to̰ alé.

EJEKIEL 34:23

I nge ngɔ̄m̄ yá̰a̰ kul̄ gə̄ kə́ kal kógə̄ḿ beē ngóy n m-ā m-ə̄ndān dɔ yá̰a̰ kul̄ yāḿ gə̄ tə́ kadə̄ a̰a̰ gōdə́ ní. Ndɔ̄ ń tə́ ni i mban̄g kə́ tītə̄ nge kəla yāḿ Dabid. Ni a a̰a̰ gō dā̰ gə̄ kə́ dan yá̰a̰ kul̄ gə̄ tə́ ō, ni i nge kul̄də́ ō.

IJAI 65:13

I tām̄ najə̄ ń toō tə́ n yá̰á̰ ń mā Kɔ́ɔ̄ɓē Nə́ɓā m-ə́dá ní n toó ní: Ngé gə̄ ń rāān̄ kəla adə̄mə̄n̄ ní, a əsan̄ yá̰a̰, banī sḭḭ̄ ɓō a rāāsí. Ngé gə̄ ń rāān̄ kəla adə̄mə̄n̄ ní, a a̰ȳn̄ yá̰a̰, banī sḭḭ̄ kəndā a rāāsí. Ngé gə̄ ń rāān̄ kəla adə̄mə̄n̄ ní, a ndin̄ dan rɔ̄nel̄ tə́, banī sḭḭ̄ rɔ̄sí a sɔl̄sí ngá̰ý.

IJAI 5:17

Batə̄ gə̄ a əsan̄ mu kem ɓē kə́ nujə kɔ̄ɔ́ tə́ i tītə̄ kə́ ran̄ i loo ko̰o̰ yādə́ tə́ beē ō, ngán bə̄yā̰ gə̄ ń ulə̄n̄də́ kadə̄ boon̄ ní, a əngen̄ yá̰á̰ kəsa yādə́ i noó ō.

PĀ GƏ̄ 146:7

De gə̄ ń rāān̄də́ yá̰á̰ kə́ tōr̄ ní, ni-gān̄g sarya yādə́ kə gōó. Ni-adə̄ ngé ɓō gə̄ yá̰a̰ kəsa ō, tútə kəlā rɔ̄ dəngáy gə̄ tə́ ō.

PĀ GƏ̄ 22:26

Kɔ́ɔ̄ɓē, i ḭ̄ n ī-rāā adə̄ m̄-ɓókíī tɔ̄ȳ dan kósə́ ngé kán̄ naā kə́ ngá̰ý gə̄ tə́ ní. M-ā m̄-ra dɔ ndūḿ ń m-ə̄nī m-ādī tə́ ní ta kum ngé ɓōĺ ndílí gə̄ tə́.

NDŪ NAJƏ̄ 32:13

Ni-əndādə́ dɔ loo kə́ kḭḭ kə̄ dɔɔ́ gə̄ tə́ kem ɓēé, kadə̄ əsan̄ kan̄ yá̰a̰ kə́ kem ndɔrɔ́ gə̄ Ni-adə̄də́ yibə̄ tejə kə́ teē mbo̰ō̰ mbal̄ gə̄ tə́ adə̄ o̰o̰n̄. Adə̄də́ yibə̄ olibə kə́ teē dɔ mbal̄ tə́.

Najə̄ kə́ Majə yā Jeju ń Luk ndang ní 2:32

Ni i loo kə́ unjə̄ kow tām̄ yā nápar de kə́ rang gə̄ tə́ ō, a ɔsə gɔn Israel ń i gír deē yāí gə̄ ní ō.

IJAI 48:17

Najə̄ ń nge gān̄g dɔí, Kɔ́ɔ̄ɓē, Nə́ɓā kə́ táĺ yā Israel, əda ní n toó: Nə́ɓā yāí i mā Kɔ́ɔ̄ɓē. I yá̰á̰ kə́ majə tām̄ yāí tə́ tɔȳ gotə gə̄ n m̄-ndóōī ní. I mā n i nge kɔriī ta róbə dɔ róbə́ ń ā ī-njə̄rā tū tə́ ní.

MISE 5:4

I ni n i nge rāā kadə̄ lɔm to ní. Ré de kə́ Asiri gə̄ reē udən̄ dɔ nang yājí tə́ ō, túdə̄n̄ kə̄ kem kújə́ kə́ ngáā ngáā yājí gə̄ tə́ ō anī, j-a j-əlaī kə ngār gə̄ kə́ kutədə́ i ngá̰ý yā kadə̄ rɔ̄ɔ̄n̄də́.

LEBI GƏ̄ 25:54

Ré gāngə̄n̄ dɔn aĺ ō, nəkɔ́ asə gān̄g dɔ rɔ̄n aĺ ō, ba ɓāl̄ Jubile ugə̄ anī, deē ń mangən ní, a ə́ya̰n dɔɔ́ kadə̄ a teē kə ngánən gēé.