IJAI 49:8 - Bibəl ta Sar̄

⁸ Kɔ́ɔ̄ɓē əda na: Kum mbang kə́ majə tə́ ní, m̄-tūrī najə̄ tə́. Dan ń ndɔ̄ kajə deē ugə̄ ní, m̄-reē m̄-rāā seí. I mā n i nge rāāī ní. m̄-rāā adə̄ madə̄ naā ń m-ə́hɔ kə gír de gēé ní, reē udə gírí i kə ta kūlīí. M-ā m-ún ɓē kə́ Israel dɔɔ́. Dɔ nang ń toō ń ngɔlaā nujən̄neé kɔ̄ɔ́ ní, m-ā m̄-tél yā gān̄g kadə̄ de gə̄ gogə́ ɓáý to̰.

Bible sar

⁸ Kɔ́ɔ̄ɓē əda na: Kum mbang kə́ majə tə́ ní, m̄-tūrī najə̄ tə́. Dan ń ndɔ̄ kajə deē ugə̄ ní, m̄-reē m̄-rāā seí. I mā n i nge rāāī ní. m̄-rāā adə̄ *madə̄ naā ń m-ə́hɔ kə gír de gēé ní, reē udə gírí i kə ta kūlīí. M-ā m-ún ɓē kə́ *Israel dɔɔ́. Dɔ nang ń toō ń ngɔlaā nujən̄neé kɔ̄ɔ́ ní, m-ā m̄-tél yā gān̄g kadə̄ de gə̄ gogə́ ɓáý to̰.

IJAI 49:8 Referans Kwoze

2 KORḚNTƏ 6:2

Tɔdɔ̄ Nə́ɓā əda na: Kum mbang ń rāā majə kə deé yāḿ a ɔjəń rɔ̄n kə̄ ndágá tə́ ní, m-ādī yá̰á̰ ń i dəjem̄ ní kadə̄ rɔ̄í nelī. Ndɔ̄ kajə deē tə́ ní, mā m̄-reē m̄-dḭḭ̄. I beé ní, kum mbang kə́ yā kadə̄ deē ndigəń rāā majə yā Nə́ɓā n toó, ndɔ̄ kajə deē n toó.

IJAI 42:6

Mā Kɔ́ɔ̄ɓē, m̄-ɓāríī i tām̄ yá̰á̰ ń m̄-rā dɔ tə́ yā rāā ní i yá̰á̰ kə́ gōtə́. M-ə́hɔ ta jīí, deē ń rāāī ní i mā. Madə̄ naā yāḿ ń m-ə́hɔ kə gír de gēé ní, m̄-rāā ādə̄ reē udə gíŕ kə́ rɔ̄ tə́ i kemií ḭ̄ tə́, ḭ̄ i loo kə́ unjə̄ kow yā nápar de gə̄ kə́ dɔ nang tə́.

PĀ GƏ̄ 69:13

De kə́ ndágə loo kə́ kem ɓēé tə́ gə̄ a ɔrə̄n̄ i najə̄ yāḿ mā ō, ngé kasə rāā gə̄ a ənīn̄ pā i seḿ māá ō.

HEBƏRO 12:24

Sḭḭ̄ ī-ndɔ́tī i kə̄ rɔ̄ Jeju tə́, ni i nge ra mbənā de gə̄ tə́ kə Nə́ɓāá tām̄ yā madə̄ naā kə́ kijə tə́ ō, kə̄ ta mósə́ Jeju kə́ a̰ȳ nang tə́ tə́, mósən ní ɔr̄ najə̄ majə tɔȳ yā Abel.

IJAI 61:4

Ndogə̄ mbal̄ kə́ kété gə̄ kə́ tétə̄n̄ nang tə́ kɔ̄ɔ́ ní, nin̄ a télən̄ yā kundə́ dɔɔ́ gogə́. Kújə́ kə́ tétə̄ nang tə́ jóó ngá̰ý gə̄ ní, nin̄ a télən̄ yā rāādə́ gogə́.

IJAI 58:12

Ndogə̄ mbal̄ kə́ jóo gə̄ ń nujən̄neé kɔ̄ɔ́ ní, ā ī-tél yā kundə́ dɔɔ́ gogə́, nja kújə́ kə́ kəya̰ kɔ̄ɔ́ jóo gə̄ ní, ā ī-tél yā rāā kújə dɔ tə́. A ɓāríīn̄ na i gír de gə̄ kə́ ngé kutə̄ kum loo kə́ njar gə̄ ō, kə́ tél rāā róbə kɔsə kə́ kem ɓēé gə̄ ō.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

IJAI 51:16

M-ə̄ndā dɔ rā̰ loo ran tə́ ō, m-ə̄ndā dɔ nang ba m-ə́da Siyo̰ na: Ḭ̄ i gír de gə̄ yāḿ ō. m̄-ə̄ndā najə̄ yāḿ taí tə́ ō, m̄-rāā ndíl jīḿ dɔí tə́ m̄-ngɔ̄mīneé ō.

IJAI 44:26

Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā Juda tə́ m-ə́da na: A télən̄ yā rāā ɓē ní gogə́.

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

IJAI 54:3

Tɔdɔ̄ ā ī-taā loo geleé gē ko̰ó̰ gē, ɓē gə̄ ń kadií tə́ ní, ngání gə̄ a taān̄. Ɓē gə̄ ń nin̄ əya̰n̄ kɔ̄ɔ́ ní, nin̄ a télən̄ yā ndi tū tə́ gogə́.

IJAI 49:19

Ī-ndi dan gájə bɔr gə̄ tə́, ɓē yāí gə̄ i kə́ nujənə̄ń sák sák kɔ̄ɔ́, dɔ nang yāí i dəla loo. Banī sḛ́ý laā anī, ni a dūú ngá̰ý tām̄ yā de kə́ kemeé gə̄ tə́ ō, ngé gə̄ ń kété nujiīn̄ sák sák ní, a aw̄n̄ sa̰y kɔɔ̄ rɔ̄í tə́ ō.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

IJAI 26:3

Ni əya̰ yá̰á̰ kógə̄ḿ adə̄ nujə kemən alé. Kɔ́ɔ̄ɓē, ḭ̄ ādə̄n lɔm, tām̄ ni ənī kemən adī.

PĀ GƏ̄ 75:3

Nə́ɓā əda na n-a n-gān̄g sarya kə gō róbəneé, ndɔ̄ ń n-a n-ɔjə̄ tə́ ní.

PĀ GƏ̄ 2:8

Ré ī-dəjem̄ nápar de gə̄ malang anī m-ā m-ādī sedə́ kadə̄ nin̄ i yá̰a̰ yāí gə̄ ō, dɔ nang yāí a laa bátə́ yā kugə̄ ta ngóy dɔ nang tə́ ō.

HEBƏRO 8:6

Ba kəla yā Jeju i kəla kə́ bo tɔȳ yā gotə ngé tun̄ yá̰a̰ gə̄. Tɔdɔ̄ ni i nge ra mbənā Nə́ɓā tə́ kə de gēé tām̄ yā madə̄ naā kə́ majə ngá̰ý tɔȳ tə́ ō, madə̄ naā ní i madə̄ naā kə́ ndi i dɔ míndə́ kə́ kənī kə́ majə ngá̰ý tɔȳ tə́ ō.

MATIYE 26:28

tɔdɔ̄ yá̰á̰ ń toō i mósə́ḿ, i mósə madə̄ naā ń Nə́ɓā əhɔ sesí ní. I mósə́ kə́ ɓōkə́ nang tə́ tām̄ yā kósə de kə́ ngá̰ý gə̄ tə́ ō, tām̄ kadə̄ Nə́ɓā māyń rɔ̄n dɔ majaĺ yādə́ gə̄ tə́ ō.

IJAI 51:3

Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.

2 SAMUEL 7:13

I ni n a rāā kújə yāḿ ní, ba mā m-ā m̄-rāā kadə̄ kōr̄ kāgə̄ yān a ndi ngan̄g ngándáńg.

IJAI 27:3

Mā Kɔ́ɔ̄ɓē, mā i nge ngɔ̄m̄ kāgə̄ nduú ngeē ń toō. m̄-rāā man̄ gírí i kə kum mbangən gēé malang. m̄-ngɔ̄mən kadaá ō, ndɔ̄ɔ́ ō, yā kadə̄ deē kógə̄ḿ rāān yá̰á̰ kə́ majaĺ alé.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

IJAI 55:6

Ī-sāāī Kɔ́ɔ̄ɓē dan ń ni a əya̰ń rɔ̄n adə̄ de gə̄ əngenən̄ tə́ ní. Ī-ɓāríīin̄ dan ń ni i ngɔr rɔ̄sí tə́ ní.

IJAI 57:13

Dan ń ā ī-ɓāŕ yá̰a̰ kadə̄ ajiīn̄ tə́ anī, ādə̄ nə́ɓā yāí kə́ rɔ̄kum aĺ gə̄, kə́ majən̄ aĺ ngá̰ý gə̄ malang ní ajiīn̄! Nél a ɔydə́ malang yā kaw̄ sedə́ kɔ̄ɔ́, koō kógə̄ḿ a ndɔ́tə̄ sedə́ kɔ̄ɔ́. Ba ngé gə̄ ń nge ngɔ̄m̄də́ i mā ní, a əngen̄ ɓē tītə̄ yá̰a̰ haladə́ beē ō, nin̄ a əngen̄ mbal̄ bo yāḿ kə́ táĺ ō.

IJAI 58:5

Ndi ɓō kə́ nelə̄m̄ to i tītə̄ ń noō a? Tél kə rɔ̄sí kə̄ nang tə́ kadə̄ sḭḭ̄ i de kə́ dūú gə̄ ní, Kəla dɔ kə̄ nang tə́ tītə̄ tītə̄ mu tə̄ɓā beé, kəla kūbə̄ kəhɔ ndoō rɔ̄ tə́, kəto kum bumbə́rú tə́, i yá̰á̰ ń noō n ā ī-ɓāríin̄ na i ndi ɓō ní a? I yá̰á̰ ń noō n ā ī-ɓāríin̄ na i ndɔ̄ kə́ nelə̄m̄ mā ní a?

IJAI 61:2

Ni əlam̄ kadə̄ m-ə́da najə̄ ń toō: I ɓāl̄ ń kadə̄ ā á̰a̰īń kem majə yā Kɔ́ɔ̄ɓē ní, i ndɔ̄ ń Nə́ɓā yājí a daləń ba̰ā̰ dɔ madə̄ ba̰ā̰n gə̄ tə́ ní! Ngé gə̄ ń əhɔn̄ ndoō ní, ni əlam̄ kadə̄ m̄-tél m-ādə̄də́ kəndā kem dɔ tə́ gogə́.

IJAI 65:9

Banī gír de gə̄ yā Jakob ní, m-ā m-ādə̄də́ ngán gə̄, gír ɓē yā Juda ní, m-ā m-ādə̄də́ ngán kaadə́ gə̄. Nin̄ a əngen̄ mbal̄ bo yāḿ gə̄ yá̰a̰ ndəbā tə́. Ngé gə̄ ń m̄-gə̄rādə́ ní a əngen̄ mbal̄ bo yāḿ gə̄ ní, ngé gə̄ ń rāān̄ kəla adə̄mə̄n̄ ní a ndin̄ tū tə́.