IJAI 49:7 - Bibəl ta Sar̄

⁷ Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

Bible sar

⁷ Kɔ́ɔ̄ɓē, nge kɔr̄ *Israel ɓəloó, Nə́ɓā yān kə́ *táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ *táĺ yā Israel kə́ gə̄rāī tə́ tə́.

IJAI 49:7 Referans Kwoze

MATIYE 26:67

Loo ń noō tə́ tībə̄n̄ hōr̄ kumən tə́ ō, tə̄ndānən̄ ō. Ngé kə́rēý gə̄ əndan̄ mbɔ́rən,

1 PIYER 2:4

Ī-ndɔ́tī kə̄ rɔ̄ Kɔ́ɔ̄ɓē tə́. Ni i mbal̄ kə́ ndi kə kumneé kə́ de gə̄ mbātə́n̄ kɔ̄ɔ́. Banī Nə́ɓā gə̄rān, tɔdɔ̄ Nə́ɓā a̰ā̰ kadə̄ ni i mbal̄ kə́ gātə̄n i ngá̰ý.

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

IJAI 48:17

Najə̄ ń nge gān̄g dɔí, Kɔ́ɔ̄ɓē, Nə́ɓā kə́ táĺ yā Israel, əda ní n toó: Nə́ɓā yāí i mā Kɔ́ɔ̄ɓē. I yá̰á̰ kə́ majə tām̄ yāí tə́ tɔȳ gotə gə̄ n m̄-ndóōī ní. I mā n i nge kɔriī ta róbə dɔ róbə́ ń ā ī-njə̄rā tū tə́ ní.

IJAI 49:23

Mban̄g gə̄ a ətōn̄ ngání gə̄, ngáń kə́ dəyá̰ yā mban̄g gə̄ a adə̄n̄də́ yá̰a̰ kəsa. Nin̄ a ɔsən̄ kejədə́ nang tə́ noí tə́, a ɔsən̄ nodə́ nang tə́. Nin̄ a tō̰nə́n̄ bumbə́rú kə́ njaí tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē ō, ngé gə̄ ń əndān̄ kemdə́ dɔḿ tə́ ní, rɔ̄də́ a sɔl̄də́ aĺ ō.

IJAI 49:1

Sḭḭ̄ gír de gə̄ ń ī-ndiī sa̰y ní, ōōī najə̄ yāḿ! Sḭḭ̄ ń ī-ndiī sa̰y ní, ī-nēlī mbīsí! Dan ń Kɔ́ɔ̄ɓē ɓārə́m̄ ní, ojəmə̄n̄ aĺ ɓáý. Mā i kem kó̰ó̰ḿ ɓáý n ni ədań rīḿ ní.

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

IJAI 52:15

Ba ngɔlaā ní, a ɔr kum nápar de gə̄ ngá̰ý najə̄ yān tə́, mban̄g gə̄ a ndin̄ non tə́ kanjə̄ kəda yá̰á̰ kógə̄ḿ. Tām̄ yá̰á̰ ń nin̄ a̰a̰n̄ ní, to tītə̄ yá̰á̰ ń ənīn̄də́ gotə ní aĺ ō, yá̰á̰ ń nin̄ əndān̄ ma̰ȳ ní, teēn̄ naā kə yá̰á̰ ń ədan̄də́ adə̄ oōn̄ ní aĺ ō.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

JA̰A̰ 19:15

Banī nin̄-unən̄ ndūdə́ kə̄ dɔɔ́ ngá̰ý ədanə̄ń na: Ādə̄ oy! Ādə̄ oy! Əndan kə máyá̰ tū kāgə̄ kə́ dēsə́ tə́! Pilatə tél ədadə́ na: Kə m-ə́nda mban̄g yāsí kə máyá̰ tū kāgə̄ kə́ dēsə́ tə́ a? Anī Ngol gə̄ kə́ dɔ ngé tun̄ yá̰a̰ gə̄ tə́ tél ədan̄ na: Jḭḭ j-aw̄ kə mban̄g kə́ rang alé, i Sejar ngóy!

Najə̄ kə́ Majə yā Jeju ń Luk ndang ní 23:35

De kə́ kem ɓē gə̄ ra a̰a̰n̄ loo sikəm. Ba ngār gə̄ tá a kəgōn̄ naā dɔ Jeju tə́. Nin̄-ədan̄ na: Ni ń ajə de kə́ rang gə̄ ní, ré ni i Kərist anī, ādə̄ ajə rɔ̄n yā ka̰a̰ tā.

Najə̄ kə́ Majə yā Jeju ń Luk ndang ní 23:23

Ba nin̄-əhɔn̄ gír ngan̄g ngá̰ý kə̄ nodə́ tə́ kə kɔŕ gēé kə̄ dɔɔ́, ba dəjen̄ kadə̄ kə əndan̄ Jeju tū kāgə̄ kə́ dēsə́ tə́ kə máyá̰, ba kɔŕ yādə́ ní a ɓār̄ kə̄ dɔɔ́ ngan̄g ngá̰ý mān̄ kə̄ kété ɓáý to̰.

IJAI 60:10

Kɔ́ɔ̄ɓē əda Jerusalem na: Tə̄rā gə̄ a télən̄ yā kəndā ndogə̄ mbal̄ yāí gogə́, mban̄g yādə́ gə̄ a rāān̄ kəla yāí. Kété wōn̄g rāām̄ adə̄ m-ə́ndaī, banī m-ɔ́jiī tár yāḿ sɔɔ̄ń kem majə yāḿ.

IJAI 60:3

Nápar de gə̄ njə̄rān̄ kum kə̄ rɔ̄ loo yāí kə́ unjə̄ kow tə́ ō, mban̄g gə̄ aw̄n̄ kum kə̄ rɔ̄ loo kə́ unjə̄ kow ń ḭḭ nang tə́ kum kə̄ dɔɔ́ dɔí tə́ ní ō.

IJAI 50:6

m̄-tūr̄ gidəḿ m-ādə̄ ngé kəndaḿ gə̄, m̄-tūr̄ mbɔ́rə́ḿ m-ādə̄ ngé ró̰ȳ mbāýḿ gə̄. M-ūtə̄ gidə kumḿ kɔ̄ɔ́ najə̄ yā ngé tájə̄ḿ gə̄ tə́ aĺ ō, najə̄ yā ngé tībə̄ hōr̄ rɔ̄ḿ tə́ gə̄ tə́ aĺ ō.

IJAI 48:7

I yá̰á̰ kə́ jóo gə̄ alé, i ngɔlaā n m-ā m̄-rāā yá̰a̰ gə̄ ní. Bátə́ ɓōólaā ní, sḭḭ̄ ōōī najə̄ yá̰a̰ gə̄ ní alé. Kété ní m̄-gḛy kadə̄ sḭḭ̄ ə́daī najə̄ ń toō alé: J-oō kété kɔ̄ɔ́.

PĀ GƏ̄ 68:31

Əla ɓōĺ kem Ejiptə ń i dā̰ kə́ kem tə̄ɓā gə̄ tə́ ní, ni ń rāā rɔ̄n i ɓūtə̄ man̄g kə́ bəra gə̄ tə́ ō, ngol kə́ dɔ gír de gə̄ tə́ ō ní, ni ń ndējī sə́lē gində̄ arjā̰a̰ sɔlə̄ń dɔn kə̄ noí tə́ ní. Gír de gə̄ ń nel̄də́ rɔ̄ɔ̄ ngá̰ý ní, ī-tə̄ndā ī-tḭ̄ḭ̄də́ naā tə́ kɔ̄ɔ́.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

JEJU TEĒ KUM JA̰A̰ 3:7

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Piladelpi: Najə̄ ń de kə́ táĺ, kə́ rɔ̄kum ń lakélé yā Dabid i jīn tə́ adə̄ teē ta róbə anī de kə́ yā kutə̄ a gətóo ō, utə̄ anī de kə́ yā teē a gətóo ō əda ní n toó:

JA̰A̰ 19:6

Ba dan ń ngol gə̄ kə́ dɔ ngé tun̄ yá̰a̰ gə̄ tə́ ō, pajā gə̄ ō, a̰a̰nən̄ anī, unən̄ ndūdə́ kə̄ dɔɔ́ ngá̰ý ədan̄neé na: Əndan kə máyá̰ tū kāgə̄ kə́ dēsə́ tə́! Əndan kə máyá̰ tū kāgə̄ kə́ dēsə́ tə́! Pilatə ədadə́ na: Sḭḭ̄ kɔ́ gə̄ ī-taāin̄, ba ə́ndain̄ kə máyá̰ tū kāgə̄ kə́ dēsə́ tə́, na mā m-ə́nge najə̄ kógə̄ḿ dɔn tə́ alé.

JA̰A̰ 18:40

Loo ń noō tə́ nin̄-unən̄ ndūdə́ kə̄ dɔɔ́ ngá̰ý ədan̄ na: Ni alé, ba i Barabas tá! Tá Barabas ní kété i de kə́ nge gān̄g róbə.

Najə̄ kə́ Majə yā Jeju ń Luk ndang ní 23:18

Ba nin̄-əgan̄ kɔŕ kə̄ dɔɔ́ ngá̰ý, ədan̄ naā tə́ malang na: Ādə̄ ī-tɔ̄l̄ dəngam ń toō, ba Barabas tá əya̰n dɔɔ́ ādə̄jí!

Najə̄ kə́ Majə yā Jeju ń Luk ndang ní 22:27

I náā n i kə́ bo ngá̰ý ní, i deē ń ndi ta yá̰a̰ kəsa tə́ ní, aké i nge ń rāā kəla kətō yá̰a̰ kə̄ rɔ̄n tə́ ní? M-á̰a̰, i deē ń ndi ta yá̰a̰ kəsa tə́ ní aĺ a? Ba á̰a̰ī, dansí tə́ laā ní, mā i tītə̄ nge rāā kəla kətō yá̰a̰ ō, nge nə̄ɓō ō.

IJAI 60:16

Ā ūl̄ rɔ̄í kə mba yā nápar de kə́ rang gə̄, ā ə́sá yá̰a̰ kənge gə̄ yā mban̄g yādə́ gə̄. Loo ń noō tə́ ā á̰á̰ yá̰á̰ ń toō yā ger̄: Nge kajií i mā Kɔ́ɔ̄ɓē. Nge gān̄g dɔí i Nə́ɓā kə́ tɔ́gən i ngá̰ý yā Jakob.

PĀ GƏ̄ 69:19

Ī-reē ngɔr rɔ̄ḿ tə́, ī-rɔ̄ɔ̄ dɔḿ tə́. Ī-taām̄ jī madə̄ ba̰ā̰ḿ gə̄ tə́.

1 KORḚNTƏ 1:9

Nə́ɓā ń ɓāŕsí kadə̄ ī-ɓooī naā kə Ngōnən Jeju Kərist ń i Kɔ́ɔ̄ɓē yājí ní, i Nə́ɓā kə́ nge ra dɔ ndūn tə́.

TA KƏLA 27:29

Ādə̄ gír de gə̄ rāān̄ kəla yāí! Ādə̄ gír nápar de gə̄ ɔsən̄ nodə́ nang tə́ noí tə́! Ī-tél ngol ngákó̰ó̰í gə̄, ādə̄ ngákó̰ó̰í gə̄ ɔsən̄ nodə́ nang tə́ noí tə́! Ādə̄ ndɔ̄ĺ i dɔ deē ń a ndɔ̄líī tə́ ní, ba ādə̄ tɔ́r̄ ta i dɔ deē ń a tɔ́r̄ tan dɔí tə́ ní!

NDŪ NAJƏ̄ 7:9

I Kɔ́ɔ̄ɓē Nə́ɓā yāsí ngóy n i Nə́ɓā kə́ rɔ̄kum ní majə kadə̄ ī-gerī. Ngé gə̄ ń tárnən̄ ō, ngɔ̄mə̄n̄ gō míndən gə̄ ō ní, madə̄ naā yān ń rāā sedə́ ō, rāā kə gír kojə yādə́ gə̄ ń a reēn̄ ɓáý ní ō ní a əhɔ gír kadə̄ ngan̄g ō, a tūr̄ ndūn aĺ ō.

PĀ GƏ̄ 47:9

Nə́ɓā o̰o̰ ɓē dɔ nápar de gə̄ tə́. Ni-ndi dɔ kōr̄ kāgə̄ mbang yān kə́ yā ɓōĺ gidə tə́.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

IJAI 19:21

Kɔ́ɔ̄ɓē a rāā kadə̄ de kə́ Ejiptə gə̄ ger̄nən̄ ō, ndɔ̄ ngeé ń noō tə́ ní, de kə́ Ejiptə gə̄ a gerə̄n̄ Kɔ́ɔ̄ɓē ō. Nin̄ a rāān̄ kəla yā kadə̄n tām̄ a tunə̄n̄ yá̰a̰ yā kadə̄n ō, a ndējə̄nən̄ yá̰a̰ ō. Nin̄ a ənīn̄ ndūdə́ yā kadə̄ Kɔ́ɔ̄ɓē ō, a rāān̄ kadə̄ yá̰a̰ gə̄ ní reē udən̄ gíŕ kə́ rɔ̄ tə́ ō.

IJAI 19:23

Ndɔ̄ kógə̄ḿ tə́ anī, róbə́ kógə̄ḿ a ḭḭ Ejiptə yā kaw̄ Asiri. Asiri gə̄ a aw̄n̄ Ejiptə ō, de kə́ Ejiptə gə̄ a aw̄n̄ Asiri ō. Nin̄ a rāān̄ kəla naā tə́ mbak yā kadə̄ Kɔ́ɔ̄ɓē.

IJAI 27:13

Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

IJAI 66:23

Adə̄ kə dɔ rāā nāā gə̄ kə́ ndɔ̄ teē naā kə́ kijə tə́ gə̄ malang ní, kə dɔ ndɔ̄ sabat gə̄ malang ní, de kə́ dɔ nang tə́ gə̄ malang a reēn̄ yā kɔsə kejədə́ nang tə́ noḿ mā Kɔ́ɔ̄ɓē tə́.