IJAI 49:4 - Bibəl ta Sar̄

⁴ Mā m̄-gír̄ m-ə́da na: M-á̰á̰ tápə̄ i ndāńg karī, m-ɔ́r i kanjə̄ kumən, teēm̄ yá̰á̰ tə́ alé. Ɓá tā ba Kɔ́ɔ̄ɓē a gān̄g sarya yāḿ kə gōó, ni ngɔ̄m̄ yá̰a̰ kəndā nja yāḿ.

Bible sar

⁴ Mā m̄-gír̄ m-ə́da na: M-á̰á̰ tápə̄ i ndāńg karī, m-ɔ́r i kanjə̄ kumən, teēm̄ yá̰á̰ tə́ alé. Ɓá tā ba Kɔ́ɔ̄ɓē a gān̄g sarya yāḿ kə gōó, ni ngɔ̄m̄ yá̰a̰ kəndā nja yāḿ.

IJAI 49:4 Referans Kwoze

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

GALATƏ 4:11

Kəla ń m̄-rāā tām̄ yāsí tə́ ní, m̄-ɓōĺ najə̄ kadə̄ i kəla kə́ ndāńg karī.

2 KORḚNTƏ 12:15

m̄-ndigə ngá̰ý kadə̄ m-ādə̄ yá̰a̰ yāḿ malang ō, m-ādə̄ rɔ̄ḿ mə̄kɔ́ ō, yā rāań sesí. Ré m̄-táŕsí asə naā beé anī, ā ī-tármī sḛ́ý beē a?

2 KORḚNTƏ 2:15

Tɔdɔ̄ jə-to i tītə̄ sēē ítər kə́ otə majə kə́ Kərist ndējə̄ Nə́ɓā beé. Jḭḭ i sēē ítər tām̄ yā ngé gə̄ ń nin̄ i dɔ róbə kajə tə́ ní ō, tām̄ yā ngé tḭ̄ḭ̄ ta rɔ̄də́ gə̄ tə́ ō.

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

MATIYE 17:17

Anī Jeju un najə̄ ɔr̄, əda na: Sḭḭ̄ de kə́ majaĺ gə̄ ō, kə́ ngé taā kem aĺ gə̄ ō, kə m̄-ndi sesí i bátə́ rə́ngáý tə́? Kə m̄-tə́gā taḿ dɔsí tə́ i bátə́ rə́ngáý tə́? Ī-reēī kə ngōnōó laā ādə̄mī.

EJEKIEL 3:19

Ba ré ḭ̄ ī-tāān banī ni-lōō gíŕ yá̰a̰ rāān kə́ gōtə́ aĺ gə̄ tə́ aĺ ō, lōō gíŕ hálən kə́ majaĺ tə́ aĺ ō anī, ni a oy sɔɔ̄ń yá̰a̰ rāān kə́ gōtə́ aĺ gə̄, banī ḭ̄ ā ájə rɔ̄í

IJAI 65:23

Nin̄ a ɔrən̄ ndāńg karī to̰ alé. Nin̄ a ojən̄ ngán gə̄ yā ka̰a̰də́ loo koy tə́ to̰ alé. Tɔdɔ̄ nin̄ rāān̄ rɔ̄də́ i kojə yā ngé gə̄ ń mā m̄-tɔ́r̄ taḿ dɔdə́ tə́ ní, nin̄ gə̄gē ngáńdə́ gə̄gē.

IJAI 62:11

Kɔ́ɔ̄ɓē rāā adə̄ de gə̄ oōn̄ ndūn bátə́ ta ngóy dɔ nang tə́. I beé ní, ə́daī ɓē kə́ Siyo̰ na: Nge kajií a reē noó. Ngé gə̄ ń ni-əngedə́ ní, ni-tél reē sedə́. Yá̰á̰ ń ni-ənge gír kəla yān tə́ ní ni-tél reēń.

IJAI 40:10

Kɔ́ɔ̄ɓē Nə́ɓā n toó. Ni-reē i kə tɔ́gɔ́. Ngan̄g yān asə kadə̄ o̰o̰ń ɓē. Ni-reē kə yá̰á̰ ń ni-ənge ní, yá̰á̰ ń əndānəń njan tām̄ kəla ń ni-rāā tə́ ní, ni reēń.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

Makətūbə̄ ń Pol ndang adə̄ Rom gə̄ ní 10:21

Ba ngán Israel gə̄ ɓá anī Nə́ɓā əda tītə̄ ń toō dɔdə́ tə́ na: Kə dɔ ndɔ̄ gə̄ mā m̄-sə́ra jīḿ kə̄ rɔ̄ ngáń kə́ dum̄ naā gə̄ tə́ ō, kə́ mbātə́ najə̄ gə̄ tə́ ō.

JA̰A̰ 1:11

Ni-reē ɓēé looneé, ba de kə́ ɓē yān tə́ gə̄ əhɔnən̄ kə̄ rɔ̄də́ tə́ alé.

Najə̄ kə́ Majə yā Jeju ń Luk ndang ní 24:26

I gáŕ kadə̄ Kərist a a̰a̰ tápə̄ ń toō yā kudəń kem kɔsə gɔn yān tə́ ní ī-gerī aĺ a?

IJAI 65:2

m̄-sə́ra jīḿ kanjə̄ kəya̰ ta kum kə̄ rɔ̄ gír de gə̄ kə́ nin̄ i ngé ra dɔ ndūdə́ tə́ aĺ gə̄ tə́, kum kə̄ rɔ̄ de kə́ ngé njə̄rā dɔ róbə́ kə́ majaĺ tə́ gə̄ tə́ ō, a rāān̄ i yá̰á̰ kə́ nel̄də́ ngóy ō tə́.

LEBI GƏ̄ 26:20

Ā ī-təgāī tɔ́gə́sí i karī, dɔ nang yāsí a teē yá̰a̰ aĺ ō, kāgə̄ yāsí gə̄ a anə̄n̄ aĺ ō.

PILIPƏ 2:16

kə ta kūl̄ kɔjədə́ najə̄ kə́ a rāā kadə̄ deē ndi kə kumneé. Ré ī-rāāī yá̰a̰ tītə̄ ń noō anī, m-ā m-ásə kɔjə rɔ̄ḿ najə̄ yāsí tə́ ndɔ̄ yā Kərist tə́. Tɔdɔ̄ nge ń noō i yá̰á̰ kə́ a ɔjə kadə̄ kəla yāḿ malang ō, kəhɔ rɔ̄ tɔgə yāḿ gə̄ malang ō ní, i yá̰á̰ kə́ ndāńg karī alé.

Gōsə̄ najə̄ gə̄ 29:26

De gə̄ ngá̰ý sāān̄ kadə̄ ngār a̰a̰də́ já̰já̰, ba i Kɔ́ɔ̄ɓē ngóy n i nge gān̄g sarya yā deē kógə̄ḿ kógə̄ḿ kə gōó ní.

IJAI 25:1

Kɔ́ɔ̄ɓē, ḭ̄ i Nə́ɓā yāḿ. M-ā m-ə́ga kɔŕ yā kɔsəń gɔn rīí. A̰á̰ā̰, yá̰á̰ kə́ majə ngá̰ý gə̄ ń ḭ̄ ī-núm̄ ní, ḭ̄ ī-rāā yá̰a̰ gə̄ ní adə̄ reē udən̄ gíŕ kə́ rɔ̄ tə́. Yá̰a̰ gə̄ ní ran̄ ngan̄g i jóó ngá̰ý, nin̄ ngangə̄n̄ ō, ton̄ kum gotədə́ beē ō.

IJAI 40:27

Israel, gír de gə̄ yā Jakob, i tām̄ rí tə́ á ī-nōōī rɔ̄sí ə́daī na yá̰á̰ ń teē dɔjí tə́ ní Kɔ́ɔ̄ɓē na a̰ā̰ aĺ ní? Ə́daī na Kɔ́ɔ̄ɓē na rɔ̄ɔ̄ dɔ yá̰á̰ kə́ sɔɔ̄sí tə́ aĺ ní?

IJAI 57:21

Nə́ɓā yāḿ əda na: De kə́ majaĺ gə̄ ní, kem sɔl̄ lɔm kə́ tām̄ yādə́ tə́ gətóo.

IJAI 59:18

Yá̰á̰ ń de gə̄ asən̄ kənge ní, ni a téləń yā kadə̄də́. Wōn̄g yān i tām̄ yā ngé rɔ̄ɔ̄ seneé gə̄ tə́, ndéy i tām̄ yā madə̄ ba̰ā̰n gə̄ tə́, ɓē kə́ sa̰y gə̄ gə̄gē i tām̄ yādə́ tə́.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

1 MBAN̄G GƏ̄ 19:10

Anī ni tūr̄ əda Kɔ́ɔ̄ɓē na: Kemḿ təngām̄ ngá̰ý tām̄ yā Kɔ́ɔ̄ɓē Nə́ɓā kə́ bo kə́ tɔ́gən i ngá̰ý tə́. Ngán Israel gə̄ əya̰n̄ madə̄ naā yāí ń ə́hɔ sedə́ ní kɔ̄ɔ́ ō, tɔ̄ɔ̄n̄ loo tun̄ yá̰a̰ yāí gə̄ kɔ̄ɔ́ ō, tɔ̄lə̄n̄ ngé koō ta yāí gə̄ kə kaskaraá ō. I mə̄kɔ́ kógə̄ḿ beē ngóy n m̄-nay ní, ba a sāān̄ tɔ̄lə̄m̄ kɔ̄ɔ́ ɓáý to̰.