IJAI 49:3 - Bibəl ta Sar̄

³ Ni ədam̄ na: Israel, ḭ̄ i nge kəla yāḿ. M-ā m-ɔ́jə kɔsə gɔn yāḿ i kə ta kūlīí.

Bible sar

³ Ni ədam̄ na: *Israel, ḭ̄ i nge kəla yāḿ. M-ā m-ɔ́jə kɔsə gɔn yāḿ i kə ta kūlīí.

IJAI 49:3 Referans Kwoze

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

IJAI 44:23

A̰á̰ā̰, Kɔ́ɔ̄ɓē rāā yá̰a̰. Adə̄ ḭ̄ dɔ rā̰, ə̄nī pā rɔ̄nel̄, ḭ̄ loo kə́ dɔ nang tə́ kə́ ɗúú ngá̰ý, ī-rāā ādə̄ ndūí ɓār̄. Sḭḭ̄ mbal̄ bo gə̄ ō, kāgə̄ gə̄ kə́ kem ku loo tə́ gə̄ ō, ə́gaī kɔŕ rɔ̄nel̄. Tām̄ Kɔ́ɔ̄ɓē gān̄g dɔ gír deē yān gə̄, ni ɔjə kɔsə gɔn yān kə̄ ndágá dɔ nang kə́ Israel tə́!

JA̰A̰ 17:4

M-ɔ́sə gɔnií dɔ nang tə́ laā, m̄-tɔ̄l̄ ta kəla ń ādə̄m̄ kadə̄ m̄-rāā ní.

JAKARI 3:8

Yesua, ḭ̄ ń i ngol ngé tun̄ yá̰a̰ gə̄ ní, ōō. Ba sḭḭ̄ ngé tun̄ yá̰a̰ gə̄ ń i seneé ní, ōōī ō. Tɔdɔ̄ sḭḭ̄ ngé tun̄ yá̰a̰ gə̄ ń ī-raī laā ní, ɔjə i kadə̄ yá̰á̰ ń sɔɔ̄ kadə̄ reē ní, a reē. Nge kəla yāḿ ń a ɓāŕnən̄ na i Nge ń sɔɔ̄ kadə̄ əɓa ní, m-ā m̄-rāān kadə̄ a reē.

IJAI 52:13

Kɔ́ɔ̄ɓē əda na: Nge kəla yāḿ a rāā kəla yān kadə̄ udə gírí majə. Ni a al̄ dɔɔ́, a əndānən̄ dɔɔ́ ō, a rɔȳnən̄ ngá̰ý ō.

JA̰A̰ 17:1

Dan ń Jeju ɔr̄ najə̄ beé oy anī, ənī kumən kə̄ dɔɔ́ dɔ rā̰ tə́, ba əda na: Bɔbə́ḿ, mbang asə, ɔ́sə gɔn Ngōnīí ādə̄ Ngōnīí ɔsə gɔnií ō.

IJAI 53:10

Banī nge kəla yā Kɔ́ɔ̄ɓē ń rējə̄nən̄ kɔ̄ɔ́ ní, Kɔ́ɔ̄ɓē əda na najə̄ i yān. Adə̄ Kɔ́ɔ̄ɓē tél əndā nge ń adə̄ rɔ̄n kum gotə madə̄n gə̄ ní gotən kə́ kété tə́. Nge kəla yān a ənge ngán gə̄ ō, a ndi kə kumneé ɓáý dan i ngá̰ý ō. Yá̰á̰ ń Kɔ́ɔ̄ɓē núm̄ ní, Kɔ́ɔ̄ɓē rāā kadə̄ udə gírí i kə ta kūl̄neé.

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

JA̰A̰ 15:8

Yá̰á̰ ń ɔsə gɔn Bɔbə́ḿ ní, i ka̰a̰n̄ kə́ sḭḭ̄ ā̰ā̰nī ngá̰ý ō, sḭḭ̄ i ngé ndóō yá̰a̰ yāḿ gə̄ ō.

JA̰A̰ 12:28

Bɔbə́ḿ, ɔ́sə gɔn rīí! Anī ndū Nə́ɓā ɓār̄ dɔ rā̰ tə́, əda na: M-ɔ́sə gɔn rīḿ kɔ̄ɔ́ ɓá, ba m-ā m-ɔ́sə gɔnən ɓáý to̰.

MATIYE 17:5

Dan ń a ɔr̄ najə̄ kə̄ tan tə́ ɓáý anī, kil̄ man̄ kógə̄ḿ kə́ ndə́lē reē utə̄ dɔdə́ kɔ̄ɔ́. Anī ndū deē kógə̄ḿ ɔr̄ najə̄ dan kil̄ man̄ ní tə́, əda na: Nge ń toō i Ngōn̄ kó tár yāḿ ń rɔ̄nel̄ yāḿ malang i dɔn tə́ ní. Ōōī najə̄ yān.

IJAI 43:21

Gír de gə̄ ń toō ń m̄-rāādə́ tām̄ yāḿ tə́ ní, a ənīn̄ pā yā tɔ̄ȳməń.

2 TESALONIK 1:10

Dan ń a reē anī, deē yān gə̄ a rɔȳnən̄ ō, de gə̄ malang ń taān̄ kemən ní a a̰a̰n̄ majən ō. Ndɔ̄ ń noō tə́ ní sḭḭ̄ i dandə́ tə́ ō, tɔdɔ̄ sḭḭ̄ ī-taāī kem najə̄ ń j-ɔjəsí ní.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

IJAI 41:8

Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.