IJAI 49:25 - Bibəl ta Sar̄

²⁵ Najə̄ ń Kɔ́ɔ̄ɓē əda ní n toó: A̰á̰ā̰, m-ā m̄-taā dəngáy yā nge rɔ̄ɔ̄ jīn tə́, m-ā m̄-taā yá̰a̰ kənge gə̄ kə́ kəhɔ ta rɔ̄ɔ̄ tə́ yā nge rāā de gə̄ yá̰á̰ kə́ tōr̄ dɔ gúú tə́. Jerusalem, mə̄kɔ́ m-ā m̄-rɔ̄ɔ̄ ngé kənīí rɔ̄ɔ̄ gə̄ ō, mə̄kɔ́ m-ā m-ájə́ ngání gə̄ ō.

Bible sar

²⁵ Najə̄ ń Kɔ́ɔ̄ɓē əda ní n toó: A̰á̰ā̰, m-ā m̄-taā dəngáy yā nge rɔ̄ɔ̄ jīn tə́, m-ā m̄-taā yá̰a̰ kənge gə̄ kə́ kəhɔ ta rɔ̄ɔ̄ tə́ yā nge rāā de gə̄ yá̰á̰ kə́ tōr̄ dɔ gúú tə́. Jerusalem, mə̄kɔ́ m-ā m̄-rɔ̄ɔ̄ ngé kənīí rɔ̄ɔ̄ gə̄ ō, mə̄kɔ́ m-ā m-ájə́ ngání gə̄ ō.

IJAI 49:25 Referans Kwoze

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

IJAI 54:13

Ngání gə̄ malang ní, m-ā m̄-ndóōdə́ yá̰a̰ ō, nin̄ a ndin̄ dan majə tə́ ō.

JAKARI 14:12

Yá̰á̰ kə́ tōr̄ gə̄ ń Kɔ́ɔ̄ɓē a reēń dɔ gír de gə̄ ń rɔ̄ɔ̄n̄ ɓē kə́ Jerusalem ní n toó: Dā̰də́ a ndum dan ń nin̄ a ndin̄ kə kumdə́ ɓáý ní ō, kumdə́ a ndum kem kārə̄n tə́ ō, ndo̰də́ a ndum kem tadə́ tə́ ō.

IJAI 14:2

Gotə gír de kə́ rang gə̄ a reēn̄ sāā Israel tə́ yā tél kaw̄ seneé gogə́ dɔ nang yān tə́. Loo ń noō tə́ gír deē yā Israel gə̄ a əhɔn̄ de gə̄ ngeé ń toō ɓəlo tə́, dəngam gē dəyá̰ gē, dɔ nang yā Kɔ́ɔ̄ɓē tə́. Ngé gə̄ ń əhɔnən̄ dəngáý kété ní, ni a əhɔdə́ dəngáy i tītə̄ ń noō, ngé gə̄ ń kété rējə̄nən̄ ní, ni a téĺ kɔ́ɔ̄də́ i tītə̄ ń noō.

IJAI 10:27

Ndɔ̄ ngeé ń noō tə́ ní, yá̰a̰ kətō ń ndi mbajə dɔ bɔ̄gīí tə́ ní, yá̰a̰ kətō ń ɔȳ míndí tītə̄ njúkə beé ní, ni a un kɔ̄ɔ́. Madə̄ ba̰ā̰ gə̄ aw̄n̄ Samari,

TA KƏLA 12:3

M-ā m̄-rāā majə kə de gə̄ ń a tɔ́rə̄n̄ tadə́ dɔí tə́ ní ō, m-ā m̄-ndɔ̄ĺ deē ń a tájī ní ō. M-ā m̄-rāā majə kə gír kojə yā de gə̄ malang kə́ dɔ nang tə́ sɔɔ̄iń ḭ̄.

1 JA̰A̰ 3:8

De kə́ nge rāā majaĺ i deē yā diabəl, tɔdɔ̄ diabəl rāā majaĺ i ta kəla gíŕ tə́ beē.

JAKARI 9:11

Kɔ́ɔ̄ɓē əda na: Sɔɔ̄ń madə̄ naā ń m-ə́hɔ sesí ní ō, mósə́ kə́ ɓōkə́ nang tə́ kə́ ɔjə kadə̄ m-ə́hɔ madə̄ naā sesí rɔ̄kum ō ní, de gə̄ ń əhɔn̄də́ dəngáyá á ton̄ gə́le bəlo taā man̄ ndi kə́ man̄ gətóo kemeé tə́ ní, m-ā m-ɔ̄r̄də́ dəngáyá.

JEREMI 29:10

Kɔ́ɔ̄ɓē ɔr̄ najə̄ i tītə̄ ń toō beé: Ré ɓāl̄ ɓē ko̰o̰ kə́ Babilon tə́ mān̄ asə kutə sīrí anī, m-ā m̄-gír̄ dɔsí tə́. M-ā m̄-rāā kadə̄ ndūḿ ń m-ə̄nī yā tél reē sesí gogə́ loo ń toō tə́ ní, a udə gírí majə.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

GALATƏ 4:26

Banī Jerusalem kə́ dɔɔ́ i kɔ́ɔ̄ rɔ̄n, adə̄ i ni n i kó̰ó̰jí ní.

JAKARI 14:3

Loo ń noō tə́ Kɔ́ɔ̄ɓē a rɔ̄ɔ̄ gír de kə́ rang gə̄. Ni a rɔ̄ɔ̄ tītə̄ ń a rɔ̄ɔń dan yā rɔ̄ɔ̄ gə̄ tə́ ngándáńg ní.

MARK 3:27

Deē kógə̄ḿ kə́ yā kaw̄ kem kújə yā dəngam kə́ ngan̄g tə́ kadə̄ ndúr̄ yá̰a̰ yān yā kaw̄ń kɔ̄ɔ́ gətóo, ba ré tṵ́ṵ̄ dəngam kə́ ngan̄g ngeé ń toō kə kəlāá pá tá, gō tə́ anī a ndúr̄ yá̰á̰ kə́ kem kújə yān tə́ yā kaw̄ń ɓáý.

PĀ GƏ̄ 35:1

Pā yā Dabid. Kɔ́ɔ̄ɓē, m̄-rāāī ɓɔ́, ə̄ndā najə̄ dɔ ngé sekə́m̄ gə̄ tə́ ō, ī-rɔ̄ɔ̄ ngé rɔ̄ɔ̄ḿ gə̄ ō!

IJAI 5:29

Ndū áskar gə̄ ɓār̄ tītə̄ ndū ɓɔl kə́ a nōō beé. Nin̄ do̰o̰n̄ rɔ̄ɔ̄ tītə̄ ngán ɓɔl gə̄ beé. Nin̄ əgan̄ kɔŕ tītə̄ dā̰ kə́ bembeé gə̄ kə́ əhɔn̄ dā̰ oy anī, un aw̄nəń beé. De kə́ asə taā dā̰ ní ta hēl̄ jīdə́ tə́ gətóo.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

IJAI 19:20

Nge ń noō i yá̰á̰ kə́ ɔjə kadə̄ Kɔ́ɔ̄ɓē kə́ bo kə́ tɔ́gən i ngá̰ý i kem ɓē kə́ Ejiptə tə́. Dan ń de kə́ Ejiptə gə̄ a əgan̄ kɔŕ kə̄ dɔ Kɔ́ɔ̄ɓē tə́, najə̄ yā ngé rējə̄də́ kə yá̰a̰ rāā kə́ gōtə́ aĺ tə́ anī, ni a əla kə deē kógə̄ḿ kə́ nge kajədə́ yā kadə̄də́ adə̄ a rɔ̄ɔ̄ dɔdə́ tə́ ō, a gān̄g dɔdə́ ō.

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

IJAI 40:2

Ī-téliī kə kəhɔ rɔ̄ tɔgɔɔ́ ādī Jerusalem gogə́. Úniī ndūsí kə̄ dɔɔ́ ə́dain̄neé na: Gír kəla kə́ kəndā gúu dɔí tə́ kadə̄ ī-rāań gān̄g kɔ̄ɔ́. Kɔ́ɔ̄ɓē rāā adə̄ ə̄gā kə̄rā majaĺ yāí gə̄ malang kɔ̄ɔ́.

IJAI 51:22

Najə̄ ń Kɔ́ɔ̄ɓē, ngolií, Nə́ɓā yāí, nge rɔ̄ɔ̄ dɔ gír deē yān gə̄ tə́, əda ní n toó: Kopə wōn̄g yāḿ ń i kópə kə́ a ḭḭ̄ no deē ní, m-ā m̄-tél yā taā jīí tə́ kɔ̄ɔ́. Ā ā̰ȳ yá̰á̰ kə́ kemeé to̰ aĺ i kə́ bátə́ gə̄ tə́.

JEREMI 15:21

M-ɔ̄rī kɔ̄ɔ́ jī ngé kem ndul gə̄ tə́ ō, m̄-taāī jī ngé rāā yá̰a̰ kə dɔ́nɔ́ gə̄ tə́ ō.

NAHUM 2:13

Ni əhɔ dā̰ ō, rə́yā̰ dā̰ ní naā tə́ ō tām̄ yā kó̰o̰ ɓɔl tə́ ō, ngánən gə̄ tə́ ō. Dā̰ gə̄ ń ni ndo̰o̰də́ ō, rə́yā̰də́ naā tə́ ō ní, kán̄ dā̰də́ kem bəlo yān gə̄ tə́ adə̄ rosə.

LEBI GƏ̄ 25:54

Ré gāngə̄n̄ dɔn aĺ ō, nəkɔ́ asə gān̄g dɔ rɔ̄n aĺ ō, ba ɓāl̄ Jubile ugə̄ anī, deē ń mangən ní, a ə́ya̰n dɔɔ́ kadə̄ a teē kə ngánən gēé.

IJAI 51:14

Dəngáý ń əndā kemən dɔ yá̰á̰ kógə̄ḿ tə́ to̰ aĺ ní, a əya̰nən̄ dɔɔ́ ngɔr. Ni a oy kem kújə dəngáy yān tə́ aĺ ō, a nal̄ yá̰a̰ kəsa to̰ aĺ ō.

JEREMI 31:11

Kɔ́ɔ̄ɓē gān̄g dɔ Jakob ō, ɔrə̄n jī de kə́ ngan̄g tɔȳn tə́ ō.