IJAI 49:23 - Bibəl ta Sar̄

²³ Mban̄g gə̄ a ətōn̄ ngání gə̄, ngáń kə́ dəyá̰ yā mban̄g gə̄ a adə̄n̄də́ yá̰a̰ kəsa. Nin̄ a ɔsən̄ kejədə́ nang tə́ noí tə́, a ɔsən̄ nodə́ nang tə́. Nin̄ a tō̰nə́n̄ bumbə́rú kə́ njaí tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē ō, ngé gə̄ ń əndān̄ kemdə́ dɔḿ tə́ ní, rɔ̄də́ a sɔl̄də́ aĺ ō.

Bible sar

²³ Mban̄g gə̄ a ətōn̄ ngání gə̄, ngáń kə́ dəyá̰ yā mban̄g gə̄ a adə̄n̄də́ yá̰a̰ kəsa. Nin̄ a ɔsən̄ kejədə́ nang tə́ noí tə́, a ɔsən̄ nodə́ nang tə́. Nin̄ a tō̰nə́n̄ bumbə́rú kə́ njaí tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē ō, ngé gə̄ ń əndān̄ kemdə́ dɔḿ tə́ ní, rɔ̄də́ a sɔl̄də́ aĺ ō.

IJAI 49:23 Referans Kwoze

IJAI 60:16

Ā ūl̄ rɔ̄í kə mba yā nápar de kə́ rang gə̄, ā ə́sá yá̰a̰ kənge gə̄ yā mban̄g yādə́ gə̄. Loo ń noō tə́ ā á̰á̰ yá̰á̰ ń toō yā ger̄: Nge kajií i mā Kɔ́ɔ̄ɓē. Nge gān̄g dɔí i Nə́ɓā kə́ tɔ́gən i ngá̰ý yā Jakob.

IJAI 60:14

Ngé gə̄ ń rāāīn̄ adə̄ á̰á̰ tápə̄ ngá̰ý ní, a əlan̄ dɔdə́ nang tə́ yā reēń kə̄ rɔ̄í tə́, de gə̄ malang ń kídīn̄ ní, a ɔsən̄ kejədə́ nang tə́ njaí tə́. Nin̄ a ɓāríīn̄ na i ɓē yā Kɔ́ɔ̄ɓē ō, na i Siyo̰ yā Nə́ɓā kə́ táĺ yā Israel ō.

IJAI 60:3

Nápar de gə̄ njə̄rān̄ kum kə̄ rɔ̄ loo yāí kə́ unjə̄ kow tə́ ō, mban̄g gə̄ aw̄n̄ kum kə̄ rɔ̄ loo kə́ unjə̄ kow ń ḭḭ nang tə́ kum kə̄ dɔɔ́ dɔí tə́ ní ō.

MISE 7:17

Nin̄ a tō̰nə́n̄ bumbə́ru tītə̄ lī beé, tītə̄ dā̰ kə́ kagə nang tə́ gə̄ beé. Nin̄ a teēn̄ loo ɓɔ̄ɔ̄ rɔ̄ yādə́ kə́ ngan̄g ngá̰ý gə̄ tə́ kə rɔ̄ ndeweé, yā reē rɔ̄í ḭ̄ Kɔ́ɔ̄ɓē Nə́ɓā yājí tə́. Nin̄ a ɓōlə́n̄ tɔ́gí ngá̰ý.

IJAI 45:14

Yá̰á̰ ń Kɔ́ɔ̄ɓē əda ní n toó: Israel, kan̄ kəla yā de gə̄ kə́ Ejiptə ō, nar yā de gə̄ kə́ Etiopi kə́ ngé rāā gātə̄ gə̄ ō, de kə́ Seba gə̄ ń nin̄ i de kə́ ngāl̄ ngá̰ý gə̄ ní ō, yá̰a̰ gə̄ ń noō malang ní, a aw̄n̄ looí ō, nin̄ i yá̰a̰ yāí gə̄ ō. Gír de gə̄ ń noō a unən̄ gōí, tṵ́ṵ̄n̄də́ i kə súĺ gēé. Nin̄ a ɔsən̄ kejədə́ nang tə́ noí tə́ ō, nin̄ a ədan̄ kə tɔ́gɔ́ noí tə́ na: Nə́ɓā i looí ngóy, nə́ɓā kə́ rang gətóo.

Makətūbə̄ ń Pol ndang adə̄ Rom gə̄ ní 10:11

Tɔdɔ̄ makətūbə̄ əda na: Deē malang ń a taā kem Jeju ní rɔ̄n a sɔlə̄n alé.

PĀ GƏ̄ 25:3

De gə̄ ń əndān̄ kemdə́ dɔí tə́ ní, deē kógə̄ḿ kə́ tél ndə̄ngā rɔ̄n gətóo. Banī ngé gə̄ ń télən̄ kɔ̄ɔ́ gōí tə́ ní rɔ̄də́ sɔl̄də́, tām̄ jīdə́ i karī!

JEJU TEĒ KUM JA̰A̰ 3:9

Á̰a̰ā̰, de gə̄ kə́ kem kújə ndi Sətan tə́ ní, m-ādī sedə́. Nin̄ i ngé gə̄ ń ədan̄ na nin̄ na i Jipə gə̄, banī nin̄ i Jipə gə̄ aĺ ní. Tɔdɔ̄ nin̄ i ngé sor̄ gə̄. Á̰a̰ā̰, m-ā m̄-rāā kadə̄ a reēn̄ yā kɔsə nodə́ nang tə́ njaí tə́ ō, a gerə̄n̄ kadə̄ mā m̄-táriī ō.

IJAI 64:4

Ngé gə̄ ń rāān̄ yá̰á̰ kə́ gōtə́ kə rɔ̄nelēé ní, ngé gə̄ ń əga kemdə́ dɔí tə́ kadə̄ unən̄ róbə yāí ní, ḭ̄ ī-tə́nī tadə́. Ḭ̄ ī-rāā wōn̄g najə̄ yá̰a̰ rāājí kə́ gōtə́ aĺ gə̄ tə́. Ba ré j-un róbə́ kə́ kété jóo gə̄ anī j-a j-ajə.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

PĀ GƏ̄ 34:22

Kəla rāā nge kem ndul a tɔ̄lən nəkɔ́ ō, madə̄ ba̰ā̰ de kə́ súmūú gə̄ a əngen̄ ndéy ō.

1 PIYER 2:6

Tɔdɔ̄ yá̰á̰ ń makətūbə̄ yā Nə́ɓā əda ní n toó: m̄-gə̄rā mbal̄ kógə̄ḿ kə́ gātə̄n i ngá̰ý, m-ə̄ndā kem ɓē kə́ Siyo̰ tə́ ngɔlaā tītə̄ mbal̄ nja kújə́ kə́ kíĺ tə́ beē. Ba deē ń a taā kem mbal̄ ngeé ń toō ń i Kərist ní, yá̰á̰ kə́ a tə́lan naā tə́ yā kadə̄ rɔ̄n sɔlə̄n a gətóo.

Makətūbə̄ ń Pol ndang adə̄ Rom gə̄ ní 9:33

tītə̄ ń ndangən̄ kem makətūbūú ní, ndangən̄ na: Á̰a̰ī, m-ə̄ndā mbal̄ kə́ a tə́gā de gə̄ kem ɓē kə́ Siyo̰ tə́, mbal̄ bo kə́ a tə́gā de gə̄ tə́nīdə́. Ba deē ń taā kemən ní rɔ̄n a sɔlə̄n alé.

IJAI 62:2

Loo ń noō tə́ nápar de gə̄ malang a a̰a̰n̄ kadə̄ Kɔ́ɔ̄ɓē ajiī ō, mban̄g gə̄ malang a a̰a̰n̄ kɔsə kə́ ɔsən̄ gɔnií ō. Loo ń noō tə́ ā ə́nge rī kə́ kijə ń Kɔ́ɔ̄ɓē a gə̄rā ní.

TƏ́DA 11:12

I mā n m̄-ndān̄ de gə̄ ń toō kemḿ tə́ a? I mā n m-ójə́də́ a? Ba i tām̄ rí tə́ á ī-mērə̄m̄ kətōdə́ dan wurəḿ tə́ tītə̄ ń kó kətō ngōn̄ a ətōń ngōn̄ ní, kadə̄ m-āw̄ sedə́ kem ɓē ń ə̄nī míndí dɔ tə́ yā kadə̄ kaadə́ gə̄ tə́ ní?

Makətūbə̄ ń Pol ndang adə̄ Rom gə̄ ní 5:5

Ba deē ń əndā kemən dɔ Nə́ɓā tə́ ní, a ənge rɔ̄sɔl̄ loon tə́ alé, tɔdɔ̄ Nə́ɓā əla tár yān kemjí tə́ i kə ta kūl̄ Ndíĺ kə́ Táĺ ń adə̄jí ní.

IJAI 52:15

Ba ngɔlaā ní, a ɔr kum nápar de gə̄ ngá̰ý najə̄ yān tə́, mban̄g gə̄ a ndin̄ non tə́ kanjə̄ kəda yá̰á̰ kógə̄ḿ. Tām̄ yá̰á̰ ń nin̄ a̰a̰n̄ ní, to tītə̄ yá̰á̰ ń ənīn̄də́ gotə ní aĺ ō, yá̰á̰ ń nin̄ əndān̄ ma̰ȳ ní, teēn̄ naā kə yá̰á̰ ń ədan̄də́ adə̄ oōn̄ ní aĺ ō.

PĀ GƏ̄ 138:4

Kɔ́ɔ̄ɓē, ādə̄ mban̄g kə́ dɔ nang tə́ gə̄ malang ɓōkə́nī tɔ̄ȳ, tɔdɔ̄ nin̄ oōn̄ najə̄ ń teē taí tə́ ní.

PĀ GƏ̄ 68:31

Əla ɓōĺ kem Ejiptə ń i dā̰ kə́ kem tə̄ɓā gə̄ tə́ ní, ni ń rāā rɔ̄n i ɓūtə̄ man̄g kə́ bəra gə̄ tə́ ō, ngol kə́ dɔ gír de gə̄ tə́ ō ní, ni ń ndējī sə́lē gində̄ arjā̰a̰ sɔlə̄ń dɔn kə̄ noí tə́ ní. Gír de gə̄ ń nel̄də́ rɔ̄ɔ̄ ngá̰ý ní, ī-tə̄ndā ī-tḭ̄ḭ̄də́ naā tə́ kɔ̄ɔ́.

JOEL 2:27

Ā ī-gerī kadə̄ mā i dán Israel gə̄ tə́ ō, kadə̄ mā i Kɔ́ɔ̄ɓē Nə́ɓā yāsí ō, Nə́ɓā kə́ rang gətóo ō.

PĀ GƏ̄ 69:6

Nə́ɓā, yá̰á̰ ń m̄-rāā loo de kə́ mbóó tə́ ní ī-ger̄ ō. Yá̰á̰ kə́ gōtə́ aĺ gə̄ ń m̄-rāā ní, nge kə́ to loo mundə̄ tə́ kə́ ḭ̄ á̰a̰ā̰ aĺ ní gətóo ō.

TA KƏLA 43:26

Dan ń Jəjep reē udə ndogó anī ḭḭ ndējə̄nən̄ yá̰a̰ yādə́ gə̄ ń reēnəń ní, ba ɔsən̄ nodə́ nang tə́ non tə́.

TA KƏLA 27:29

Ādə̄ gír de gə̄ rāān̄ kəla yāí! Ādə̄ gír nápar de gə̄ ɔsən̄ nodə́ nang tə́ noí tə́! Ī-tél ngol ngákó̰ó̰í gə̄, ādə̄ ngákó̰ó̰í gə̄ ɔsən̄ nodə́ nang tə́ noí tə́! Ādə̄ ndɔ̄ĺ i dɔ deē ń a ndɔ̄líī tə́ ní, ba ādə̄ tɔ́r̄ ta i dɔ deē ń a tɔ́r̄ tan dɔí tə́ ní!

Teē Ngán Israel gə̄ 6:7

M-ā m̄-rāāsí gír deē yāḿ gə̄ tə́ ō, mā i Nə́ɓā yāsí ō. Ā ī-gerī kadə̄ i mā n i Kɔ́ɔ̄ɓē Nə́ɓā yāsí, nge kɔr̄sí ta kəla ngámbá tə́ dɔ nang kə́ Ejiptə tə́ kɔ̄ɔ́ ní.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

IJAI 14:2

Gotə gír de kə́ rang gə̄ a reēn̄ sāā Israel tə́ yā tél kaw̄ seneé gogə́ dɔ nang yān tə́. Loo ń noō tə́ gír deē yā Israel gə̄ a əhɔn̄ de gə̄ ngeé ń toō ɓəlo tə́, dəngam gē dəyá̰ gē, dɔ nang yā Kɔ́ɔ̄ɓē tə́. Ngé gə̄ ń əhɔnən̄ dəngáý kété ní, ni a əhɔdə́ dəngáy i tītə̄ ń noō, ngé gə̄ ń kété rējə̄nən̄ ní, ni a téĺ kɔ́ɔ̄də́ i tītə̄ ń noō.

IJAI 26:8

A̰á̰ā̰, Kɔ́ɔ̄ɓē, j-əndā tɔ́gə́jí i dɔí ḭ̄ tə́, dɔ róbə́ ń ī-mēr̄jí kun tə́ ní. Yá̰á̰ ń jə-gḛy ní i kógə̄ḿ beē, i ɓāríī kadə̄ ī-rāā sejí, i gír̄ dɔí tə́.

IJAI 29:22

I tām̄ najə̄ ń toō tə́ ń, Kɔ́ɔ̄ɓē ń ajə Abəraham ní ɔr̄ najə̄ kə kojə yā Jakob gēé i beé ní: Ngɔlaā ní gír deē yā Jakob gə̄ a nalə̄n̄ yá̰á̰ ń nin̄ əndan̄ kemdə́ dɔ tə́ ní to̰ alé, rɔ̄də́ a sɔl̄də́ ngá̰ý to̰ alé.

IJAI 41:20

Loo ń noō tə́ de gə̄ malang a a̰a̰n̄ yá̰á̰ ń toō: I Kɔ́ɔ̄ɓē n rāā yá̰a̰ gə̄ ń noō adə̄ udə gírí ní, i Nə́ɓā kə́ táĺ yā Israel rāādə́ ní. De gə̄ malang a gerə̄n̄. Nin̄ malang a əndān̄ kumdə́ gírí ō, a gerə̄n̄ kum ō.

IJAI 43:10

Najə̄ ń Kɔ́ɔ̄ɓē əda ní n toó: De kə́ kum tə́ yāḿ gə̄ i sḭḭ̄ gír deē yāḿ gə̄. Sḭḭ̄ i nge kəla ń mā m̄-gə̄rā ní. m̄-ndigə kadə̄ ə̄nī kemsí mámák ādə̄mī, kadə̄ á̰a̰ ī-gerī ō, kadə̄ ī-gerī kum ō, kadə̄ mā ní, mā i Nə́ɓā. Kété noḿ mā tə́ ní, nə́ɓā kógə̄ḿ gətóo ō, gotəḿ mā tə́ ní, nə́ɓā kógə̄ḿ a ndi aĺ ō.

IJAI 45:17

Banī Kɔ́ɔ̄ɓē ajə gír de gə̄ yā Israel, ni ajədə́ i kə́ njɔ́ḿ gə̄ tə́. A nujən̄də́ to̰ aĺ ō, a əlan̄ rɔ̄sɔl̄ dɔdə́ tə́ to̰ aĺ ō.

IJAI 52:6

Adə̄ ndɔ̄ kógə̄ḿ tə́ anī, gír deē yāḿ gə̄ a gerə̄n̄ ké mā i náā wa. A̰á̰ā̰, nin̄ a gerə̄n̄ kadə̄ i mā n i nge kəda na m-ā m̄-reē noó ní.

EJEKIEL 37:6

M-ā m̄-rāā ngərasí gə̄ kadə̄ ton̄ rɔ̄sí tə́ ō, m-ā m̄-rāā dā̰sí gə̄ kadə̄ ton̄ gidəsí gə̄ tə́ ō, m-ā m-ūtə̄ gidəsí kə ndāŕ ō. M-ā m-ə́la koō kə́ rāā deē kadə̄ ndi kə kumneé kemsí tə́ adə̄ ā ī-ndiī kə kumsí. Loo ń noō tə́ ā ī-gerī kadə̄ Kɔ́ɔ̄ɓē i mā.

IJAI 50:7

Kɔ́ɔ̄ɓē Nə́ɓā reē dḭḭ̄m̄, i tām̄ najə̄ ń toō tə́ n ndū yādə́ ɔdə rɔ̄ḿ aĺ ní. m̄-rāā ta kumḿ adə̄ ngan̄g tītə̄ mbal̄ beé. m̄-ger̄ kadə̄ rɔ̄ɔ̄ a tetəm̄ alé.

MATIYE 25:16

Nge kəla ń taā sə́lē dūbú kutə mí ní, aw̄ rāań gātə̄ kə̄ ta jī tə́ noō, anī ənge manə̄n dɔ tə́ dūbú kutə mí.