IJAI 49:18 - Bibəl ta Sar̄

¹⁸ Ɔ̄r̄ dɔí dɔɔ́ ba a̰a̰ loo ń to kə gō gidií ní: Ngání gə̄ malang ɔsən̄ dɔdə́ naā tə́, nin̄ reēn̄ kə̄ rɔ̄í tə́. Najə̄ ń Kɔ́ɔ̄ɓē əda ní n toó: Tītə̄ ń m̄-ndiń kə kumḿ rɔ̄kum noó, nin̄ a ton̄ i tītə̄ məde kɔ̄l̄ beé tām̄ yāí tə́, a ton̄ i tītə̄ ndāŕ kəhɔ ɓōdə̄ kə́ nge nong kə́ dəyá̰ əhɔń ɓōdə̄n beé.

Bible sar

¹⁸ Ɔ̄r̄ dɔí dɔɔ́ ba a̰a̰ loo ń to kə gō gidií ní: Ngání gə̄ malang ɔsən̄ dɔdə́ naā tə́, nin̄ reēn̄ kə̄ rɔ̄í tə́. Najə̄ ń Kɔ́ɔ̄ɓē əda ní n toó: Tītə̄ ń m̄-ndiń kə kumḿ rɔ̄kum noó, nin̄ a ton̄ i tītə̄ məde kɔ̄l̄ beé tām̄ yāí tə́, a ton̄ i tītə̄ ndāŕ kəhɔ ɓōdə̄ kə́ nge *nong kə́ dəyá̰ əhɔń ɓōdə̄n beé.

IJAI 49:18 Referans Kwoze

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

IJAI 54:9

M-ā m̄-rāā yá̰a̰ tītə̄ kə́ ɓāl̄ yā Noe tə́. Kété ní m-ə̄nī ndūḿ m-ə́da na man̄ kaw̄ kə́ bo ngá̰ý na a taā loo dɔ nang tə́ to̰ alé. Ɓōólaā m-ə̄nī ndūḿ tītə̄ ń noō ō, m-ə́da na m-ā m̄-rāā wōn̄g seí to̰ alé, m-ā m-ə́la ɓōĺ kemií tə́ to̰ alé.

JEREMI 2:32

Dɔ ngōmandə a ndígə̄nal yá̰á̰ súū rɔ̄ yān? Dəyá̰ ń a aw̄ kə̄ ngaawaá ní, dɔn a ndígə̄nal dɔ kəlā do̰ō̰ ɓōdə̄n tə́ a? Banī ngé kə́ dan gír deē yāḿ gə̄ tə́ mbātə́mə̄n̄ dan i ngá̰ý kɔ̄ɔ́.

IJAI 66:20

Nin̄ gə̄ ń m-ə́ládə́ ní, a télən̄ yā reē kə ngákó̰ó̰sí gə̄ malang ń ndin̄ ɓē nápar de gə̄ ngeé gə̄ ń noō tə́ ní. A télən̄ yā reē sedə́ i dɔ sə́nda gə̄ tə́ ō, kem púsə gə̄ tə́ ō, kem púsə́ kə́ dɔ kutə̄ gə̄ tə́ ō, dɔ kərō rapáy gə̄ tə́ ō, jámbal gə̄ tə́ ō, bátə́ yā kugə̄ sedə́ dɔ mbal̄ yāḿ kə́ táĺ tə́, bátə́ yā kugə̄ sedə́ Jerusalem. Ngákó̰ó̰sí gə̄ ní a télən̄ i yá̰a̰ ndējə̄ yā ngé gə̄ ń m-ə́ládə́ ní kə́ nin̄ ndējə̄mə̄n̄. M-ā m̄-taā yá̰a̰ ndējə̄ ní i tītə̄ yā nge ń ngán Israel gə̄ reēnəń kem kújə yāḿ tə́, kem səmbē kə́ laa gə̄ kə́ unjə̄n̄ njáý njáý gə̄ tə́ ní.

IJAI 54:7

M-ə́ya̰ī kɔ̄ɔ́ i kum mbang kə́ sḛ́ý beē tə́. Banī m̄-ndigə tél taāī gogə́ i kə kemḿ kə́ gḛy táriī ngá̰ý.

IJAI 49:12

Nin̄ n toó! Ḭḭn̄ i sa̰y n tél reēn̄ gogə́ ní: Ngé kə́rēý gə̄ ḭḭn̄ i dām̄ mbɔ́r ɓē kə́ ko̰ó̰ tə́, ngé kə́ rang gə̄ ḭḭn̄ i no ɓē tə́, ngé kə́ rang gə̄ ɓáý to̰ ḭḭn̄ i dām̄ mbɔ́r ɓē kə́ geleé tə́, ḭḭn̄ i Ejiptə.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

JEJU TEĒ KUM JA̰A̰ 21:2

Anī m-á̰a̰ ɓē yā Nə́ɓā ń i Jerusalem kə́ kijə ní, ḭḭ dɔ rā̰ tə́ a risə kə̄ nang tə́. Ni-majə ngá̰ý tītə̄ dəyá̰ kə́ súū rɔ̄n tām̄ yā ngaan tə́ beē.

JEREMI 31:8

M-ā m-ḭ́ḭ sedə́ dɔ nang kə́ mbɔ́r ɓē kə́ ko̰ó̰ tə́ ō, ta ngóy dɔ nang tə́ ō, yā reē kɔsə dɔdə́ naā tə́. A télən̄ yā reē naā tə́ malang kə ngé kum tɔ̄ɔ̄ gə̄ ō, ngé tə́sō motə gə̄ ō, dəyá̰ kə́ ndān̄ ngán gə̄ ō, kó ndōō gə̄ ō adə̄ i kósə de kə́ ngá̰ý gə̄ n a ɔsən̄ dɔdə́ naā tə́ ní.

IJAI 52:1

Siyo̰, ī-ndól̄, ī-ndól̄! Ɔ́jə́ tɔ́gí! Jerusalem, ɓē kə́ táĺ, ī-tə́la kūbə̄ yāí kə́ majə ngá̰ý gə̄ rɔ̄í tə́! Tām̄ kəja mɔtədə́ aĺ gə̄, de kə́ yḛr gə̄, a reēn̄ looí to̰ aĺ i kə́ bátə́ gə̄ tə́.

IJAI 49:22

Yá̰á̰ Kɔ́ɔ̄ɓē Nə́ɓā əda ní n toó: M-ā m̄-kɔ̄r̄yɔ̄ gotə nápar de gə̄. M-ā m-údə dərapóo rɔ̄ɔ̄ dɔɔ́ tām̄ yādə́ tə́ kadə̄ nin̄ ger̄nəń. Nin̄ a télən̄ kə ngání kə́ dəngam gə̄ ō, kə ngání kə́ dəyá̰ gə̄ ō, yā reē sedə́ gogə́, a ətōn̄də́ i kə jīdə́.

IJAI 45:23

Tītə̄ ń mā i Nə́ɓā kə́ rɔ̄kum noó, m̄-túbə̄ njaḿ, m-ɔ́jəń kadə̄ i rɔ̄kum, yá̰á̰ ń teē taḿ tə́ ní, i yá̰á̰ kə́ rɔ̄kum. Najə̄ kógə̄ḿ kə́ m-ā m̄-tūr̄ kem kār̄ kə́ rang tə́ aĺ n toó: Deē ndul gə̄ malang a ɔsən̄ kejədə́ nang tə́ noḿ mā tə́ ō, nin̄ a túbə̄n̄ yā kɔjəń kadə̄ i rɔ̄kum ō, a ədan̄ na:

Gōsə̄ najə̄ gə̄ 17:6

Jākā mbang yā ɓə́ga gə̄ i ngán kaadə́ gə̄ ō, jākā mbang yā ngán gə̄ i bɔbə̄də́ gə̄ ō.

TA KƏLA 22:16

Najə̄ yā Kɔ́ɔ̄ɓē n toó: m̄-ə̄nā ndūḿ yā rāā majə seí tām̄ yá̰á̰ ń ī-rāā tə́ ní. Ɔ̄gə̄m̄ ngōnīí kə́ kal kógə̄ḿ beē alé, adə̄ m-ā m̄-rāā kadə̄ ngán kaaí gə̄ a bəlan̄ tītə̄ tə́yō̰ gə̄ kə́ dɔ rā̰ tə́ ō, tītə̄ nán̄g ngárə̄ḿnjēý kə́ ta bā bo tə́ ō. Ngán kaaí gə̄ a taān̄ ɓē yā madə̄ ba̰ā̰də́ gə̄ ō.

TA KƏLA 13:14

Dan ń Lot əya̰n̄ naā kə Abəram ní, Kɔ́ɔ̄ɓē əda Abəram na: Ún kumií kə̄ dɔɔ́ loo ń ī-ra tū tə́ noō, ba á̰a̰ loo kə̄ mbɔ́r ɓē kə́ ko̰ó̰ tə́ ō, mbɔ́r ɓē kə́ geleé tə́ ō, kum kə̄ gír ɓē tə́ ō, no ɓē tə́ ō.

JA̰A̰ 4:35

Sḭḭ̄ ə́daī na na̰y nāā sɔ́ tá kadə̄ əjan̄ kōō aĺ a? Banī mā m-ə́dásí na: Ɔ̄rī dɔsí dɔɔ́ á̰a̰ī kōō kə́ kem ndɔrɔ́, kumən ra ho to kəja kɔ̄ɔ́.

TƏ́DA 14:21

Ba ré m̄-ndi kə kumuú rɔ̄kum ō, kɔsə gɔn yāḿ taā loo dɔ nang tə́ malang rɔ̄kum ō anī,

JEREMI 43:12

M-ā m-ə́la hor dɔ kújə yā nə́ɓā gə̄ kə́ Ejiptə tə́ ń i ɓesə̄ gə̄ ní tə́. Nabukodonosor a əla hor dɔ ɓesə̄ gə̄ ní tə́ ō, a ɔydə́ yā kaw̄ń ō, a ró̰ȳdə́ kɔ̄ɔ́ Ejiptə tə́ tītə̄ ń nge kul̄ yá̰a̰ a əhɔń ngə́sā tū kūbə̄ yān tə́ ní beé ō, a tél yā kaw̄ gogə́ kanjə̄ kadə̄ yá̰á̰ kógə̄ḿ rāān ō.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?