IJAI 49:15 - Bibəl ta Sar̄

¹⁵ Banī Kɔ́ɔ̄ɓē tūr̄ əda na: Dɔ dəyá̰ ndígə̄nal ngōn̄ kásə̄ ni a adə̄n mba ní a? Asən tár ngōn̄ ń ni ətōn kemən tə́ ní a? Ká ré dɔn ndígəńnalən gə̄gē, dɔḿ mā a ndígə̄nalií ḭ̄ aĺ bátə́.

Bible sar

¹⁵ Banī Kɔ́ɔ̄ɓē tūr̄ əda na: Dɔ dəyá̰ ndígə̄nal ngōn̄ kásə̄ ni a adə̄n mba ní a? Asən tár ngōn̄ ń ni ətōn kemən tə́ ní a? Ká ré dɔn ndígəńnalən gə̄gē, dɔḿ mā a ndígə̄nalií ḭ̄ aĺ bátə́.

IJAI 49:15 Referans Kwoze

IJAI 44:21

Israel, gír de gə̄ yā Jakob, ādə̄ əga kemií dɔ yá̰á̰ ń toō tə́: Ḭ̄ i nge kəla yāḿ. Mā m̄-rāāī i yā kadə̄ ī-rāā ādə̄m̄. Israel, dɔḿ ndígə̄nalií alé.

PĀ GƏ̄ 103:13

Tītə̄ ń bɔbə̄ ngán gə̄ a rāań tɔdɔ̄ ngánən gə̄ ní, tītə̄ ń toō Kɔ́ɔ̄ɓē rāā tɔdɔ̄ ngé ɓōĺ ndílən gə̄ ō.

MATIYE 7:11

Sḭḭ̄ ń i ngé kem ndul gə̄ ní, ī-gerī kadə̄ ngáńsí gə̄ yá̰á̰ kə́ majə gə̄ anī, Bɔbə̄sí kə́ dɔ rā̰ tə́ a adə̄ ngé gə̄ ń dəjenən̄ ní yá̰á̰ kə́ majə tɔȳ loo ń noō aĺ a?

OJEE 11:1

Kɔ́ɔ̄ɓē əda na: Dan ń Israel i ngōn̄ ɓáý ní, m̄-tárən ō, m̄-ɓārə́n ni ngōnə̄ḿ kadə̄ teē kɔ̄ɔ́ kem ɓē kə́ Ejiptə tə́ ō.

JEREMI 31:20

Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

MALASI 3:17

Gō tə́ anī, Kɔ́ɔ̄ɓē kə́ bo kə́ tɔ́gən i ngá̰ý əda na: Ndɔ̄ ń m-ā m-ɔ́jəń tɔ́gə́ḿ ní, m-ā m̄-rāādə́ i deē yāḿ gə̄ tə́. M-ā m̄-rāā majə sedə́, tītə̄ ń bɔbə̄ ngōn̄ a rāań majə kə ngōnən kə́ dəngam kə́ nge rāā kəla kadə̄n ní.

NŌŌ RƆ̄ 4:10

Dəyá̰ gə̄ ń i de gə̄ kə́ kadə̄ kumdə́ o̰o̰də́ ngá̰ý ní ndīrə̄n̄ ngán kemdə́ gə̄ kə jīdə́. Ngáńdə́ gə̄ télən̄ i yá̰a̰ kəsa yādə́, tɔdɔ̄ ngōmandə ń rāā rɔ̄n i gír deē yāḿ gə̄ tə́ ní, əsō tétə̄ rárák kɔ̄ɔ́.

NŌŌ RƆ̄ 4:3

Tal̄ gə̄ gə̄gē a, adə̄n̄ ngáńdə́ gə̄ mba adə̄ ilən̄ ō, adə̄n̄də́ yá̰á̰ adə̄ əsan̄ ō. Banī ngōmandə ń toō ń rāā rɔ̄n i gír deē yāḿ gə̄ tə́ ní, kumən o̰o̰n alé, tītə̄ burum kə́ dəla loo tə́ beé.

Makətūbə̄ ń Pol ndang adə̄ Rom gə̄ ní 1:31

Kur̄ dɔdə́ gətóo, tá ənīn̄ míndə́də́ anī ran̄ dɔ tə́ aĺ ō. Ndér̄də́ loo rāā madə̄də́ gə̄ yá̰á̰ kə́ tōr̄ tə́ kɔ̄ɔ́ ō, kumdə́ o̰o̰də́ kə deé aĺ ō.

LEBI GƏ̄ 26:29

Ā ə́saī ngán kemsí gə̄.

Makətūbə̄ yā Job 24:20

Dɔ dəyá̰ ń ndānən kemən tə́ ní ndígə̄nalən kɔ̄ɔ́, banī ni i yá̰a̰ kəsa kə́ nel̄ tām̄ yā kəde gə̄ tə́, əga kem deē dɔn tə́ to̰ alé. Tetən̄ yá̰a̰ rāā kə́ gōtə́ aĺ i tītə̄ loo tetə kāgə̄ beé.

PĀ GƏ̄ 27:10

Bɔbə́ḿ ō kó̰ó̰ḿ ō əya̰mə̄n̄ kɔ̄ɔ́ ba Kɔ́ɔ̄ɓē əhɔm̄ kə̄ rɔ̄n tə́.

PĀ GƏ̄ 77:9

A rāā kem majə sejí to̰ aĺ i kə́ bátə́ gə̄ tə́ a? A ədají najə to̰ aĺ i kə́ njɔ́ḿ gə̄ tə́ a?

Gōsə̄ najə̄ gə̄ 31:2

Ngōnə̄ḿ, ngōn̄ kemḿ, ḭ̄ ń m̄-dəje Nə́ɓā kadə̄ adə̄m̄ seí ní, ōō najə̄ yāḿ!

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

IJAI 49:14

Kété ní Siyo̰ əda na: Kɔ́ɔ̄ɓē əya̰m̄ kɔ̄ɔ́, dɔ Kɔ́ɔ̄ɓē ndígə̄naləḿ kɔ̄ɔ́.

1 SAMUEL 12:22

Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

IJAI 54:10

Mbal̄ bo gə̄ asən̄ ndɔ́tə̄, ngán mbal̄ gə̄ asən̄ ndɔ́tə̄ kaw̄ ra loo kə́ rang tə́, banī táŕ ń m-āwń tām̄ yāí tə́ ní, a tūr̄ aĺ bátə́, madə̄ naā ń m-ə́hɔ seí yā rāań kadə̄ rɔ̄í nelī ní, a ndɔ́tə̄ loo aĺ bátə́. I mā Kɔ́ɔ̄ɓē n kemḿ gḛyiī á m-ə́daī najə̄ ń noō ní.

JEREMI 51:5

Tɔdɔ̄ kem ɓē yādə́ tə́ ní, nin̄ rāān̄ yá̰á̰ kə́ gōtə́ aĺ ngá̰ý kə kə́ táĺ yā Israel. Banī Nə́ɓā yā Israel ō, yā Juda ō ń i Kɔ́ɔ̄ɓē kə́ bo kə́ tɔ́gən i ngá̰ý ní, oy tadə́ tə́ alé.