IJAI 49:10 - Bibəl ta Sar̄

¹⁰ Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

Bible sar

¹⁰ Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

IJAI 49:10 Referans Kwoze

MATIYE 5:6

Rɔ̄nel̄ i kə ngé gə̄ ń ɓō yá̰á̰ kə́ gōtə́ rāādə́ ō, kəndā yá̰á̰ kə́ gōtə́ rāādə́ ō ní, tɔdɔ̄ Nə́ɓā a rāā kadə̄ a ndānə̄n̄.

EJEKIEL 34:23

I nge ngɔ̄m̄ yá̰a̰ kul̄ gə̄ kə́ kal kógə̄ḿ beē ngóy n m-ā m-ə̄ndān dɔ yá̰a̰ kul̄ yāḿ gə̄ tə́ kadə̄ a̰a̰ gōdə́ ní. Ndɔ̄ ń tə́ ni i mban̄g kə́ tītə̄ nge kəla yāḿ Dabid. Ni a a̰a̰ gō dā̰ gə̄ kə́ dan yá̰a̰ kul̄ gə̄ tə́ ō, ni i nge kul̄də́ ō.

IJAI 33:16

Deē ngeé ń toō a ndi loo kə́ kḭḭ kə̄ dɔɔ́ tə́ kanjə̄ sōl̄ yá̰á̰ kógə̄ḿ. Mbo̰ō̰ mbal̄ kə́ njar i loo ɓɔ̄ɔ̄ rɔ̄ yān. Ngáńdáńg ni a ənge yá̰á̰ kə́ yā kəsa ō, ni a ənge man̄ kə́ yā ka̰ȳ ō.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

IJAI 35:7

Nán̄g ngárə̄ḿnjēý kə́ təngā a tél dang man̄ kə́ bo, nang kə́ kəndā man̄ a rāā de gə̄ tū tə́ a tél gō nang kə́ man̄ gə̄ a əɓan̄ nang tə́ tū tə́. Loo ń kété tal̄ gə̄ rāān̄ ɓē tū tə́ ní, mu tə̄ɓā ō mu papirus ō a əɓan̄ tū tə́.

IJAI 32:2

Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

IJAI 4:6

tītə̄ dɔ kújə́ kə́ rāā kə mbī kāgə̄ gēé kadə̄ rāā ndíl kadaá dan ń mbang a ɔsə tə́ ní. Ni a rāā rɔ̄n i yá̰á̰ kə́ yā ndi gírí tə́ ō, loo ɓɔ̄ɔ̄ rɔ̄ tə́ ō, tām̄ yā nél man̄ kə́ əla kə ngangá ngá̰ý tə́ ō, tām̄ yā man̄ kə́ a edə tə́ ō.

IJAI 54:10

Mbal̄ bo gə̄ asən̄ ndɔ́tə̄, ngán mbal̄ gə̄ asən̄ ndɔ́tə̄ kaw̄ ra loo kə́ rang tə́, banī táŕ ń m-āwń tām̄ yāí tə́ ní, a tūr̄ aĺ bátə́, madə̄ naā ń m-ə́hɔ seí yā rāań kadə̄ rɔ̄í nelī ní, a ndɔ́tə̄ loo aĺ bátə́. I mā Kɔ́ɔ̄ɓē n kemḿ gḛyiī á m-ə́daī najə̄ ń noō ní.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

JA̰A̰ 6:35

Jeju tél ədadə́ na: I mā n i mápá kə́ nge rāā kadə̄ deē ndi kə kumneé ní. Nge ń reē rɔ̄ḿ tə́ anī, ɓō a rāān aĺ bátə́ ō, nge ń taā kemḿ anī, kəndā a rāān aĺ bátə́ ō.

IJAI 35:6

Ngé nja motə gə̄ a tḭ́ḭ̄n̄ bal tītə̄ jal̄ gə̄ beé ō, ngé gə̄ ń gír kəlā ndo̰də́ do̰ō̰ naā kɔ̄ɔ́ adə̄ nin̄ a ɔrə̄n̄ najə̄ aĺ ní, a teēn̄ tadə́ yā kədań najə̄ rɔ̄nel̄ yādə́. Man̄ a kə̄rā tiriri dəla loo tə́, bā gə̄ a nūgə́n̄ dɔ nang kə́ tutə tə́.

IJAI 41:17

Ngé rɔ̄ tō ndoō gə̄ ō, ngé ndoō gə̄ ō, sāān̄ man̄ banī əngen̄ alé. Kəndā man̄ rāā ndo̰də́ adə̄ tutə. I beé ní, mā Kɔ́ɔ̄ɓē m-ā m̄-daldə́, mā Nə́ɓā yā Israel, m-ā m-ə́yá̰də́ kɔ̄ɔ́ alé.

IJAI 43:19

Tām̄ m-ā m̄-rāā yá̰á̰ kógə̄ḿ kə́ kijə, yá̰á̰ ní a tɔgə i mbée kɔ̄ɔ́ ɓá. Sḭḭ̄ á̰a̰ī yá̰á̰ ní aĺ a? A̰á̰ā̰, m-ā m̄-njar róbə́ kógə̄ḿ kem dəla loo tə́. M-ā m̄-rāā kadə̄ bā gə̄ a nūgə́n̄ kem loo kə́ tutə kɔ̄ɔ́ tə́ ń toō.

IJAI 48:17

Najə̄ ń nge gān̄g dɔí, Kɔ́ɔ̄ɓē, Nə́ɓā kə́ táĺ yā Israel, əda ní n toó: Nə́ɓā yāí i mā Kɔ́ɔ̄ɓē. I yá̰á̰ kə́ majə tām̄ yāí tə́ tɔȳ gotə gə̄ n m̄-ndóōī ní. I mā n i nge kɔriī ta róbə dɔ róbə́ ń ā ī-njə̄rā tū tə́ ní.

IJAI 48:21

Kem dəla loo ń ni-ɔr̄ Israel gə̄ ta róbə tū tə́ ní, kəndā man̄ rāādə́ alé. Ni-rāā adə̄ man̄ teē tū mbal̄ tə́ tām̄ yādə́ tə́, ni njar mbal̄ ō, man̄ teē tū tə́ ō.

IJAI 51:14

Dəngáý ń əndā kemən dɔ yá̰á̰ kógə̄ḿ tə́ to̰ aĺ ní, a əya̰nən̄ dɔɔ́ ngɔr. Ni a oy kem kújə dəngáy yān tə́ aĺ ō, a nal̄ yá̰a̰ kəsa to̰ aĺ ō.

IJAI 52:12

Ń toō ɓáa ā āwī i kə ngɔ̄dɔ̄ɔ́ to̰ alé. Ā ī-teēī kɔ̄ɔ́ kem ɓēé i tītə̄ ngé ka̰ȳ naā gə̄ to̰ alé. Tām̄ i Kɔ́ɔ̄ɓē n i nge njə̄rā kété nosí tə́ ní, i Nə́ɓā yā Israel n i nge njə̄rā gōsí tə́ ní.

IJAI 54:8

Wōn̄g rāām̄ seí ngá̰ý, adə̄ m̄-mbātə́ ka̰a̰ī kum mbang kə́ sḛý beē tə́. Banī m-ɔ́jiī kemḿ kə́ gḛyiī kə táŕ kə́ ta tɔ̄l̄ tan gətóo. I mā Kɔ́ɔ̄ɓē, mā ń i nge taā kəya̰ī dɔɔ́ ní n m-ə́daī najə̄ ń noō ní.

IJAI 58:11

Kɔ́ɔ̄ɓē a tél nge kɔjiī róbə́ ngándáńg. Dəla loo tə́ gə̄gē ni a adī yá̰a̰ kəsa ō, a adī tɔ́gə gogə́ rang ō. Ā ī-to tītə̄ ndɔr̄ kə́ rāān̄ man̄ dɔ tə́ adə̄ man̄ asən beé, tītə̄ man̄ kə́ əɓa nang tə́ kə́ a nūgə́ ngándáńg beē.

IJAI 65:13

I tām̄ najə̄ ń toō tə́ n yá̰á̰ ń mā Kɔ́ɔ̄ɓē Nə́ɓā m-ə́dá ní n toó ní: Ngé gə̄ ń rāān̄ kəla adə̄mə̄n̄ ní, a əsan̄ yá̰a̰, banī sḭḭ̄ ɓō a rāāsí. Ngé gə̄ ń rāān̄ kəla adə̄mə̄n̄ ní, a a̰ȳn̄ yá̰a̰, banī sḭḭ̄ kəndā a rāāsí. Ngé gə̄ ń rāān̄ kəla adə̄mə̄n̄ ní, a ndin̄ dan rɔ̄nel̄ tə́, banī sḭḭ̄ rɔ̄sí a sɔl̄sí ngá̰ý.

JONAS 4:8

Ba dan ń mbang ḭḭ kə̄ dɔɔ́ anī, Nə́ɓā rāā adə̄ néĺ kógə̄ḿ kə́ təngā kə́ dūn̄ ɓē tə́ əla ō, mbang ɔsə dɔ Jonas ō, adə̄ na i ngɔr kadə̄ ni sitə̄ kɔ̄ɔ́. Loo ń noō tə́ Jonas ndə̄ngā yo, ni-əda na: m̄-gḛy i yo banī i ndi kə kumuú alé.

MISE 7:14

Kɔ́ɔ̄ɓē, ɔ́ŕ gír deē yāí gə̄ ta róbə kə kāgə̄ yāí ń ā ī-ngɔ̄məń yá̰a̰ kul̄ gə̄ ní. Nin̄ ndin̄ i kə kéŕdə́ dɔ nang kə́ tutə kɔ̄ɔ́ tə́. Kāgə̄ kə́ kan̄ gə̄ gīrə̄n̄ gidədə́. Ɔ́ŕdə́ ta róbə tītə̄ kə́ kété, āw̄ sedə́ dɔ mu gə̄ kə́ Basan tə́ ō, dɔ nang kə́ Galaad tə́ ō!