IJAI 48:9 - Bibəl ta Sar̄

⁹ M-ə́hɔ rɔ̄ḿ dɔ wōn̄g tə́ i najə̄ yā rīḿ tə́. m̄-nujə seí alé i najə̄ yā rī ɓār̄ yāḿ tə́ ō, majə yāí tə́ ō.

Bible sar

⁹ M-ə́hɔ rɔ̄ḿ dɔ wōn̄g tə́ i najə̄ yā rīḿ tə́. m̄-nujə seí alé i najə̄ yā rī ɓār̄ yāḿ tə́ ō, majə yāí tə́ ō.

IJAI 48:9 Referans Kwoze

IJAI 37:35

M-ā m̄-ngɔ̄m̄ ɓē ń toō ō, m-ā m-ájən ō. M-ā -m̄-rāā yá̰á̰ ń noō i tɔdɔ̄ mā i Nə́ɓā ō, m̄-rā dɔ ndūḿ tə́ kə nge kəla yāḿ Dabid ō.

PĀ GƏ̄ 143:11

Ā ī-rāām̄ kadə̄ m̄-ndi kə kumḿ, tɔdɔ̄ ḭ̄ i Kɔ́ɔ̄ɓē. Ā ī-teē seḿ kɔ̄ɔ́ dan wur kɔl kə́ əsō dɔḿ tə́, kə ta kūl̄ háĺ kə́ gōtə́ yāí.

PĀ GƏ̄ 106:8

Ba ni ajədə́ tām̄ yā rīn tə́, ajədə́ i yā kɔjəń tɔ́gən.

PĀ GƏ̄ 79:9

Nə́ɓā kə́ nge kajəjí, ī-rāā sejí ādə̄ de gə̄ tɔ̄ȳn̄neé rīí. Tām̄ yā rī ɓār̄ yāí tə́ ní, ī-gān̄g dɔjí ō, ə̄ndā njaí dɔ yá̰á̰ kə́ majaĺ gə̄ ń jə-rāā tə́ ní ō.

PĀ GƏ̄ 78:38

Ɓá tā ba ni ń kumən o̰o̰n kə de gēé ní, lōō gír tɔ̄l̄də́ malang kɔ̄ɔ́ tə́ ba ɔr̄ majaĺ yādə́ kɔ̄ɔ́ ō, lōō gír rāā wōn̄g sedə́ tə́ nja i ngá̰ý ō, adə̄ wōn̄g rāān dɔdə́ tə́ aĺ ō,

EJEKIEL 20:44

Sḭḭ̄ ngán Israel gə̄, m-ā m-ə́wá gíŕ háĺsí aĺ ō, m-ā m-ə́wá gíŕ yá̰a̰ rāāsí kə́ majaĺ gə̄ aĺ ō. Banī yá̰á̰ m-ā m̄-rāā sesí ní, m-ā m̄-rāā i rāā kə́ ā ī-rɔȳmī najə̄n tə́. Loo ń noō tə́ ā ī-gerī kadə̄ Kɔ́ɔ̄ɓē i mā. Yá̰á̰ ń Kɔ́ɔ̄ɓē Nə́ɓā əda ní n noó.

EJEKIEL 20:22

Banī ré m̄-rāā yá̰á̰ ń noō aĺ anī, i tām̄ yā rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

EJEKIEL 20:14

Banī m̄-rāā yá̰á̰ ní alé tām̄ rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

JEREMI 14:7

Ré majaĺ yājí gə̄ ənīn̄ najə̄ dɔjí tə́ anī, ī-rāā yá̰á̰ ń sɔɔ̄ kadə̄ ī-rāā ní ādə̄ de gə̄ tɔ̄ȳn̄neé rīí. jə-mbātíī kə̄ nja naā tə́, adə̄ kə́ rɔ̄kum tə́ ní, jə-rāā yá̰á̰ kə́ gōtə́ aĺ seí.

IJAI 48:11

Ré m̄-rāā yá̰a̰ beé anī, i najə̄ yāḿ mā tə́ ngóy. Tām̄ mā m̄-ndigə kadə̄ tájə̄mə̄n̄ alé. m̄-ndigə kəya̰ kɔsə gɔn yāḿ kadə̄ de kə́ rang alé.

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

PĀ GƏ̄ 25:11

Kɔ́ɔ̄ɓē, i tām̄ yā rīí tə́ n ā ī-mā̰yń rɔ̄í dɔ yá̰á̰ kə́ gōtə́ aĺ yāḿ kə́ ngá̰ý tə́ ní?

1 SAMUEL 12:22

Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

EJEKIEL 20:9

Ɓá tā banī m̄-rāā yá̰á̰ ní alé i najə̄ yā rīḿ tə́. m̄-ndigə kadə̄ nápar de gə̄ ń kaasí gə̄ ndin̄ dandə́ tə́ ní kídə̄mə̄n̄ alé. Tām̄ dan ń m̄-rāań adə̄ ngán Israel gə̄ a̰a̰ ger̄mə̄n̄ yā kadə̄ m̄-teēń sedə́ kɔ̄ɔ́ dɔ nang kə́ Ejiptə tə́ ní, de gə̄ ní a̰a̰mə̄n̄ majə ngá̰ý.

Gōsə̄ najə̄ gə̄ 19:11

De kə́ ger̄ najə̄ rāā wōn̄g láẃ alé, yá̰á̰ kə́ to kɔsə gɔn yān i kəndā njan dɔ yá̰á̰ kə́ gōtə́ aĺ kə́ deē rāā seneé tə́.

JOJUE 7:9

Kanaan gə̄ kə de gə̄ malang kə́ dɔ nang ń toō tə́ a oōn̄, adə̄ nin̄ a əndān̄ rɔ̄də́ naā tə́ yā reē rɔ̄ɔ̄jí, a tɔ̄lə̄njí kɔ̄ɔ́ malang. Ní ā ī-rāā i ba̰ý n de gə̄ a ger̄nneé rīí kə́ to kɔsə go̰n ngá̰ý ní?

IJAI 65:8

Najə̄ ń Kɔ́ɔ̄ɓē əda ní n toó: Dan ń deē ənge dɔ bəra nduú kə́ kərē majanī, de gə̄ ədan̄ na: Ī-lōōī nujəń kɔ̄ɔ́ na kasən a nel̄ rɔ̄kum. M-ā m̄-rāā beé ō, najə̄ yā ngé gə̄ ń rāān̄ kəla adə̄mə̄n̄ tə́ ní. Mā m̄-nujəń malang alé.

EJEKIEL 36:21

Dan ń m-á̰á̰ yá̰á̰ ń toō ní tōrə̄m̄ ngá̰ý. De gə̄ kídə̄n̄ rīḿ kə́ táĺ dɔ nang yā nápar de gə̄ tə́ najə̄ yā Israel gə̄ ń reēn̄ ɓēé loodə́ ní tə́.