IJAI 48:6 - Bibəl ta Sar̄

⁶ Yá̰á̰ m-ə́da najə̄n kété ní sḭḭ̄ ōōī ō, á̰a̰ī kadə̄ yá̰á̰ ní reē ugə̄ ō. Ā á̰a̰ī yā ger̄ kadə̄ i yá̰á̰ ní aĺ a? Əla gír ngɔr ń toō tə́ ní, m-ə́da najə̄ yā yá̰á̰ kə́ kijə gə̄ kété. m̄-ngɔ̄m̄də́ loo ɓɔ̄ɔ̄ rɔ̄ tə́ ō, ī-gerīdə́ aĺ ɓáý ō.

Bible sar

⁶ Yá̰á̰ m-ə́da najə̄n kété ní sḭḭ̄ ōōī ō, á̰a̰ī kadə̄ yá̰á̰ ní reē ugə̄ ō. Ā á̰a̰ī yā ger̄ kadə̄ i yá̰á̰ ní aĺ a? Əla gír ngɔr ń toō tə́ ní, m-ə́da najə̄ yā yá̰á̰ kə́ kijə gə̄ kété. m̄-ngɔ̄m̄də́ loo ɓɔ̄ɔ̄ rɔ̄ tə́ ō, ī-gerīdə́ aĺ ɓáý ō.

IJAI 48:6 Referans Kwoze

JEJU TEĒ KUM JA̰A̰ 4:1

Gō yá̰a̰ gə̄ ń noō tə́ anī, yá̰á̰ ń m-á̰a̰ā̰ ní n toó: Teēn̄ ta róbə́ kógə̄ḿ dɔ rā̰ tə́, anī deē ń ɔr̄ najə̄ seḿ ta kəga dɔ á ndūn ɓār̄ tītə̄ kōō bərúnjə adə̄ m-ōō ní, əda na: Āl̄ kə̄ laā ādə̄ m-ɔ́jiī yá̰á̰ ń a rāā yā rāā yá̰a̰ gō tə́ ní.

IJAI 42:9

Yá̰á̰ kə́ ta kəga dɔ gə̄ rāān̄ yá̰a̰ kɔ̄ɔ́ ɓá. Ngɔlaā ní m-ə́dásí najə̄ yā ngé kə́ kijə gə̄ ń a reēn̄ ní. M-ə́dásí najə̄n adə̄ ī-gerī kété pá tá kadə̄ rāān̄ yá̰á̰ ɓáý.

MATIYE 10:27

Najə̄ ń m-ə́dásí kum til tə́ ní, ə́daī loo kə́ kadaá tə́ ō, najə̄ ń kɔdə̄n̄ ta mbīsí tə́ ní, ə̄nīī kə́ mbēr̄ tə́ dɔ kújə tə́ dɔɔ́ ō.

IJAI 43:19

Tām̄ m-ā m̄-rāā yá̰á̰ kógə̄ḿ kə́ kijə, yá̰á̰ ní a tɔgə i mbée kɔ̄ɔ́ ɓá. Sḭḭ̄ á̰a̰ī yá̰á̰ ní aĺ a? A̰á̰ā̰, m-ā m̄-njar róbə́ kógə̄ḿ kem dəla loo tə́. M-ā m̄-rāā kadə̄ bā gə̄ a nūgə́n̄ kem loo kə́ tutə kɔ̄ɔ́ tə́ ń toō.

1 KORḚNTƏ 2:9

Banī tītə̄ ń makətūbə̄ yā Nə́ɓā ədań ní, ndangən̄ na: I yá̰á̰ kə́ kum deē a̰ā̰ aĺ ō, mbī deē oō aĺ ō, deē gír̄ dɔ tə́ aĺ ō n Nə́ɓā əndā dɔ danaá tām̄ yā ngé gə̄ ń tárnən̄ tə́ ní.

KƏLA RĀĀ 1:8

Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

JA̰A̰ 15:15

m̄-ɓāŕsí ngé kəla gə̄ to̰ alé, i tɔdɔ̄ nge kəla ger̄ yá̰á̰ ń kɔ́ɔ̄n a rāā ní alé. Banī m̄-ɓāŕsí kə́ra madə́ḿ gə̄ i tɔdɔ̄ m-ɔ́jə́sí yá̰a̰ malang ń m-ōō ta Bɔbə́ḿ tə́ ní.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

JEREMI 2:31

Sḭḭ̄ de kə́ kōnīí laā gə̄, ə̄ndāī ma̰y najə̄ yā Kɔ́ɔ̄ɓē. Mā m̄-tél dəla loo tām̄ yā Israel tə́ a? Aké ɓē yā loo kə́ ndɔ̄ɔ́ kə́ risə til nding a? I tām̄ rí tə́ á ngé kə́ dan gír deē yāḿ gə̄ tə́ ədan̄ na: Jḭḭ j-aw̄ loo nəkɔ́ ń jə-gḛy kaw̄ tū tə́ ní ō, Jḭḭ j-a jə-tél j-aw̄ rɔ̄í tə́ to̰ aĺ ō ní?

IJAI 21:10

Gír deē yāḿ gə̄, sḭḭ̄ ń əndan̄sí tītə̄ loo kənda kōō gémē beé ndágə looó ní, yá̰á̰ ń m-ōō rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ ní, ni ń i Nə́ɓā yā Israel ní, n noó. I najə̄ kə́ kijə ń m̄-reē kədaī tə́ ní.

PĀ GƏ̄ 119:13

Najə̄ gə̄ malang ń ə́dá ní, mā m-úńdə́ kə dɔḿ malang.

PĀ GƏ̄ 107:43

De kə́ nge kum kedə̄ a əndā kumən gíŕ yá̰a̰ gə̄ ń noō tə́ malang ō, a ger̄ kem majə yā Kɔ́ɔ̄ɓē ō.

JEJU TEĒ KUM JA̰A̰ 1:19

I beé ní, yá̰a̰ gə̄ ń á̰á̰də́ kɔ̄ɔ́ ō, yá̰a̰ gə̄ ń ā á̰á̰də́ toō ō, yá̰a̰ gə̄ ń a utə̄n̄ gōdə́ ɓáý ō ní, ī-ndangdə́ makətūbūú.

MISE 6:9

Kɔ́ɔ̄ɓē ɔr̄ najə̄ kə de gə̄ ń ndin̄ kem ɓē kə́ bo tə́ ní. Ngé gə̄ ń ɓōlə́n̄ ndílən ní, ni a ajədə́. Sḭḭ̄ de gə̄ kə́ gír ɓē yā Juda tə́ ō, sḭḭ̄ malang ń ī-kánī naā kem ɓē kə́ bo tə́ ní ō, ōōī!

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

IJAI 48:7

I yá̰á̰ kə́ jóo gə̄ alé, i ngɔlaā n m-ā m̄-rāā yá̰a̰ gə̄ ní. Bátə́ ɓōólaā ní, sḭḭ̄ ōōī najə̄ yá̰a̰ gə̄ ní alé. Kété ní m̄-gḛy kadə̄ sḭḭ̄ ə́daī najə̄ ń toō alé: J-oō kété kɔ̄ɔ́.

JEREMI 33:3

Ī-ɓārə́m̄ anī, m-ā m̄-ndigiī, m-ā m-ɔ́jiī yá̰á̰ kə́ bo ngá̰ý gə̄ kə́ ton̄ loo ɓɔ̄ɔ̄ rɔ̄ tə́, i yá̰a̰ gə̄ kə́ ī-ger̄ aĺ ɓáý.

IJAI 42:8

Mā i Kɔ́ɔ̄ɓē, rīḿ n noó. M-ā m-ún kɔsə gɔn yāḿ yā kadə̄ de kə́ rang alé. M-ā m-ə́ya̰ tɔ̄ȳ kə́ tām̄ yāḿ tə́ yā kadə̄ yá̰á̰ kə́ tɔ́sə̄ kum gotə nə́ɓā kə́ rɔ̄kum aĺ gə̄ alé.

IJAI 42:20

Ḭ̄ gír de gə̄ yā Israel, ḭ̄ á̰á̰ yá̰a̰ gə̄ ngá̰ý, banī yá̰á̰ kógə̄ḿ kə́ ndi dɔí tə́ gətóo. Mbīí gə̄ i mbī kə́ majə gə̄, banī ḭ̄ ōō yá̰á̰ kógə̄ḿ alé.