IJAI 48:2 - Bibəl ta Sar̄

² Tá sḭḭ̄ ā ī-ɓāríī naā na i ngé ndi kem ɓē kə́ táĺ tə́ gə̄ ō, ā ə̄ndāī tɔ́gə́sí i dɔ Nə́ɓā yā Israel ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní tə́ ō. Sḭḭ̄ ōōī najə̄ ń toō:

Bible sar

² Tá sḭḭ̄ ā ī-ɓāríī naā na i ngé ndi kem ɓē kə́ *táĺ tə́ gə̄ ō, ā ə̄ndāī tɔ́gə́sí i dɔ Nə́ɓā yā *Israel ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní tə́ ō. Sḭḭ̄ ōōī najə̄ ń toō:

IJAI 48:2 Referans Kwoze

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

Makətūbə̄ ń Pol ndang adə̄ Rom gə̄ ní 2:17

Ḭ̄ ń rī Jipə ɓār̄ dɔí tə́ ní, ə̄ndā tɔ́gí dɔ ndū najə̄ tə́ ō, ɔ́jə rɔ̄í najə̄ yā Nə́ɓā yāí tə́ ō,

IJAI 52:1

Siyo̰, ī-ndól̄, ī-ndól̄! Ɔ́jə́ tɔ́gí! Jerusalem, ɓē kə́ táĺ, ī-tə́la kūbə̄ yāí kə́ majə ngá̰ý gə̄ rɔ̄í tə́! Tām̄ kəja mɔtədə́ aĺ gə̄, de kə́ yḛr gə̄, a reēn̄ looí to̰ aĺ i kə́ bátə́ gə̄ tə́.

IJAI 10:20

Kem ndɔ̄ɔ́ ń noō tə́ ní, gotə Israel gə̄, ngé teē ta yo tə́ gə̄ kə́ gír kojə yā Jakob tə́ a lōōn̄ gír kəndā tɔ́gə́də́ dɔ nge ń i nge kəndadə́ tə́ ní: Nin̄ a əndān̄ tɔ́gə́də́ rɔ̄kum i dɔ Kɔ́ɔ̄ɓē ń i kə́ táĺ yā Israel ní tə́.

MATIYE 27:53

Nin̄-teēn̄ kɔ̄ɔ́ bāá ɓádə gə̄ tə́. Dan ń Jeju ń oy ní ndól̄ anī, nin̄-udən̄ Jerusalem ń i ɓē kə́ táĺ ní tə́, adə̄ de gə̄ ngá̰ý a̰a̰n̄də́.

JEREMI 21:2

Ōō najə̄ ta Kɔ́ɔ̄ɓē tə́ tām̄ yājí tə́, tɔdɔ̄ Nabukodonosor, mban̄g kə́ Babilon ənījí rɔ̄ɔ̄, majanī Kɔ́ɔ̄ɓē a tél yā rāā yá̰á̰ kə́ yáā yān kógə̄ḿ tām̄ yājí tə́, yā tə̄ɓānneé kə gérger yānneé. Tā anī, Kɔ́ɔ̄ɓē ɔr̄ najə̄ kə Jeremi.

JEJU TEĒ KUM JA̰A̰ 22:19

Najə̄ kə́ kem makətūbə̄ ń toō tə́ ń i najə̄ kə́ Nə́ɓā əndā ta nge koō ta tə́ ní, ré deē kógə̄ḿ ɔr̄ yá̰á̰ kə́rēý tū tə́ kɔ̄ɔ́ anī, ndū kə́ kənī gə̄ ń ton̄ kem makətūbə̄ ń toō tə́ ní, Nə́ɓā a ɔr̄ dāmə̄n yā kɔ́ɔ̄ kɔ̄ɔ́ ō. Ni a əsa kan̄ kāgə̄ ndi kə kumuú ní aĺ ō, ni a udə kem ɓē yā Nə́ɓā tə́ aĺ ō.

JEJU TEĒ KUM JA̰A̰ 21:2

Anī m-á̰a̰ ɓē yā Nə́ɓā ń i Jerusalem kə́ kijə ní, ḭḭ dɔ rā̰ tə́ a risə kə̄ nang tə́. Ni-majə ngá̰ý tītə̄ dəyá̰ kə́ súū rɔ̄n tām̄ yā ngaan tə́ beē.

JEJU TEĒ KUM JA̰A̰ 11:2

Kə m-ə́yá̰ ndágə loo kə́ gīr̄ gidə kújə yā Kɔ́ɔ̄ɓē, ba kə m̄-lōō mbɔ̄jə́. Tām̄ na adə̄n̄ de gə̄ kə́ nin̄ i Jipə aĺ gə̄ ta róbə́ tə́ɓā ɓē kə́ táĺ njadə́ tə́ nāā kutə sɔ́ gidə i jōó.

MATIYE 4:5

Anī diabəl aw̄ seneé Jerusalem ń i ɓē kə́ táĺ ní tə́, əndān jam kújə yā Kɔ́ɔ̄ɓē tə́ dɔɔ́, ba ədan na:

DANIEL 9:24

Gāngə̄n̄ ɓāl̄ sīrí dɔ gír deē yāí gə̄ tə́ ō, dɔ ɓē yāí kə́ táĺ tə́ ō, yā rāań kadə̄ gír mbātə́ najə̄ gān̄g, kadə̄ gír rāā yá̰á̰ kə́ majaĺ gān̄g ō, kadə̄ Nə́ɓā mā̰yń rɔ̄n dɔ majaĺ gə̄ tə́ ō, kadə̄ yá̰á̰ kə́ gōtə́ kə́ ngándáńg ɔjəń rɔ̄n kə̄ ndágá ō, kadə̄ yá̰á̰ kə́ ka̰ā̰ ō najə̄ ń nge koō ta əda ní ō reē udən̄neé gíŕ kə́ rɔ̄ tə́ ō, kadə̄ urən̄neé yibə̄ dɔ loo kə́ táĺ ngá̰ý tə́ ō.

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

IJAI 51:13

Dɔí ndígə̄nal Kɔ́ɔ̄ɓē. Tá i ni n rāāī ní. I ni n teē kem dɔ rā̰ ō, əndā dɔ nang dɔ gír gisən gə̄ tə́ ō ní. Ḭ̄ ī-ndebə ndebə ɓōĺ kanjə̄ dəba, najə̄ wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ tə́ tə́, tītə̄ kə́ ni-ndi dɔ rɔ̄n tə́ kɔ̄ɔ́ yā nujə seí beē. Banī wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ ní i rá ngɔlaā?

IJAI 47:4

Rī nge kɔr̄jí ɓəloó na i Kɔ́ɔ̄ɓē kə́ bo kə́ tɔ́gən i ngá̰ý, kə́ táĺ yā Israel.

PĀ GƏ̄ 87:3

Ḭ̄ i ɓē bo yā Nə́ɓā, ɔjən̄ gotə najə̄ kə́ to kɔsə gɔn gə̄ dɔí tə́!

PĀ GƏ̄ 48:1

I pā yā ngán Kore gə̄.

NEHEMI 11:18

Ngán Lebi gə̄ malang ń ndin̄ kem ɓē kə́ táĺ tə́ ní i deē 284.

NEHEMI 11:1

Ngār gə̄ yā ngán Israel gə̄ ndin̄ i Jerusalem. Gotə de gə̄ ń na̰yn̄ ní ré de gə̄ i kutə anī, túgə̄n̄ wə̄lā ɔr̄ə̄nneé deē kógə̄ḿ danaá kadə̄ aw̄ ndi Jerusalem ń i ɓē kə́ táĺ ní tə́, ba gotə kə́ ndōhó gə̄ a ndin̄ i kem ngán ɓē kə ndágá gə̄ tə́.

NGÉ SARYA 17:13

Mika əda na ngɔlaā ní nan-ger̄ kadə̄ Kɔ́ɔ̄ɓē a rāā majə seneé tɔdɔ̄ ngōn̄ Lebi ń toō na tél nge tun̄ yá̰a̰ yān.

JEREMI 44:26

I beé ní, sḭḭ̄ Juda gə̄ ń ī-ndiī Ejiptə ní ōōī najə̄ yā Kɔ́ɔ̄ɓē: m̄-túbə kə rīḿ kə́ boó kadə̄ najə̄ ń na Kɔ́ɔ̄ɓē ndi noó kə kumneé ní, Juda kógə̄ḿ kə ndi gō nang kə́ Ejiptə a əda tan tə́ to̰ aĺ i kə́ bátə́ gə̄ tə́.

IJAI 51:15

Nə́ɓā yāí i mā Kɔ́ɔ̄ɓē. I mā n i nge pukə́tū bā bo ō, nge rāā kadə̄ kōō bəngál bā gə̄ ɓārə̄n̄ bu bu ō ní. Rīḿ mā i Kɔ́ɔ̄ɓē kə́ bo kə́ tɔ́gən i ngá̰ý.