IJAI 48:19 - Bibəl ta Sar̄

¹⁹ Ngání gə̄ ō, ngán kaaí gə̄ ō ní, kutədə́ i ngá̰ý tītə̄ kutə nán̄g ngárə̄ḿnjēý kə́ ta bā bo tə́ beē. Rīdə́ a gətóo kɔ̄ɔ́ ta kumḿ tə́ aĺ i kə́ bátə́ gə̄ tə́.

Bible sar

¹⁹ Ngání gə̄ ō, ngán kaaí gə̄ ō ní, kutədə́ i ngá̰ý tītə̄ kutə nán̄g ngárə̄ḿnjēý kə́ ta bā bo tə́ beē. Rīdə́ a gətóo kɔ̄ɔ́ ta kumḿ tə́ aĺ i kə́ bátə́ gə̄ tə́.

IJAI 48:19 Referans Kwoze

IJAI 10:22

Tá Israel, ká ré kutə gír deē yāí gə̄ i ngá̰ý tītə̄ nán̄g ngárə̄ḿnjēý kə́ ta bā bo tə́ gə̄gē, i gotədə́ ń a na̰y ní ngóy n a tél yā reē rɔ̄ Kɔ́ɔ̄ɓē tə́ ní. Unən̄ ndūdə́ kɔ̄ɔ́ yā nujə loo. Yá̰a̰ rāā kə́ gōtə́ a taā loo tītə̄ man̄ beé.

Makətūbə̄ ń Pol ndang adə̄ Rom gə̄ ní 9:27

Ɓáý to̰ ní Ijai ɔr̄ najə̄ yā ngán Israel gə̄ ngeé ń noō kə ndū boó əda na: Ká ré kutə ngán Israel gə̄ asəń i kə kutə nán̄g ngárə̄ḿnjēý kə́ ta bā bo tə́ gə̄gē anī, i gotədə́ kə́ na̰y n a ənge kajə yā Nə́ɓā ní.

JEREMI 33:22

M-ā m̄-rāā kadə̄ ngán kaa nge kəla yāḿ Dabid ō, ngán kaa Lebi gə̄ ō ń i de kə́ bo yāḿ gə̄ ní, a bəlan̄ ngá̰ý tītə̄ tə́yō̰ gə̄ kə́ dɔ rā̰ tə́ gə̄ ō, nán̄g ngárə̄ḿnjēý kə́ ta bā bo tə́ ō ń deē asə tə́da aĺ ní.

SOPONI 1:4

M-ā m̄-rāā yá̰á̰ kógə̄ḿ kə dɔ nang kə́ Juda ō, kə de gə̄ malang kə́ kem ɓē kə́ Jerusalem tə́ ō. Gotə jī bēl̄ loo rāā ɓesə̄ Baal ń a na̰y ní ō, yá̰á̰ ń a rāā kadə̄ əga kem de gə̄ dɔ ngé tun̄ yá̰a̰ gə̄ yā nə́ɓā ń noō tə́ ní gə̄gē, m-ā m̄-rāā kadə̄ a gətóon̄ kɔ̄ɔ́ loo ń toō tə́.

IJAI 66:22

Najə̄ ń Kɔ́ɔ̄ɓē əda ní n toó: Dɔ rā̰ kə́ kijə ō, dɔ nang kə́ kijə ō ń m̄-rāā ní ran̄ ngan̄g ta kumḿ tə́. I beé ní, rīsí ō, ngán kaasí gə̄ ō ní, a gətóon̄ kɔ̄ɔ́ ta kumḿ tə́ aĺ i kə́ bátə́ gə̄ tə́.

IJAI 56:5

I beé ní, m-ā m-údə mbal̄ kógə̄ḿ tām̄ yādə́ tə́ kem kújə yāḿ tə́, kem ndogə̄ mbal̄ yāḿ gə̄ tə́, yā ndang rīdə́ dɔ tə́. Nge ń noō i yá̰á̰ kə́ majə tɔȳ ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō. Rī ń m-ā m-ə̄ndā dɔdə́ tə́ ní a to ngándáńg, deē a tɔ̄l̄ rī ní kɔ̄ɔ́ alé.

IJAI 48:9

M-ə́hɔ rɔ̄ḿ dɔ wōn̄g tə́ i najə̄ yā rīḿ tə́. m̄-nujə seí alé i najə̄ yā rī ɓār̄ yāḿ tə́ ō, majə yāí tə́ ō.

IJAI 14:22

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: M-ā m-ḭ́ḭ yā rɔ̄ɔ̄ Babilon gə̄. Rī ń na i Babilon ní ō, de kə́ kemeé gə̄ ń teēn̄ ta yo tə́ ní ō, ngáńdə́ gə̄ ō, ngán kaadə́ gə̄ ō ní, m-ā m̄-rāādə́ kadə̄ a gətóon̄ kɔ̄ɔ́.

IJAI 9:14

Kum kɔɔ̄ gə̄ ō, de kə́ bo gə̄ ō ní, nin̄ i dɔ gə̄. Ngé koō ta gə̄ kə ngé ndóō de gə̄ yá̰á̰ kə́ rɔ̄kum aĺ gə̄ ní, nin̄ i kə̄lá gə̄.

PĀ GƏ̄ 109:13

Ādə̄ tɔ̄lə̄n̄ ngánən gə̄ ō, ngán kaan gə̄ ō, kɔ̄ɔ́ malang. De kə́ gogə́ gə̄ ń a ojən̄də́ ní, ādə̄ rīn gətóo dandə́ tə́!

PĀ GƏ̄ 9:5

Tɔdɔ̄ ḭ̄ ī-rɔ̄ɔ̄ dɔḿ tə́ ō, ī-gān̄g sarya yāḿ ō. Ī-ndi dɔ kōr̄ kāgə̄ mbang yāí tə́, ḭ̄ i nge gān̄g sarya kə́ gōtə́.

1 MBAN̄G GƏ̄ 9:7

na n-a n-tə̄ɓā ngán Israel gə̄ dɔ nang ń n-adə̄də́ tə́ ní kɔ̄ɔ́ ō, na n-a n-mbātə́ kújə́ ń n-ɔr̄ kamə̄n tayā kadə̄ ɓārə̄n̄ rīn dɔ tə́ ní ō, adə̄ n-a n-əndā kumən dɔ tə́ to̰ alé. Adə̄ Israel a tél i mēlē tām̄ ō, kur̄ kəgō ō, yā gír de gə̄ malang.

RUTƏ 4:10

Tá Rutə kə́ nə̄yá̰ Malon ń i dəyá̰ kə́ Moab ní, m̄-taā ō. Adə̄ ni i nə̄yá̰ḿ kadə̄ m-únəń rī nge yo dɔɔ́, kadə̄ rīn ɓārəń dɔ yá̰á̰ kə́ gotən tə́ ō, kadə̄ rīn gətóoń kɔ̄ɔ́ dan ngákó̰o̰n gə̄ tə́ aĺ ō, loo sarya tə́ aĺ ō. Nge ń noō ní sḭḭ̄ i kə́ kum tə́ yāḿ ō.

JOJUE 7:9

Kanaan gə̄ kə de gə̄ malang kə́ dɔ nang ń toō tə́ a oōn̄, adə̄ nin̄ a əndān̄ rɔ̄də́ naā tə́ yā reē rɔ̄ɔ̄jí, a tɔ̄lə̄njí kɔ̄ɔ́ malang. Ní ā ī-rāā i ba̰ý n de gə̄ a ger̄nneé rīí kə́ to kɔsə go̰n ngá̰ý ní?

TA KƏLA 13:16

M-ā m̄-rāā kadə̄ ngán kaaí gə̄ i ngá̰ý tītə̄ nán̄g ngárə̄ḿnjēý, kadə̄ ré deē asə tə́dá nán̄g ngárə̄ḿnjēý təgā anī, kɔ́ɔ̄ a asə tə́dá ngán kaaí gə̄ təgā ō.

Makətūbə̄ yā Job 5:25

Ā á̰a̰ā̰ kadə̄ ngání gə̄ i ngá̰ý ō, ngán kaaí gə̄ a ton̄ tītə̄ mu kə́ dɔ nang tə́ ō.

IJAI 44:3

Tām̄ mā m̄-rāā kadə̄ man̄ a nūgə́ dɔ nang kə́ kəndā man̄ a rāān tə́ ō, m-ā m̄-rāā kadə̄ ngán man̄ gə̄ a nūgə́n̄ dɔ nang kə́ tutə tə́ ō. M-ā m̄-ɓōkə́ ndílə́ḿ dɔ ngání gə̄ tə́ ō, m-ā m̄-tɔ́r̄ taḿ dɔ ngán kaaí gə̄ tə́ ō.

IJAI 44:4

Nin̄ a əɓan̄ ō, a tɔgən̄ tītə̄ mu kə́ mbōl̄ kə́ ra kem bembeé beē ō, tītə̄ kāgə̄ gə̄ kə́ ran̄ kadə man̄ tə́ beē ō.

IJAI 54:3

Tɔdɔ̄ ā ī-taā loo geleé gē ko̰ó̰ gē, ɓē gə̄ ń kadií tə́ ní, ngání gə̄ a taān̄. Ɓē gə̄ ń nin̄ əya̰n̄ kɔ̄ɔ́ ní, nin̄ a télən̄ yā ndi tū tə́ gogə́.

NDŪ NAJƏ̄ 9:14

Ə́ya̰m̄ ādə̄ m̄-nujə sedə́ kɔ̄ɔ́ malang. M-ā m̄-rāā kadə̄ dɔ de gə̄ ndígə̄nal dɔ rīdə́ tə́ kɔ̄ɔ́ dɔ nang tə́. Ba m-ā m̄-rāāī ḭ̄ kadə̄ ī-téĺ nápar de gə̄ kə́ tɔ́gə́də́ ō, kutədə́ ō i ngá̰ý tɔȳ yādə́.