IJAI 48:14 - Bibəl ta Sar̄

¹⁴ Sḭḭ̄ malang, ɔ́siī dɔsí naā tə́ ba ōōī: M-āw̄ kə madə́ḿ kógə̄ḿ Ni-rāā yá̰á̰ ń m̄-ndigə ní kə ɓē kə́ Babilon, ni a rāā kadə̄ de kə́ Babilon gə̄ gerə̄n̄ gō tɔ́gə́ḿ. Ba dansí tə́ ní, i náā n əda najə̄ yā yá̰á̰ ń noō kété no tə́ ní?

Bible sar

¹⁴ Sḭḭ̄ malang, ɔ́siī dɔsí naā tə́ ba ōōī: M-āw̄ kə madə́ḿ kógə̄ḿ Ni-rāā yá̰á̰ ń m̄-ndigə ní kə ɓē kə́ *Babilon, ni a rāā kadə̄ de kə́ Babilon gə̄ gerə̄n̄ gō tɔ́gə́ḿ. Ba dansí tə́ ní, i náā n əda najə̄ yā yá̰á̰ ń noō kété no tə́ ní?

IJAI 48:14 Referans Kwoze

IJAI 43:9

Ādə̄ de kə́ kem ɓēé gə̄ kánə̄n̄ naā, ādə̄ nápar de gə̄ malang ɔsən̄ dɔdə́ naā tə́! Yá̰á̰ ń a rāā yá̰a̰ toó ní, i náā kə́ dandə́ tə́ n asə kəda kété no tə́ ní? I náā n asə kədají yá̰á̰ ń rāā yá̰a̰ kɔ̄ɔ́ ɓá ní? Ādə̄ nin̄ reēn̄ kə de gə̄ kə́ kum tə́ yādə́ gēé yā kɔjəń kadə̄ najə̄ i yādə́! Ādə̄ de kə́ kum tə́ yādə́ gə̄ ní oōn̄ najə̄ kɔr̄də́ ba ədan̄ na: I najə̄ kə́ rɔ̄kum!

IJAI 41:22

Ī-ndɔ́tī kə̄ kété ba ə́daījí yá̰á̰ ń a rāā yā rāā yá̰á̰ ní! Yá̰á̰ ń rāā yá̰a̰ kɔ̄ɔ́ ɓá ní i rí? Ɔ́jiī yá̰á̰ ní, anī j-a jə-gír̄ yá̰a̰ dɔ tə́. Aĺ ɓáa ə́daījí najə̄ kə́ dɔ taa kə́ ndɔ̄ń tə́, anī yá̰á̰ ń a rāā yā reē ní, j-a jə-ger̄.

IJAI 44:28

M-ɔ̄r̄ najə̄ yā Sirus m-ə́da na: Ni i nge kɔr no gír deē yāḿ gə̄. Ni a rāā kadə̄ yá̰a̰ malang ń m̄-ndigə ní teē majə. Ni a adə̄ ndūn kadə̄ tél rāān̄ ɓē kə́ Jerusalem gogə́, kadə̄ tél rāān̄ kújə́ yā Kɔ́ɔ̄ɓē gogə́.

IJAI 44:7

I náā ń asə seḿ? Deē ń asə seḿ ní ādə̄ kɔ́ɔ̄ əga mbēr̄ dɔ tə́, ādə̄ kɔ́ɔ̄ əda ō, ɔjəm̄ adə̄ m̄-ger̄ kum ō! Ādə̄ ni-əda yá̰a̰ gə̄ ń rāān̄ yá̰a̰ dan ń m̄-rāań gír de gə̄ kə́ ta kəga dɔ ní ō, yá̰á̰ ń a rāā yā rāā yá̰á̰ ní, ādə̄ ni-əda kété ō.

MARK 10:21

Jeju əndā kumən dɔn tə́ anī tárən, ba ədan na: Na̰yiī yá̰á̰ kógə̄ḿ ɓáý: Āw̄ ígə́ yá̰a̰ yāí malang ba ādə̄ ngé ndoō gə̄ narən, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba ré loo ń noō tə́ tā anī, ī-reē ba un gōḿ.

IJAI 13:19

Babilon ń i ɓē kə́ majə tɔȳ ɓē gə̄ kə́ kem ɓē ko̰o̰ tə́ ō, i yá̰á̰ súū rɔ̄ kə́ majə ngá̰ý yā de gə̄ kə́ Babilon ō ní, tām̄ yān tə́ ɓáa nujə sák sák ń a teē dɔn tə́ rétə́ gēé ní, i tītə̄ nge ń teē dɔ ɓē kə́ Sodom tə́ ō, Gomor tə́ ō ní, ɓē gə̄ ń noō ń Nə́ɓā nujəń kɔ̄ɔ́ ní.

IJAI 21:9

Á̰a̰ī, deē kógə̄ḿ a reē noó! Ndi i kem púsə rɔ̄ɔ̄ kə́ sə́nda gə̄ jōó unən̄ tə́. Ni əga kɔŕ, əda na: Ɓē kə́ Babilon əsō, ɓē kə́ Babilon əsō! Yá̰á̰ kə́ tɔ́sə̄ kum gotə nə́ɓā yān gə̄ ton̄ nang tə́ malang, tétə̄n̄ rárák kɔ̄ɔ́.

TA KƏLA 49:1

Jakob ɓāŕ ngánən gə̄ ədadə́ na kə ɔsən̄ dɔdə́ naā tə́ kadə̄ n-ədadə́ yá̰a̰ gə̄ ń, ndɔ̄ń tə́ anī, a reēn̄ dɔdə́ tə́ ní.

TA KƏLA 49:2

Ngán Jakob gə̄, ɔ́siī dɔsí naā tə́, ba ōōī najə̄ kɔr̄ bɔbə̄sí Israel.

IJAI 45:13

I mā n m̄-rāā kadə̄ dəngam ń noō ɔr̄ dɔɔ́ yā reē ní, i kə ta kūl̄ kun ndū kə́ gōtə́ ō, yá̰a̰ gə̄ ń dēsə́n̄ rɔ̄də́ non tə́ ɔgə̄nən̄ mān̄ ní, m-ā m̄-ró̰ȳdə́ kɔ̄ɔ́ ō. Jerusalem ń i ɓē yāḿ ní, i ni n i nge tél rāān gogə́ ní. De gə̄ yāḿ gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni a rāā kadə̄ nin̄ tél reēn̄ gogə́. Nin̄ a əgān̄ yá̰á̰ kógə̄ḿ aĺ ō, a adə̄n̄ yá̰á̰ kógə̄ḿ aĺ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

JEREMI 50:44

Tɔdɔ̄ i náā n to tītə̄ḿ mā ní? Tītə̄ ɓɔl kə́ al̄ bup teē dɔ gɔ́sə bā Jurdḛ tə́ yā kaw̄ kum kə̄ loo kə́ man̄ ra tū tə́ tə́ beē. M-ā m̄-rāā kadə̄ de gə̄ a̰ȳn̄ naā kɔ̄ɔ́ Babilon tə́ gidə kógə̄ḿ, m-ā m̄-bə̄gā ngé rɔ̄ɔ̄ kə́ balsáa gə̄ dɔn tə́. I nge kul̄ yá̰á̰ kə́ rá n a asə dum̄ taḿ mā ní?